استنبول: ترکی کے شمالی علاقے میں واقع پولیس اسٹیشن کے قریب دھماکہ ہوا ہے جس کے نتییجے میں 13 افراد زخمی ہوگئے۔
تفصیلات کے مطابق ترکی کے شمالی علاقے میں پولیس اسٹیشن کے قریب زور دار دھماکہ ہوا ہے جس کے آواز دور تک سنی گئی ہے ۔
ابتدائی اطلاعات کے مطابق دھماکہ کے نتیجے میں تیرہ افراد کے زخمی ہوئے ہیں،تاہم ریسکیو اداروں کی امدادی کاروائی جاری ہے زخمیوں کو اسپتال منتقل کردیا۔
غیر ملکی خبر ایجنسی کے مطابق دھماکہ میں ایک پولیس اہلکار کے جاں بحق ہونے کی اطلاع ہے ۔
بغداد: عراقی شہراسکندریہ میں دھماکے کےنتیجے میں انتیس افرادہلاک درجنوں زخمی ہوگئے، یمنی شہر عدن میں تین خود کش دھماکوں میں چھبیس افراد ہلاک ہوگئے۔
عراقی حکام کا کہنا ہے کہ دارالحکومت بغداد کے قریبی شہراسکندریہ میں فٹبال میچ کے بعد دھماکہ ہوا، پولیس کےمطابق خودکش حملہ آور نے اُس وقت اپنے آپ کو دھماکہ خیز مواد سے اڑایا جب میچ ختم ہونے کے بعد انعامات تقسیم کیے جارہے تھے۔
غیرملکی میڈیانےدعویٰ کیا ہے کہ دھماکے میں شہرکے میئرسمیت کم از کم انتیس افرادہلاک ہوگئے،خود کش دھماکے میں ستر سے زائد افراد زخمی بھی ہوئے جنہیں فوری طبی امداد کیلئے قریبی اسپتال منتقل کردیا گیا ہے۔
شدت پسندتنظیم داعش نےدھماکےکی ذمہ داری قبول کرلی ہے، دوسری جانب یمنی شہرعدن میں تین خودکش دھماکوں میں چھبیس افرادہلاک ہوگئے، عدن دھماکوں کی ذمہ داری داعش نےقبول کرلی۔
کراچی : نارتھ ناظم آباد میں نامعلوم افراد نے تھانے کے ساتھ دکان میں بوتل بم سے حمللہ کردیا، کوئی جانی نقصان نہیں ہوا۔
پولیس کے مطابق نارتھ ناظم آباد تھانے کے گیٹ کے قریب واقع دکان پر نامعلوم موٹرسائیکل سواروں کی جانب سے کریکرسے حملہ کیا گیا جس سے دکان کا اندرونی اور بیرونی حصہ کو نقصان پہنچا تاہم کوئی جانی نقصان نہیں ہوا۔
بم ڈسپوزل اسکواڈ کے مطابق بارودی مواد بوتل میں پھینکا گیاتھا جس کا وزن پانچ سو گرام تھا بارودی مواد کے ساتھ کیلیں بھی ڈالی گئی تھی۔
پولیس کے مطابق حملہ آور نارتھ ناظم آباد تھانے پر حملہ کرنا چاہتے تھے، حملہ آورموٹرسائیکل پر سوار تھے ، پولیس کے مطابق آج ہونے والے دیسی ساختہ بم دھماکے کی مماثلت گذشتہ رینجرز پر ہونے والے دھماکے اور دیگر دھماکوں سے ملتی ہے۔
جھل مگسی: بلوچستان کی تحصیل بھاگ میں چھل گری کے امام بارگاہ میں خود کش دھماکہ ہوا ہے جس کے نتیجے میں 10 افراد شہید اور 4 افراد زخمی ہوگئے ہیں ۔
وزیر داخلہ بلوچستان سرفراز بگٹی کے مطابق دھماکے میں 10 افراد جاں بحق ہوگئے جب کہ زخمیوں کو فوری طبی امداد کے لیے قریبی اسپتال منتقل کردیا گیا۔
ذرائع کے مطابق دھماکا امام بارگاہ کے دروازے کےقریب ہوا پر ہوا جہاں کچھ دیر بعد مجلس منعقد ہونا تھی، پولیس اور قانون نافذ کرنے والے اداروں نے علاقے کو گھیرے میں لے کر تفتیش شروع کردی ہے جب کہ بم ڈسپوزل اسکواڈ کو بھی علاقے میں طلب کرلیا گیا ہے۔ پ
ولیس نے دھماکا خودکش حملہ ہونے کا خدشہ ظاہر کیا ہے تاہم بم ڈسپوزل اسکواڈ کی تحقیقات کے بعد ہی دھماکے کی نوعیت کا اندازہ لگایا جاسکے گا۔
کراچی : شیرشاہ میں دھماکہ سے ایک شخص جاں بحق اور 2 افراد زخمی ہوگئے۔
تفصیلات کے مطابق شیر شاہ کباڑی مارکیٹ میں مارٹر گولہ پھٹنے سےزوردار دھماکہ ہوا جس کے نتیجے میں ایک شخص ہلاک اور دو زخمی ہوگئے۔
