Tag: دہشت گردوں کا حملہ

ڈی آئی خان: گرہ حیات پولیس چیک پوسٹ پر دہشت گردوں کے حملے میں کھیتوں میں کام کرنیوالے 2 افراد جاں بحق اور 2 زخمی ہوگئے۔

تفصیلات کے مطابق خیبرپختونخواہ کے شہرڈیرہ اسماعیل خان میں گرہ حیات پولیس چیک پوسٹ پر دہشت گردوں نے حملہ کردیا ، فائرنگ سے کھیتوں میں کام کرنیوالے 2 افراد جاں بحق اور 2 زخمی ہوگئے۔

ریسکیو حکام کا کہنا ہے کہ زخمی افراد کو ڈی ایچ کیو ڈیرہ منتقل کر دیا گیا ہے۔

یاد رہے دو روز قبل خیبرپختونخوا کے ضلع خیبر کی تحصیل باڑہ میں پولیس چوکی پر دہشت گردوں نے حملہ کیا تھا ، جس پر خیبر پولیس نے جوابی کارروائی کی تو دہشت گرد فائرنگ کرتے ہوئے فرار ہوگئے تھے۔

دہشت گرد حملے میں دو پولیس اہلکار زخمی ہوگئے تھے جبکہ حملے کے دوران ایک پولیس کار بھی جل گئی تھی۔

خیبر: خیبرپختونخوا کے ضلع خیبر میں باڑہ پولیس چوکی پر دہشت گردوں کا حملہ ناکام بنا دیا گیا ، دہشت گرد حملے میں دو پولیس اہلکار زخمی ہوگئے۔

تفصیلات کے مطابق خیبرپختونخوا کے ضلع خیبر کی تحصیل باڑہ میں پولیس چوکی پر دہشت گردوں نے حملہ کردیا ، جس پر خیبر پولیس نے جوابی کارروائی کی تو دہشت گرد فائرنگ کرتے ہوئے فرار ہوگئے۔

دہشت گرد حملے میں دو پولیس اہلکار زخمی ہوگئے، جنہیں اسپتال منتقل کردیا گیا ہے۔

پولیس نے کہا کہ دہشت گرد حملے کے دوران ایک پولیس کار بھی جل گئی۔

یاد رہے 3 روز قبل خیبر پختونخواہ کے ضلع لکی مروت میں تھانہ غزنی اور تھانہ شہباز خیل پر دہشت گردوں کا حملہ ناکام بنادیا گیا ،پولیس کی بھرپور جوابی کارروائی پردہشت گرد فرار ہو گئے تھے۔

گذشتہ ماہ بھی تحصیل باڑہ میں ایف سی اور پولیس چیک پوسٹ پر نامعلوم دہشت گردوں کے حملے میں دو جوان شہید جبکہ چھ شدید زخمی ہوگئے تھے۔

ڈی آئی خان: ڈیرہ اسماعیل خان میں نجی کمپنی کی گاڑی پر دہشت گردوں کے حملے کے نتیجے میں 2 ملازم سمیت پروجیکٹ کی سیکیورٹی پرمامورسپاہی شہید ہوگیا۔

تفصیلات کے مطابق پاک فوج کے شعبۂ تعلقاتِ عامہ (آئی ایس پی آر) کی جانب سے بیان میں کہا گیا ہے کہ ڈی آئی خان کے علاقے درازندہ میں نجی کمپنی کی گاڑی پر دہشت گردوں نے فائرنگ کردی۔

آئی ایس پی آر کا کہنا تھا کہ فائرنگ کے نتیجے میں کمپنی کےملازم محمدفیصل اورآصف کامران شہید ہوگئے جبکہ پروجیکٹ کی سیکیورٹی پرمامورسپاہی محمدشاہین شاہ بھی شہید ہوا۔

سکیورٹی فورسز کا علاقے میں ممکنہ دہشت گردوں کے خاتمے کیلئے کلیرنس آپریشن جاری ہے ، آئی ایس پی آر کا کہنا ہے کہ سیکیورٹی فورسز دہشت گردی کی لعنت کے خاتمے کے لیے پرعزم ہیں اور علاقےکی ترقی وخوشحالی کیلئےتعاون جاری رکھیں گی۔

گذشتہ ہفتے بھی ڈیرہ اسماعیل خان میں درہ زندہ کے علاقے میں آئل گیس کمپنی پر دہشت گردوں نے حملہ کیا تھا ، حملے میں ڈیوٹی پر مامور 2 پولیس اہلکار شہید اور 3 زخمی ہو گئے تھے۔

ڈی آئی خان : آئل اینڈ گیس کمپنی کے کیمپ پر دہشت گردوں نے حملے کرکے دوپولیس اہلکاروں کو شہید اورتین کو زخمی کر دیا۔

