Tag: دکی

دُکی : نرہن ندی کے علاقے سے 3 افراد کی گولیاں لگی لاشیں برآمد ہوئیں تاہم لاشوں کی منتقلی کیلئے ایمبولینسز روانہ کردی گئی ہیں۔

تفصیلات کے مطابق بلوچستان کے ضلع دُکی میں نرہن ندی کےعلاقے سے 3 افراد کی لاشیں ملی ہیں، لیویزذرائع نے بتایا کہ تینوں افراد کی لاشوں پرگولیوں کے نشانات ہیں تاہم لاشوں کی منتقلی کیلئےایمبولینسز روانہ کردی گئیں۔

گذشتہ ہفتے مردان میں کاٹلنگ کے علاقے بابوزئی کے پہاڑوں سے 4 لاشیں ملیں تھیں، پولیس نے بتایا تھا کہ جاں بحق افرادمیں تین سرکاری ملازمین اورایک مقامی باشندہ شامل ہیں۔

پولیس کا کہنا تھاکہ لاشیں اسپتال منتقل کرکے علاقے کا محاصرہ کرکے سی ٹی ڈی نے مقدمہ درج کرلیا تھا۔

مزید پڑھیں : بلوچستان کے ضلع نوشکی سے 4 افراد کی لاشیں برآمد

گذشتہ ماہ بلوچستان کے ضلع نوشکی سے چار افراد کی لاشیں ملی تھیں ، ضلعی انتظامیہ نے بتایا تھا کہ گلنگور سے ملنے والی چاروں لاشوں کی شناخت ہوگئی۔ چاروں افراد کو چند روز پہلے البت کےعلاقےسےاغوا کیا گیا تھا۔

جاں بحق ہونے والوں کی شناخت معین اور حذیفہ ، عمران علی اور عرفان علی کے نام سے ہوئی۔ چار میں سے 2 کا تعلق پاکپتن اور 2 کا رحیم یارخان سے ہے۔

کوئٹہ : بلوچستان کے ضلع دکی میں سی ٹی ڈی اور سیکورٹی فورسز  نے مشترکہ کارروائی میں 5 دہشت گرد ہلاک کردیے۔

تفصیلات کے مطابق بلوچستان کے ضلع دکی میں سیکورٹی فورسز اور سی ٹی ڈی نے انٹیلی جنس بیسڈ مشترکہ کاروائی کی۔

کارروائی کالعدم تنظیم سے تعلق رکھنے والے عسکریت پسندوں کی موجودگی کے حوالے سے خفیہ اطلاع پر کی گئی، قانون نافذ کرنے والے اہلکاروں کو دیکھ کر مشتبہ افراد نے فائرنگ شروع کر دی۔

حکام کا کہنا تھا کہ دکی ڈبر پہاڑ کے مقام پر آپریشن میں فائرنگ کے تبادلے میں 5 دہشت گرد مارے گئے، ہلاک دہشت گردوں کا تعلق کالعدم تنظیم سے تھا۔

حکام نے مزید بتایا کہ دہشت گرد کوئلہ کانوں، فورسز اور شہریوں پرحملوں میں ملوث تھے تاہم دہشتگردوں کی لاشیں دکی اسپتال میں ضروری کاروائی کے بعد کوئٹہ روانہ کردی گئی ہیں۔

سی ٹی ڈی کا کہنا تھا کہ کارروائی کی جگہ سے اسلحہ اور دھماکہ خیز مواد بھی برآمد ہوا ہے تاہم گروپ کے بقیہ نیٹ ورک اور ساتھیوں کا سراغ لگانے کے لیے مزید تفتیش جاری ہے۔

خیال رہے بلوچستان میں حالیہ مہینوں میں مزدوروں کو نشانہ بنانے کے واقعات میں اضافہ دیکھنے میں آیا ہے۔

صوبے کے دور دراز علاقوں میں متعدد واقعات رپورٹ ہوئے ہیں، جن کے نتیجے میں درجنوں افراد ہلاک اور متعدد افراد کو اغوا کیا گیا ہے۔