Tag: دہشتگرد

گوجرانوالہ: کاؤنٹر ٹیرر ازم ڈیپارٹمنٹ (سی ٹی ڈی) نے حساس اداروں کے افسران کو نشانہ بنانے کی منصوبہ بندی کرنے والے 2 دہشت گردوں کو گرفتار کر لیا۔

تفصیلات کے مطابق سی ٹی ڈی نے علی پور چوک گوجرانوالہ میں کارروائی کرتے ہوئے 2 دہشت گرد گرفتار کر لیے ہیں۔

سی ٹی ڈی ترجمان کا کہنا ہے کہ گرفتار دہشت گردوں محمد اکمل اور غلام حسین کا تعلق کالعدم تنظیم سے ہے، دہشت گردوں سے دھماکا خیز مواد، نفرت انگیز لٹریچر اور نقدی برآمد کی گئی۔

ترجمان سی ٹی ڈی کے مطابق دہشت گردوں نے حساس اداروں کے افسران کو نشانہ بنانے کی منصوبہ بندی کی تھی لیکن بر وقت کارروائی کرتے ہوئے انھیں گرفتار کر لیا گیا۔

یہ بھی پڑھیں:  کوئٹہ میں سی ٹی ڈی کی کارروائی ، دو خودکش حملہ آوروں سمیت چھ دہشت گرد ہلاک

یاد رہے کہ تین دن قبل بلوچستان کے صوبائی دارالحکومت کوئٹہ کے علاقے مشرقی بائی پاس پر سی ٹی ڈی اور حساس اداروں نے مشترکہ کاروائی میں 2 خود کش حملہ آوروں اور خاتون سمیت 6 دہشت گرد ہلاک کر دیے تھے۔

اس سے قبل جولائی میں راولپنڈی میں سی ٹی ڈی اہل کاروں نے کالعدم تنظیم سے تعلق رکھنے والے ایک دہشت گرد کو گرفتار کر کے اس کے قبضے سے بارودی مواد اور دیگر سامان برآمد کیا تھا۔

ترجمان سی ٹی ڈی کے مطابق دہشت گرد راولپنڈی میں تخریبی کارروائی کرنا چاہتا تھا، سی ٹی ڈی حکام نے خفیہ اطلاع پر راولپنڈی کے علاقہ منکیال میں کام یاب کارروائی کر کے اسے پکڑا۔

پشاور: ڈیرہ اسماعیل خان میں درابند روڈ پر اغوا کاروں کے ٹھکانے پر سی ٹی ڈی چھاپے کے دوران ایک اغوا کار نے خود کو گولی مار کر ہلاک کر لیا۔

تفصیلات کے مطابق سی ٹی ڈی حکام کا کہنا ہے کہ ڈی آئی خان میں چھاپے میں اپنے ہی دستی بم سے زخمی ہونے والے ایک اغوا کار کو گرفتار کر لیا گیا ہے۔

سی ٹی ڈی حکام کے مطابق اغوا کار کالعدم تنظیموں کے لیے کام کرتے تھے، آر پی او ڈی آئی خان نے بتایا کہ چھاپے میں ہلاک ہونے والا مبینہ دہشت گرد 13 مقدمات میں مطلوب تھا۔

دوسری طرف پولیس حکام کا بھی کہنا ہے کہ ہلاک ملزم پنجاب پولیس کو بھی مطلوب تھا، ملزم کا ممکنہ طور پر سری لنکن ٹیم پر حملے میں ملوث گروپ سے تعلق تھا۔

یہ بھی پڑھیں:  ملتان : سی ٹی ڈی سے مقابلہ، کالعدم تنظیم کے دو دہشت گرد ہلاک، اسلحہ اور نقشے برآمد

آر پی او نے میڈیا کو بتایا کہ ہلاک ملزم سے دستی بم اور خود کار ہتھیار برآمد کیے گئے ہیں۔

ادھر ایبٹ آباد میں بھی سی ٹی ڈی ہزارہ نے کارروائی کرتے ہوئے ایک دہشت گرد کو گرفتار کر لیا ہے، دہشت گرد محمد بصیر سے ایک کلو بارود، دستی بم، 6 میٹر وائر برآمد کی گئی۔

