ARYNews.tv | Urdu – Har Lamha Bakhabar

Tag: دھمکی

  • پاکستان میں گھی اور کوکنگ آئل کی قیمت اضافے کا خدشہ

    پاکستان میں گھی اور کوکنگ آئل کی قیمت اضافے کا خدشہ

    کراچی : پاکستان وناسپتی مینوفیکچرر ایسوسی ایشن کی جانب سے گھی ملز بند کرنے کی دھمکی کے بعد گھی اور کوکنگ آئل کی قیمت میں اضافے کا خدشہ پیدا ہوگیا۔

    تفصیلات کے مطابق پاکستان و ناسپتی مینیوفیکچررز ایسوسی ایشن کے صدر عمر ریحان شیخ نے ایف بی آر کے افسران کی گھی ملوں میں تعیناتی کے خلاف ملک بھر کی گھی ملیں غیر معینہ مدت کے لئے بند کرنے کی دھمکی دے دی۔

    پاکستان میں آج سونے کی قیمت

    ان کا کہنا تھا کہ جمعہ تک ہمارے مطالبات نہ مانے تو ملک بھر میں گھی ملز بند کردیں گے۔

    عمر ریحان شیخ نے کہا کہ گھی ملوں کی ہڑتال ایک دن کی نہیں بلکہ غیر معینہ مدت کی ہوگی، گھی اور تیل ملیں جمعہ کو مذاکرات کی ناکامی کی صورت میں ملک بھر میں سپلائی بند کردیں گی۔

    ایسوسی ایشن نے مطالبہ کیا کہ حکومت فوری طور پر یہ شرائط واپس لے اور کاروبار دوست پالیسی اپنائے۔

    ایف بی آر نے سیکشن 40 بی کے تحت ملک بھر کی گھی ملوں میں اہلکار تعینات کردئیے ہیں اور ایف بی آر اہلکاروں کی تعیناتی سے گھی انڈسٹری میں خوف و ہراس کی فضا قائم ہے۔

    پاکستان و ناسپتی مینیو فیکچررز ایسوسی ایشن نے 37 اے، ڈیجیٹل انوائسیز اور بینکوں میں دو لاکھ والی شرط کے خاتمے کا مطالبہ بھی کیا ہے۔

    ایف پی پی سی سی آئی کے صدر کے ہمراہ وزیر خزانہ سے ملاقات کرکے تحفظات سے آگاہ کردیا تھا۔

    گھی اور کوکنگ آئل کے شعبے میں کسی قسم کی رکاوٹ نہ صرف مہنگائی میں اضافہ کرے گی بلکہ سپلائی چین کو بھی متاثر کرے گی، جس کے اثرات براہ راست عام صارفین تک پہنچیں گے۔

  • پاگل کمیونسٹ کو نیویارک تباہ کرنے نہیں دونگا، اختیارات میرے پاس ہیں، ٹرمپ

    پاگل کمیونسٹ کو نیویارک تباہ کرنے نہیں دونگا، اختیارات میرے پاس ہیں، ٹرمپ

    ڈونلڈ ٹرمپ نیویارک کی میئرشپ کے امیدوار زہران ممدانی کیخلاف کھل کرمیدان میں آگئے کہا کہ ایک پاگل کمیونسٹ کونیویارک تباہ کرنےنہیں دوں گا۔

    امریکی صدر ڈونلڈ ٹرمپ نے ایک بار پھر زہران ممدانی پر تنقید کرتے ہوئے کہا کہ کمیونسٹ شدت پسند نیویارک تباہ نہیں کر سکتا، عوام یقین رکھیں اختیارات میرے پاس ہیں، عوام اس بات کا یقین رکھیں کہ سارے کارڈز میرے ہاتھ میں ہیں۔

    ڈونلڈ ٹرمپ نے کہا کہ میں نیویارک سٹی کو بچاؤں گا، نیویارک کو دوبارہ عظیم اور خوبصورت بناؤں گا، امریکا کو جیسےعظیم بنایا ویسے نیویارک کو بھی بناؤں گا۔

