Tag: دھماکا

کابل: افغانستان کے دارالحکومت میں قائم مسجد کو شدت پسندوں نے نشانے پر لے لیا، زوردار دھماکے کے نتیجے میں 4 افراد جاں بحق اور درجنوں زخمی ہوگئے۔

غیرملکی خبررساں ادارے کی رپورٹ کے مطابق کابل کی مسجد میں جمعے کی نماز کے دوران دھماکا ہوا جس کے باعث امام سمیت 4 نمازی جاں بحق ہوگئے، حکومت نے حملے کی تصدیق کردی ہے۔

افغان وزارت داخلہ کے ترجمان طارق ایرین کا کہنا ہے کہ دھماکا خیز مواد مقامی مسجد کے اندر نصب کیا گیا تھا، واقعے کے فوراً بعد قانون نافذ کرنے والے ادارے اور ریسکیو عملہ حرکت میں آیا اور علاقے کو گھیرے میں لے کر آپریشن کا آغاز کیا۔ تمام زخمیوں اور لاشوں کو اسپتال منتقل کردیا گیا ہے۔

افغانستان: مسجد میں دھماکا، امام شہید، 16 نمازی زخمی

حملے کی ذمے داری کسی شدت پسند تنظیم نے قبول نہیں کی تاہم اس سے قبل متعدد مساجد پر حملوں کی ذمے داری داعش قبول کرتی آئی ہے۔ حکومت کو شبہ ہے کہ اس شدت پسندانہ کارروائی میں بھی آئی ایس آئی ایس کا ہاتھ ہوسکتا ہے۔

رواں ماہ کے آغاز میں ہی کابل میں ایک اور مسجد کو نشانہ بنایا گیا تھا، ابتدائی تحقیقاتی رپورٹ میں کہا گیا تھا کہ شدت پسندوں کی جانب سے حملے کا مقصد امام کو قتل کرنا تھا کیوں کہ وہ امن مذاکرات میں طالبان کا حامی تھا۔

خیال رہے کہ یہ حملہ ایک ایسے وقت میں کیا گیا کہ جب طالبان اور افغان حکومت کے درمیان قربتیں بڑھ رہی ہیں، فریقین ایک دوسرے کے قیدیوں کو مرحلہ وار رہا بھی کررہے ہیں۔

لندن: برطانیہ میں نامعلوم شہری نے اپنے ہی گھر کو دھماکے سے اڑانے کی دھمکی دے ڈالی جس کے بعد خطرے کے پیش نظر اطراف میں قائم اسکول کو خالی کرالیا گیا۔

غیرملکی خبررساں ادارے کی رپورٹ کے مطابق یہ واقعہ برطانوی شہر والیسی میں پیش آیا، جہاں ایک نامعلوم ملزم نے اپنی ہی گھر کو بارودی مواد سے اڑانے کی دھمکی دی جس کے بعد پولیس کی دوڑیں لگ گئیں۔

پولیس کا کہنا ہے کہ جائے وقوعہ کے اطراف میں قائم پرائمری اسکول کے اسٹاف اور بچوں کو بحفاظت محفوظ مقام پر منتقل کردیا گیا ہے، جبکہ ملزم کی گرفتاری سمیت دیگر پہلوؤں پر کارروائیاں جاری ہیں۔

متعلقہ اداروں کی ٹیمیں جائے وقوعہ پر پہنچ گئیں، تاہم واقعے کے حوالے سے تفصیلات اب تک سامنے نہیں آئیں۔ پولیس تاحال جائے وقوعہ پر موجود ہے اور ملزم کی گرفتاری کے لیے ہرممکن کوششیں کررہی ہے۔

بم ڈسپوزل اسکواڈ نے علاقے کو بھی سیل کردیا ہے۔ اب تک یہ واضح نہیں ہوسکا کہ ملزم نے گھر کو دھماکے سے اڑانے کی دھمکی کس طرح دی، تحریری پیغام تھا کہ پھر فون کال یہ کہنا بھی قبل از وقت ہوگا۔

نئی دہلی: بھارت میں سرکاری اسکول زوردار دھماکے سے گونج اٹھا جس کے نتیجے میں 4 طالب علم زخمی ہوگئے۔

بھارتی میڈیا کی رپورٹ کے مطابق مہشواڑیں دیوی نامی اسکول میں ہونے والا دھماکا کسی دہشت گردی کا واقعہ نہیں بلکہ کیمیائی تجربے کے دوران ہونے والا ایک حادثہ ہے۔

رپورٹ میں کہا گیا ہے کہ یہ حادثہ بھارتی شہر شملا میں قائم ایک اسکول میں پیش آیا۔ جہاں 12ویں جماعت کے طالب علم لیب میں کیمیائی تجربہ کررہے تھے کہ اچانک پریکٹکل لیب دھماکے سے لرز اٹھا جس کے باعث چار طالب علم زخمی ہوئے جن کی حالت خطرے سے باہر ہے۔

تجربے کے دوارن کیمیائی تیزاب کے غلط محلول کی وجہ سے دھماکے کے باعث ایک طلبہ کی آنکھیں شدید ماثر ہوئی ہیں۔ جبکہ دو طالب علموں کی صحت یابی کے بعد انہیں اسپتال سے ڈسچارج کردیا گیا ہے۔

بھارت: زوردار دھماکا، 2 افراد ہلاک اور متعدد زخمی

متعلقہ ادارے نے لیب کو سیل کرکے کارروائی کا آغاز کردیا۔ اسکول پرنسل زیر تفتیش ہیں۔ بھارتی وزیرتعلیم نے حادثے پر گہرے دکھ کا اظہار کرتے ہوئے زخمی طالب علموں کے والدین سے عیادت کی۔