ARYNews.tv | Urdu – Har Lamha Bakhabar

Tag: دھماکے

  • جنوبی وزیرستان میں پولیس وین کے قریب دھماکا، 3 افراد جاں بحق، اہلکار سمیت 13 زخمی

    جنوبی وزیرستان میں پولیس وین کے قریب دھماکا، 3 افراد جاں بحق، اہلکار سمیت 13 زخمی

    وزیرستان(7 اگست 2025): جنوبی وزیرستان کے وانا بازار میں دھماکے کے نتیجے میں کم از کم تین افراد جاں بحق اور 13 زخمی ہوگئے۔

    پولیس ترجمان کے مطابق دھماکے کا واقعہ وانا بازار میں پولیس وین کے قریب پیش آیا ہے جس کے نتیجے میں 3 راہگیر جاں بحق اور ایک پولیس اہلکار سمیت 13 افراد زخمی ہوگئے جنہیں قریبی اسپتال منقتل کیا جارہا ہے۔

    دھماکے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کردیا، پولیس کا کہنا ہے کہ دھماکا پولیس وین کے قریب ہوا ہے۔

    واضح رہے کہ گزشتہ روز اپر جنوبی وزیرستان کے ڈپٹی کمشنر (ڈی سی) عصمت اللہ وزیر کی گاڑی پر حملہ کیا گیا تھا، تاہم وہ اور ایڈیشنل ڈپٹی کمشنر محفوظ رہے۔

    ترجمان جنوبی وزیرستان پولیس شعیب محسود کا اس حوالے سے کہنا تھا کہ اپر جنوبی وزیرستان کی تحصیل لدھا کے علاقے حبیب کوٹ اڈانہ کے قریب نامعلوم حمہ آوروں نے ڈی سی عصمت اللہ وزیر کی گاڑی پر اُس وقت حملہ کیا جب وہ لدھا سے مکین کے علاقے کی جانب جا رہے تھے، حملے کے نتیجے میں پولیس کانسٹیبل سمیت 2 افراد زخمی ہوئے تھے۔

    دوسری جانب اسپیکر ایاز صادق نے مستونگ میں سیکیورٹی فورسز کی گاڑی کے قریب دھماکے کی مذمت کی ہے انہوں نے سیکیورٹی فورسز کے بہادر جوانوں کے جانی نقصان پر دکھ اور افسوس کا اظہار کیا ہے۔

  • دمشق کے گرجا گھر میں خود کش دھماکا، 20 افراد جان سے گئے

    دمشق کے گرجا گھر میں خود کش دھماکا، 20 افراد جان سے گئے

    شام کے دارالحکومت دمشق کے گرجا گھر میں خودکش دھماکا ہوا ہے، جس کے نتیجے میں 20 افراد لقمہ اجل بن گئے۔

    غیر ملکی ذرائع ابلاغ کے مطابق شام کے دارالحکومت دمشق کے گرجا گھر میں ہونے والے دھماکے کے نتیجے میں 20 افراد ہلاک ہو گئے۔

    غیر ملکی خبر ایجنسی کے مطابق عینی شاہدین کا کہنا ہے کہ خود کش بمبار نے گرجا گھر کے اندر خود کو دھماکے سے اڑا لیا۔

    شامی وزارتِ داخلہ کے اعلامیے کے مطابق گرجا گھر میں خود کش دھماکا کرنے والا داعش کا کارکن تھا۔

    واضح رہے کہ اس سے قبل مصر کے دارالحکومت قاہرہ کے ایک گرجا گھر میں آتشزدگی کے نتیجے میں کم از کم 41 افراد ہلاک جبکہ 50 سے زائد زخمی ہوگئے تھے۔

    عرب میڈیا کے مطابق آگ لگنے کا واقعہ دارالحکومت قاہرہ کے گنجان آباد علاقے امبابہ کے ابوسفین نامی گرجا گھر میں پیش آیا تھا۔

    حکام کا کہنا تھا کہ گرجا گھر میں ہفتہ وار اجتماع کے دوران اچانک آگ بھڑک اٹھی، جس کے نتیجے میں 41 افراد ہلاک جبکہ 50 سے زائد زخمی ہوگئے تھے۔

