ARYNews.tv | Urdu – Har Lamha Bakhabar

Tag: دہشت گردوں کا حملہ

  • بلوچستان : دہشت گردوں کا سیکیورٹی فورسز پر حملہ ،3 جوان شہید

    بلوچستان : دہشت گردوں کا سیکیورٹی فورسز پر حملہ ،3 جوان شہید

    راولپنڈی : بلوچستان میں دہشت گردوں کے سیکیورٹی فورسز کی چیک پوسٹ پر حملے کے نتیجے میں ایک دہشت گرد ہلاک اور 3 جوان شہید ہوگئے۔

    تفصیلات کے مطابق پاک فوج کے شعبہ تعلقات عامہ آئی ایس پی آر کی جانب سے بیان میں کہا گیا ہے کہ بلوچستان کے علاقے زرغون میں دہشت گردوں کے ایک گروپ نے سیکیورٹی فورسز کی چیک پوسٹ پر حملہ کردیا۔

    آئی ایس پی آر نے بتایا کہ یہ پوسٹ حال ہی میں علاقے میں کوئلے کی کانوں کو نشانہ بنا کر بھتہ خوری کی کوششوں کو روکنے میں مدد کے لئے قائم کی گئی تھی۔

    ترجمان کا کہنا تھا کہ پوسٹ پر موجود سیکیورٹی اہلکاروں نے جوابی کارروائی کرتے ہوئے دہشت گردوں کا حملہ پسپا کیا، جس کے دوران ایک دہشت گرد مارا گیا، تاہم شدید فائرنگ کے تبادلے میں تین جوانوں نے جام شہادت نوش کیا۔

    سیکیورٹی فورسز نے حملے کے بعد قریبی پہاڑوں میں ممکنہ طور پر فرار ہونے والے دہشت گردوں کے ٹھکانے کی نشاندہی کرکے آپریشن شروع بھی کردیا ہے۔

    سیکیورٹی فورسز قوم کے تعاون سے بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لئے پرعزم ہیں۔

  • لکی مروت میں پولیس چوکی پر دہشت گردوں کا حملہ ناکام بنا دیا گیا

    لکی مروت : خیبرپختونخوا کے ضلع لکی مروت میں پولیس چوکی شاہ طورہ پر دہشت گردوں کا حملہ ناکام بنا دیا گیا۔

    تفصیلات کے مطابق خیبرپختونخوا کے ضلع لکی مروت میں دہشت گردوں نے پولیس چوکی شاہ طور پر حملہ کردیا ، جس پر پولیس نے  بھرپورجوابی کارروائی کی ، جس کے نتیجے میں دہشت گرد فرار ہوگئے۔

    یاد رہے 5 جنوری کو خ بھی لکی مروت میں تھانہ ورگاڑہ سب ڈویژن بیٹنی پر دہشت گردوں نے حملہ کیا تھا مکینوں اور پولیس کی فائرنگ سے دہشت گردوں کا حملہ پسپا پوا اور حملے میں اہلکار محفوظ رہے جبکہ دہشت گرد رات کی تاریکی کا فائدہ اٹھا کر موقع سے فرار ہونے میں کامیاب ہوئے۔

    اس سے قبل یکم جنوری کو لکی مروت میں پولیس چوکی شہباز خیل پر رات گئے دہشت گردوں نے حملہ کیا تھا جس میں اہلکار تحسین اللہ شہید جب کہ جوابی فائرنگ میں ایک دہشت گرد بھی مارا گیا تھا۔

  • بنوں : پولیس چوکی پر دہشت گردوں کا حملہ، پولیس حوالدار شہید

    بنوں : پولیس چوکی پر دہشت گردوں کا حملہ، پولیس حوالدار شہید

    بنوں : پولیس چوکی پر دہشت گردوں کے حملے کے نتیجے میں پولیس حوالدار شہید ہو گیا تاہم حملہ آورفرار ہونے میں کامیاب ہوگئے۔

    تفصیلات کے مطابق بنوں کے کنگر پل پر پولیس چوکی پر دہشت گردوں نے حملہ کردیا ، جس کے نتیجے میں دہشت گردوں کی فائرنگ سے حوالدار شہید ہوا۔

    پولیس نے بتایا کہ اہلکاروں کی جوابی فائرنگ پر حملہ آورفرار ہو گئے تاہم دہشت گردوں کی گرفتاری کیلئے علاقے میں سرچ آپریشن شروع کر دیا گیا ہے۔

    دوسری جانب دہشت گردوں کے حملے میں شہید پولیس اہلکار سردارعلی کی نماز جنازہ ادا کردی گئی ، نمازجنازہ میں اعلیٰ پولیس افسران اورشہید کے لواحقین نے شرکت کی۔

    نماز جنازہ کے بعد شہید حوالدار سردار علی کا جسدخاکی تدفین کیلئے آبائی علاقے روانہ کر دیا گیا ہے۔

  • لکی مروت : پولیس موبائل پر دہشت گردوں کا حملہ ، سب انسپکٹر سمیت 6 پولیس اہلکار شہید

