لاہور: وزیراعلیٰ پنجاب شہبازشریف کا کہنا ہے کہ دھرنوں کی سیاست کرنے والے عوام کی ترقی کی مخالفت کررہے ہیں۔
تفصیلات کے مطابق وزیراعلیٰ پنجاب شہبازشریف کا کہنا ہے کہ دھرنا گروپ نے 4 سال میں عوام کا وقت برباد کیا، عام انتخابات میں احتجاجی عناصرکوایک بارپھرشکست ہوگی۔
وزیراعلیٰ پنجاب نے کہا کہ احتجاج اورانتشارکی سیاست ترقی کے لیے زہرقاتل ہے۔
شہبازشریف نے کہا کہ دھرنوں کی سیاست کرنے والےعوام کی ترقی کی مخالفت کررہے ہیں، یہ عناصرموجودہ دورمیں ملک کی تیزرفتارترقی سے خوفزدہ ہیں۔
وزیراعلیٰ پنجاب سےمحمود خان اچکزئی کی ملاقات
خیال رہے کہ گزشتہ روز وزیراعلیٰ پنجاب کا کہنا تھا کہ جمہوریت عوام کی خدمت کا نام ہے، نعروں، دعوؤں سے عوام کی خدمت نہیں ہوتی۔
شہبازشریف کا کہنا تھا کہ جمہوریت کے استحکام کے لیے ہرجماعت پرذمے داری ہے جبکہ پاکستان کی ترقی اور خوشحالی جمہوریت میں ہی مضمرہے۔
وزیراعلیٰ پنجاب کا کہنا تھا کہ پاکستان کے مفادات کے سامنے ذاتی مفادات کی حیثیت نہیں ہے، پاکستان کی ترقی وخوشحالی کے لیے ہرایک کواپنا کردارادا کرنا ہے۔
