Tag: دہشتگردوں

کراچی: لانڈھی مانسہرہ کالونی میں غیر ملکیوں پر حملہ کرنے والے دہشتگردوں کی شناخت سے متعلق اہم تفصیلات سامنے آ گئیں۔

تفصیلات کے مطابق اےآروائی نیوز نے آج صبح کراچی کے علاقے لانڈھی مانسہرہ کالونی میں غیر ملکیوں پر حملہ کرنے والے دہشتگردوں سے متعلق اہم تفصیلات فوٹیج کیساتھ حاصل کرلی ہے۔

تحقیقاتی ذرائع کے مطابق پولیس مقابلے میں مارا گیا دہشتگرد بلوچستان پنجگور کا رہائشی تھا جس کی شناخت سہیل احمد ولد عبدالحمید کے نام سے ہوئی ہے۔

ذرائع کا بتانا ہے کہ ہلاک دہشتگرد اپنے ساتھی کے ساتھ موٹر سائیکل پر آیا تھا، دھماکے کے مقام پر دونوں دہشتگرد کافی دیر موٹرسائیکل کھڑی کر کے گاڑی کا انتظار کرتے رہے۔

اس حملے کے بعد سامنے آنے والے فوٹیج میں خودکش حملہ آور کو خودکش جیکٹ پہنے دیکھا جاسکتا ہے، جیسے ہی گاڑی قریب آئی دہشتگرد آگے بڑھا اور خود کو اڑا لیا۔

واضح رہے آج صبح 6 بجے کے قریب کراچی کے علاقے لانڈھی مانسہرہ کالونی میں غیر ملکیوں کی گاڑی پر دہشت گردوں کا حملہ ناکام بنا دیا گیا تھا اور چاروں غیر ملکی محفوظ رہے تھے۔

پولیس کا کہنا تھا کہ ایک دہشت گرد نے خود کو دھماکے سے اڑایا جبکہ دوسرا جوابی کارروائی میں مارا گیا۔

پولیس نے بتایا کہ غیر ملکیوں کے ساتھ موجود سیکیورٹی گارڈ نے دہشت گرد سے مقابلہ کیا جبکہ دہشت گردوں کی فائرنگ سے دو گارڈ اور ایک راہ گیر زخمی ہوا تاہم دوران علاج ایک گارڈ جاں بحق ہوگیا۔

کراچی کے علاقے لانڈھی کی مانسہرہ کالونی میں دہشتگردوں سے مقابلے کی سی سی ٹی وی سامنے آگئی۔

تفصیلات کے مطابق کراچی کے علاقے لانڈھی کی مانسہرہ کالونی میں صبح دہشتگردوں نے  غیر ملکیوں کی گاڑی پر حملہ کیا، دہشتگردوں نے وین پر فائرنگ کی جبکہ وین کے پیچھے موجود سیکیورٹی گارڈز نے جوابی فائرنگ کی۔

دہشتگرد نے وین کے قریب آکر خود کو دھماکے سے اڑا لیا جبکہ دوسرا دہشتگرد سیکیورٹی گارڈز کی فائرنگ مارا گیا جس کی فوٹیج اے آر وائی نیوز نے حاصل کرلی ہے۔

یہ ویڈیو ایک شہری نے دہشت گردوں کے ساتھ مقابلے کے وقت ریکارڈ کی، ویڈیو میں دہشتگرد اور پولیس اہلکاروں کو ایک دوسرے پر فائر کرتے دیکھا جاسکتا ہے۔

ویڈیو میں ایک شخص کو سڑک پر تڑپتے ہوئے دیکھا جاسکتا ہے، دوسرے منظر میں پولیس اہلکاروں کو دیکھا جاسکتا ہے، اہلکاروں نے مقابلے کے بعد ایک دہشتگرد کو ہلاک کردیا تھا۔

فوٹیج میں زخمی سیکیورٹی اہلکار کو بیہوش ہوتے بھی دیکھا جاسکتا ہے اور اس خودکش دھماکے کے بعد تباہی بھی دیکھی جاسکتی ہے۔

واضح رہے کہ حملے کے بعد ڈی آئی جی ایسٹ نے بتایا کہ لانڈھی کی مانسہرہ کالونی میں حملہ کرنے والے دہشتگرد پیدل چل کر  گاڑی کے قریب آئے، حملہ آوروں کے پاس دستی بم، ایس ایم جی اور 3 میگزین تھے، حملہ آوروں کے پاس پیٹرول کی بوتیلں اور آنسو گیس شیل بھی تھیں۔

