ARYNews.tv | Urdu – Har Lamha Bakhabar

Tag: دھماکا

  • مقبوضہ کشمیر میں بھارتی فورسز کے کیمپ میں دھماکا، دو زخمی

    مقبوضہ کشمیر میں بھارتی فورسز کے کیمپ میں دھماکا، دو زخمی

    سری نگر : مقبوضہ کشمیر میں بھارتی فوجی کیمپ پر دھماکے میں چار بھارتی فوجی ہلاک اور دو فوجی اہلکار زخمی ہوگئے۔

    تفصیلات کے مطابق ظالم بھارتی فورسز کے زیرِ تسلط مقبوضہ کشمیر کے علاقے کپواڑہ میں قائم بھارتی فورسز کے کیمپ پر بم حملہ، دھماکے کے نتیجے میں قابض فوج کے دو بھارتی زخمی ہوگئے۔

    واقعے کی اطلاع ملنے پر بھارتی فوج کی بھاری نفری موقع پر پہنچ گئی، فورسز دھماکے کی نوعیت کے بارے میں تحقیقات کررہی ہے۔

    مقامی خبر رساں ادارے کا کہنا ہے کہ دھماکے کے نتیجے میں زخمی ہونے والے فوجیوں کو طبی امداد کے لیے قریبی اسپتال منتقل کردیا تھا۔

    پولیس کا کہنا تھا کہ دھماکا اس وقت ہوا جب قابض بھارتی فوج کے اہلکار کیمپ کے گرد خار دار تاریں لگا رہے تھے۔

    مزید پڑھیں : مقبوضہ کشمیرمیں بھارتی فورسز کی فائرنگ‘ 4 کشمیری شہید

    خیال رہے کہ یکم اپریل کو قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے پلواما میں نام نہاد سرچ آپریشن کے دوران 4 کشمیری نوجوانوں کو فائرنگ کرکے شہید کردیا۔

    مزید پڑھیں : مقبوضہ کشمیر میں بھارتی مظالم، استاد سمیت7 نوجوان شہید

    بھارتی فورسز نے گزشتہ ہفتے مقبوضہ کشمیر کے علاقے باندی پورہ اورشوپیاں میں نام نہاد سرچ آپریشن کے دوران 7 کشمیری نوجوانوں کوشہید کردیا تھا۔

    واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔

  • حیدرآباد: ریلوے پھاٹک کے قریب دوکریکر دھماکے

    حیدرآباد: ریلوے پھاٹک کے قریب دوکریکر دھماکے

    حیدرآباد: سندھ میں ریلوے پھاٹک کے قریب دو کریکر دھماکے ہوئے، جبکہ دو مزید بم ناکارہ بنا دیے گئے۔

    تفصیلات کے مطابق حیدرآباد کے کوٹری ریلوے پھاٹک کے قریب 2کریکر دھماکے ہوئے، خوش قسمتی سے کوئی جانی نقصان نہیں ہوا۔

    ڈی آئی جی نعیم شیخ کا کہنا ہے کہ دھماکوں سے کوئی جانی ومالی نقصان نہیں ہوا، بم ڈسپوزل اسکواڈ نے جائے وقوعہ سے 2 مزیدکریکر بم برآمد کیے جسے ناکارہ بنا دیا گیا۔

    کریکر دھماکے خوف و ہراس پھیلانے کیلئے کیے گئے،پولیس نے تحقیقات شروع کردی، جلد ملزمان کی گرفتاری عمل میں لائی جائے گی۔

    حیدر آباد میں اس سے قبل بھی کئی بار کریکر حملے ہوچکے ہیں، اگست 2016 میں سخی عبدالوہاب فلائی اوور کے قریب کریک دھماکے میں 5 افراد زخمی ہوئے تھے۔

