ARYNews.tv | Urdu – Har Lamha Bakhabar

Tag: دھونی

  • دھونی کی ٹیم کی مسلسل شکستوں سے مایوس شروتی ہاسن رو پڑیں، ویڈیو وائرل

    دھونی کی ٹیم کی مسلسل شکستوں سے مایوس شروتی ہاسن رو پڑیں، ویڈیو وائرل

    انڈین پریمئیر لیگ (آئی پی ایل) میں بھارتی ٹیم کے سابق کپتان دھونی کی ٹیم چنائی سپر کنگز کی مسلسل شکستوں کے باعث بھارتی اداکارہ شروتی ہاسن اور فینز گراؤنڈ میں رونے لگے، جس کی ویڈیو بھی سوشل میڈیا پر گردش کررہی ہے۔

    گزشتہ روز سن رائزرز حیدرآباد نے چنائی کو اپنے ہوم گراؤنڈ پر 5 وکٹوں سے ہرادیا تھا، اس میچ میں دھونی کی ٹیم محض 154 رنز بناکر آؤٹ ہوگئی تھی، مخالف ٹیم نے 18.4 اوورز میں ہدف حاصل کرلیا تھا۔

    دھونی کی ٹیم ٹورنامنٹ میں صرف 2 مقابلے جیت سکی ہے اور پلے آف مرحلے میں ٹیم کی رسائی کا امکان ختم ہوچکا ہے۔

    دھونی کی ٹیم چنائی سپر کنگز کے سپورٹرز اور فینز مسلسل شکستوں پر سخت مایوس ہوچکے ہیں، جبکہ اسٹیڈیم میں میچ کے دوران بھارتی اداکارہ شروتی ہاسن کی روتے ہوئے ویڈیو بھی وائرل ہورہی ہے۔

    اس سے قبل بھارتی ٹیم کے سابق کپتان مہندرا سنگھ دھونی کا 5 لیٹر دودھ پینے اور واشنگ مشین میں لسی بنانے والی خبر پر ردعمل بھی سامنے آیا تھا۔

    حال ہی میں آئی پی ایل کی فرنچائز ٹیم چنئی سپر کنگز کے کپتان ایم ایس دھونی نے ایک پروموشنل ایونٹ میں شرکت کی۔

    ایونٹ کے دوران سابق بھارتی کپتان سے سوال ہوا کہ انہوں نے اپنے لیے سب سے عجیب افواہ اب تک کیا سنی؟ جس کے جواب میں انہوں نے بتایا کہ ’میں روزانہ 5 لیٹر دودھ پیتا ہوں‘۔

    یاد رہے کہ 2000 کی دہائی میں افواہیں سامنے آئی تھیں کہ سابق بھارتی کپتان کی تندرستی کا راز روزانہ 5 کلو دودھ کا استعمال ہے جب کہ وہ واشنگ مشین میں لسی بناتے ہیں۔

    پہلگام واقعہ: شاہد آفریدی کا بھارتی سازش پر سخت ردعمل

    ماضی میں بھی سابق بھارتی کپتان نے اپنے ایک انٹرویو میں بتایا تھا کہ میں دن بھر میں ایک لیٹر دودھ پیتا ہوں لیکن مزید 4 لیٹر بہت زیادہ ہے۔

  • دھونی کی سیاست میں انٹری، بی سی سی آئی کے نائب کا اہم بیان

    دھونی کی سیاست میں انٹری، بی سی سی آئی کے نائب کا اہم بیان

    بھارتی کرکٹ ٹیم کے سابق کپتان ایم ایس دھونی کی انٹر نیشنل کرکٹ کو خیرباد کہنے اور صرف آئی پی ایل کھیلنے کے باوجود مداحوں کی تعداد بہت زیادہ ہے۔

    بھارتی میڈیا رپورٹس کے مطابق سابق کپتان ایم ایس دھونی کی قیادت میں بھارت نے 2007 کا T20 ورلڈ کپ، 2011 کا ون ڈے ورلڈ کپ اور 2013 کی چیمپئنز ٹرافی اپنے نام کی۔ دھونی تینوں ٹرافی جیتنے والے واحد کپتان ہیں۔

