ARYNews.tv | Urdu – Har Lamha Bakhabar

Tag: دھاتی ستون

  • پُر اسرار دھاتی ستون چار دن بعد غائب ہو گیا (ویڈیو)

    پُر اسرار دھاتی ستون چار دن بعد غائب ہو گیا (ویڈیو)

    انقرہ: ترکی میں چار دن قبل نمودار ہونے والا پُر اسرار دھاتی ستون اچانک غائب ہو گیا۔

    تفصیلات کے مطابق ترکی کے قدیم ترین مقام پر پُر اسرار دھاتی ستون نمودار ہونے کے چار روز بعد غائب ہو گیا ہے، جس نے ماہرین کو پریشان کر دیا۔

    دنیا کے مختلف علاقوں میں نمودار ہونے والے پُر اسرار دھاتی ستونوں کا معمہ تاحال حل نہیں ہو سکا ہے، یہ ایک عالمی پہیلی بن چکی ہے، پر اسرار دھاتی ستون کہاں سے آتے ہیں اور کہاں چلے جاتے ہیں، کچھ معلوم نہیں کیا جا سکا ہے۔

    جمعے کو ترکی کے جنوب مشرقی صوبے سنیلورفا میں قائم دنیا کے قدیم ترین مندر کے قریب بھی پُر اسرار دھاتی ستون نمودار ہوا تھا جس کی لمبائی 10 فٹ کے قریب جب کہ چوڑائی تین فٹ 2 انچ تھی۔

    دھاتی پلر پر گوک ترک کے الفاظ کندہ تھے جس کا مطلب ہے کہ اگر چاند کو دیکھنا ہے تو آسمان کی جانب دیکھنا ہوگا۔

    اطلاع ملنے پر مقامی لوگ بڑی تعداد میں دھاتی پلر کو دیکھنے کے لیے آئے، کئی افراد اسے دیکھ کر خوف زدہ بھی ہوئے، مقامی لوگوں نے سرکاری محکمے سے رابطہ کر کے دھاتی پلر سے متعلق اطلاع دی، جس پر حکام نے وہاں سیکورٹی اہل کار بھی تعینات کیے۔

    ترکی میں نمودار ہونے والے اس دھاتی ستون کی تحقیق کے لیے ماہرین نے اس کے نمونے بھی لے لیے تھے، تاہم اب یہ ستون اچانک غائب ہو گیا ہے۔

  • ایک اور امریکی ریاست میں پراسرار دھاتی ستون نمودار

    ایک اور امریکی ریاست میں پراسرار دھاتی ستون نمودار

    واشنگٹن: امریکا کی ایک اور ریاست میں پراسرار دھاتی ستون نمودار ہوگیا، متعدد امریکی ریاستوں سمیت دنیا کے مختلف ممالک میں ان دھاتی ستونوں کے نمودار اور پھر غائب ہونے کا سلسلہ جاری ہے اور تاحال ان کی حقیقت معلوم نہیں ہوسکی۔

    امریکی میڈیا کے مطابق حال ہی میں نمودار ہونے والا ستون ریاست وسکونسن کے ایک پارک میں دیکھا گیا ہے، ایک ہائیکنگ ٹریل پر نصب یہ ٹکڑا 8 سے 9 فٹ طویل ہے۔

    اسے ہفتے کے روز وہاں ہائیکنگ کے لیے آنے والے افراد نے دیکھا جس کے بعد اسے دیکھنے کے لیے مقامی افراد اور میڈیا وہاں پہنچنا شروع ہوگیا۔

    خیال رہے کہ ایسا پراسرار دھاتی ستون سب سے پہلے گزشتہ برس نومبر میں امریکی ریاست یوٹاہ میں دیکھا گیا تھا، اس کے بعد مختلف امریکی ریاستوں اور دنیا کے دیگر ممالک میں بھی ان ستونوں کے نمودار اور غائب ہونے کا سلسلہ چل نکلا۔

    یہ ستون عموماً سلور رنگ کے ہوتے تھے تاہم جنوبی امریکی ملک کولمبیا میں سنہرے رنگ کا ستون دیکھا گیا، مقامی افراد کا کہنا تھا کہ یہ اب تک نمودار ہونے والے تمام ستونوں پر حکمرانی کرنے والا ماسٹر ہے۔

    اکثر افراد کا کہنا ہے کہ یہ ستون خلائی مخلوق یہاں نصب کر جاتے ہیں اور اب ان کی موجودگی کا خیال انہیں خوفزدہ کیے ہوئے ہے۔

    یہ پراسرار ستون سنہ 1968 کی مشہور سائنس فکشن فلم 2001 اے اسپیس اوڈیسے کی یاد دلاتی ہے۔ اس فلم میں بھی اسی طرح کا خلائی ستون دکھایا گیا تھا۔

  • پراسرار دھاتی ستونوں کے نمودار ہونے کا سلسلہ جاری

    پراسرار دھاتی ستونوں کے نمودار ہونے کا سلسلہ جاری

    دنیا بھر میں سنسنی پھیلانے والے دھاتی ستونوں کے نمودار اور غائب ہونے کا سلسلہ جاری ہے، ایک اور دھاتی ستون کولمبیا میں نمودار ہوگیا اور اس کی مزید پریشان کن بات یہ ہے کہ یہ دیگر ستونوں کے برعکس سنہرے رنگ کا ہے۔

