Tag: دہشت گردوں کا حملہ

بنوں: دہشت گردوں کا پولیس اہلکاروں کے گھروں پر حملے کے نتیجے میں اہلکار رافید شہید ہوگیا جبکہ جاوید خان گھر پر موجود نہ تھے۔

تفصیلات کے مطابق خیبر پختونخواہ کے ضلع بنوں کے تھانہ ہوید کی حدود میں دہشت گردوں نے پولیس اہلکاروں کے گھروں پر حملہ کیا۔

فائرنگ کے نتیجے میں پولیس اہلکار رافید شہید ہوگئے جبکہ ان کے ساتھی اہلکار جاوید خان گھر پر موجود نہ تھے تاہم دہشت گرد جاوید کے دو بیٹوں فہد اور جنید کو اغوا کرکے ساتھ لے گئے۔

پولیس کا کہنا تھا کہ گزشتہ رات دہشت گردوں نے تین مختلف مقامات پر حملے کیے، ایف سی چیک پوسٹ پر چھوٹے اور بڑے ہتھیاروں سے فائرنگ کی گئی تاہم جوانوں کی جوابی کارروائی پر دہشت گرد فرار ہوگئے۔

اسی طرح داڑے پل پولیس چوکی پر بھی دہشت گردوں نے حملے کی کوشش کی جسے ناکام بنادیا گیا تاہم سیکیورٹی فورسز نے علاقے میں سرچ آپریشن شروع کردیا ہے۔

بنوں : خیبر پختونخوا کے ضلع بنوں میں پولیس چوکی پر دہشت گردوں کا حملہ ناکام بنا دیا گیا اور دہشت گرد بھاگنے پر مجبور ہوگئے۔

تفصیلات کے مطابق خیبر پختونخوا کے ضلع بنوں میں منڈان فتح خیل پولیس چوکی پر دہشت گردوں کی حملے کی کوشش ناکام بنادی گئی۔

پولیس حکام نے بتایا کہ دہشت گردوں کے حملے میں ایک اہلکار زخمی ہوا، جس کو اسپتال منتقل کر دیا گیا۔

پولیس جوانوں کی بھرپور اور بروقت جوابی کارروائی سےدہشت گرد فرار ہوگئے۔

حکام کا کہنا تھا کہ فرار دہشت گردوں کی گرفتاری کیلئے علاقے میں سرچ آپریشن کیا جا رہا ہے۔

مزید پڑھیں : بنوں : تھانہ بکاخیل پر دہشت گردوں کی حملے کی کوشش ناکام

گذشتہ ماہ خیبر پختونخوا کے ضلع بنوں میں تھانہ بکاخیل پر دہشت گردوں کی حملے کی کوشش ناکام بنائی تھی ، پولیس کا کہنا تھا کہ جوانوں نے دہشت گردوں کی نقل وحرکت تھرمل کیمرے سے دیکھی، اہلکاروں نے دہشت گردوں کو سنبھلنے کا موقع دیے بغیر فائرنگ کی اور بروقت جوابی کارروائی سےدہشت گرد فرار ہوگئے تھے۔

اس سے قبل پولیس پوسٹ دھڑے پل پر دہشت گردوں نے حملہ کردیا تھا ، سینٹرل پولیس آفس نے بتایا تھا کہ فتنہ الخوارج کے 19 ،18 دہشت گرد جن میں سے کچھ 8 موٹرسائیکلوں پر سوار تھے، دہشت گردوں کا ایک گروپ رینگتے ہوئے پولیس پوسٹ کی طرف بڑھ رہا تھا۔

لکی مروت : خیبر پختونخواہ کے ضلع لکی مروت میں پولیس چوکی پر دہشت گردوں کے حملے میں مقامی شہری جاں بحق ہوگیا جبکہ چوکیدار اور پولیس اہلکار زخمی پوگئے۔

تفصیلات کے مطابق خیبر پختونخواہ کے ضلع لکی مروتکی ون فائیو پولیس چوکی گنڈی چوک پر دہشت گردوں نے راکٹ لانچرز سے حملہ کردیا، پولیس کی فوری کارروائی پر دہشت گرد فرار ہوگئے۔