سی ٹی ڈی کا کہنا ہے کہ گرفتار دہشت گرد کا تعلق ڈیرہ اسماعیل خان سے ہے۔

یاد رہے کہ تین دن قبل بھی سی ٹی ڈی پنجاب نے ملتان میں مقابلے کے دوران کالعدم تنظیم کے دو دہشت گرد ہلاک کیے تھے، ہلاک دہشت گردوں سے اسلحہ اور دھماکا خیز مواد برآمد ہوا تھا۔

کشمور: صوبہ سندھ کے ضلع کشمور میں پولیس کا نواحی علاقے میں دہشت گردوں سے مقابلہ ہوا، جس میں پولیس نے ایک دہشت گرد کو گرفتار کر لیا۔

تفصیلات کے مطابق سندھ کے علاقے کشمور کے نواح میں کشمور پولیس کا دہشت گردوں کے ساتھ مقابلہ ہوا، جس میں پولیس نے ایک دہشت گرد کو پکڑ لیا۔

ایس ایس پی کشمور پولیس نے بتایا کہ مقابلے میں ایک دہشت گرد کو گرفتار کر لیا گیا ہے جب کہ 3 کلو بارودی مواد، 2 ہینڈ گرینیڈ اور 3 ڈیٹو نیٹر بھی برآمد کیے گئے۔

کشمور پولیس کے مطابق ملزم نے 2009 میں ڈیڑہ موڑ پر ایک ریموٹ کنٹرول بم دھماکا تھا، جس میں پاک فوج کے 5 جوان زخمی ہوئے تھے۔

یہ بھی پڑھیں:  کالعدم تنظیموں کے خلاف ایکشن میں تمام اداروں، اپوزیشن کو آن بورڈ لیا: شہریار آفریدی

ایس ایس پی کشمور سید اسد رضا نے میڈیا کو بتایا کہ گرفتار کیا جانے والے دہشت گرد کا تعلق ایک کالعدم تنظیم سے ہے۔

خیال رہے کہ تین دن قبل وزیر مملکت برائے داخلہ شہریار آفریدی نے کہا تھا کہ کالعدم تنظیموں کے خلاف ایکشن میں تمام اداروں اور اپوزیشن کو آن بورڈ لیا گیا ہے، انھوں نے کہا فرقہ واریت پھیلانے والے ملک دشمن ہیں۔

انھوں نے کہا حالیہ ایکشن کالعدم تنظیموں اور انفرادی شخصیات کے خلاف ہو رہا ہے، ان کے اثاثے منجمد کیے جا رہے ہیں، عالمی ذمہ داری کے تحت دہشت گردوں کی فنانسنگ بند کی جا رہی ہے، نیز یہ ایکشن نا قابل واپسی ہے۔

کراچی: متحدہ قومی موؤمنٹ کے رہنما محمد حیسن کا کہنا ہے منظم سازش کے تحت سانحہ صفوراکاالزام ایم کیو ایم پرعائد کیا گیا، پولیس، رینجرز پر حملوں میں کالعدم تنظیم کے دہشتگرد ملوث رہےہیں۔

خورشید بیگم سیکریٹریٹ کراچی میں پریس کانفرنس کرتے ہوئے ایم کیو ایم رابطہ کمیٹی کے رکن محمد حسین کا کہنا تھا کہ ایم کیو ایم کے خلاف نئی سازش کی جا رہی ہے، انکا کہنا تھا کہ رینجرز کے اس دعویٰ کو مسترد کرتے ہیں کہ ایم کیو ایم کے کارکنان نے ان کی چوکیوں کو نشانہ بنایا۔

انکا کہنا تھا کہ پولیس حکام اپنی رپورٹس میں اعلان کر چکے ہیں کہ حملوں میں کالعدم تنظمیں ملوث ہیں، بے گناہ کارکنان کو جھوٹے مقدمات میں ملوث کرنا ماورائے آئین ہے۔

محمد حسین کا کہنا تھا کہ اگر کسی پر کوئی الزام ہے بھی تو اسے عدالت میں ثابت کیا جائے، اس سے قبل بھی ایم کیو ایم پر سانحہ صفورا، پروین رحمان، ڈاکٹر شکیل اوج کے قتل کا الزام لگایا گیا جو غلط ثابت ہوا۔