لاہور: تحریک لبیک پاکستان نے حکومت کے ساتھ کامیاب مذاکرات کے بعد ملک بھر میں جاری دھرنے ختم کرنے کا اعلان کردیا۔

تفصیلات کے مطابق مطالبات منظورہونے کے بعد مذہبی جماعت تحریک لبیک پاکستان کی مجلس شوریٰ نے لاہور سمیت ملک کے دیگر شہروں میں دھرنے ختم کرنے کا اعلان کردیا۔

لاہور میں رات گئے پریس کانفرنس کے دوران مذہبی جماعت کے رہنما پیرافضل قادری نے دھرنے ختم کرنے کا اعلان کرتے ہوئے کہا کہ حکومت نے ہمارے خلاف درج مقدمات ختم کرنے کا اعلان کیا ہے۔

پیرافضل قادری کا کہنا تھا کہ راجہ ظفرالحق رپورٹ ہمارے حوالے کردی گئی ہے جس کے بعد دھرنا ختم کیا جارہا ہے۔

تحریک لبیک پاکستان کی جانب سے دھرنا ختم کرنے کے اعلان کے بعد موٹرویز، جی ٹی روڈ سمیت تمام شاہراوں پر ٹریفک بحال ہوگئی۔

پنجاب:‌ تحریک لبیک کا احتجاج جاری، معمولاتِ زندگی متاثر، ٹریفک نظام درھم برہم

خیال رہے کہ گزشتہ روز حکومت اور مذہبی جماعت کے رہنماؤں کے درمیان مذاکرات ناکام ہونے کے بعد لاہور، سیالکوٹ، ساہیوال، فیصل آباد، کراچی اور پشاور سمیت دیگر شہروں میں مختلف مقامات پر دھرنا دے دیا تھا۔

وزیرداخلہ احسن اقبال کا کہنا تھا کہ مذہبی جماعت کا جاری احتجاج بلا جواز ہے اور عوام کو تکلیف میں مبتلا کرنا دین اور سنت کی خلاف ورزی ہے، ختم نبوت ہرمسلمان کے ایمان کا جذبہ ہے۔

حکومت اورتحریک لبیک کے درمیان معاہدہ طے پا گیا

یاد رہے کہ گزشتہ سال نومبر میں حتم نبوت کے حلف نامے میں ترمیم کے معاملے پر مذہبی جماعت کی جانب سے 22 روز تک دھرنا دیا گیا تھا، وزیرقانون زاہد حامد کے استعفے اور معاہدے کے بعد دھرنا ختم کیا گیا تھا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

اسلام آباد : ترجمان پاکستان تحریک انصاف فواد چوہدری نے کہا ہے کہ پی ٹی آئی اور پی پی سمیت کل لاہورمیں تمام سیاسی جماعتیں اکٹھی ہوں گی تاہم کسی کو غلط فہمی نہ رہے کہ کوئی سیاسی اتحاد ہونے جا رہا ہے، عمران خان اور زرداری کے نظریات یکسر مختلف ہیں.

ان خیالا کا اظہار انہوں نے اسلام آباد میں پریس کانفرنس سے خطاب کرتے ہوئے کیا، فواد چوہدری کا کہنا تھا کہ سانحہ ماڈل ٹاؤن 2014 میں وقوع پذیر ہوا جب پولیس نے براہ راست فائرنگ کر کے نہتے عوام کو موت کے گھاٹ اتارا جنہیں تاحال انصاف نہیں مل سکا ہے.

انہوں نے کہا کہ سانحہ ماڈل ٹاؤن کے شہداء کے لواحقین کو انصاف دلوانے کے لیے تمام سیاسی جماعتیں طاہر القادری احتجاجی تحریک میں شامل ہوں گی تاہم اسے انتخابی اتحاد سے تعبیر نہیں کیا جائے، مظلوم کی حمایت ایک طرف لیکن پیپلز پارٹی اور تحریک انصاف کے نظریاتی اختلاف اپنی جگہ موجود ہیں.

فواد چوہدری نے احتجاج سے متعلق تفصیلات بتاتے ہوئے کہا کہ کل کے احتجاج کو 2 سیشن میں تقسیم کیا گیا ہے ایک سیشن میں عمران خان جب کہ دوسرے سیشن میں آصف زرداری آئیں گے اس لیے اسٹیج پر ان دونوں رہنماؤں کی بہ یک وقت موجودگی خارج از امکان ہے.