پولیس اور دہشت گردوں کے درمیان فائرنگ کے تبادلے میں شہری احمد خان جاں بحق اورچوکی کےقریب مارکیٹ کا چوکیداراورپولیس اہلکارزخمی ہوگئے۔

یاد رہے صوبہ خیبرپختونخوا کے ضلع لکی مروت میں تھانہ غزنی خیل کی حدود میں دہشت گردوں کی فائرنگ سے فرنٹیئر کانسٹیبلری (ایف سی) کا ایک اہلکار ہلاک ہو گیا تھا۔

مزید پڑھیں : لکی مروت : تھانہ ڈڈیوالہ پر دہشت گروں کا حملہ ناکام

اس سے قبل تھانہ ڈڈیوالہ پر دہشت گروں کا حملہ پسپا کردیا گیا تھا، ڈی پی اور محمد جواد اسحاق نے کہا تھا کہ حملہ آوروں سےکئی گھنٹےتک فائرنگ کا تبادلہ ہوا تاہم دہشت گردوں کےحملےمیں کوئی جانی نقصان نہیں ہوا۔

خیال رہے کہ خیبرپختونخوا کے بعض علاقوں میں حالیہ عرصے کے دوران سیکیورٹی فورسز کو دہشت گرد حملوں کا سامنا رہا ہے، جس کے پیشِ نظر متعلقہ اضلاع میں حفاظتی اقدامات مزید سخت کیے جا رہے ہیں۔

ڈی آئی خان : ڈیرہ غازی خان کی سرحدی چوکی لکھانی پر دہشت گردوں کا بڑا حملہ ناکام بنادیا گیا، جوابی کارروائی پر دہشت گرد فرار ہوگئے۔

تفصیلات کے مطابق ڈیرہ غازی خان پولیس نے سرحدی چوکی لکھانی پر دہشت گردوں کا حملہ ناکام بنا دیا۔

پنجاب پولیس نے نے بتایا کہ پولیس کی جوابی کارروائی میں ایک دہشت گرد ہلاک اور متعدد کے زخمی ہونے کی اطلاع ہے۔

حکام کا کہنا تھا کہ بیس سے پچیس دہشت گردوں نے لکھانی چیک پوسٹ پرحملہ کیا، دہشت گردوں نے حملے میں مارٹرگولوں اور راکٹ لانچرز کا بےدریغ استعمال کیا۔

پولیس نے کہا کہ دہشت گردوں نےاسنائپررائفلز،دیگربھاری اسلحہ کااستعمال بھی کیا تاہم پولیس، ایلیٹ فورس اور ایس او یو کے جوانوں نے بہادری سے چوکی کا دفاع کیا۔

مزید پڑھیں : ڈی جی خان: جھنگی چیک پوسٹ پر دہشت گردوں کا بڑا حملہ ناکام

حکام کا مزید بتانا تھا کہ دہشت گردوں کے حملے کے دوران پولیس کے تمام جوان محفوظ رہے۔

یاد رہے پنجاب پولیس نے ڈی جی خان کی جھنگی چیک پوسٹ پر دہشت گردوں کا حملہ پسپا کردیا تھا ، ترجمان پولیس نے بتایا تھا کہ بیس سے پچیس دہشت گردوں نے مختلف اطراف سے چیک پوسٹ پر حملہ کیا تھا، تاہم پولیس نے زبردست مزاحمت کرکے حملہ ناکام بنا دیا۔

آئی جی پنجاب عثمان انور نے حملہ ناکام بنانے پر ڈی جی خان پولیس کو شاباش دی اور کہا تھا بہادر سپاہی دشمنوں کے سامنے سیسہ پلائی دیوار ہیں۔

ڈیرہ غازی خان :  ڈیرہ غازی خان کی جھنگی چیک پوسٹ پر دہشت گردوں کا بڑا حملہ ناکام بنادیا گیا، جوابی کارروائی پر دہشت گرد فرار ہوگئے۔