    مجھے لگتا ہے نیویارک کے لوگ پاگل ہو گئے ہیں، صدر ٹرمپ

    نیویارک میئر کیلئے ڈیموکریٹ پارٹی کے امیدوار ظہران ممدانی نے گزشتہ دنوں انسٹاگرام پوسٹ میں امریکی صدر کی دھمکی کا جواب دیتے ہوئے لکھا تھا کہ امریکی صدر نے مجھے گرفتار کرنے، میری شہریت چھیننے، قید میں ڈالنے اور ملک بدر کرنے کی دھمکی دی ہے۔

    انھوں نے کہا کہ "یہ دھمکی اس لیے نہیں کہ میں نے کوئی قانون توڑا ہے بلکہ اس لیے کہ میں دہشت زدہ کرنے والے (آئی سی ای) امیگریشن اور کسٹمز انفورسمنٹ کے خلاف ہوں”

    نیویارک کی مئیرشپ کے اپنی پوسٹ میں مزید لکھا کہ ٹرمپ کی ناراضگی صرف ہماری جمہوریت پر حملہ نہیں بلکہ نیو یارک میں رہنے والے ہر شہری کو پیغام ہے، ہم اس دھمکی کو قبول نہیں کریں گے۔

    https://urdu.arynews.tv/us-senate-passes-trump-sweeping-tax-cut-spending-bill/

  • بانی پی ٹی آئی سے ملاقات نہ کرائی تو۔۔۔۔۔، علی امین گنڈاپور نے کیا دھمکی دے دی؟

    بانی پی ٹی آئی سے ملاقات نہ کرائی تو۔۔۔۔۔، علی امین گنڈاپور نے کیا دھمکی دے دی؟

    وزیراعلیٰ کے پی علی امین گنڈاپور نے اڈیالہ جیل میں قید تحریک انصاف کے بانی سے ملاقات نہ کرانے پر سخت قدم اٹھانے کی دھمکی دے دی ہے۔

    اے آر وائی نیوز کے مطابق وزیراعلیٰ کے پی علی امین گنڈاپور، عمر ایوب، جاوید ہاشمی سمیت کئی رہنماؤں کو گھنٹوں انتظار کرانے کے بعد بھی بانی پی ٹی آئی عمران خان سے ملاقات نہیں کرائی گئی۔

    جیل کے باہر میڈیا سے گفتگو کرتے ہوئے وزیراعلیٰ کے پی علی امین گنڈاپور نے کہا کہ عمران خان سے ملاقات ہماری پارٹی کا آئینی اور سیاسی حق ہے۔ ہم نے ہائیکورٹ آرڈر کے مطابق ملاقات کیلیے فہرست جمع کرائی تھی۔ ملک میں قانون پر عملدرآمد نہیں ہو رہا اور آپ قانون پر عملدرآمد کر کے کیا پیغام دینا چاہتے ہیں۔

    علی امین نے کہا کہ عمران خان سے ملاقات نہیں کراتے اور پھر کہتے ہیں کہ میں سخت بات کرتا ہوں۔ ملاقات نہیں کرائیں گے تو پھر ہمارے پاس کیا آپشن رہ جاتا ہے۔

    انہوں نے فنانس کمیٹی اجلاس کے بائیکاٹ کی دھمکی دیتے ہوئے کہا کہ کسی بھی فنانس کمیٹی میں شرکت نہیں کریں گے۔ ابھی آئی ایم ایف کا بھی پروگرام آ رہا ہے، پھر ہمارا بھی یہی رویہ ہوگا۔

    وزیراعلیٰ نے ایک بار پھر اس بات کو دہرایا کہ بجٹ پر ہماری پارٹی کے بانی کا موقف ان کا سیاسی حق ہے۔ آئینی بحران سے بچنے کیلیے ہم نے بجٹ منظور کیا۔ عمران خان جب کہیں گے وہ کے پی اسمبلی تحلیل کر دیں گے۔

    علی امین گنڈاپور کا یہ بھی کہنا تھا کہ سازش ناکام ہوگئی، ملاقات تو ہو ہی جائے گی۔ جس میں جتنا دم ہے وہ عمران خان کے لیے کر رہا ہے۔ بانی نے جب بھی احکامات دیے جان لڑا دی۔ ہمارا لیڈر، قائدین اور ورکرز جیلوں میں ہیں اور ہمیں اپنی تحریک کو بھی چلانا ہے۔ ہم صوبے کے حالات دیکھ کر بات کریں گے۔

