Tag: دہشت گرد

آرمی چیف جنرل سید عاصم منیر نے کہا ہے کہ دہشت گردوں کی دس نسلیں بھی بلوچستان اور پاکستان کا کچھ نہیں بگاڑ سکتیں۔

اے آر وائی نیوز کے مطابق چیف آف آرمی اسٹاف جنرل سید عاصم منیر نے پہلے اوورسیز پاکستانیز کنونشن سے خطاب کرتے ہوئے کہا کہ کیا پاکستان کے دشمنوں کا یہ خیال ہے کہ مٹھی بھر دہشتگرد پاکستان کی تقدیر کا فیصلہ کر سکتے ہیں؟ بلوچستان پاکستان کی تقدیر ہمارے ماتھے کا جھومر ہے۔

انھوں نے کہا کہ اس ملک کے غیور عوام افوج پاکستان کے ساتھ کھڑے ہیں، آپ کی فوج ہر مشکل سے باآسانی نبرد آزما ہوسکتی ہے۔

سید عاصم منیر نے کہا کہ ہم کبھی بھی مشکلات اور دشواریوں کے سامنے نہ جھکے ہیں، نہ جھکیں گے، جب تک عوام افوج پاکستان کے ساتھ کھڑے ہیں پاکستان کو کوئی نقصان نہیں پہنچا سکتا، قوم اپنے شہدا کو نہایت عزت اور وقار کی نظر سے دیکھتی ہے۔

آرمی چیف کا کا کہنا تھا کہ شہداکی قربانی لازوال ہے جس پر کبھی ملال نہ آنے دیں گے، ہم پاکستان کو اس مقام پر لے جانا چاہتے ہیں جس کا خواب قائدِ اعظم نے دیکھا تھا۔

جنرل عاصم منیر کا کہنا تھا کشمیر پاکستان کی شہ رگ تھا، ہے اور ہمیشہ رہے گا، پاکستانیوں کا دل ہمیشہ غزہ کے مسلمانوں کے ساتھ دھڑکتا ہے۔

انھوں نے کہا کہ میں آج بیرون ملک مقیم پاکستانیوں کے جذبات دیکھ کر بہت متاثر ہوا ہوں، میں آپ کو یقین دلاتا ہوں کہ آپ کیلئے ہمارے جذبات مضبوط ہیں، آپ صرف پاکستان کے سفیرہی نہیں بلکہ پاکستان کی وہ روشنی ہیں جو پورے اقوام عالم پر پڑتی ہے۔

جو برین ڈرین کا بیانیہ بناتے ہیں وہ جان لیں یہ برین ڈرین نہیں بلکہ برین گین ہے، آپ سب نے پاکستان کی کہانی اپنی اگلی نسل کو سنانی ہے، وہ کہانی جس کی بنیاد پر ہمارے آباؤ اجداد نے پاکستان حاصل کیا۔

چیف آف آرمی اسٹاف نے کہا کہ اللہ تعالیٰ نے پاکستان کو بے بہا وسائل سے نوازا ہے جس پر ہمیں ہر وقت شکر ادا کرنا چاہیے، آج ملکر واضح پیغام دے رہے ہیں، جو پاکستان کی ترقی کے راستے میں حائل ہو گا ہم ملکر اُس رکاوٹ کو ہٹا دیں گے۔

آپ جس ملک میں بھی ہوں، یاد رکھیں کہ آپکی میراث ایک اعلیٰ معاشرے، نظریے اور تہذیب سے ہے، نامساعد حالات کے آگے بطور مسلمان اور پاکستانی نہیں گھبراتے۔

عاصم منیر نے کہا کہ آپ ہمیشہ اپنا سر فخر سے بلند رکھیں کیونکہ آپ کا تعلق کسی عام ملک سے نہیں، آپ ایک عظیم اور طاقتور ملک کے نمائندے ہیں۔

انھوں نے کہا کہ پاکستان کی ترقی کا سفر جاری ہے، سوال یہ نہیں کہ پاکستان نے کب ترقی کرنی ہے، اصل سوال یہ ہے کہ پاکستان نے کتنی تیزی سے ترقی کرنی ہے، اپنے خطاب کے اختتام پر آرمی چیف اور شرکا نے “پاکستان ہمیشہ زندہ باد” کا نعرہ بھی لگایا۔

پولیس نے کراچی کے علاقہ لیاری سے کالعدم تنظیم بی ایل اے کا انتہائی مطلوب دہشت گرد کو گرفتار کرلیا۔

ڈی آئی جی ساؤتھ اسد رضا کے مطابق لیاری سے کالعدم بی ایل اے کا انتہائی مطلوب دہشت گرد کو گرفتار کرلیا گیا، دہشت گرد معراج عرف ماما ریکی کر کے کالعدم تنظیم کے کمانڈر جلال کو معلومات فارہم کرتا تھا۔

ڈی آئی جی ساؤتھ کے مطابق معراج ماما کی ریکی پر کالعدم تنظیم سیکیورٹی فورسز پر حملہ کرتی تھی، دہشت گردنے سنہ 2017 میں تربت سے گوادر جانے والی فوجی گاڑی ناصرآباد میں فوجی کیمپ کی ریکی کروائی، جس کے بعد دہشت گرد نے حملہ کروا کر متعدد جوان شہید کروائے۔

ڈی آئی جی ساؤتھ اسد رضا نے مزید بتایا کہ دہشت گردنے ریکی کرکے حساس ادارے کے افسر کے چار رشتہ داروں کو قتل کروایا، دہشت گرد نے گوادر ایئرپورٹ، پاک نیوی ایئرپورٹ پر ریکی کے بعد حملہ کروایا، گرفتار دہشت گرد نوشکی میں فوجی جوانوں پرحملہ کروانے میں بھی ملوث ہے۔