    واقعے کی اطلاع ملتے ہی ریسکیو حکام جائے وقوعہ پر پہنچ گئے اور زخمیوں کو امبابہ جنرل ہسپتال اور العجوزہ ہسپتال منتقل کر دیا گیا ہے۔

    گرجاگھر کے ترجمان نے بتایا کہ حادثے میں چرچ کے پادری کی موت ہو گئی ہے۔

    بھارتی ریاست منی پور میں ریاستی کارروائیاں، کئی گرجا گھر اور مکانات کو نذرآتش

    پولیس حکام کا کہنا ہے کہ آگ لگنے کی وجہ اب تک معلوم نہیں ہو سکی ہے، تاہم اطلاعات ہیں کہ آگ لگنے کا واقعہ چرچ میں شارٹ سرکٹ کے باعث پیش آیا ہے۔

  • لاہور والٹن روڈ کے علاقے میں یکے بعد دیگرے 3 دھماکے

    لاہور والٹن روڈ کے علاقے میں یکے بعد دیگرے 3 دھماکے

    لاہور: والٹن روڈ کے علاقے میں یکے بعد دیگرے 3 دھماکے ہوئے ہیں، جس نے لوگوں کو خوف زدہ کر دیا۔

    تفصیلات کے مطابق لاہور پولیس نے کہا ہے کہ والٹن روڈ کے علاقے میں تین زوردار دھماکے ہوئے ہیں، دھماکے سن کر لوگ گھروں سے باہر نکل آئے۔

    پولیس حکام کا کہنا ہے کہ ریسکیو کی فائر فائٹنگ گاڑیاں جائے وقوعہ پر پہنچ گئی ہیں۔

    دھماکوں کی آوازیں کئی کلو میٹر دور تک سنی گئیں، اس وقت سیکڑوں کی تعداد میں لوگ باہر نکل کر جمع ہو گئے ہیں، جب کہ پولیس کی بھاری نفری جائے وقوعہ پر موجود ہیں۔

    ہاؤسنگ سوسائٹیز میں بلیک آؤٹ رکھنے کے احکامات جاری

    سیکیورٹی فورسز کی جانب سے تحقیقات کی جا رہی ہیں کہ دھماکے کس نوعیت کے ہیں، دھماکے لاہور کے پوش علاقے گلبرگ میں ہوئے ہیں، پولیس نے علاقے کو گھیرے میں لے لیا ہے اور غیر متعلقہ افراد کو روک دیا گیا ہے۔

  • افغانستان، مزار شریف میں مسجد کے باہر زور دار دھماکا

    افغانستان، مزار شریف میں مسجد کے باہر زور دار دھماکا

    افغانستان کے صوبے بلخ کے دارلحکومت مزارشریف میں مسجد کے باہر زور دار دھماکا ہوا ہے۔ دھماکے میں متعدد افراد کے زخمی کے اطلاعات ہیں۔

    افغان میڈیا رپورٹس کے مطابق مزار شریف دھماکے میں ایک شخص جاں بحق، جبکہ 3 افراد زخمی ہوئے ہیں، جنہیں اسپتال منتقل کردیا گیا ہے۔

    ابتدائی اطلاعات کے مطابق دھماکا پہلے سے نصب بارودی مواد سے ہوا۔ افغانستان کی حکمران طالبان تحریک نے ابھی تک دھماکے سے متعلق رپورٹوں پر کوئی بیان جاری نہیں کیا ہے۔

    افغان میڈیا کا کہنا ہے کہ 2022 میں بھی ایک خودکش بمبار نے اس مسجد پر حملہ کیا تھا، جس میں درجنوں افراد اپنی زندگیوں سے محروم ہوگئے تھے۔

    واضح رہے کہ گزشتہ ماہ شام کے شہر منبج میں کار بم دھماکے کے نتیجے میں 15 مزدور زندگی کی بازی ہار گئے تھے۔منبج میں کار بم دھماکے میں جاں بحق ہونے والوں میں 14 خواتین شامل ہیں، جن میں زیادہ تر خواتین فارم ورکرز تھیں۔