امیر جماعتِ اسلامی کراچی حافظ نعیم الرحمان نے وزیراعلیٰ سندھ سے استعفے کا مطالبہ کردیا اور  کہا اسٹریٹ کرائم پر قابو نہ پایا تو عید کے بعد وزیراعلیٰ ہاؤس پر دھرنا دیں گے۔

امیر جماعتِ اسلامی کراچی حافظ نعیم الرحمان نے کہا کہ جو لوگ بھی ان دہشتگردوں کو مینڈیٹ دے رہے ہیں دنیا آخرت میں برباد ہونگے، پوری قوم کی رائے کیخلاف ان لوگوں کو مسلط کیا گیا لیکن عوام کا کام ہے اب خاموش نہ بیٹھیں۔

انہوں نے کہا کہ سندھ حکومت اور اعلیٰ حکام سے پوچھتا ہوں عوام کا تحفظ کہاں ہے، شہریوں کے جان و مال کا تحفظ کرنا حکومت اور قانون نافذ کرنے والوں کا کام ہے، یہاں پر کتنی پٹرولنگ ہوتی ہے تھانوں کو کچھ پتا ہی نہیں ہوتا۔

حافظ نعیم کا کہنا تھا کہ جو یہ تباہی کررہے ہیں وہ بھگتیں گے مگر عوام کا کیا قصور ہے، کراچی کے شہریوں کا قصور کیا ہے عوام کے بچے محفوظ نہیں ہیں، والدین بچوں سے کہتے ہیں کوئی موبائل مانگے تو دے دینا، ہمارا کیا قصور ہے کہ ڈاکوؤں کو ہم پر مسلط کردیا جائے۔

حافظ نعیم الرحمان نے کہا کہ اسٹریٹ کرائم پر قابو نہ پایا تو عید کے بعد وزیراعلیٰ ہاؤس پر طویل دھرنا دیں گے، اب عوام کو نکلنا پڑے گا جلد لائحہ عمل کا اعلان کرینگے، یہاں تھانے بکتے ہیں، وزیراعلیٰ کو یہ نہیں معلوم ڈاکوؤں کے پاس توپیں کہاں سے آئیں۔

 ان کا کہنا تھا کہ تھانے میں کوئی اچھا ایس ایچ او ہو بھی تو وہ مجبور ہوتا ہے، ہم نہیں چاہتے کہ جگہ جگہ رکاوٹیں کھڑی ہوں، نوجوانوں کو اسلحہ لائسنس دیں تاکہ وہ خود اپنا تحفظ کریں، گلیوں میں رکاوٹیں لگائیں تو کوئی ہٹانے نہ آئے۔

انہوں نے مزید کہا کہ ہمارے ٹیکسز سے ادارے اور انکی نوکریاں چلتی ہیں، پیپلز پارٹی حکومت کا 16واں سال ہے پولیس میں کیاکیاہے، پولیس کی اکثریت مقامی لوگوں پر مسلط ہوتی ہے، وزیرداخلہ بتائیں اس شہر کے کتنے لوگوں کی پولیس میں نمائندگی ہے۔

لاہور: پولیس کے محکمہ انسداد دہشت گردی (سی ٹی ڈی) نے انٹیلی جنس بیسڈ آپریشن کے دوران 6 دہشت گرد کو گرفتار کرلیا۔

تفصیلات کے مطابق ملک بھر میں دہشتگردی کے خدشات کے پیش نظر سی ٹی ڈی کی کارروائی جاری ہے، تازہ ترین کارروائی کے دروان 6 دہشت گرد کو گرفتار کرلیا گیا ہے۔

ترجمان سی ٹی ڈی کے مطابق انٹیلی جنس بیسڈ کارروائی میں ملتان سے 3،گوجرانوالہ سے 2 اور ڈی جی خان سے ایک  دہشتگرد کو گرفتار کیا گیا ہے، ان دہشتگردوں کا تعلق مختلف کالعدم تنظیموں سے ہے۔

ترجمان کا بتانا ہے کہ دہشتگردوں سے بارودی مواد، دستی بم، لیپ ٹاپ پرائماکارڈ اور 18800 روپے برآمد ہوئے، دہشتگردوں کی شناحت  لیاقت، ندیم، عنایت، عمار، اعجاز اوریونس کے نام سے ہوئی ہے، دہشتگردوں کے خلاف 6 مقدمات درج ہے مزید تفتیش جاری ہے۔

سی ٹی ڈی حکام نے مزید بتایا کہ رواں ہفتے227 کومبنگ آپریشنز کے دوران 24 مشتبہ افراد گرفتار کیے، کومبنگ آپریشنز میں 11694 افراد سے پوچھ کچھ کی گئی۔