لاہور: مسلم لیگ ق کےمرکزی رہنماچوھدری پرویز الٰہی نے مطالبہ کیا ہے کہ پارلیمنٹ متفقہ قرارداد کے ذریعے سعودی عرب کا ساتھ دینے کا اعلان کرے۔
ایک بیان میں پرویز الہی کا کہنا تھا کہ سعودی عرب نے ہر مشکل وقت میں کھل کرپاکستان کاساتھ دیا، قوم کافرض ہےکہ وہ بھی سعودی عرب کا ساتھ دے۔
انہوں نے پارلیمنٹ کے مشترکہ اجلاس کا خیرمقدم کرتے ہوئے کہا کہ پارلیمنٹ کی طرف سے پوری دنیا کو متفقہ طور پر یہ پیغام جانا چاہیئے کہ حرمین شریفین کے دفاع کیلئے پاکستانی قوم اور مسلح افواج سیسہ پلائی دیوار ثابت ہوں گی۔
اسلام آباد: پاکستان مسلم لیگ ق نے کالاباغ ڈیم بنانے کیلئے مہم چلانے کااعلان کردیا،چوہدری پرویز الہیٰ کہتے ہیں ڈیم کے حق میں بائیس نومبر کو بہاولپور میں جلسہ ہوگا، نام کا مسئلہ ہے تو کالاباغ کو پاکستان ڈیم کا نام دے دیا جائے۔
اسلام آباد میں کالاباغ ڈیم کے معاملے پر سیمینار منعقد ہوا جس سے خطاب میں چوہدری پرویز الہیٰ نے کالا باغ ڈیم کے حق میں ملک گیر مہم چلانے کا اعلان کردیا،مسلم لیگ ق کے سینئر رہنما چوہدری پرویز الہیٰ نےکہا بلاوجہ کالا باغ ڈیم کی مخالفت کی جا رہی ہے، کسی کوکالاباغ پسند نہیں تو اس کا نام کوپاکستان ڈیم رکھ دیا جائے۔
چوہدری پرویز الہیٰ نے بتایا کہ انہوں نے اپنے دور میں دیگر تینوں وزراء اعلی کو کہا تھا کہ کالاباغ ڈیم پردستخط کریں اور پنجاب کوکچھ نہ دیں، چوہدری پرویز الہیٰ نے کانفرنس کے بعد میڈیا سے بات چیت کرتے ہوئے اعلان کیا قاف لیگ بائیس نومبر کو کالاباغ ڈیم کے حق میں بہاولپور میں جلسہ کرے گی۔
کانفرنس میں دیگر مقررین نے بتایا کالا باغ ڈیم سے ماہانہ چھتیس سومیگاواٹ بجلی پیدا ہوگی، جس کی قیمت دوروپے فی یونٹ ہوگی۔ اور چاروں صوبوں کوپانی کا وافر ذخیرہ بھی میسرہوگا۔
لاہور: مسلم لیگ ق کے مرکزی رہنما پرویز الہٰی کا کہنا ہے کہ ظلم رات ختم ہونے والی ہے، انقلاب مارچ ہر صورت ہوگا کوئی روکاوٹ برداشت نہیں کریں گے۔
لاہور میں میڈیا سے گفتگو کرتے ہوئے سابق وزیر اعلی پنجاب پرویز الہٰی کا کہنا تھا کہ سانحہ ماڈل ٹاؤن کے شہدا کی ایف آئی آر تک درج نہیں کی گئی، پرویز الہٰی کا کہنا تھا کہ منزل اسلام آباد ہے،موجودہ حکومت نہ جمہوری ہے نہ جمہوریت کو پسند کرتی ہے،انہوں نے بتایا کہ گجرات میں مسلم ق کے خلاف کریک ڈاون شروع کردیا گیا ہے۔
لاہور: سابق نائب وزیر اعظم چوہدری پرویز الہیٰ نے کہا ہے کہ14 اگست کو عوام حکمرانوں کو اسلام آباد سے واپس لے کر آئے گی ۔
مسلم لیگ ہاؤس لاہور میں آئی ڈی پیز کیلئے لگائے گئے امدادی کیمپ کا دورہ کرنے کے بعد میڈیا سے گفتگو کر تے ہوئے چودھری پرویزالٰہی نے کہا کہ سانحہ ماڈل ٹاؤن میں ایک بکرے کی قربانی سے کچھ نہیں ہو گا جلد مزید قربانیاں دینا ہوں گی۔ انہوں نے کہا کہ وزیراعلیٰ کی اجازت کے بغیر چڑیا پر نہیں مار سکتی تو پھر گولی کیسے چل گئی؟ توقیر شاہ کا ایس ایم ایس اس سلسلے میں کافی ہے۔ اسلام آباد مارچ کرنے والے حکمرانوں کو واپس لے کر ہی آئیں گے۔
انہوں نے کہا کہ وزیرستان کا آپریشن اگر حکومت نے سوچ سمجھ کر کیا تھا تو پھر آئی ڈی پیز کی رہائش، کھانے پینے کا بندوبست پہلے سے کیوں نہیں کیا گیا یہ حکمران سوچتے رہتے ہیں لیکن اس پر عمل نہیں کرتے۔ انہوں نے کہاکہ چودھری شجاعت حسین کی کوششوں سے جلد ڈاکٹر طاہر القادری، عمران خان و دیگر جماعتیں ایک پلیٹ فارم پر نظر آئیں گی ۔