    اُن کی سیاست میں انٹری کے حوالے سے خبریں گردش کررہی ہیں، اس میں کتنی سچائی ہے؟ کیا دھونی کی سیاست میں انٹری یقینی ہے؟ آئیے اس حوالے سے حقائق جانتے ہیں۔

    ایک یوٹیوب چینل کو دیے گئے ایک حالیہ انٹرویو میں بی سی سی آئی کے نائب صدر راجیو شکلا نے دھونی کی سیاسی اننگ پر بات کی، انہوں نے کہا کہ دھونی کے بارے میں یہ قیاس کیا جا رہا ہے کہ وہ ایک اچھے سیاستدان ہوں گے۔

    راجیو شکلا نے کہا کہ ‘دھونی میں ایک سیاستدان کے طور پر آگے بڑھنے کی صلاحیت ہے۔ لیکن سیاست میں آنا یا نہ آنا مکمل طور پر ان کا ذاتی فیصلہ ہے۔

    سوربھ اور میں نے سوچا تھا کہ دھونی بنگال کی سیاست میں قدم رکھیں گے، وہ سیاست میں بھی آگے بڑھ سکتے ہیں۔ وہ آسانی سے جیت بھی سکتے ہیں، ان کے پاس اچھی فینس فالوینگ ہے۔ یہ مقبولیت کے لحاظ سے ایک بہت بڑی کامیابی ہے۔

    راجیو شکلا کا کہنا تھا کہ انہوں نے دھونی سے سیاست پر بات کی تھی۔ شکلا نے کہا کہ ‘ایک بار یہ افواہ پھیل گئی کہ دھونی لوک سبھا الیکشن لڑ رہے ہیں۔ مجھے لگا کہ یہ سچ ہے اور میں نے ان سے اس حوالے سے بات کی۔

    دھونی نے اسے محض افواہ قرار دے کر مسترد کر دیا۔ درحقیقت دھونی کو زیادہ باہر دِکھنا پسند نہیں ہے۔ شہرت کے باوجود وہ چکاچوندھ سے دور رہنا اور خاموش رہنا پسند کرتے ہیں۔ ان کے پاس موبائل فون نہیں ہے۔

    اگر آپ اچھی کرکٹ کھیلتے ہیں تو آپ کو پی آر کی ضروت نہیں، دھونی

    بی سی سی آئی کے سلیکٹرز بھی ان سے رابطہ کرنے کی کوشش کرتے ہیں مگر انہیں دھونی سے رابطہ کرنے میں انتہائی مشکل کا سامنا کرنا پڑتا ہے۔ انہوں نے کہا کہ سابق کپتان صرف اپنے کام پر توجہ دیتے ہیں۔ وہ کام کو بہت سنجیدگی سے لیتے ہیں۔

  • جہاز میں دھونی کی اچانک آمد پر مسافر حیران، ویڈیو وائرل

    جہاز میں دھونی کی اچانک آمد پر مسافر حیران، ویڈیو وائرل

    بھارت کے کامیاب ترین سابق کپتان مہندر سنگھ دھونی بنگلورو سے رانچی جانے والی پرواز میں سوار ہوئے تو جہاز میں موجود مسافر سابق کپتان کو دیکھ کر حیران رہ گئے اور ان کی خوشی کی کوئی انتہاء نہ رہی۔

    اس موقع پر جہاز میں موجود کچھ مسافروں نے سابق کپتان ایم ایس دھونی کی ویڈیو بھی بنائی اور اسے سوشل میڈیا پر وائرل کردیا۔

    سامنے آنے والی ویڈیو میں دیکھا جاسکتا ہے کہ چینائی سپر کنگز کے وکٹ کیپر ایم ایس دھونی فلائٹ میں سوار ہوتے ہیں اور اپنا سامان رکھنے لگتے ہیں۔

    ایم ایس دھونی کو اچانک جہاز میں دیکھ ان کے مداح خوشی سے نہال ہوجاتے ہیں اور ان کی ویڈیو بنانا شروع کردیتے ہیں۔