تفصیلات کے مطابق ڈیرہ اسمعیل خان کے علاقے درازندہ میں آئل اینڈ گیس کمپنی کے کیمپ پر دہشت گردوں نے حملہ کردیا، فائرنگ کے دوران ڈیوٹی پر مامور دو پولیس اہلکار شہید جبکہ تین زخمی ہوگئے۔

ڈی ایس پی اصغر علی شاہ نے اے آر وائی نیوز کو بتایا کہ زخمیوں کو ڈی ایچ کیو ہسپتال منتقل کردیا گیا ہے، جہاں ایک اہلکار کی حالت تشویشناک ہے ۔

انہوں نے بتایا کہ حملہ الحاج آئل اینڈ گیس پرائیویٹ ڈرلنگ کمپنی پر ہوا ہے، دہشت گردوں نے کمپنی کیمپ پر تعینات پولیس اہلکاروں کو نشانہ بنایا۔

اصغر علی شاہ کا کہنا تھا کہ موقع پر مزید پولیس نفری پہنچ گئی ہے جبکہ دہشت گردوں کی تلاش جاری ہے، حملے میں اے ایس آئی رحمت الٰہی اور خان عارف شہید ہوئے ہیں اور زخمیوں میں عالمگیر خان، فضل الرحمان اور عطاء الرحمن شامل ہیں۔

سابق صدرآصف زرداری اور چیئرمین پیپلزپارٹی بلاول بھٹو نے ڈیرہ اسماعیل خان میں دہشت گردی کی مذمت کرتے ہوئے شہداکے خاندانوں سے ہمدردی اور تعزیت کا اظہار کیا۔

ڈی آئی خان : ڈیرہ اسمٰعیل خان میں دہشت گردوں نے ہتھالہ پولیس اسٹیشن پر حملہ کرکے ایلیٹ فورس کے جوان کوشہید جبکہ دو کو زخمی کردیا۔

تفصیلات کے مطابق خیبرپختونخواہ کے شہر ڈیرہ اسمٰعیل خان میں دہشت گردوں نے ہتھالہ پولیس اسٹیشن پر دو طرف سے حملہ کیا۔

نو تعمیر ہتھالہ تھانے پر رات گئے کئے جانے والے حملہ میں دستی بم اور راکٹ فائر کئے گئے، تھانے کا مین گیٹ ہینڈ گرنیڈ اور راکٹ لگنے سے تباہ ہوگیا۔

جوانوں کی بروقت جوابی کارروائی پر حملہ آور فرار ہوگئے، فائرنگ کے تبادلے میں ایک اہلکار شہید اور دو اہلکار زخمی ہوئے، حملہ آوروں نے ہینڈ گرنیڈ پھینکےاور لانچرز سے راکٹ فائر کیے۔

دہشت گردوں نے تھرمل گن کے کیمروں پر بھی فائرنگ کی اور چالیس منٹ تک دو طرفہ فائرنگ جاری رہنے کے بعد حملہ آور فرار ہو گئے۔

پولیس کا کہنا ہے کہ حملے میں شہید اور زخمی اہلکاروں کو ڈسٹرکٹ ہیڈکوارٹر اسپتال منتقل کر دیا گیا ہے۔

کوئٹہ : بلوچستان کے دارلحکومت کوئٹہ میں انسداد پولیو ٹیم پر دہشت گردوں نے حملہ کردیا ، جس کے نتیجے میں دو پولیس اہلکار شہید ہوگئے۔

تفصیلات کے مطابق بلوچستان کے دارلحکومت کوئٹہ میں نامعلوم افراد نے پولیو ٹیم کی سیکورٹی پر معمور پولیس ٹیم پر فائرنگ کردی، جس کے نتیجے میں دو پولیس اہلکارشہید ہوگئے۔

پولیس نے بتایا کہ صوبائی دارالحکومت کے نواحی علاقے نواں کلی میں پولیس اہلکاروں پر اس وقت فائرنگ کی جب وہ انسداد پولیو کی ٹیموں کے ہمراہ کلی شاہ عالم میں سیکورٹی کے فرائض سرانجام دے رہے تھے۔

حکام کا کہنا تھا کہ دونوں پولیس اہلکاروں کو سر پر گولیاں ماری گئیں ، جس سے موقع پر ہی ان کی موت ہوگئی اور واردات کے بعد ملزمان فرار ہوگئے۔

اطلاع ملنے پر پولیس کی بھاری نفری پہنچی لاشوں کو ہسپتال منتقل کردیا گیا جبکہ علاقے کو گھیرے میں لیکر ملزمان کی تلاش شروع کردی ہے۔

ایس ایس پی آپریشنز کیپٹن (ر) زوہیب محسن نے واقعہ کی تصدیق کرتے ہوئے بتایا کہ فائرنگ کے وقت انسداد پولیو ٹیم گھر کے اندر تھی جس سے بظاہر لگتا ہے کہ دہشت گردوں نے پولیس اہلکاروں کو نشانہ بنایا ہے۔ تاہم واقعہ کی تفتیش کی جارہی ہے جس سے مزید صورتحال واضح ہوگی۔