    روس کا یوکرینی شہر سومی پر بیلسٹک میزائل حملہ، 34 ہلاک

    رپورٹس کے مطابق ایک مقامی شاہراہ پر زرعی کارکنوں کو لے جانے والی گاڑی کے قریب کار بم دھماکا ہوا، جس کے باعث 14 خواتین سمیت 15 افراد ہلاک ہوگئے۔ بعض افراد زخمی بھی ہوئے ہیں، جن میں سے بیشتر کی حالت نازک ہے۔

  • تل ابیب میں 3 بسوں میں زوردار دھماکے

    تل ابیب میں 3 بسوں میں زوردار دھماکے

    اسرائیل کے شہر تل ابیب کے جنوبی علاقے بات یام میں بسوں میں خوفناک دھماکے ہوئے ہیں، جس کے باعث بسیں جل کر راکھ ہوگئیں۔

    بین الاقوامی خبر رساں ادارے کی رپورٹ کے مطابق تل ابیب میں بسوں میں دھماکے گزشتہ رات ہوئے اور بسیں خالی ہونے کی وجہ سے کوئی جانی نقصان نہیں ہوا اور نہ ہی کسی زخمی کی اطلاع سامنے آئی ہے۔

    پولیس کے مطابق دھماکے سے پھٹنے والے مواد ایک جیسے ٹائم بم تھے، اگر دہشت گرد نے ان بموں کو غلط ٹائم پر سیٹ کیا ہے تو واقعی ہم خوش قسمت ہیں کہ جانی نقصان سے بچ گئے۔

    اسرائیلی حکام کے مطابق مزید 2 بسوں میں لگائے گئے بم پھٹ نہ سکے جب کہ پولیس شہر میں مزید بم نصب ہونے کے خدشے پر اپنی تلاش جاری رکھے ہوئے ہے۔

    رپورٹس کے مطابق نیتن یاہو نے بسوں میں ہونے والے دھماکوں کے بعد فلسطین کے مغربی کنارے میں آپریشن کرنے کا حکم جاری کردیا ہے۔

    دوسری جانب اسرائیل کی فوج نے دعویٰ کیا ہے کہ جنگ بندی معاہدے کے تحت فلسطینی عسکری تنظیم حماس نے جمعرات کو جن چار یرغمالوں کی لاشیں حوالے کی تھیں ان میں سے ایک لاش کسی اور کی ہے۔

    اسرائیلی حکام کا کہنا ہے حماس نے کل جس خاتون کی لاش دی وہ اسرائیلی یرغمالی نہیں ہیں، فرانزک کے بعد ثابت ہوا ہے یہ لاش شری بیباس کی نہیں ہے، چاروں لاشیں اسرائیل پہنچنے پر اسرائیلی حکام نے فوری طور پر 83 سالہ لیف شیٹس کی لاش کی شناخت کر دی تھی۔

    سعودی عرب میں 3 غیر ملکی خواتین گرفتار، وجہ سامنے آگئی

    تاہم جمعرات اور جمعے کی درمیانی شب اسرائیلی فوج نے ایک بیان میں کہا کہ نیشنل انسٹی ٹیوٹ آف فارنسک میڈیسن نے دو بچوں کی لاشوں کی شناخت کر لی ہے لیکن بچوں کی والدہ کی لاش اصل نہیں ہے۔

  • نیو یارک میں دھماکوں سے خوف و ہراس

    نیو یارک میں دھماکوں سے خوف و ہراس

    امریکا کے شہر نیویارک کے روزویلٹ جزیرے پر یکے بعد دیگرے دھماکوں کی آوازیں سنی گئیں۔ جس کے باعث خوف و ہراس پھیل گیا۔ دھماکوں کے بعد نیویارک فائر ڈپارٹمنٹ کی ٹیمیں موقع پر پہنچ گئیں۔

    سی بی ایس نیو یارک کی رپورٹ میں اس حوالے سے کہا گیا ہے کہ منگل کو صبح 6 بجے (مقامی وقت کے مطابق) ”580 مین سٹریٹ، روزویلٹ آئی لینڈ برج اینڈ ٹرام کے جنوب میں ”زور دار دھماکوں کی آوازیں سنی گئیں۔

    سی بی ایس نیویارک نے اس حوالے سے ایک ویڈیو بھی پوسٹ کی مگر دھماکوں کی نوعیت کے حوالے سے آگاہ نہیں کیا گیا۔