    انسٹا گرام یا ایکس، دھونی کا پسندیدہ سوشل میڈیا پلیٹ فارم کون سا؟

    واضح رہے کہ سابق ہندوستانی کپتان دھونی نے 2011 کے ورلڈ کپ ٹائٹل میں مردوں کی قومی ٹیم کی قیادت کی تھی۔

  • ’ٹائیگر ابھی زندہ ہے!‘ سریش رائنا نے دھونی کو نیا خطاب کیوں دیا؟

    ’ٹائیگر ابھی زندہ ہے!‘ سریش رائنا نے دھونی کو نیا خطاب کیوں دیا؟

    گجرات ٹائٹنز کے خلاف میچ میں ایم ایس دھونی کے شاندار کیچ پر سریش رائنا بھی حیران رہ گئے اور انھیں ٹائیگر کا خطاب دے ڈالا۔

    آئی پی ایل میں چنئی سپر کنگ اور گجرات ٹائٹنز کے درمیان ہونے والے مقابلے میں اننگز کے 8 ویں اوور میں دھونی نے اسٹمپ کے پیچھے اپنی پرانی فٹنس کا مظاہرہ کرتے ہوئے ایک سنسنی خیز کیچ پکڑا جس نے ان کے سابق ساتھی ساتھی سریش رینا کو ورطہ حیرت میں ڈال دیا۔

    چنئی سپر کنگز اور گجرات ٹائٹنز کے درمیان مقابلہ کافی دلچسپ مرحلے میں تھا۔ جی ٹی کے آل راؤنڈر وجے شنکر نے 12 رنز پر بیٹنگ کرتے ہوئے ڈیرل مچل کی گیند پر ڈرائیو کرنے کی کوشش کی۔

    گیند نے باہر کا کنارہ لے لیا اور اسی وقت دھونی نے کیچ پکڑنے کے لیے فوری برق رفتاری کا مظاہرہ کیا اور وکٹ کے پیچھے گیند کو تھام لی جس نے نہ صرف گراؤنڈ میں موجود شائقین بلکہ کمنٹیٹرز کو بھی دنگ کردیا۔

    رائنا جنھوں نے اپنے کیریئر کے دوران دھونی کے ساتھ کئی یادگار لمحات شیئر کی ہیں وہ اس کیچ پر اپنے جوش پر قابو نہیں رکھ سکے۔

    اپنے آفیشل انسٹاگرام اکاؤنٹ پر انھوں نے اس کیچ کا کلپ شیئر کیا اور ساتھ میں لکھا، ’یہ بات یاد رکھیں سر ٹائیگر ابھی زندہ ہے، بھائی ہمیشہ مضبوط رہیں اور آس پاس کے ہر ایک کو متاثر کرتے رہیں۔‘

    اس سے قبل رائل چیلنجرز بنگلورو کے خلاف پہلے میچ میں، دھونی نے اسٹمپ کے پیچھے ایک اور کمال دکھاتے ہوئے شاندار رن آؤٹ کیا تھا جس نے مداحوں کو دھونی کے ابتدائی دنوں کی یاد دلا دی تھی۔

  • ’فین گرل مومنٹ‘ دھونی کی فلائٹ میں سونے کی ویڈیو وائرل

    ’فین گرل مومنٹ‘ دھونی کی فلائٹ میں سونے کی ویڈیو وائرل

    بھارت کرکٹ ٹیم کے سابق کپتان مہندرا سنگھ دھونی کی فلائٹ میں سونے کی ایک ویڈیو وائرل ہورہی ہے جسے  ’فین گرل مومنٹ‘ قرار دیا گیا ہے۔

    سوشل میڈیا پر بھارت کرکٹ ٹیم کے سابق کپتان مہندرا سنگھ دھونی کی ایک ویڈیو وائرل ہے جس میں وہ فلائٹ کے دوران سو رہے ہیں اور ایک ایئر ہوسٹس فین ان کے ساتھ ویڈیو بنا رہی ہیں۔

