Tag: دہشتگرد گرفتار

کراچی: شہر قائد کے علاقے شاہ لطیف ٹاؤن میں دہشت گردوں سے برآمد موبائلز کا فرانزک مکمل ہو گیا، جس سے نئے انکشافات سامنے آ گئے۔

تفصیلات کے مطابق شاہ لطیف ٹاؤن سے گرفتار دہشت گردوں کے بارے میں مزید انکشافات سامنے آ گئے، ذرائع کا کہنا ہے کہ دہشت گردوں کا رابطہ افغانستان کے صوبے قندھار سے براہ راست تھا۔

ذرائع کے مطابق دہشت گردوں کا ہینڈلر انھیں براہ راست قندھار سے ہدایات دے رہا تھا، گرفتار 3 دہشت گردوں کا تعلق قندھار، ایک کا ننگرہار سے ہے، دہشت گردوں کے موبائل سے سندھ اسمبلی کی ریکی کی ویڈیو بھی مل گئی، جو حال ہی میں کی گئی تھی۔

ذرائع کا کہنا ہے کہ دہشت گردوں کا ہدف سندھ اسمبلی تھا، لیکن سیشن نہ ہونے پر حملہ نہ ہو سکا، سندھ اسمبلی کے گیٹ پر رکشے سے دہشت گرد نے خود کش دھماکا کرنا تھا۔

ہمارا ہدف سندھ اسمبلی تھی، گرفتار دہشت گردوں کے تہلکہ خیز انکشافات

پلان کے مطابق 2 خود کش حملہ آور گیٹ پر دھماکے کے بعد اندر داخل ہوتے، دہشت گردوں نے اپنے مقصد کی تکمیل کے لیے کلاشنکوفیں بھی اپنے پاس رکھی ہوئی تھیں۔

یاد رہے کہ آج صبح انسداد دہشت گردی فورس اور حساس اداروں کی جانب سے دہشت گردوں کی موجودگی کی اطلاع پر شاہ لطیف ٹاؤن میں موجود مکان پر چھاپا مارا گیا تھا، جس پر دہشت گردوں نے سیکیورٹی اہل کاروں پر حملہ فائرنگ کی گئی۔

فائرنگ کے تبادلے میں ایک دہشت گرد ہلاک جبکہ پانچ دہشتگردوں کو گرفتار کرکے بھاری مقدار میں بارودی مواد برآمد کرلیا تھا۔

کراچی: شہر قائد کے علاقے مبینہ ٹاؤن کی پولیس نے ایک اہم کارروائی میں گینگ وار دہشت گرد کو گرفتار کر لیا، پولیس کا کہنا ہے کہ دہشت گرد پہلے منشیات فروشی کا نیٹ ورک چلا رہا تھا، جیل سے رہا ہونے کے بعد دہشت گردی شروع کر دی۔

اے آر وائی نیوز کے مطابق مبینہ ٹاؤن کی پولیس نے ایک ملزم علی عرف بمبار کو گرفتار کر لیا ہے، پولیس کا کہنا ہے کہ علی بمبار دہشت گردانہ کارروائیوں میں ملوث ہے، ملزم کا تعلق گولیمار گینگ وار جمیل چھانگا اور آغا ذکری گروپ سے ہے۔

پولیس حکام کے مطابق علی بمبار اس سے قبل مراد نامی شخص کے قتل میں جیل کاٹ چکا ہے، وہ پراناگولیمار میں منشیات اور آئس کے منظم نیٹ ورک کا سربراہ تھا، ملزم رواں برس جیل سے ضمانت پر رہا ہوا، جس کے بعد وہ دہشت گردانہ کارروائیوں میں مصروف ہوگیا۔

کراچی : ڈیفنس میں بلیک کرولا میں سوار تالا توڑ گروپ خوف کی علامت بن گیا

پولیس کا کہنا ہے کہ ملزم منگھوپیر اور گلبہار میں دستی بم حملوں میں ملوث ہے، جس سے دستی بم، مسروقہ موٹر سائیکل اور اسلحہ برآمد ہوا ہے۔ گرفتار ملزم کا بھائی بھی سی ٹی ڈی کے ہاتھوں گرفتار ہو چکا ہے۔

کراچی: شہر قائد کے ایک علاقے سے القاعدہ برصغیر کے 4 دہشت گرد گرفتار کر لیے گئے۔

اے آر وائی نیوز کے مطابق کراچی کے علاقے گلستان جوہر سے القاعدہ برصغیر کے 4 ملزمان گرفتار کیے گئے ہیں، دہشت گردوں نے افغانستان سے دہشت گردی کی تربیت حاصل کی۔

ملزمان کو اسپیشل انویسٹی گیشن یونٹ اور وفاقی انٹیلی جنس نے مشترکہ کارروائی میں پکڑا، ایس آئی یو کے ایس ایس پی عرفان بہادر نے بتایا کہ ملزمان کے قبضے سے اسلحہ اور بارود بھی برآمد کیا گیا، جو کراچی میں دہشت گردی کارروائیوں کے لیے رکھا گیا تھا۔

کراچی میں کالعدم تنظیم کے 2 انتہائی مطلوب دہشت گرد گرفتار

ایس آئی یو نے انکشاف کیا ہے کہ دہشت گرد کراچی میں کارروائی کی تیاری کر رہے تھے، اس سلسلے میں انھوں نے مختلف علاقوں کی ریکی بھی کی تھی، دہشت گردوں کا تعلق القاعدہ برصغیر کراچی کے نیٹ ورک سے ہے اور القاعدہ برصغیر کے اہم کارندے سمجھے جاتے ہیں۔

ایس ایس پی اسپیشل یونٹ کا کہنا تھا کہ ملزمان افغانستان سے مکمل عسکری تربیت یافتہ ہیں، ملزمان کے نام محمد عمر، محمد بلال عرف فدا، محمد وسیم اور محمد عامر ہیں۔ اس گروپ کا امیر افغانستان میں مقیم ہے جس کا نام محمد حنیف عرف ضرار عرف ایوب بتایا گیا۔

اسپیشل یونٹ کے مطابق دہشت گردوں سے برآمد سامان میں مختلف اقسام کا بارودی مواد، 10 ڈیٹونیٹرز، ریموٹ، آئی ڈی رسیور، 2 میٹر بونا کارڈ، 3 دستی بم اور 2 کلاشنکوف شامل ہیں۔

ایس ایس پی عرفان بہادر کا کہنا تھا کہ دہشت گردوں کا ہدف پاکستان اسٹاک ایکسچینج اور سٹی کورٹ تھے، پولیس ٹریننگ سینٹر اور انفورسمنٹ ایجنسی کے دفاتر بھی ان کے ہدف میں شامل تھے۔ اسپیشل یونٹ کے مطابق ملزمان سے تفتیش جاری ہے، امید ہے کہ اہم انکشافات سامنے آئیں گے۔