    یاد رہے کہ جولائی 2016 میں ہی صوبہ سندھ کے شہر لاڑکانہ میں میروخان چوک کے قریب کریکر دھماکے میں رینجرز کا 1 اہلکار جاں بحق جبکہ رینجرز کے چار اہلکاروں سمیت دو راہگیر زخمی ہوگئے تھے۔

  • چین کی الیکٹرانک فیکٹری میں دھماکا، 7 افراد ہلاک

    چین کی الیکٹرانک فیکٹری میں دھماکا، 7 افراد ہلاک

    بیجینگ : مشرقی چین میں واقع برقی آلات بنانے والی فیکڑی میں خوفناک دھماکا، حادثے میں 7 افراد ہلاک جبکہ 5 زخمی ہوگئے۔

    تفصییلات کے مطابق مشرقی چین کے صوبے جنگژو میں واقع الیکڑانک سامان تیار کرنے والی فیکڑی کے گودام میں دھماکے کے بعدہ ہولناک آگ بھڑک اٹھی جس کے نتیجے میں نتیجے میں 5 افراد زخمی ہوگئے جن میں ایک زخمی کی حالت تشویش ناک بتائی جارہی ہے۔

    چینی خبر رساں ادارے کا کہنا ہے کہ حادثے کے نیتجے میں ہلاک ہونے والے افراد کی تعداد 7 ہوگئی ہے۔

    خیال رہے کہ یہ دھماکا مشرقی چین میں واقع کیمیکل فیکڑی میں دھماکے کے ایک ہفتے بعد ہوا ہے جس کے نتیجے میں 78 افراد ہلاک جبکہ سینکڑوں زخمی ہوگئے تھے۔ مذکورہ حادثہ حالیہ برسوں میں ملک کی صعنتی تاریخ کا خوفناک ترین حادثہ تھا۔

    چین کی کیمیکل فیکڑی میں دھماکا، 47 افراد ہلاک سینکڑوں زخمی

    زلزلوں کی پیمائش کرنے والے ادارے کا کہنا ہے کہ کیمیکل پلانٹ میں ہونے والا دھماکا 2اعشاریہ 2 نوعیت زلزلے کے جھٹکوں کے برابر تھا۔

    خیال رہے کہ اس سے قبل سنہ اگست2015 میں چینی فیکڑی میں دھماکا ہوا تھا جس کے نتیجے میں 160 افراد ہلاک جبکہ 1 ہزار سے زائد افراد زخمی ہوگئے تھے۔

  • کوئٹہ: گھرمیں گیس لیکج کے باعث دھماکا‘ 1 شخص جاں بحق‘ 4 زخمی

    کوئٹہ: گھرمیں گیس لیکج کے باعث دھماکا‘ 1 شخص جاں بحق‘ 4 زخمی

    کوئٹہ : صوبہ بلوچستان کے علاقے مستونگ میں واقع مکان میں گیس لیکج کے باعث ہونے والے دھماکے کے نتیجے میں 4 افراد زخمی ہوگئے۔

    تفصیلات کے مطابق کوئٹہ میں کاسی روڈ کے قریب مکان میں گیس لیکج کے باعث ہونے والے دھماکے کے نتیجے میں باپ جاں بحق جبکہ 4 افراد زخمی ہوگئے۔

    ریسکیو حکام کا کہنا ہے کہ افسوس ناک واقعے میں زخمی ہونے والے افراد کو طبی امداد کے لیے بولان میڈیکل کمپلیکس اسپتال منتقل کردیا۔

    مستونگ: گھرمیں گیس لیکج کے باعث دھماکا‘ 4 افراد زخمی

    اس سے قبل رواں سال جنوری میں بلوچستان کے شہر مستونگ میں مکان میں گیس لیکج کے باعث ہونے والے دھماکے کے نتیجے میں 4 افراد زخمی ہوگئے تھے۔

    یاد رہے کہ 29 جنوری کو صوبہ خیبرپختونخوا کے جنوبی ضلع بنوں میں ایک گھر کے اندر دھماکا ہوا تھا جس کے نتیجے میں میاں بیوی سمیت 6 افراد جاں بحق ہوگئے تھے۔