    انہوں نے کہا کہ میں عمران خان سے ہر ہفتے ملنا چاہتا ہوں اور میرے پاس ہائیکورٹ کا آرڈر بھی موجود ہے، لیکن مجھے دو، دو ماہ تک ان سے ملنے نہیں دیا جاتا۔

    https://urdu.arynews.tv/cm-kpk-ali-ameen-gandapur-media-talk/

  • مظلوم فلسطینیوں کی حمایت، اسرائیل نے برطانیہ کو بڑی دھمکی دیدی

    مظلوم فلسطینیوں کی حمایت، اسرائیل نے برطانیہ کو بڑی دھمکی دیدی

    غزہ میں وحشیانہ مظالم پر اقوام عالم کی مذمت کے جواب میں اسرائیل کی جانب سے روایتی ہٹ دھرمی کا مظاہرہ کرتے ہوئے دھمکیوں کا سلسلہ جاری ہے۔

    عرب خبر رساں ادارے کی رپورٹ کے مطابق برطانیہ کی طرف سے آزادانہ تجارتی معاہدے کی بات چیت معطل کرنے کے اعلان پر اسرائیلی وزارت خارجہ کا کہنا تھا کہ اسرائیل کی مخالفت میں برطانیہ اپنی معیشت کو نقصان پہنچانا چاہتا ہے تو یہ اس کی مرضی ہے۔

    اسرائیلی وزارت خارجہ کا کہنا تھا کہ بیرونی دباؤ اسرائیل کو اس کے مقصد کے حصول سے نہیں روک سکتا۔

    گزشتہ روز اسرائیلی وزیراعظم نیتن یاہو نے ایک بیان میں برطانیہ، فرانس اور کینیڈا کی جانب سے اسرائیل پر ممکنہ پابندیوں کی دھمکیوں کو شدید تنقید کا نشانہ بنایا تھا۔

    اسرائیلی وزیراعظم نیتن یاہو نے ان بیانات کو حماس کے لیے ایک بڑی انعامی پیشکش قرار دیا۔ انہوں نے کہا کہ اس قسم کے بیانات سے حماس کے موقف کو تقویت مل رہی ہے اور دہشت گردی کے خلاف جاری کوششوں کو نقصان پہنچ رہا ہے۔

    اسرائیلی وزیر اعظم نے کہا کہ اسرائیل امریکی صدر کی غزہ جنگ کے خاتمے کے حوالے سے پیش کردہ حکمتِ عملی سے متفق ہے اور دیگر یورپی رہنماؤں سے بھی مطالبہ کیا کہ وہ اسی مؤقف کو اپنائیں۔

    اُن کا کہنا تھا کہ اگر حماس یرغمالیوں کو رہا کر دے اور ہتھیار ڈال دے تو جنگ کل ہی ختم ہو سکتی ہے۔

    اسرائیلی وزیر اعظم کا یہ بیان ایسے وقت میں سامنے آیا ہے جب برطانیہ، فرانس اور کینیڈا کے رہنماؤں نے اسرائیل کو خبردار کیا ہے کہ اگر اس نے غزہ پر اپنی فوجی کارروائی نہ روکی اور انسانی امداد پر عائد پابندیاں نہ ہٹائیں، تو اُس کے خلاف عملی اقدامات اُٹھائے جائیں گے۔

    غزہ میں جنگ بند کرو ورنہ ……. امریکی صدر ٹرمپ کا نیتن یاہو کو سخت پیغام

    رپورٹس کے مطابق تینوں ممالک کے مشترکہ بیان میں کہا گیا ہے کہ ”اسرائیلی حکومت کی جانب سے شہری آبادی کے لیے بنیادی انسانی امداد کو روکنا کسی صورت قبول نہیں اور بین الاقوامی انسانی قانون کی صریح خلاف ورزی ہے۔

  • نیتن یاہو کی ایران کو ایک بار پھر دھمکی

    نیتن یاہو کی ایران کو ایک بار پھر دھمکی

    اسرائیل کے وزیرِاعظم بنیامین نیتن یاہو نے روایتی ہٹ دھرمی مظاہرہ کرتے ہوئے کہا ہے کہ ایران، اسرائیل کے لیے ایک بڑا خطرہ ہے اور پوری دنیا کے لیے بھی خطرناک ہے۔