    لکی مروت : پولیس موبائل پر دہشت گردوں کا حملہ ، سب انسپکٹر سمیت 6 پولیس اہلکار شہید

    لکی مروت : پولیس موبائل پر دہشت گردوں کے حملے کے نتیجے میں سب انسپکٹرسمیت چھ پولیس اہلکار شہید ہوگئے۔

    تفصیلات کے مطابق خیبرپختونخوا کے ضلع لکی مروت کے علاقہ وانڈہ شہاب خیل میں گشت پر مامور عباسہ چوکی کی پولیس موبائل وین پر نامعلوم دہشت گردوں نے فائرنگ کردی۔

    دہشت گردوں کی فائرنگ کے نتیجے میں گاڑی میں سوار سب انسپکٹر سمیت 6 پولیس اہلکار موقع پر شہید ہوگئے۔

    تاہم فائرنگ کے بعد دہشت گرد فرار ہونے میں کامیاب ہو گئے جبکہ ڈی پی او کی قیادت میں پولیس کی بھاری نفری نے جائے وقوعہ اور علاقے کو گھیرے میں لے لیا ہے۔

    پولیس نے حملہ آوروں کی گرفتاری کے لیے بڑے پیمانے پر سرچ آپریشن شروع کر دیا ہے۔

    وزیراعلیٰ محمود خان نے لکی مروت میں پولیس موبائل پر فائرنگ کے واقعے کا نوٹس لے کر آئی جی پولیس سے واقعے کی رپورٹ طلب کرلی۔

    وزیر اعلیٰ کے پی نے شہید کے درجات بلندی اور لواحقین سے تعزیت کا اظہار کرتے ہوئے کہا ہے کہ واقعہ انتہائی افسوناک ہے، شہداکی قربانی رائیگاں نہیں جائیں گی۔

  • کراچی: چینی ڈینٹل کلینک پر نامعلوم دہشت گردوں کا حملہ ، مقدمہ درج

    کراچی: چینی ڈینٹل کلینک پر نامعلوم دہشت گردوں کا حملہ ، مقدمہ درج

    کراچی : صدر میں چینی نژاد پاکستانی کی ڈینٹل کلینک پر فائرنگ کا مقدمہ درج کرلیا گیا،مقدمےمیں دہشت گردی ، قتل و دیگردفعات شامل کی گئیں ہیں۔

    تفصیلات کے مطابق کراچی کے علاقے صدر پریڈی اسٹریٹ میں غیر ملکی افراد پر فائرنگ کے واقعے کا مقدمہ درج کرلیا گیا۔

    ایس ایچ اوپریڈی کی مدعیت میں دہشت گردی اور قتل ودیگردفعات کےتحت مقدمہ درج کیا گیا ہے۔

    ایف آئی آر میں کہا گیا ہے کہ فائرنگ واقعہ ڈینٹل کلینک پرپیش آیا، حملے میں 2 دہشت گرد شامل تھے، نامعلوم دہشت گرد کی فائرنگ سے چینی نژاد پاکستانی ہلاک ہوا۔

    مدعی مقدمے نے بتایا کہ فائرنگ سے چینی نژاد پاکستانی مرد اور خاتون زخمی ہوئے، واقعے میں فائرنگ سے زخمی ہونے والوں سے ابتدائی بیان حاصل کیا گیا۔

    ایس ایچ اوپریڈی کا کہنا تھا کہ کلینک پرڈاکٹر رچرڈڈان کی زوجہ اور کیشئر کام میں مصروف تھے کہ ایک شخص 5 فٹ7 انچ نیلی پینٹ کالی شرٹ لال ٹوپی پہنے کلینک میں داخل ہوا، ویٹنگ ایریامیں بیٹھ کراس نے بتایا کہ مجھے دانتوں کی صفائی کرانی ہے۔

    ایف آئی آر کے مطابق 5 سے 6 منٹ کے اندر ہی ویٹنگ لاؤنج کےڈاکٹرزکےکیبن کیجانب بڑھااوراسلحہ نکال لیا اور کلینک میں موجود تمام افراد پر فائرنگ شروع کردیا، گولیاں لگنےسےخاتون سمیت3 افراد گرگئے اور ملزم باہرکی جانب بھاگا۔

    مقدمے کے متن میں کہا گیا ہے کہ کلینک کےباہرملزم کا دوسرا ساتھی موٹر سائیکل پر موجود تھا،دونوں فرار ہو گئے ، رونلڈ رائمنڈ چاؤ موقع پر ہلاک جبکہ ڈاکٹر رچرڈاور اس کی اہلیہ شدید زخمی ہوگئے۔

    کراچی:جائےوقوعہ سےنائن ایم ایم کے4خول،3عددسکےملے، واقعےکی ذمہ داری کالعدم تنظیم نےقبول کی ہے۔

    کیس کی تفتیش کاؤنٹرٹیررازم ڈپارٹمنٹ شعبہ تفتیش کے سپرد کرکے حملےمیں ملوث دودہشتگردوں کی تلاش شروع کردی گئی ہے۔