ترجمان پی ٹی آئی نے کہا کہ پاکستان عوامی تحریک کا احتجاج ایک روزہ ہے جہاں ریلی نہیں نکالی جائے گی بلکہ جلسہ عام منعقد کیا جائے گا اور اگر مطالبات نہ مانے گئے تو احتجاج کے دائرہ کار کو بڑھایا بھی جاسکتا ہے جو شہباز شریف کے مستعفی ہونے پر ہی ختم ہوگا.

فواد چوہدری نے کہا کہ اسپیکر قومی اسمبلی خود قصور سے ہیں جہاں درندگی کے 12 واقعات ہوئے اور جب عوام ڈی سی او کے خلاف احتجاج کے لیے نکلی تو پولیس کی براہ راست فائرنگ سے ہلاکتیں بھی ہوئیں جس سے ثابت ہوا کہ مسلم لیگ (ن) نے سانحہ ماڈل ٹاؤن سے کوئی سبق حاصل نہیں کیا.

ترجمان پی ٹی آئی نے کہا کہ سانحہ ماڈل ٹاؤن ہو یا قصور زیادتی کیس ہو، پنجاب حکومت مکمل طور پر ناکام ہو چکی ہے جہاں جعلی پولیس مقابلے ایک رواج بن چکے ہیں اور آج ہی پنجاب پولیس نے تین افراد کو مقابلے میں قتل کیا جن کے بارے میں کہا جا رہا ہے وہ زیادتی میں ملوث تھے.

خیال رہے کہ سربراہ پاکستان عوامی تحریک طاہر القادری نے اپنے ایک بیان میں کہا تھا کہ سانحہ ماڈل ٹاؤن کے شہداء کے لواحقین کو انصاف دلوانے کے لیے کل لاہور میں ہونے والے احتجاج میں عمران خان اور آصف زرداری ایک ساتھ اسٹیج پر موجود ہوں گے۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد : وزیرمملکت برائے اطلاعات ونشریات مریم اورنگزیب کا کہنا ہے کہ مسلم لیگ ن نے منشور پرسمجھوتہ نہ کرتے ہوئے وعدے پورے کیے۔

تفصیلات کے مطابق اسلام آباد میں احتساب عدالت کے باہر میڈیا سے گفتگو کرتے ہوئے وزیرمملکت مریم اورنگزیب نے کہا کہ ایک طرف سی پیک اوردوسری طرف کنٹینرسیاست جاری ہے۔

مسلم لیگ ن کی رہنما نے کہا کہ دہشت گردی، لوڈشیڈنگ کا خاتمہ کرنے پرکنٹینرزپرسیاست جاری ہے۔

وزیرمملکت برائے اطلاعات ونشریات مریم اورنگزیب نے کہا کہ ن لیگ نے منشورپرسمجھوتہ نہ کرتے ہوئے وعدے پورے کیے۔

انہوں نے کہا کہ نواز شریف سے محبت آپ نے چکوال الیکشن میں دیکھ لی، ہم عوامی خدمت پر یقین رکھتے ہیں۔

سمجھ نہیں آرہا میرے خلاف کیس کیا ہے، نوازشریف

واضح رہے کہ احتساب عدالت میں پیشی کےبعد میڈیا سے گفتگو کرتے ہوئے نااہل وزیراعظم نوازشریف نے کہا کہ سمجھ نہیں آرہا میرےخلاف کیس کیا ہے۔

مسلم لیگ ن کے صدر نوازشریف نے کہا کہ حکومت کی مدت پوری ہونے میں اب 4 سے5 ماہ رہ گئے ہیں، اب سمجھ نہیں آتا ان تحریکوں کا مقصد کیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد : وفاقی وزیر داخلہ احسن اقبال نے کہا ہے کہ دھرنوں سے نمٹنے کے لیے ایک ہزار پولیس اہلکاروں پر مشتمل نئی فورس تشکیل دی جائے گی جس کے لیے تین رکنی ٹیم تشکیل دے دی گئی ہے.