    بنوں میں گھر کے اندر دھماکا، میاں بیوی سمیت 6 افراد جاں بحق

    پولیس حکام کا کہنا تھا کہ ابتدائی تحقیقات کے مطابق دھماکا بارودی مواد کا ہے، گھر میں زنگ آلود مارٹر گولا موجود تھا۔

  • افغان صوبے ہلمند میں دھماکا، تین افراد ہلاک، درجنوں زخمی

    افغان صوبے ہلمند میں دھماکا، تین افراد ہلاک، درجنوں زخمی

    کابل : افغانستان کے صوبے ہلمند میں ایک تقریب کے دوران بم دھماکے کے نتیجے میں تین افراد ہلاک اور 31 زخمی ہوگئے۔

    تفصیلات کے مطابق افغانستان میں ایک بار پھر دہشت گردی کا واقعہ پیش آیا، صوبہ ہلمند کے لشکر گاہ اسٹیڈیم میں منعقدہ یوم کسان کے حوالے سے تقریب جاری تھی کہ اس دوران دہشت گردوں نے بم حملہ کردیا جس کے نتیجے میں 3 افراد ہلاک اور درجنوں زخمی ہوگئے۔

    غیر ملکی خبر رساں ادارے کا کہنا ہے کہ بم اسٹیڈیم میں نصب تھا جو تقریب کا آغاز ہوتے ہی پھٹ گیا، سیکیورٹی اہلکاروں نے کارروائی کے بعد علاقے کو کلیئر قرار دے دیا۔

    مقامی میڈیا کے مطابق واقعے کے عینی شاہد نے دھماکے کے نتیجے میں 7 افراد کی ہلاکت اور 10 سے زائد افراد کے زخمی ہونے کا دعویٰ کیا تھا۔

    غیر ملکی میڈیا کا کہنا ہے کہ دھماکے کے نتیجے میں صوبہ ہلمند کے ڈائریکٹوریٹ آف اکنامی کے سربراہ محمد خان نصرت اپنی جان گنوا بیھٹے۔

    حکام کا کہنا ہے کہ دہشت گرد حملے کی ذمہ داری تحریک طالبان افغانستان نے قبول کی ہے۔

    مزید پڑھیں : افغانستان میں فوجی اڈے کے قریب خودکش حملہ، 12 افراد ہلاک

    جنوری میں ہی افغانستان کے صوبے لوگر کے گورنر اور این ڈی ایف کے صوبائی چیف کے قافلے پر خودکش حملہ ہوا تھا جس کے نتیجے میں گورنر کی حفاظت پر تعینات 8 سیکیورٹی اہلکار ہلاک جبکہ 10 زخمی ہوئے تھے۔

    واضح رہے کہ دوسری جانب طالبان اور امریکا کے درمیان مذاکراتی دور کا سلسلہ بھی جاری ہے، جبکہ طالبان کا وفد افغان اپوزیشن رہنماؤں سے بھی ملاقات کرچکا ہے۔

  • چین کی کیمیکل فیکڑی میں دھماکا، 47 افراد ہلاک سینکڑوں زخمی

    چین کی کیمیکل فیکڑی میں دھماکا، 47 افراد ہلاک سینکڑوں زخمی

    بیجینگ : مشرقی چین میں واقع کیمیکل فیکڑی میں دھماکے کے بعد خوفناک آتشزدگی، حادثے میں 47 افراد ہلاک جبکہ سینکڑوں زخمی ہوگئے۔

    تفصییلات کے مطابق مشرقی چین میں واقع کھاد تیار کرنے والی فیکڑی کے کیمیکل پلانٹ میں دھماکے کے بعدہ ہولناک آگ بھڑک اٹھی جس کے نتیجے میں سینکڑوں افراد زخمی ہوگئے جن میں 90 افراد کو انتہائی گہرے زخم لگے ہیں۔