    سوشل میڈیا پر وائرل ویڈیو کلپ میں دیکھا جا سکتا ہے کہ انڈین کرکٹ ٹیم کے کپتان مہندرا سنگھ دھونی فلائٹ کے دوران سو رہے ہیں جبکہ ان کی اہلیہ فون استعمال کر رہی ہیں۔

    https://twitter.com/ChakriDhoni17/status/1685171068909375488?s=20

    ویڈیو سوشل میڈیا پر وائرل ہونے کے بعد مہندرا سنگھ دھونی کے فینز کی جانب سے سوشل میڈیا پر تبصروں کا طویل سلسلہ شروع ہوا۔

    ٹوئٹر پر  ’چکری دھونی‘ پر شیئر ہونے والی ویڈیو کے بعد فینز کی جانب سے کہیں یہ کہا گیا کہ اس عمل سے مہندرا سنگھ دھونی کی پرائیویسی متاثر ہوئی تو کسی نے اس ویڈیو کلپ کو پسند کرتے ہوئے خوبصورت ’فین گرل مومنٹ‘ قرار دیا۔

    سوشل میڈیا صارف نے شیئر کی گئی ویڈیو پر کیپشن میں لکھا کہ ’یہ آج کے دن کی سب سے پیاری ویڈیو ہے‘۔

    https://twitter.com/OD_userr/status/1685224907326824448?s=20

    جبکہ اس ویڈیو پر ایک صارف نے لکھا کہ کیا کوئی انہیں کوئی بتائے گا کہ پروفیشنل ایئر ہوسٹس کسی کی ذاتی زندگی میں مداخلت نہیں کرتی۔

    ایک اور صارف نے ری ٹوئٹ کرتے ہوئے لکھا کہ ’ انہوں نے کچھ غلط نہیں کیا، آخر وہ ایم ایس دھونی کی فین ہیں‘۔

    https://twitter.com/Prats_2109/status/1685578348620345345?s=20

     

  • دھونی نے اپنی 42ویں سالگرہ کن خاص دوستوں کے ساتھ منائی؟ ویڈیو وائرل

    دھونی نے اپنی 42ویں سالگرہ کن خاص دوستوں کے ساتھ منائی؟ ویڈیو وائرل

    سابق بھارتی کپتان ایم ایس دھونی نے بھی ایسا ہی کیا انہوں نے اپنے خاص دن 42ویں سالگرہ کو اپنے چند خاص دوستوں  کے ساتھ منا کر لوگوں کو حیران کردیا۔

    فوٹو اینڈ شیئرنگ ایپ انسٹاگرام پر مہیندر سنگھ دھونی نے اپنی سالگرہ کی ایک ویڈیو شیئر کی ہے جس میں انہوں نے اس تقریب کی ایک جھلک شیئر کی ہے، جس میں دیکھا جاسکتا ہے کہ دھونی 4 پالتو کتوں کے ساتھ کیک کاٹ رہے ہیں۔

     

    View this post on Instagram

     

    A post shared by M S Dhoni (@mahi7781)

    دھونی نے کتوں کے ساتھ ویڈیو شیئر کرتے ہوئے اپنے کیپشن میں لکھا ’آپ سب کی خواہشات کا بہت بہت شکریہ، میں نے اپنی سالگرہ پر کیا کیا اس کی ایک جھلک یہ ہے۔

    ویڈیو میں وآضح دیکھا جاسکتا ہے کہ دھونی ان چاروں کتوں کیلئے کیک کاٹتے ہیں اور انہیں اپنے ہاتھوں سے کھلاتے ہیں، یہی نہیں ساتھ ہی ساتھ وہ کتوں سے یہ کہتے ہوئے بھی نظر آتے ہیں کہ مستی مت کرو پہلے بیٹھ کر آرام سے کھاؤ ، تو کتے اچھے پالتو جانور کی طرح ان کی بات مان کر ایک جگہ بیٹھ جاتے ہیں۔

    واضح رہے کہ بھارت کے سابق کھلاڑی ایم ایس دھونی کو مہنگی بائیکس اور کتے پالنے کا بہت شوق ہے اور ان 4 پالتو کتوں سے انہیں بہت لگاؤ ہے۔