    غیر ملکی ذرائع ابلاغ کے مطابق یہ دھماکے گیس کے باعث ہوئے جبکہ مین ہولز سے آگ لگنے کے واقعات کی اطلاع بھی ملی ہے۔

    لینڈنگ کے دوران مسافروں سے بھرے طیارے میں خوفناک آگ بھڑک اُٹھی

    میڈیا آؤٹ لیٹ نے نیویارک پولیس ڈیپارٹمنٹ کے حوالے سے مزید کہا کہ مبینہ طور پر ایک ٹرانسفارمر پھٹنے کا واقعہ ہوسکتا ہے۔ تاہم، پولیس نے اس حوالے سے مزید تفصیلات نہیں بتائیں۔

  • الیکٹرک بائیک کی بیٹری دھماکے سے پھٹ گئی، دل دہلا دینے والی ویڈیو

    الیکٹرک بائیک کی بیٹری دھماکے سے پھٹ گئی، دل دہلا دینے والی ویڈیو

    سڈنی سے ایک چونکا دینے والا واقعہ سامنے آیا ہے جس میں ہاسٹل کی عمارت میں الیکٹرک بائیک کی بیٹری پھٹ گئی۔

    آسٹریلیا کے شہر سڈنی سے ایک دل دہلا دینے والی ویڈیو سامنے آئی ہے جس سے دو افراد معجزانہ طور پر بچ گئے، الیکٹرک بائیک کی بیٹری سے ہونے والا دھماکہ اتنا شدید تھا کہ آگ نے پورے کمرے کو لپیٹ میں لے لیا۔

    واقعے کی ویڈیو انٹرنیٹ پر وائرل ہوگئی جس میں دیکھا گیا کہ دو لڑکے اپنے کمرے سے باہر نکل رہے ہیں اس دوران دروازے سے اچانک آگ کا گولا پھٹ پڑا، جو الیکٹرک بائیک کی لیتھیم آئن بیٹری کے پھٹنے کی وجہ سے ہوا۔

    رپورٹ کے مطابق اس دل دہلا دینے والے دھماکے میں دونوں لڑکے محفوظ رہے لیکن آگ تیزی سے پھیل گئی، جس کے باعث ہاسٹل میں موجود تمام افراد کو وہاں سے نکالنا پڑا۔

    سڈنی کے فائر اینڈ ریسکیو نیو ساؤتھ ویلز کے ایک بیان کے مطابق 22 فائر فائٹرز اور چھ فائر ٹرکوں نے فوری طور پر پہنچ کر آگ پر قابو پالیا، تاہم اس دھماکے سے عمارت کو کافی نقصان پہنچ چکا تھا۔

  • جاپانی وزیراعظم نے دھماکے کے بعد انتخابی مہم دوبارہ شروع کردی

    جاپانی وزیراعظم نے دھماکے کے بعد انتخابی مہم دوبارہ شروع کردی

    ٹوکیو: جاپان کے وزیراعظم فومیو کشیدا نے بم دھماکے کے بعد انتخابی مہم دوبارہ شروع کردی۔

    جاپانی وزیراعظم نے کہا ہے کہ میرے خطاب کے مقام پر زوردار دھماکے کی آواز آئی تھی جس کی تحقیقات کی جارہی ہے۔

    فومیو کشیدا نے کہا ہے کہ لوگوں کی پریشانی کا باعث بننے پر معذرت چاہتا ہوں، ملک کے لیے انتخابات اہم ہیں جو ہونےجا رہے ہیں، ہمیں انتخابات کے لیے مل کر کام کرنا چاہیے۔

    جاپان کے وزیراعظم کی تقریر کے دوران بم دھماکا ، حملہ آور گرفتار

    واضح رہے کہ جاپان کے وزیراعظم کی تقریر کے دوران دھماکا ہوا، حملے میں جاپانی وزیراعظم محفوظ رہے تاہم حملہ آور کو گرفتار کرلیا گیا۔

    مقامی ذرائع ابلاغ کے مطابق جاپان کے شہر وکایامہ میں انتخابی مہم کے دروان وزیراعظم فومیو کیشیدہ تقریر کر رہے تھے کہ اچانک ایک شخص نے دھوئیں والا بم پھینک دیا تاہم سیکیورٹی اہلکاروں نے حملہ آور کو دبوچ لیا۔