    عرب خبر رساں ادارے کی رپورٹ کے مطابق اسرائیل کے وزیرِاعظم بنیامین نیتن یاہو کا اپنے بیان میں کہنا تھا کہ ان کی حکومت ایران کے اس خطرے کا مقابلہ کرتی رہے گی، خواہ اسرائیل کو اکیلے ہی کارروائی کیوں نہ کرنا پڑے۔

    اسرائیلی وزیر اعظم کا کہنا تھا کہ اگر ہمیں اکیلے کھڑا ہونا پڑا تو ہم کھڑے ہوں گے، لیکن جیت کی کوشش سے پیچھے نہیں ہٹیں گے۔ اُنہوں نے کہا کہ ایران کا خطرہ صرف اسرائیل کے لیے نہیں بلکہ پوری دنیا کے لیے ہے۔

    واضح رہے کہ ایران کے جوہری پروگرام سے متعلق مذاکرات جیسے جیسے اپنے فیصلہ کن مراحل کی طرف پہنچ رہے ہیں ویسے ویسے ٹرمپ اور اسرائیلی وزیر اعظم کے درمیان اختلافات سامنے آ رہے ہیں۔

    یہ صورتِ حال مشرقِ وسطیٰ میں طاقت کے توازن اور سیاسی حکمتِ عملی کو نئی شکل دینے کا اشارہ دے رہی ہے۔

    دوسری جانب ایران نے کہا ہے کہ امریکا کے ساتھ تکنیکی جوہری اجلاس ہفتے تک ملتوی کر دیا گیا ہے، امریکا ایران مذاکرات کا تیسرا دور بدھ کو ہونے والا تھا۔

    تیسرا دور ری شیڈول کرنے کا فیصلہ عمان کی تجویز اور وفود کے معاہدے کے بعد کیا گیا ہے، دوسری جانب مذاکرات کے باوجود امریکا نے ایران پر نئی پابندیاں عائد کر دی ہیں۔

    رائٹرز کے مطابق تہران کے ساتھ اس کے جوہری پروگرام پر جاری بات چیت کے درمیان امریکی محکمہ خزانہ نے کہا ہے کہ اس نے منگل کو ایرانی مائع پیٹرولیم گیس میگنیٹ سید اسد اللہ امام جومہ اور ان کے کارپوریٹ نیٹ ورک کو نشانہ بناتے ہوئے نئی پابندیاں عائد کی ہیں۔

    محکمہ خزانہ نے ایک بیان میں کہا کہ امام جومہ کے نیٹ ورک نے سیکڑوں ملین ڈالر مالیت کی ایرانی ایل پی جی اور خام تیل بیرونی منڈیوں میں بھیجا، دونوں مصنوعات ایران کے لیے آمدنی کا ایک بڑا ذریعہ ہیں، جو نہ صرف اس کے جوہری اور جدید روایتی ہتھیاروں کے پروگراموں کو بلکہ اس کے ساتھ ساتھ علاقائی پراکسی گروپس بشمول حزب اللہ، یمن کے حوثی اور فلسطینی حماس گروپ کو فنڈ دینے میں مدد کرتی ہیں۔

    چین کا امریکی صدر کے بیان پر ردِ عمل سامنے آگیا

    سیکریٹری خزانہ اسکاٹ بیسنٹ نے کہا کہ امام جومہ اور اس کے نیٹ ورک نے امریکی پابندیوں سے بچتے ہوئے ایران کے لیے آمدنی پیدا کرنے کے لیے ایل پی جی کی ہزاروں کھیپیں برآمد کرنے کی کوشش کی۔

  • تو ہے کیا چیز، باہر مل ۔۔ سزا سنانے والی خاتون جج کو ملزم کی دھمکی

    تو ہے کیا چیز، باہر مل ۔۔ سزا سنانے والی خاتون جج کو ملزم کی دھمکی

    بھارتی راجدھانی دہلی میں کمرہ َ عدالت میں اُس وقت ہنگامہ برپا ہو گیا جب ایک چیک باؤنس کے کیس میں خاتون جج کی جانب سے سزا کے فیصلے پر مجرم نے جج کو سنگین دھمکی دے دی۔

    بھارتی میڈیا رپورٹس کے مطابق ملزم نے خاتون جج کو دھمکی دیتے ہوئے کہا کہ تو ہے کیا چیز تو باہر مل پھر دیکھتے ہیں کہ کیسے زندہ گھر جاتی ہے۔

