Tag: دھاندلی کیس

لاہور: عمران خان کے احتجاج کی بڑھتی ہوئی مقبولیت اور این اے ایک سو پچیس میں دھاندلی کی نادرہ رپورٹ نے وفاقی وزیرخواجہ سعد رفیق کو بھی حواس باختہ کردیاوفاقی وزیر بھی غیر مہذب اور غیر پارلیمانی زبان پر اتر آئے۔

لاہور پریس کلب میں خواجہ سعد رفیق نے پریس کانفرنس کے دوران تہذیب اور اخلاق کو بالائے طاق رکھتے ہوئے سیاسی مخالفین کے خلاف کھل کر غیر مہذب زبان استعمال کی سعد رفیق نے کہا کہ مذاکرات کرنے والے کرتے رہیں جب تک تحریک انصاف کے رہنما سخت زبان استعمال کرتے رہیں گے تو وہ بھی خاموش نہیں رہیں گے۔

سعد رفیق نے کہا کہ لاہور میں مسلم لیگ کے کارکنان کو ہدایت کی گئی ہے کہ کل کوئی گھروں سے نکل کر سڑکوں پر نہ آئے اور سیاسی ماحول کشیدہ کرنے سے گریز کیا جائے انھوں نے کہا کہ کل لاہور میں تاجردکانیں کھولیں گے اور ٹریفک بھی چلے گی کسی نے قانون ہاتھ میں لینے کی کوشش کی تو قانون حرکت میں آئے گا۔

 ریلوے کی کرپشن اور اپنی نااہلی چھپانے کےلیےاے آر وائی نیوزکےرپورٹرز کو ہتھ کڑیاں لگانے اور اینکر پرسن اقرار الحسن کے خلاف مقدمات درج کروانے پر خواجہ سعد رفیق صحافیوں سے دبے لفظوں میں معذرت کرتے نظر آئے اور تسلیم کیا کہ ریلوے میں کرپشن ہے خواجہ سعد رفیق نے مگر مچھ کے آنسو روتے ہوئے کہا کہ انھیں دو رپورٹرز کو ہتھ کڑیاں لگنے پر دکھ ہے۔

لاہور : حلقہ این اے 125 میں متعدد پولنگ سٹیشنوں پر کئی افراد نے چھ چھ ووٹ بھی کاسٹ کیے نادرا نے دھاندلی کی تصدیق کر دی۔

نادرا کی جانب سے حلقہ این اے 125 کے پانچ پولنگ سٹیشنوں 5،6،98،107،110 کے متعلق پچاس صفحات پر مشتمل رپورٹ الیکشن ٹریبونل میں جمع کروائی گئی جس میں بتایا گیا کہ پانچوں پولنگ سٹیشنوں کے متعدد ووٹوں کی تصدیق نہیں ہو سکی بعض جگہوں پر ایک ایک شخص نے چھ چھ بار ووٹ بھی کاسٹ کیے ۔

 جعلی شناختی کارڈ پر ووٹ کاسٹ کیے گئےجس کی وجہ سے متعدد ووٹوں پر لگے انگوٹھوں کے نشانات کی تصدیق بھی نہیں ہوسکی جبکہ کاونٹر فائلوں میں پائے گئے شناخی کارڈ نمبر بھی جعلی پائے گئے ۔

 رپورٹ کے مطابق پانچوں پولنگ سٹیشنوں کے 1254 ووٹوں میں سے 280 ووٹ جعلی نکلے ۔ حلقہ این اے125 سے مسلم لیگ ن کے خواجہ سعد رفیق نے کامیابی حاصل کی تھی جس کے خلاف تحریک انصاف کے حامد خان نے دھاندلی کے الزامات کے تحت الیکشن ٹریبونل میں درخواست دائر کر رکھی ہے۔