    زلزلوں کی پیمائش کرنے والے ادارے کا کہنا ہے کہ کیمیکل پلانٹ میں ہونے والا دھماکا 2اعشاریہ 2 نوعیت زلزلے کے جھٹکوں کے برابر تھا۔

    چینی خبر رساں ادارے کا کہنا ہے کہ حادثے کے ہلاک ہونے والے افراد کی تعداد 47 ہوگئی ہے جبکہ مذکورہ حادثہ حالیہ برسوں میں ملک کی صعنتی تاریخ کا خوفناک ترین حادثہ ہے۔

    مقامی میڈیا کا کہنا تھا کہ اب تک 640 افراد کو اسپتال منتقل کیا جاچکا ہے کہ جن میں بیشتر کی حالت تشویش ناک ہے۔

    غیر ملکی خبر رساں ادارے کا کہنا ہے کہ دھماکے کی شدت اتنی زیادہ تھی کہ فیکڑی کے قریب واقع عمارتیں بھی لرز اٹھیں۔

    متاثرہ فیکڑی سے 3 کلومیٹر کی دوری پر واقع ہینگلیڈا فیکڑی کے اسٹاف کا کہنا ہے کہ دھماکے کی شدت سے ہمارے فیکڑی کی چھت زمین بوس ہوگئی جبکہ کھڑکیاں اور دروازے بھی ٹوٹ گئے۔

    مقامی میڈیا کا کہنا ہے کہ ہنگامی خدمات انجام دینے والے عملے اور فایئرفائیٹرز نے کئی گھنٹے کے جدوجہد کے بعد رات 3 بجے آگ پر قابو پایا تھا۔

    خیال رہے کہ اس سے قبل سنہ اگست2015 میں چینی فیکڑی میں دھماکا ہوا تھا جس کے نتیجے میں 160 افراد ہلاک جبکہ 1 ہزار سے زائد افراد زخمی ہوگئے تھے۔

  • ڈیرہ مراد جمالی میں ریلوے ٹریک پردھماکا‘ 3 افراد جاں بحق

    ڈیرہ مراد جمالی میں ریلوے ٹریک پردھماکا‘ 3 افراد جاں بحق

    ڈیرہ مراد جمالی: صوبہ بلوچستان کے علاقے ڈیرہ مراد جمالی میں ریلوے ٹریک پردھماکے کے نتیجے میں خاتون سمیت 2 افراد جاں بحق ہوگئے۔

    تفصیلات کے مطابق بلوچستان کے علاقے ڈیرہ مراد جمالی میں شہید عزیز بلوچیک پوسٹ کے قریب ریلوے ٹریک پر دھماکا ہوا جس کے نتیجے میں کوئٹہ سے آنے والی جعفرایکسپریس کی 3 بوگیاں پٹری سے اترگئیں۔

    افسوس ناک حادثے میں خاتون سمیت 3 افراد جان کی بازی ہار گئے جبکہ 4 افراد زخمی ہیں۔ ریسکیو حکام نے زخمیوں کو طبی امداد کے لیے اسپتال منتقل کردیا۔

    دھماکے اطلاع ملتے ہی ریسکیو ٹیمیں جائے وقوع پر پہنچ گئیں، سیکیورٹی فورسز نے علاقے کو گھیرے میں لے کرسرچ آپریشن شروع کردیا۔

    یاد رہے کہ گزشتہ سال ستمبر میں صوبہ سندھ کے ضلع نوشہرو فیروز میں ریلوے ٹریک پر دہشت گردوں نے دھماکا خیز مواد نصب کیا تھا، دھماکا ٹرین گزرنے سے کچھ دیر پہلے ہوا تھا۔

    بولان : ریلوے ٹریک کے قریب 2 دھماکے

    واضح رہے کہ 20 اکتوبر 2018 کو بولان کے علاقے مچھ اور ہرک کے درمیان ریلوے ٹریک کے قریب دو دھماکے ہوئے جس میں کوئی جانی نقصان نہیں ہوا تھا۔