  • ’دھونی پاکستان میں کھیلتا تو چار پانچ سال پہلے سائیڈ لائن کر دیا جاتا‘

    ’دھونی پاکستان میں کھیلتا تو چار پانچ سال پہلے سائیڈ لائن کر دیا جاتا‘

    کراچی: سابق ٹیسٹ کرکٹر کامران اکمل نے کہا ہے کہ اگر دھونی پاکستان میں کھیلتا تو چار پانچ سال پہلے اسے سائیڈ لائن کر دیا جاتا۔

    تفصیلات کے مطابق کراچی میں میڈیا سے گفتگو کرتے ہوئے کامران اکمل نے کہا کہ ایم ایس دھونی میرا فیورٹ کرکٹر اور کپتان ہے، اس سے بہت سیکھا، اگر وہ پاکستان میں کھیلتا تو چار پانچ سال پہلے اسے سائیڈ لائن کر دیا جاتا، ایسے ہی پلئیرز بنتے ہیں۔

    انھوں نے کہا پاکستان کو ایشیا کپ کے فائنل تک جانا چاہیے، بالنگ پر دھیان دینے کی ضرورت ہے، ہمیں بہترین کمبینیشن بنانا ہوگا، سرفراز اور رضوان کو ساتھ کیسے رکھ سکتے ہیں؟ دونوں کو ایک ساتھ رکھنے پر بینچ میں اختلافات بڑھیں گے۔

    کامران اکمل نے کہا ’’ایشیا کپ کے حوالے سے جو خبریں آ رہی ہیں وہ بری ہیں، ہر ٹیم کو ایک دوسرے سے کھیلنا چاہیے، بھارت اب نہیں کھیلے گا تو کب کھیلے گا، کون کہاں کھیلے گا کہاں نہیں، یہ باتیں بند ہونی چاہئیں۔‘‘

    سابق ٹیسٹ کرکٹر کا کہنا تھا کہ پاکستان کو ہر جگہ جا کر کھیلنا چاہیے، اگر بھارت جا کر بھی کھیلنا پڑے تو جائیں اور کھیلیں، اب حکومت اور پی سی بی نے فیصلہ کرنا ہے، بھارتی شائقین اچھے ہیں اور وہ سب کو سپورٹ کرتے ہیں۔

    انھوں نے کہا ’’پاکستان کے لیے ایشیا کپ کھیلنا ضروری ہے، پاکستان کے پاس اتنی کرکٹ نہیں ہے، ہماری مجبوری بھی ہے، ایشیا کپ جہاں بھی ہو کھیلنا چاہیے اور ورلڈ کپ کی تیاری کرنی چاہیے۔‘‘

    کامران اکمل کا کہنا تھا کہ ملک میں سیکیورٹی کا کوئی مسئلہ نہیں، تمام ٹیمیں آئیں سب نے سیکیورٹی کی تعریف کی۔

  • ویراٹ کوہلی پر سابق وکٹ کیپر بیٹسمین کی شدید تنقید

    ویراٹ کوہلی پر سابق وکٹ کیپر بیٹسمین کی شدید تنقید

    نئی دہلی: بھارتی کرکٹ ٹیم کے سابق وکٹ کیپر بیٹسمین کرن مورے نے موجودہ کپتان ویراٹ کوہلی کو سخت تنقید کا نشانہ بناتے ہوئے کہا ہے کہ دھونی کی عدم موجودگی سے اسپنرز بالخصوص رویندر جڈیجہ اور کلدیپ یادو کی کارکردگی متاثر ہوئی ہے۔

    ایک انٹرویو میں بات کرتے ہوئے کرن مورے کا کہنا تھا کہ سابق کپتان مہندر سنگھ دھونی کے نہ ہونے سے جڈیجہ اور کلدیپ پہلے جیسے خطرناک نہیں رہے۔