    بھارتی میڈیا رپورٹس کے مطابق جوڈیشل مجسٹریٹ شیوانگی منگلا نے ملزم کو ضمانتی مچلکے فراہم کرنے کا حکم دیا تھا۔

    ملزم کے اس کے اس رویے نے عدالت میں موجود سب کو حیران کردیا اور عدالتی کارروائی کے وقار کو چیلنج کردیا۔ خاتون جج نے اس صورتحال میں نہایت صبر و تحمل سے کام لیا اور فوری طور پر سیکیورٹی عملے کو طلب کیا۔

    ملزم کے وکیل نے بھی اس موقع پر نامناسب رویہ اپنایا اور جج کو دھمکانے کی کوشش کی۔ یہ واقعہ نہ صرف عدالتی نظام کے احترام کے خلاف تھا بلکہ خواتین کے وقار پر بھی ایک حملہ تھا۔ عدالت نے اس معاملے کو سنجیدگی سے لیتے ہوئے فوری کارروائی کرنے کا حکم جاری کردیا۔

    عدالت نے اس واقعے کے بعد ملزم اور اس کے وکیل کے خلاف توہین عدالت کا نوٹس جاری کردیا۔

    قانونی ماہرین کا کہنا ہے کہ اس قسم کے رویے کی سزا سخت ہو سکتی ہے، جس میں جرمانہ اور قید دونوں شامل ہو سکتے ہیں۔

    اس واقعے پر دہلی ہائی کورٹ کے وکلاء کی تنظیم نے بھی تشویش کا اظہار کیا اور مطالبہ کیا کہ ملزم اور وکیل کے خلاف سخت قانونی کارروائی کی جائے۔

    فنڈز منجمد کرنے پر ہارورڈ یونیورسٹی کا ٹرمپ انتظامیہ کیخلاف جوابی اقدام

    اُن کا کہنا تھا کہ جج کے ساتھ اس طرح کا سلوک ناقابل برداشت ہے اور اس سے قانون کی حکمرانی کمزور ہوتی ہے۔ تنظیم نے عدالتی تحفظ کے لیے مزید سخت قوانین کا مطالبہ بھی کیا تاکہ مستقبل میں ایسے واقعات کو روکا جا سکے۔

  • سلمان خان کا قتل کی دھمکی کے بعد پہلا بیان سامنے آ گیا

    سلمان خان کا قتل کی دھمکی کے بعد پہلا بیان سامنے آ گیا

    بھارتی فلم انڈسٹری کے دبنگ اداکار سلمان خان کو جان سے مارنے کی دھمکی کے کچھ ہی گھنٹے بعد ان کا مبہم بیان سامنے آیا ہے۔

    غیر ملکی ذرائع ابلاغ کے مطابق گزشتہ روز ممبئی ٹریفک پولیس کی ہیلپ لائن کے واٹس ایپ نمبر پر ایک بار پھر سلمان خان کے لیے دھمکی ملی تھی، جس میں کہا گیا تھا کہ اداکار کو ان کے گھر میں داخل ہونے کے بعد ماردیا جائے گا اور ان کی گاڑی بم سے اڑادی جائے گی۔

    رپورٹس کے مطابق بعد ازاں ممبئی پولیس نے اس حوالے سے شکایت درج کر کے تحقیقات شروع کردی تھیں۔ اب اس دھمکی کے بعد دبنگ خان کا بیان سامنے آیا ہے۔

    دبنگ اداکار نے جِم کے ٹریننگ سیشن سے تصویر شیئر کر کے لکھا ہے کہ حوصلہ افزائی کے لیے آپ کا شکریہ۔

     

    View this post on Instagram

     

    A post shared by Salman Khan (@beingsalmankhan)

    اداکار کی یہ نئی تصویر اور اس میں دکھائی دینے والی ان کی محنت اور فٹنس کو دیکھ کر مداح حیران رہ گئے جس کے بعد اس پر تعریف کرنے والوں کی لائن لگ گئی۔

    سلمان کی اس نئی پوسٹ اور اس میں لکھے گئے الفاظ نے ان کے چاہنے والوں کو تجسس میں ڈال دیا ہے کہ اداکار نے یہ الفاظ کس کے لیے لکھے ہیں۔