    جنوبی امریکی ملک کولمبیا میں ایک سنہرے رنگ کا دھاتی ستون نمودار ہوگیا، یہ ستون کولمبیا کے ایک دیہی علاقے میں نمودار ہوا ہے۔

    اس ستون کی منفرد بات یہ ہے کہ یہ اس سے قبل نمودار ہونے والے ستونوں کے برعکس سنہرے رنگ کا ہے۔ مقامی افراد کا کہنا ہے کہ یہ اب تک نمودار ہونے والے تمام ستونوں پر حکمرانی کرنے والا ماسٹر ہے۔

    دوسری جانب یورپی ملک ہالینڈ میں ایک اور دھاتی ستون دکھائی دے گیا، یہ ستون دیگر ستونوں کی طرح سلور رنگ کا ہے۔

    یہ ستون دریا کنارے کچی مٹی میں نصب ہے، مقامی افراد کے لیے یہ بات حیران کن ہے کہ اس قدر وزنی ستون یہاں تک کیسے لایا گیا کیونکہ یہاں صرف پیدل چلنے کا راستہ موجود ہے۔

    یاد رہے کہ سب سے پہلا دھاتی ستون امریکی ریاست یوٹاہ کے صحرا میں نمودار ہونے کے بعد غائب ہوا تھا، بعد ازاں یورپی ملک رومانیہ میں بھی ایسا ہی ستون اچانک نمودار ہوا اور غائب ہوگیا۔

    اس کے بعد ایک اور امریکی ریاست کیلی فورنیا میں تیسرا ستون نمودار ہوا اور چند دن بعد وہ بھی غائب ہوگیا۔

    اکثر افراد یہ کہتے دکھائی دے رہے ہیں کہ یہ ستون خلائی مخلوق یہاں نصب کر گئی ہے اور اب ان کی موجودگی کا خیال انہیں خوفزدہ کیے ہوئے ہے۔

    امریکا اور رومانیہ میں نظر آنے والی یہ انوکھی چیز 1968 کی مشہور سائنس فکشن فلم 2001 اے اسپیس اوڈیسے کی یاد دلاتی ہے۔ اس فلم میں بھی اسی طرح کا خلائی ستون دکھایا گیا تھا۔

  • امریکا میں نمودار ہونے والا تیسرا پراسرار دھاتی ستون بھی غائب ہوگیا

    امریکا میں نمودار ہونے والا تیسرا پراسرار دھاتی ستون بھی غائب ہوگیا

    واشنگٹن: امریکی ریاست یوٹاہ اور رومانیہ کے بعد ریاست کیلی فورنیا میں اچانک نمودار ہونے والا پراسرار دھاتی ستون بھی پہلے 2 ستونوں کی طرح غائب ہوگیا۔

    امریکی میڈیا کے مطابق اچانک نمودار ہونے والے یہ ستون دنیا بھر کے لیے الجھن اور خوف کا باعث بنے ہوئے ہیں، حالیہ ستون امریکی ریاست کیلی فورنیا میں نمودار ہوا تھا اور اب وہ بھی وہاں سے غائب ہوچکا ہے۔

    مقامی میڈیا رپورٹ کے مطابق یہ ستون پائن پہاڑ پر بدھ کو اچانک نمودار ہوا تھا جس کے ساتھ مقامی سیاح تصاویر بنا کر سوشل میڈیا پر شیئر کر رہے تھے۔

    یہ آہنی ستون تکون تھا جس کی اونچائی 10 فٹ جبکہ چوڑائی 18 انچ تھی، یہ ستون ریاست یوٹاہ میں نظر آنے والے ستون سے الگ تھا اور یہ زمین سے بھی منسلک نہیں تھا جبکہ اس کا وزن 200 پاؤنڈ تھا جسے باآسانی ہلایا جاسکتا تھا۔

    اب یہ ستون بھی پہلے 2 ستونوں کی طرح غائب ہوچکا ہے۔

    یاد رہے کہ سب سے پہلا دھاتی ستون امریکی ریاست یوٹاہ کے صحرا میں نمودار ہونے کے بعد غائب ہوا تھا، بعد ازاں یورپی ملک رومانیہ میں بھی ایسا ہی ستون اچانک نمودار ہوا اور غائب ہوگیا۔

    اب کیلی فورنیا میں نمودار ہونے والا ستون تیسرا تھا۔

    اکثر افراد یہ کہتے دکھائی دے رہے ہیں کہ یہ ستون خلائی مخلوق یہاں نصب کر گئی ہے اور اب ان کی موجودگی کا خیال انہیں خوفزدہ کیے ہوئے ہے۔

    امریکا اور رومانیہ میں نظر آنے والی یہ انوکھی چیز 1968 کی مشہور سائنس فکشن فلم 2001 اے اسپیس اوڈیسے کی یاد دلاتی ہے۔ اس فلم میں بھی اسی طرح کا خلائی ستون دکھایا گیا تھا۔