    مورے کا کہنا تھا کہ دھونی اپنے وقت میں بولرز کو مستقل مشورہ دیتے رہتے تھے، وہ وکٹ کے پیچھے سے بولرز کو زیادہ تر ہندی میں بتاتے رہے کہ گیند کس لائن پر ڈالنی ہے۔ یہ کام انہوں نے مسلسل 10 سے 12 سال تک کیا۔

    انہوں نے کہا کہ دھونی کے وقت ویراٹ کوہلی ڈیپ مڈ وکٹ پر کھڑے ہوسکتے تھے لیکن اب انہیں گیند بازوں سے مشورہ کرنے کے لیے شارٹ ایکسٹرا کور یا مڈ آف پر کھڑا ہونا پڑتا ہے۔

    بھارتی ٹیم کے سابق کپتان دھونی نے جس وقت اپنے کرکٹ کیریئر کا آغاز کیا تھا اس وقت کرن مورے بھارتی کرکٹ ٹیم کے چیف سلیکٹر تھے۔

    مورے نے دھونی کی تعریفیں کرتے ہوئے کہا کہ دھونی کے بعد سے ہی دنیا کی باقی ٹیموں نے بھی ایک کپتان کی شکل میں وکٹ کیپر بلے باز کی تلاش شروع کردی لیکن اب دوسرا دھونی تلاش کرنا بہت مشکل ہے۔

    انہوں نے کہا کہ اگر آپ پاکستان، انگلینڈ یا جنوبی افریقہ کی ٹیموں پر نگاہ ڈالیں تو وہاں وکٹ کیپر بلے باز کو کپتان بنانے کے قواعد چل رہے ہیں، ایسا اس لیے ہے کیونکہ ان ٹیموں نے اس کے فوائد دھونی کی شکل میں دیکھے ہیں۔

    یاد رہے کہ آسٹریلیا کے دورے کے دوران ون ڈے اور ٹی 20 سیریز میں بھارتی اسپنرز کافی مشکل میں دکھائی دیے۔ کلدیپ یادو، رویندر جڈیجہ اور یزویندر چہل کی گیندوں پر آسٹریلوی کھلاڑیوں نے ون ڈے میچز میں بہت رنز بنائے۔

    بھارت اور آسٹریلیا کے درمیان 3 ون ڈے میچز کی سیریز آسٹریلیا نے 1-2 سے جیت لی تھی۔

  • ہڑتال سے جوئیں ختم اور گنج پن دور کیا جاسکتا ہے

    ہڑتال سے جوئیں ختم اور گنج پن دور کیا جاسکتا ہے

    ہمارے یہاں ہڑتال کا لفظ انگریزی زبان کے اسٹرائک کا مفہوم ادا کرنے کے لیے مستعمل ہے۔

    ملک بھر میں سیاسی جماعتوں اور ایک زمانے میں مزدو یونینوں کی حکومت اور مختلف اداروں کے خلاف ہڑتالیں ہم دیکھتے اور اس کا حصّہ بھی رہے ہیں۔

    کراچی کے وہ شہری جو اب زندگی کی چار دہائیاں یا اس سے زائد دیکھ چکے ہیں وہ تو اس سے خوب ہی واقف ہیں۔ پاکستان جیسے ترقی پذیر ملکوں میں کسی بھی قسم کی ہڑتال کو کام یاب بنانے کے لیے ہلڑ بازی بھی ضروری سمجھی جاتی رہی ہے، مگر ہم کسی شٹر بند یا قلم چھوڑ ہڑتال کی بات نہیں کررہے بلکہ یہ ایک معدنی جنس ہے جسے زربیخ بھی کہتے ہیں۔ طبی اور کیمیائی اعتبار سے اسے مختلف ناموں سے شناخت کیا جاتا ہے اور اس کی اقسام کے لحاظ سے ادویہ تیار کی جاتی ہیں.