  • کابل : کوٹ سنگی میں دھماکا 1 شخص ہلاک، ایک زخمی

    کابل : کوٹ سنگی میں دھماکا 1 شخص ہلاک، ایک زخمی

    کابل: افغانستان کے دار الحکومت میں بم حملے میں ایک شخص ہلاک جبکہ ایک زخمی ہو گیا، حملہ کابل کے مصروف ترین علاقے میں ہوا۔

    تفصیلات کے مطابق افغانستان کا دار الحکومت کابل ایک بار پھر دہشت گردوں کا نشانہ بن گیا، کابل کے مصروف ترین علاقے کوٹ سنگی میں بم حملے میں ایک فرد ہلاک جب کہ 1 زخمی ہو گیا۔

    افغان خبر رساں ادارے کا کہنا ہے کہ پولیس نے ہفتے کی صبح دھماکے کے نتیجے میں ہونے والی ہلاکت کی تصدیق کردی ہے تاہم واقعے سے متعلق مزید تفصیلات سے آگاہ نہیں کیا۔

    اس سے قبل رواں برس 15 جنوری کو بھی افغان دار الحکومت کابل میں ایک قلعہ بند غیر ملکی کمپاؤنڈ کے قریب کار بم حملے میں 4 افراد ہلاک جب کہ 44 زخمی ہو ئے تھے۔

    خیال رہے کہ یہ حملہ ایک ایسے وقت میں کیا گیا ہے جب کہ طالبان کے ساتھ سترہ سالہ جنگ کے خاتمے کے لیے جاری سفارتی کوششوں میں تیزی آ گئی ہے۔

    میڈیا رپورٹس کے مطابق کار بم حملے میں زخمی ہونے والوں میں دس بچے بھی شامل تھے، دھماکا اتنا زوردار تھا کہ قریب موجود رہائشی علاقے کو بھی شدید نقصان پہنچا تھا۔

    یہ بھی پڑھیں: کابل: امریکی فضائی حملہ، ملا عبدالمنان سمیت 29 طالبان ہلاک

    دہشت گردوں کا نشانہ بننے والے انتہائی محفوظ کمپاؤنڈ میں اقوام متحدہ کا عملہ رہائش پذیر تھا تاہم وزارت داخلہ کے ترجمان کے مطابق علاقہ اب خالی کیا جا چکا ہے اور وہاں صرف چند گارڈز ہی موجود تھے۔

    یاد رہے کہ 21 نومبر کو بھی افغانستان کا دار الحکومت کابل بڑے دہشت گرد حملے کا نشانہ بنا تھا، جس میں 50 افراد اپنی زندگی کی بازی ہار گئے تھے۔

  • ایران میں دھماکا، چھ افراد ہلاک، متعدد زخمی

    ایران میں دھماکا، چھ افراد ہلاک، متعدد زخمی

    تہران: ایران میں گیس پائپ لائن میں ہونے والے دھماکے کے نتیجے میں چھ افراد ہلاک جبکہ متعدد زخمی ہوگئے۔

    تفصیلات کے مطابق ایرانی شہر اہواز میں گیس پائپ لائن میں زوردار دھماکا ہوا جس کے باعث چھ د افراد مارے گئے جبکہ کئی زخمی ہیں، مزید ہلاکتوں کا اندیشہ ہے۔

    غیر ملکی خبر رساں ادارے کا کہنا ہے کہ دھماکا کوئی دہشت گرد کارروائی نہیں بلکہ گیس لیکیج کے باعث ہوا، ریسکیو عملے اور پولیس نے جائے وقوعہ پر امدادی سرگرمیوں میں حصہ لیا۔

    دھماکے کے باعث پائپ لائن میں آگ لگ گئی جس کے نتیجے میں درجنوں گاڑیاں بھی جل کر خاک ہوگئیں، فائر فائٹرز کے عملے نے آگ پر قابو پایا۔