  • وزیراعظم اور وزیر خارجہ کی بارکھان میں دھماکے کی مذمت

    وزیراعظم اور وزیر خارجہ کی بارکھان میں دھماکے کی مذمت

    وزیراعظم شہباز شریف اور وزیر خارجہ بلاول بھٹو نے بارکھان کے علاقے رکھنی بازار میں دھماکےکی مذمت کرتے ہوئے جانی نقصان پر گہرے دکھ کا اظہار کیا ہے۔

    وزیراعظم شہباز شریف نے کہا کہ قیمتی جانوں کے نقصان پر اہل خانہ سے دلی تعزیت اور ہمدردی کرتے ہیں۔

    شہباز شریف نے وزیر اعلیٰ اور آئی جی پولیس بلوچستان سے واقعےکی رپورٹ طلب کرلی ساتھ ہی زخمیوں کو بہترین طبی سہولیات فراہم کرنےکی ہدایت جاری کی ہے۔

    وزیراعظم شہبازشریف نے کہا کہ دہشت گرد سزا سے بچ نہیں سکیں گے، نا حق خون بہانے والوں کو عبرت کی مثال بنائیں گے۔

    بارکھان میں دھماکا، 4 افراد جاں بحق، 12 زخمی

    علاوہ ازیں وزیر خارجہ بلاول بھٹو زرداری نے بھی بارکھان میں دھماکے کی مذمت کرتے ہوئے جانی نقصان پر گہرے دکھ کا اظہار کیا ہے۔

    وزیر خارجہ بلاول بھٹو زرداری نے کہا کہ پاکستان معصوم شہریوں کو نشانہ بنانے والوں کی بیخ کنی کیلئے پر عزم ہے، دہشتگردوں کا کوئی مذہب یا قوم نہیں، وہ انسانوں کی شکل میں سفاک درندے ہیں۔

  • بغداد دھماکوں سے لرز اٹھا، 6 افراد جاں بحق

    بغداد دھماکوں سے لرز اٹھا، 6 افراد جاں بحق

    بغداد: عراق کے دارالحکومت بغداد میں تین بم دھماکوں میں 6 افراد جاں بحق جبکہ 15 افراد زخمی ہوگئے۔

    تفصیلات کے مطابق شمالی بغداد میں الشعب کالونی میں موٹرسائیکل میں نصب بم پھٹنے سے 3 افراد جان کی بازی ہار گئے جبکہ 5 افراد زخمی ہوگئے۔ بغداد کے علاقے البیاع میں بھی موٹرسائیکل میں نصب بم پھٹ گیا جس کے نتیجے میں 2 افراد جاں بحق جبکہ 6 افراد زخمی ہوگئے۔

    دوسری جانب عراقی داالحکومت کے مشرقی بلدیہ محلے میں بم پھٹنے سے ایک شخص جان کی بازی ہار گیا جبکہ 4 افراد زخمی ہوگئے۔ بغداد میں ہونے والے دھماکوں کی ذمہ داری فی الحال کسی گروپ نے قبول نہیں کی۔

    اس سے قبل گزشتہ ہفتے بغداد میں ہونے والے دھماکے کے نتیجے میں 2 افراد جاں بحق جبکہ 20 افراد زخمی ہوگئے تھے۔

    عراق میں حکومت مخالف مظاہرے، ہلاکتوں کی تعداد 339 ہوگئی

    واضح رہے کہ عراق کے مختلف شہروں میں کرپشن اور مہنگائی کے خلاف شہری سراپا احتجاج ہیں، گزشتہ دنوں جنوبی شہر بصریٰ اور نصیریہ میں پولیس اور مظاہرین کے درمیان جھڑپوں کے نتیجے میں 6 افراد ہلاک ہوئے تھے، جبکہ عراقی شہر ام قصر میں پولیس کی فائرنگ سے 9 مظاہرین جان کی بازی ہار گئے تھے۔

    اس طرح اکتوبر سے جاری مظاہروں میں اموات کی تعداد 340 ہوگئی، اقوام متحدہ نے سنگین صورت حال پر شدید تشویش کا اظہار کرتے فریقین کو معاملہ حل کرنے پر زور دیا ہے۔