    واضح رہے کہ گمنام پیغام میں بالی ووڈ کے بھائی جان کو ان کے ہی گھر میں جان سے مارنے کی دھمکی دی گئی تھی اور دعویٰ کیا گیا تھا کہ اداکار کی گاڑی کو دھماکے سے اڑا دیا جائے گا۔

    یاد رہے کہ سلمان کو پہلے بھی کئی بار جان سے مارنے کی دھمکیاں مل چکی ہیں، اداکار کی لارنس بشنوئی سے پرانی دشمنی ہے، پچھلے سال گینگسٹر کے شوٹروں نے سلمان کے قریبی ساتھی بابا صدیقی کو سرعام گولی مار کر ہلاک کر دیا تھا۔

    ’گاڑی کو بم سے اڑا دیں گے‘ سلمان خان کو جان سے مارنے کی ایک اور دھمکی

    جبکہ گزشتہ سال اپریل میں سلمان کے گلیکسی اپارٹمنٹ پر گولیاں چلائی گئی تھیں، جس کے بعد اداکار نے اپنی اور اپنی فیملی کی حفاظت کے لیے اپنے گھر کو بلٹ پروف کر دیا تھا۔

  • رونالڈو کو دھمکی آمیز پیغامات ملنے پر سیکورٹی بڑھا دی گئی

    رونالڈو کو دھمکی آمیز پیغامات ملنے پر سیکورٹی بڑھا دی گئی

    دنیا بھر میں اپنے شاندار کھیل کے باعث مشہور پرتگالی فٹبالر کرسٹیانو رونالڈو اور ان کی گرل فرینڈ جارجینا روڈریگز نے سوشل میڈیا پر موصول ہونے والے دھمکی آمیز پیغامات کے بعد سعودی عرب میں اپنے حفاظتی انتظامات میں تبدیلیاں کی ہیں۔

    غیر ملکی ذرائع ابلاغ کے مطابق دھمکی آمیز خطرناک پیغامات ملنے کے بعد کرسٹیانو رونالڈو اور جارجینا روڈریگز نے اپنی سیکیورٹی مزید بڑھادی ہے۔

    رپورٹس کے مطابق رونالڈو اور جارجینا روڈریگز نے اپنے سابق چیف باڈی گارڈ اور دیگر سیکیورٹی اسٹاف کو تبدیل کر دیا ہے۔

    دونوں نے اپنے بچوں کو سوشل میڈیا سے دور کر دیا ہے اور فیملی کی تصاویر اور ویڈیوز سوشل میڈیا پر شیئر نہیں کررہے۔

    رپورٹس کے مطابق سعودی عرب کی پولیس بھی ان کے ساتھ حفاظتی اقدامات میں تعاون کر رہی ہے۔

    معروف فٹبالر رونالڈو نے اب پرتگال میں ہائی رسک سیکیورٹی کے ماہر کلاڈیو میگوئل ویز کو بطور چیف سیکیورٹی آفیسر تعینات کردیا ہے۔

    کراچی کنگز نے حسن علی کو نائب کپتان مقرر کر دیا

    واضح رہے کہ 2023ء میں سعودی فٹبال فرینچائز النصر میں شمولیت اختیار کرنے کے بعد سے رونالڈو اپنی گرل فرینڈ جارجینا اور بچوں کے ہمراہ سعودی عرب میں سکونت اختیار کئے ہوئے ہیں۔

    رونالڈو دنیائے فٹبال کے عظیم کھلاڑیوں میں سے ایک ہیں، انہوں نے ایک دہائی سے زائد عرصے سے اس کھیل کی دنیا پر غلبہ حاصل کیا ہے۔

  • ’برکس ممالک نے ڈالر کو نقصان پہنچانے کا سوچا تو۔۔۔‘ ٹرمپ کی برکس ممالک کو دھمکی

    ’برکس ممالک نے ڈالر کو نقصان پہنچانے کا سوچا تو۔۔۔‘ ٹرمپ کی برکس ممالک کو دھمکی

    واشنگٹن: امریکی صدر ڈونلڈ ٹرمپ نے برکس ممالک کو ڈالر کا متبادل تلاش کرنے پر 150 فیصد ٹیرف کی دھمکی دے دی۔