    انتظامیہ نے ہلاکتوں کی تصدیق کرتے ہوئے کہا ہے کہ ان میں بچے اور عورتیں بھی شامل ہیں، دوسری جانب ناقص گیس پائپ لائن اور لاپرواہی کے سبب حکومت پر شدید تنقید کی جارہی ہے۔

    غیر ملکی میڈیا کا کہنا ہے کہ اسی نوعیت کے دھماکے ایران میں ہوتے رہتے ہیں، گذشتہ سال اگست میں گیس لیکیج سے دھماکے میں تین افراد مارے گئے تھے۔

    خیال رہے کہ رواں سال جنوری میں ایران میں پاسداران انقلاب کی بس کو خود کش دھماکے کا نشانہ بنایا گیا تھا، جس کے نتیجے میں درجنوں اہلکار مارے گئے تھے۔

    ایران: کوئلے کی کان میں دھماکہ، 35 کان کن ہلاک

    بعد ازاں ایران نے اس حملے کا الزام براہ راست اسرائیل اور امریکا پر عائد کیا تھا تاہم دونوں ممالک نے الزامات کی تردید کی تھی۔

  • شام میں کار بم دھماکا، 20 افراد ہلاک

    شام میں کار بم دھماکا، 20 افراد ہلاک

    دمشق: شام میں فوجی اڈے کے قریب کار بم دھماکے کے نتیجے میں بیس افراد ہلاک ہوگئے۔

    تفصیلات کے مطابق شامی صوبے دیر الزور میں ملکی فورسز کی چھاؤنی کے قریب کار بم دھماکے کے باعث 20 افراد مارے گئے۔

    غیر ملکی خبر رساں ادارے کا کہنا ہے کہ ہلاک ہونے والوں میں آئل ورکرز بھی شامل ہیں، دھماکا ریمورٹ کنٹرول کے ذریعے کیا گیا۔

    حکام نے دھماکے کی تصدیق کرتے ہوئے کہا ہے کہ عسکریت پسندوں کی جانب سے ایک بار پھر پیچھے سے وار کیا گیا ہے۔

    علاوہ ازیں شامی مغربی شہر افرن میں بھی دھماکا ہوا جس کے نتیجے میں متعدد افراد زخمی ہوگئے، شامی فوجی اتحاد نے داعش کے زیرقبضہ علاقوں سے عام شہروں کونکالنے کا سلسلہ شروع کردیا ہے۔

    فوجی کارروائیوں اور فضائی بمباری کے باعث شمالی علاقے کو جنگجوؤں سے خالی کرالیا گیا ہے تاہم اب بھی متعدد علاقوں میں داعش کا قبضہ ہے۔

    ترجمان فوجی اتحاد کے مطابق 50 ٹرک کے ذریعے سیکڑوں شہریوں کو جنگ زدہ علاقوں سے نکال کر محفوظ مقام پر منتقل کیا گیا ہے۔ترک صدر رجب طیب اردوگان شام کے شمالی علاقوں کو غیر مسلح بنا کرکے بے گھر افراد اور جنگ سے متاثرہ شہریوں کو بسانے کی بات کرچکے ہیں۔

    یاد رہے کہ ڈونلڈ ٹرمپ نے 19 دسمبر کو اعلان کیا تھا کہ ہم نے داعش کو شکست دے دی، اور آئندہ 30 دنوں میں امریکی فورسز شام سے نکل جائیں گی۔

    روس نے شام میں داعش کے خلاف حکمت عملی تیار کرلی

    شام سے امریکی فوج کے انخلا سے متعلق ٹرمپ کے بیان پر امریکی وزیر دفاع جیمزمیٹس اور دولت اسلامیہ مخالف اتحاد کے خصوصی ایلچی بریٹ میکگرک نے ناراضگی کا اظہار کرتے ہوئے اپنے عہدے سے استعفیٰ دے دیا تھا۔