ایس پی سائٹ ایریا ساجد سدوزئی نے میڈیا سے گفتگو میں بتایا کہ شیر شاہ کباڑی مارکیٹ کے قریب واقع فیکٹری میں صفائی کے دوران اسکریپ کا سامان باہر لاتے ہوئے اچانک دھماکہ ہوا جس کے نتیجے میں اکبر نامی شخص جاں بحق ہوگیا۔
جبکہ عبدالرحمان اور پیر محمد نامی دو افراد زخمی ہوگئے، واقعے کے بعد بم ڈسپوزل اسکواڈ کی ٹیم بھی طلب کی گئی جس نے دھماکے کی نوعیت کا تعین کرتے ہوئے بتایا کہ دھماکہ اسکریپ مال میں موجود پرانا مارٹر گولہ پھٹنے سے ہوا ہے۔
واقعے کے بعد پولیس نے ایک زخمی شخص کو مزید تفتیش کیلئے حراست میں لے لیا ہے۔
کوئٹہ : باچاخان چوک پردھماکے سے ایک شخص جاں بحق اورچودہ افراد زخمی ہوگئے۔ تفصیلات کے مطابق کوئٹہ کے علاقے باچاخان چوک پرزوردار دھماکے سے ایک شخص موقع پرجاں بحق اورچودہ افراد زخمی ہوگئے۔
دھماکے کے بعد سیکیورٹی فورسز نے علاقے کو اپنے گھیرے میں لے لیا، بم ڈسپوزل اسکواڈ کی ٹیمیں جائے وقوعہ پر پہنچ گئیں، زخمیوں کو فوری طور پر متعلقہ اسپتال روانہ کر دیا گیا ہے۔
سی سی پی او کا کہنا ہے کہ دھماکاخیز مواد شاپنگ بیگ میں لایاگیا تھا۔ انہوں نے بتایا کہ ایک مشکوک شخص کوحراست میں لے لیاگیاہے۔ زخمیوں میں سے تین افراد کی حالت تشویشناک ہے۔
کراچی : شہر کے علاقے نارتھ ناظم آباد میں رینجرز کی موبائل کے قریب خود کش دھماکہ، دو اہلکار شہید، تین زخمی۔
تفصیلات کے مطابق نارتھ ناظم آباد میں قلندریہ چوک قادریہ پیٹرول پمپ کے قریب حسب معمول گشت پر معمور رینجرز کی موبائل پر خود کش حملہ کیا گیا۔
خود کش حملہ آور موٹر سائیکل پر سوار تھا جس نے بارود سے بھری موٹر سائیکل موبائل سے ٹکرادی، دھماکہ اس قدر شدید تھا کہ اس کی آواز دور دور تک سنی گئی۔
موبائل میں موجود دو اہلکار شہید اور تین زخمی ہوگئے، پولیس اور رینجرز نے علاقے کو گھیرے میں لے لیا،تازہ ترین اطلاعات کے مطابق پولیس اور سیکیورٹی ادارے جائے وقوعہ پر پہنچ گئے۔
جبکہ زخمیوں کو عباسی اسپتال منتقل کیا گیا، جہاں زخمیوں کی حالت تشویشناک بتائی جارہی ہے، واقعے کے بعد علاقے میں خوف و ہراس پھیل گیا۔
سیکیورٹی اداروں نے جائے وقو عہ پر جانے والے راستے سیل کر دئیے،ٹریفک جام ہونے کے باعث امدادی ٹیموں کو کچھ دیر کیلئے مشکلات کا سامنا کرنا پڑا۔
دھماکہ کے باعث موٹر سائیکل کے ٹکڑے دور دور تک پھیل گئے، پولیس اہلکار خود کش حملہ آور کی نعش کے ٹکڑے تلاش کر رہے ہیں،شہید ہونے والے دونوں اہلکار موبائل میں آگے بیٹھے ہوئے تھے۔ شہید ہونے والے دونوں اہلکاروں کی شناخت یار محمد اور قاسم کے نام سے ہوئی ہے۔
چمن: تاج روڈ پر دھماکہ زوردار دھماکہ متعدد افراد زخمی، تفصیلات کے مطابق بلوچستان کے شہر چمن میں تاج روڈ پر گاڑی میں نصب بم پھٹ گیا۔
دھماکے نتیجے میں ایک شخص جاں بحق اور آٹھ افراد زخمی ہوگئے، دھماکہ اتنا شدید تھا کہ آس پاس کی عمارتوں کے شیشے بھی ٹوٹ گئے، دھماکہ پارکنگ میں کھڑی گاڑی میں ریموٹ کے ذریعے کیا گیا۔
سیکیورٹی فورسز نے علاقے کو گھیرے میں لے لیا، جبکہ زخمیوں کو طبی امداد کیلئے سول اسپتال منتقل کیا گیا ہے،مذکورہ مقام پر بازار ہونے کے باعث لوگوں کا کافی رش رہتا ہے۔