تفصیلات کے مطابق پنجاب پولیس نے ڈی جی خان کی جھنگی چیک پوسٹ پر دہشت گردوں کا حملہ پسپا کردیا ، ترجمان پولیس نے بتایا کہ بیس سے پچیس دہشت گردوں نے مختلف اطراف سے چیک پوسٹ پر حملہ کیا تھا۔

ترجمان کا کہنا تھا کہ حملے میں راکٹ لانچر اور جدید اسلحہ استعمال کیا گیا تاہم پپولیس نے زبردست مزاحمت کرکے حملہ ناکام بنا دیا۔

پولیس کی بھرپور کارروائی پر دہشت گرد فرار ہوگئے اور جانی نقصان کی اطلاعات بھی ہیں تاہم مفروردہشت گردوں کی تلاش کیلئے علاقےمیں سرچ آپریشن جاری ہے۔

آئی جی پنجاب عثمان انور نے حملہ ناکام بنانے پر ڈی جی خان پولیس کو شاباش دی اور کہا بہادر سپاہی دشمنوں کے سامنے سیسہ پلائی دیوار ہیں۔

وزیر داخلہ محسن نقوی نے ڈی جی خان کے تھانہ وا ہوا کی پولیس چوکی پر حملہ ناکام بنانے پر پنجاب پولیس کو خراج تحسین پیش کیا۔

محسن نقوی نے کہا پولیس کے دلیر جوانوں نے بہادری سےخوارجی دہشت گردوں کا مقابلہ کیا اور انہیں مار بھگایا ساتھ ہی مذموم عزائم کوخاک میں ملای، پولیس کی پیشہ وارانہ صلاحیتوں اور جرات پر فخر ہے، خوارجی دہشت گردوں کیخلاف پولیس جوان سیسہ پلائی دیوار بنے رہے۔

اورکزئی : خیبر پختونخوا کے ضلع اپر اورکزئی میں انسدادپولیو ٹیم پر دہشت گردوں کے حملے میں دو پولیس اہلکار شہید ہوگئے جبکہ جوابی کارروائی میں 3 دہشت گردوں کو ہلاک کردیا گیا۔

تفصیلات کے مطابق خیبر پختونخوا کے ضلع اپر اورکزئی کے علاقہ ڈبوری بادان کلے میں انسداد پولیو مہم کے دوران دہشت گردوں نے پولیو ٹیم پر فائرنگ کردی۔

فائرنگ کے نتیجے میں 2 پولیس اہلکار موقع پر شہید ہوگئے، واقعے کی اطلاع ملتے ہی پولیس اور فرنٹئیر کور کی بھاری نفری موقع پر پہنچی۔

سرچ آپریشن کے دوران فائرنگ کے تبادلے میں تین دہشتگردوں کو ہلاک کردیا گیا۔

دوسری جانب کوہاٹ کے علاقہ درے وال بانڈہ میں بھی دہشت گردوں نے پولیو ٹیم پر فائرنگ کردی تاہم پولیس اہلکار اور پولیو عملہ فائرنگ سے محفوظ رہا۔

پولیس اہلکاروں نے جوابی کاروائی میں حملہ آوروں سے موٹر سائیکل اور ایک موبائل قبضے میں لیکر علاقے میں سرچ آپریشن شروع کر دیا ہے۔

صدر مملکت آصف زرداری نے اپر اورکزئی میں انسداد پولیو ٹیم پر حملے کی مذمت کرتے ہوئے حملے میں پولیس اہلکاروں کی شہادت پر اظہارافسوس کیا۔

صدر مملکت نے شہید پولیس اہلکاروں کی بہادری، جذبہ حب الوطنی کو سراہتے ہوئے حملے میں زخمی ہونے والے پولیس اہلکار کی جلد صحتیابی کی دعا کی۔

صدر مملکت نے ملک سے پولیو کے مکمل خاتمے کیلئے کوششیں جاری رکھنے کے عزم کا اظہار کیا۔

وزیراعظم شہباز شریف نے بھی انسداد پولیو ٹیم پر حملے کی مذمت کرتے ہوئے حملے میں پولیس اہلکاروں کی شہادت پر اظہارافسوس کیا اور کہا حملہ آوروں کو گرفتار کیا جائے اور سخت سے سخت سزا دی جائے