ان خیالات کا اظہار انہوں نے وزارت داخلہ کے اعلیٰ سطح کے اجلاس سے خطاب کرتے ہوئے کیا، وفاقی وزیر کا کہنا تھا کہ فیض آباد دھرنا آپریشن کا جائزہ لینے کیلئے سیکرٹری داخلہ کی سربراہی 3 رکنی کمیٹی تشکیل دی گئی ہے جو 2014 کے بعد دھرنوں سے نمٹنے کی پولیس صلاحیت کا جائزہ لے گی.

وفاقی وزیر داخلہ نے کہا کہ دھرنوں سے نمٹنے کیلئے خصوصی ٹیم جدید آلات اور صلاحیت سے لیس 1000 ماہر تربیت یافتہ پولیس اہلکاروں پر مشتمل ہوگی جس سے اسلام آباد پولیس کی ضروریات فی الفور پوری کی جائیں گی اور انہیں اعلیٰ خطوط پر استوار کیا جائے گا.

 فیض آباد دھرنا: وزیراعظم کی درخواست پر آرمی چیف نے ثالثی کا کردارادا کیا

انہوں نے کہا کہ عدالتی فیصلے کی روشنی میں اسلام آباد میں دھرنے بند ہونے چاہئیں کیوں کہ حالیہ دھرنے سے پاکستان کا عالمی امیج متاثر ہوا ہے اور داخلی طور پر ہم کمزور ہوئے ہیں اور سی پیک جو پاکستان کے لئے اس صدی کا تحفہ ہے اسے ناکام بنانے والوں کو اس دھرنےسے تقویت ملی.

وزیرداخلہ احسن اقبال نے کہا کہ ختم نبوت پر کوئی سمجھوتہ ہوا اور نہ ہی کوئی ایسا کرنے کا سوچ بھی سکتا ہے لیکن بعض گروہ نا دانستگی میں دشمنوں کا ایجنڈا بڑھانے کا ذریعہ بنے اگر یوں ہی نفرتوں کے بیج بوئے گئے تو کئی نسلیں نتیجہ بھگتیں گی نفرت پرمبنی رویوں کی بیخ کنی میں مددعلماکا فرض ہے گھروں پرحملوں کےمناظرشرمناک تھے.

اسلام آباد: سابق وفاقی وزیر داخلہ چوہدری نثار نے کہا ہے کہ احسن اقبال بے سروپا بیانات دینے سے گریز کریں، میرے گھر میں کسی کی ہلاکت تو دور کی بات کوئی شخص زخمی تک نہیں ہوا ہے.

ان کا خیالات کا اظہار انہوں نے اپنے ایک بیان میں وفاقی وزیر داخلہ اور اپنی جماعت کے ساتھی احسن اقبال کے بیان کے ردعمل میں دی جس میں کہا گیا تھا کہ چوہدری نثار کے گھر پر حملے کے دوران گھر سے ہونے والی فائرعنگ کے نتیجے میں ایک شخص ہلاک ہوگیا تھا۔

سابق وزیر داخلہ چوہدری نثار نے احسن اقبال کو مخاطب کرتے ہوئے کہا کہ یہ وہی موصوف ہیں جنہوں نے محض تین گھنٹے میں دھرنا ختم کرا کے علاقہ کلیئر کرانے کا دعوی کیا تھا لیکن جب ناکام ہوئے تو آپریشن کا بوجھ عدالت پرڈالنے کی مذموم کوشش کر رہے ہیں۔

انہوں نے کہا کہ موجودہ وزیر داخلہ احسن اقبال کے عہدے کا تقاضا تھا کہ وہ بہ طور انچارج اپنی انتظامیہ اور فورس کے ہمراہ کھڑا ہوتے لیکن بدقسمتی ہے کہ وہ اپنے منصب سے بے خبر ہیں۔

انہوں نے کہا کہ وزیر موصوف کو الزام تراشیوں کے بجائے اپنے کام پر توجہ دینا چاہیئے تاکہ اپنی ذمہ داریوں کو کما حقہ پورا کرسکیں اور آپریشن کے وقت اپنی ٹیم کا ہمراہ موجود ہوں نا کہ دفتر میں بیٹھ کر اجلاس پہ اجلاس کریں۔