اسلام آباد: شکریال روڈ پر واقع امام بارگاہ امام بارگاہ قصر سکینہ میں دھماکہ اور فائرنگ ہوئی جس کے نتیجے میں 2 افراد جان بحق جبکہ 8 زخمی ہوگئے۔
تفصیلات کے مطابق اسلام ااباد کے شکریال روڈ پر واقع امام بارگاہ امام بارگاہ قصر سکینہ میں دھماکے کے بعد فائرنگ کی اطلاعات موصول ہونے کے بعد پولیس اور ریسکیو ٹیمیں روانہ کر دی گئی گئی ہیں۔
ایدھی زرائع کے مطابق دھماکے کے نتیجے میں 2 افراد جان کی بازی ہار گئے ہیں، جبکہ زخمیوں کو اسلام آباد کے پمز اسپتال میں منتقل کیا جارہا ہے۔
ابتدائی اطلاعات کے مطابق امام بارگاہ میں دھماکے کے بعد علاقے کی بجی بند ہوگئی ہے جس ریسکیو ٹیموں کا کام کر نے مشکلات کا سامنا ہے، دھماکے کی آواز دور دور تک سنی گئی جس سے قریبی عمارتوں کےشیشے بھی ٹوٹ گئے۔
پولیس ذرائع کا کہنا ہے کہ دہشتگردوں کی تعداد 6 سے زائد ہے، انہوں نے مزید بتایا کہ کچھ دہشتگرد قریبی علاقے میں چھپ گئے ہیں ،جن کی گرفتاریوں کے لئے پولیس نے علاقے میں سرچ آپریشن شروع کردیا ہے۔
ترجمان پمز اسپتال کے مطابق جاں بحق ہونے والے دو افراد کی شناخت غلام حسین اور عبدالشکور کے نام سے ہوئی جبکہ دیگر زخمیوں کی حالت بھی تشویشناک ہے جن میں ایم الطاف حسین، سید سخاوت اور ساجد علی شاہ شامل ہیں۔
ذرائع کے مطابق حملہ آور کی امام بارگاہ پر تعینات سیکیورٹی گارڈ سے مزاحمت بھی ہوئی جس کے بعد حملہ آور نے گارڈ کو گولی مار کے اندر گھسا تھا۔
واقعے کے بعد فوج ،رینجرز اور پولیس نے جائے وقوعہ کو گھیرے میں لے لیا ،جاں بحق ہونے والوں میں اے آروائی نیوز کے کیمرہ مین خرم شہزاد قریشی کےو الدغلام حسین قریشی بھی شامل ہیں لاشوں اورزخمیوں کو پمز اسپتال منتقل کیا گیا جہاں دو زخمیوں کی حالت تشویشناک ہے۔
عینی شاہد کے مطابق دھماکہ نماز مغرب کے دوران ہوا، شکریال روڈ پر واقع امام بارگاہ میں فائرنگ کے بعد دھماکے کی آواز سنی گئی ہے۔
عینی شاہدین کے مطابق امام بارگاہ کے گارڈ نے جان کی قربانی دے کر مزید قیمتی جانوں کے ضیاع کو بچا لیا اور خودکش حملہ آور ٹارگٹ تک پہنچنے میں ناکام رہا۔
خودکش حملہ آور نے امام بارگاہ میں گھسنے کی کوشش کی تاہم وہاں موجود گارڈ نے جان پر کھیلتے ہوئے حملہ آور کو گیٹ پر ہی روک لیا جس پر خودکش حملہ آور نے وہیں خود کو دھماکے سے اڑا لیا جس کے نتیجے میں2 افراد شہید ہوئے۔
عینی شاہدین کا کہنا ہے کہ امام بارگاہ میں مغرب کی نماز ادا کی جا رہی تھی اور اگر خودکش حملہ آور اندر گھسنے میں کامیاب ہو جاتا تو شہادتوں کی تعداد کئی گنا زیادہ ہو سکتی تھی۔
ڈیرہ مراد جمالی: چھتر کے علاقے میں سیکیورٹی فورسز کی گاڑی کےقریب دھماکےسےسیکیورٹی فورس کے کیپٹن شہید جبکہ چاراہلکار زخمی ہوگئے۔
ڈیرہ مراد جمالی کے قریب چھتر کے علاقے میں سیکیورٹی فورسز کی گاڑی معمول کے گشت پر تھی کہ دوران سفر گاڑی کا ٹائر بارودی سرنگ پر چڑھ گیا جس کے باعث زوردار دھماکہ ہوا۔
دھماکے میں سیکیورٹی فورس کے کیپٹین سعید احمد موقع پر جاں بحق ہوگئے جبکہ تین اہلکار زخمی ہوگئے۔
زخمیوں کو سول اسپتال ڈیرہ مراد جمالی لایا گیا ہےجہاں انہیں طبی امداد دی جارہی ہےواقعے کے بعد سیکیورٹی فورسز اور پولیس کے اہلکاروں نے علاقے میں گھیرےمیں لےکر ملزمان کی تلاش شروع کردی ہے۔