    واشنگٹن میں تقریب سے خطاب میں امریکی صدر ڈونلڈ ٹرمپ نے برکس ممالک کو خبردار کرتے ہوئے کہا اگر متبادل کرنسی لانے کی کوشش بھی کی تو ان ممالک پر ایک سو پچاس فیصد ٹیرف لگا دیں گے۔

    انہوں نے واشنگٹن میں ریپبلکن گورنرز ایسوسی ایشن سے خطاب کرتے ہوئے کہا کہ برکس ممالک نئی کرنسی بنانا چاہتے اور امریکی کرنسی ڈالر کو تباہ کر نے کی کوشش کر رہے ہیں، برکس ممالک چینی یوآن کو استعمال کرنا چاہتے ہیں۔

    ان کا کہنا تھا کہ اگر برکس ممالک نے ڈالر کونقصان پہنچانے کا سوچا تو ان سے کاروبار بند کردیں گے، برکس ممالک چینی کرنسی یو آن کو استعمال کرنا چاہتے ہیں لیکن ایسا نہیں ہوسکتا اگر ایسا کیا گیا تو ہم ان سے سامان نہیں لیں گے۔

    واضح رہے امریکی صدر ڈونلڈ ٹرمپ نے پہلے کہا تھا کہ وہ برکس ممالک سے درآمدات پر 100 فیصد محصولات عائد کریں گے اگر وہ اپنی کرنسی قائم کریں یا ڈالر چھوڑ دیں۔

     برکس ممالک میں چین ،روس، بھارت، برازیل، سعودی عرب سمیت چھ ممالک پر مشتمل ہے۔

  • ٹرمپ کی جنوبی افریقا کو دھمکی

    ٹرمپ کی جنوبی افریقا کو دھمکی

    امریکا کے نئے منتخب ہونے والے صدر ڈونلڈ ٹرمپ نے جنوبی افریقا کو دی جانے والی تمام فنڈنگ روکنے کی دھمکی دے دی۔

    بین الاقوامی خبر رساں ادارے کی رپورٹ کے مطابق ڈونلڈ ٹرمپ نے ثبوت فراہم کیے بغیر جنوبی افریقا پر الزام عائد کیا ہے کہ جنوبی افریقا کچھ طبقے کے لوگوں کے ساتھ غیر انسانی سلوک اور ان کی زمینوں پر قبضہ کررہا ہے۔

    ٹرمپ نے دھمکی دیتے ہوئے کہا کہ اس صورتِ حال کی مکمل تحقیقات ہونے تک جنوبی افریقا کو دی جانے والی تمام مستقبل کی فنڈنگ روک دوں گا۔ اس معاملے میں امریکا جنوبی افریقا کے ساتھ نہیں ہے، ہم بھرپور کارروائی کریں گے۔

    واضح رہے کہ امریکی حکومت کے تازہ ترین اعداد و شمار کے مطابق امریکا 2023ء سے جنوبی افریقا کو تقریباً 440 ملین ڈالرز کی امداد دینے کا پابند ہے۔

    اس سے قبل امریکی صدر کی نئی ٹیرف پالیسی پر چین اور کینیڈا کے بعد اب جاپان کی جانب سے بھی تحفظات کااظہار کیا گیا ہے۔

    جاپان کے وزیرخارجہ کا کہنا ہے کہ امریکی اقدام سے پوری دنیا کی معیشت متاثر ہونے کا خدشہ ہے، امریکی اقدام دنیا کیلئے خسارے کا سودا ہے۔

    جبکہ امریکا میں قائم چین کے سفارتخانے کے ترجمان نے امریکی ٹیرف پالیسی پر شدید ردعمل دیتے ہوئے کہا کہ تجارت اور محصولات کی جنگ میں کسی کی فتح نہیں ہوتی۔

    ترجمان چینی سفارتخانہ کا کہنا ہے کہ چین اپنے مفادات کے تحفظ کیلئے اس اقدام کا جواب دے گا، ٹیرف پالیسی سے امریکا کے اندرونی مسائل حل نہیں ہوسکتے۔

    ترک صدر نے رواں سال کو ’عائلی برس‘ قرار دے دیا

    انہوں نے کہا کہ امریکی اقدامات سے کسی کو فائدہ نہیں پہنچے گا، امریکا کا اقدام دنیا کے لیے خسارے کا سودا ہے۔