اسلام آباد : تحریک انصاف کے سربراہ کا کہنا ہے کہ جب ادارے انصاف نہیں دے رہے تو احتجاج کرنا ہمارا حق بنتا ہے،ہمارا مطالبہ ہے کہ وزیراعظم استعفیٰ دیں یا خود کو احتساب کے لیے پیش کریں۔

ایک طرف عوام اوردوسری طرف کرپٹ مافیا ہےتفصیلات کے مطابق سربراہ تحریک انصاف عمران خان کا میڈیا سے گفتگو کرتے ہوئے کہنا تھا کہ ہمارا شروع دن مطالبہ رہا ہے کہ یا تو وزیر اعظم استعفی دیں یا خود کو احتساب کے لیے پیش کریں جب یہ مطالبہ نہیں مانا گیا تو ملک کے ہر مقتدر ادارے کے دروازے پر دستک دی لیکن کہیں بھی سنوائی نہیں ہوئی تو احتجاج کا فیصلہ کیا۔

انہوں نے کہا کہ بادشاہت نے ملک کے اداروں کو تباہ کردیا ہے ہمیں ملک کو کرپٹ حکمرانوں سے اور اداروں کو تباہی سے بچانا ہے جس کے لیے احتجاج کرنا ہمارا آئینی اور قانونی حق ہے۔

ایک سوال کے جواب میں سربراہ تحریک انصاف کا کہنا تھا کہ ہمارا کیس صرف پانامہ لیکس یا وزیر اعطم کی کرپشن کے خلاف ہی نہیں بلکہ ہمارا کیس اداروں کی میں بیٹھے درباریوں کے خلاف کے بھی ہے جو اداروں کی بدحالی کے ذمہ دار ہیں۔

اس لیے پانامہ لیکس پر سپریم کورٹ میں کیس چلتا رہے گا اور قصوروار کو سزا بھی ملے گی اور ہمارا احتجاج بھی ساتھ ساتھ جاری رہے گا کیوں کہ یہ احتجاج اداروں کی کارکردگی کے خلاف بھی ہے۔

عمران خان نے اپوزیشن جماعتوں کو تنقید کا نشانہ بناتے ہوئے کہا کہ ایک رہنما ہمیں سڑکوں پر نکلنے اور اسلام آباد بند کرنے سے منع کر رہے ہیں کیوں کہ یہ لوگ خود کرپت ہیں اس لیے ہمیں کرپٹ سیاست دانوں کے خلاف احتجاج نہ کرنے کا مشورہ دے رہے ہیں۔

حکومت کی جانب سے دفاعی حکمت عملی اپنانے کے بارے میں پوچھے گئے سوال کے جواب میں عمران خان نے کہا کہ جب ادارے انصاف نہیں دے رہے تو احتجاج کرنا ہماراحق ہے،کوئی کسی غلط فہمی نہ رہے اگر پُر امن احتجاج کو روکا گیا تو نتائج کی ذمہ دار خود حکومت ہو گئی۔

پاکستان تحریک انصاف کے چیرمین عمران خان نے ایک مرتبہ پھر دعوی کرتے ہوئے کہا کہ 2 نومبر کو عوام کا سمندر اسلام ٓباد میں موجود ہو گا اور سارے کرپٹ حکمرانوں کو بہا کر لے جائے گا،انصاف کے اداروں کو مفلوج کرنے والے حکمرانوں کا مقدمہ عوامی عدالت میں چلے گا اور عوام ہی دو نومبر کو کرپٹ حکمرانوں کو سزا سنائیں گے۔

اسلام آباد : پاکستان تحریک انصاف کے سربراہ کا کہنا ہے کہ 2 نومبر کی دوپہر 2 بجے سے دارالخلافہ کو بند کرنا شروع کردیں گے۔

عمران خان نے میڈیا سے بات کرتے ہوئے کہا کہ اسلام آباد کو 2 نومبر کو دوپہر 2 بجے سے لاک ڈاؤن کرنا شروع کردیں،دھرنا وزیر اعظم کے استعفیٰ تک جاری رہے گا،کوئی ہمارے پُرامن احتجاج کے سامنے نہ آئے ورنہ نتائج کا ذمہ دار خود ہوگا۔

اسی سے متعلق : پانامہ لیکس پر انصاف نہ ملا تو دھرنا ہوگا، عمران خان

عمران خان نے اسلام آباد کے شہریوں کو مخاطب کرتے ہوئے کہا کہ مجھے آپ کی پریشانی کا اندازہ ہے لیکن آپ کی چھوٹی قربانی سے ملک کو بڑا فائدہ ہوگا اور یہ آخری بار ہونے جا رہا ہے اس لیے پوری قوت اور ہمت کے ساتھ ہمارا ساتھ دیں۔

یہ پڑھیں : تیس اکتوبر کو صرف دھرنا نہیں دھرنا پلس ہوگا، عمران خان

انہوں نے مزید کہا کہ وزیراعظم کے خلاف پانامہ لیکس میں ثبوت پکرے گئے ہیں اب اس کے بعد کیا چارہ رہ جاتا ہے کہ یا تو وزیر اعظم استعفی ٰدیں اور اگر چوری نہیں کی تو پھرتلاشی دیں اور احتساب کے لیے خود کو پیش کریں۔

یہ بھی پڑھیں : عمران خان نے پانامہ لیکس کمیشن کے ٹی اوآرزمسترد کردیئے

عمران خان نے دھرنے کی تاریخ میں تبدیلی کی وجوہات سے متعلق پوچھے گئے سوال کے جواب میں کہا کہ وکلاء کے الیکشن کے باعث احتجاج کی تاریخ کو تبدیل کیا گیا جب کہ 30 اکتوبر اتوار ہونے کے باعث سرکاری دفاتر بھی بند ہوں گے ہم اس بار سرکاری دفاتر کو جانے والے راستوں کو بھی بلاک کریں گے۔

سربراہ تحریک انصاف نے مزید کہا کہ ہم نے 6 ماہ تک صبر سے کام لیا اس دوران اسپیکر قومی اسمبلی کا رویہ بھی دیکھا، الیکشن کمیشن کا حال بھی دیکھا، نیب کی عدم دلچسپی بھی دیکھی اور ایف آئی اے کی کارکردگی بھی جانچ لی،کہیں سے انصاف نہیں ملا تو دھرنا دینے کا فیصلہ کیا۔

چیرمین تحریک انصاف نے مزید کہا ہے کہ وزیراعظم کے استعفی دینے یا تلاشی دینے تک واپس نہیں جائیں گے،ان دو آپشن کے سوا وزیراعظم کے پاس اور کوئی راستہ نہیں ہے۔