    ماہرین کے مطابق اس کی پانچ اقسام ہیں جو مختلف امراض سے نجات کے لیے استعمال کی جاتی ہے۔ طبیب اس کی مخصوص مقدار سے دوا تیار کرتے ہیں۔

    یہ زرد، سرخ، سفیدی مائل، سبز اور خاکی ہوتی ہے۔ ہڑتال یا زربیخ پیاس لگاتی ہے۔ اس کی مدد سے گوشت اور مسے کو کاٹا جاسکتا ہے۔ ماہرین کے مطابق یہ خارش سے جلد پر پڑ جانے والے نشانات کے علاوہ داغوں کو دور کرنے میں استعمال ہوتی ہے۔ اگر سَر میں جوئیں پڑ جائیں تو اس کا مخصوص طریقے سے استعمال ان سے نجات دلا سکتا ہے۔

    ہڑتال گنج پن کو دور کرتی ہے۔ اسے عام طریقے سے کھانے سے گریز کرنا چاہیے کہ آنتوں میں خراش پیدا کرتی ہے۔ بعض ماہرین نے لکھا ہے کہ یہ زہریلی ہوتی ہے اور اس کی مدد سے ہر قسم کا کیڑا مر جاتا ہے۔ مختلف حشرات کو بھگانے کے لیے اس کی دھونی بھی دی جاتی ہے۔

  • وہ خوش قسمت بچی جس نے معروف کرکٹر کے ہاتھ سے پہلی بار دودھ پیا، ویڈیو دیکھیں

    وہ خوش قسمت بچی جس نے معروف کرکٹر کے ہاتھ سے پہلی بار دودھ پیا، ویڈیو دیکھیں

    جھار کھنڈ: بھارتی کرکٹ ٹیم کے سابق کپتان اور وکٹ کپیر مہندرا سنگھ دھونی کرکٹ کے علاوہ اپنی گھریلو ذمہ داریاں بھی بخوبی نبھاتے ہیں جس کا ثبوت اُن کی نئی وائرل ہونے والی ویڈیوہے۔

    تفصیلات کے مطابق جھارکھنڈ اسٹیڈیم میں  جنوبی افریقا اور بھارت کی ٹیموں کے مابین کھیلے جانے والے تیسرے ٹیسٹ میچ کے بعد وکٹ کیپر دھونی انّا پراشانا کی رسم ادا کررہے تھے جس کی ویڈیو انٹرنیٹ پر وائرل ہوئی۔

    واضح رہے کہ ہندو مذہب سے تعلق رکھنے والوں کا ماننا ہے کہ بچے کو پہلی بار کوئی ٹھوس غذا کسی قریبی رشتے دار کے ہاتھ سے ہی کھلائی جائے، اس رسم کو انّا پراشنا کہا جاتا ہے۔

    ویڈیو میں دیکھا جاسکتا ہے کہ بچی کو چمچے سے غذا کھلاتے ہوئے دھونی اُس سے ذائقے کے بارے میں پوچھ رہے تھے جبکہ پیچھے سے یہ آواز بھی آرہی تھی کہ یہ بچی بہت خوش قسمت ہے جو دھونی جیسی شخصیت سے پہلی غذا کھا رہی ہے۔

    یاد رہے کہ گزشتہ برس مہندرا سنگھ دھونی کی ویڈیو وائرل ہوئی تھی جس میں وہ اپنی بچی کے بال سکھا رہے تھے، وکٹ کیپر نے ویڈیو شیئر کرتے ہوئے لکھا کہا تھا کہ ’کھیل ختم ہوگیا لہذا اب بطور باپ ڈیوٹی شروع ہوگئی‘۔

     

    View this post on Instagram

     

    Game over, had a nice sleep now back to Daddy’s duties

    A post shared by M S Dhoni (@mahi7781) on

    واضح رہے کہ مہندر اسنگھ دھونی کا شمار بھارت کے اُن کامیاب ترین کپتانوں میں ہوتا ہے جنہوں نے اپنی ٹیم کی پوزیشن کو مستحکم کرتے ہوئے کئی فتوحات دلوائیں۔ بی سی سی آئی کی جانب سے 2007 میں کپتانی ملنے کے بعد جھاڑ کنڈ سے تعلق رکھنے والے کھلاڑی نے اپنی ٹیم کو دو بڑے اعزاز ات ورلڈ کپ اور چیمئنز ٹرافی کا فاتح بنوایا۔