  • لورالائی حملہ: تین اہل کاروں سمیت 9 افراد شہید، تینوں دہشت گرد ہلاک

    لورالائی حملہ: تین اہل کاروں سمیت 9 افراد شہید، تینوں دہشت گرد ہلاک

    لورالائی: بلوچستان میں ڈی آئی جی ژوب رینج کے دفتر پر  دہشت گردوں نے حملہ کیا، جس میں  پولیس اہل کاروں سمیت نو افراد شہید، جب کہ 20 افراد زخمی ہوگئے۔

    تفصیلات کے مطابق لورالائی میں ہونے والے حملے میں  دہشت گردوں کا مقابلہ کرتے  ہوئے  تین پولیس اہل کاروں نے جام شہادت نوش کیا، جب کہ دو حملہ آور مارے گئے۔

    جس وقت حملہ ہوا، ڈی جی آفس میں پولیس میں بھرتی  کے لیے امیدواروں کے ٹیسٹ اور انٹرویو جاری تھے،  حملے کی ابتدا میں فائرنگ اور پھر دو دھماکوں کی آوازیں سنی گئیں۔

    تین خود کش بمبار نے سہ پہر ڈی آئی جی کے  دفترمیں داخلےکی کوشش کی تھی، پولیس اہل کاروں نے بروقت کارروائی کر کے دہشت گردوں کو روکا.

    پولیس نے ایک خودکش بمبارکو ڈی آئی جی کمپلیکس کےداخلی مقام پرمارگرایا، دو خود کش بمباروں نے کمروں میں گھس کراندھا دھند فائرنگ کی، فائرنگ کے تبادلے کے بعد دونوں دہشت گرد بھی مارے گئے.

    وزیر داخلہ بلوچستان میر ضیا لانگو کا موقف

    وزیرداخلہ بلوچستان میرضیالانگو اے آر وائی سے بات کرتے ہوئے کہا کہ دو سے تین دہشت گردوں نےحملہ کیا، حملے میں 9 افراد شہید ہوئے، جن میں  تین پولیس اہل کار  شامل تھے۔

    انھوں نے کہا کہ انٹری ٹیسٹ کے لئے آنے والے بچے زخمی ہوئے، سیکیورٹی فورسز نے دہشت گردوں کا جواں مردی سے مقابلہ کیا۔

  • چینی قونصلیٹ میں دہشت گردوں کےداخلےکی کوشش ناکام بنادی گئی،آئی ایس پی آر

    چینی قونصلیٹ میں دہشت گردوں کےداخلےکی کوشش ناکام بنادی گئی،آئی ایس پی آر

    راولپنڈی : آئی ایس پی آر کا کہنا ہے کہ چینی قونصلیٹ میں دہشت گردوں کے داخلے کی کوشش ناکام بنادی گئی،چینی عملہ محفوظ ہے، کارروائی  میں 3 دہشت گرد مارے گئے۔

    پاک فوج کے شعبہ تعلقات عامہ آئی ایس پی آر کے مطابق چینی قونصلیٹ میں دہشت گردوں کے داخلےکی کوشش ناکام بنادی گئی، رینجرز اور پولیس نے صورتحال پر قابو پالیا گیا ہے، علاقہ جلدکلیئرکردیاجائےگا،

    کارروائی میں 3دہشت گردمارے گئے جبکہ قونصلیٹ میں موجودتمام عملہ محفوظ ہے۔

    https://youtu.be/zPGewJ_7Vro
    یاد رہے دہشت گردوں نے آج صبح سوا نو بجے کے قریب کراچی میں چینی قونصل خانے پر حملہ کیا، ذرائع کے مطابق تین سے چار حملہ آور سفید کار چینی قونصلیٹ کے قریب پہنچے اور قونصل خانے کے دروازے پر تعینات پولیس اہلکاروں کو نشانہ بنایا۔

    مزید پڑھیں : چینی قونصل خانے پرحملے کی کوشش ناکام ‘ 2 پولیس اہلکار شہید ‘ 3 دہشت گرد ہلاک

    بہادراہلکاروں نے مقابلہ کیا جس پر دہشت گردوں نے دستی بموں سے حملہ کردیا، جس میں دو اہلکار شہید ہوگئے، جس کے بعد دہشت گرد قونصل خانے کے احاطے میں داخل ہوئے اور ویزا سیکشن کی طرف بڑھنے کی کوشش کی، یہاں بھی اہلکار موجود تھا، جس نے دہشت گردوں کا مقابلہ کیا ۔

    فورسز کے فوری ایکشن کی وجہ سے دہشت گرد احاطے ہی میں محصور رہے اور عمارت کے اندر داخل نہیں ہوسکے ، کارروائی کے دوران تین دہشت گرد باہراحاطے ہی میں مارے گئے، جن سے بھاری اسلحہ اور خود کش جیکٹ برآمد ہوئے۔

    دہشت گردی کی اس کارروائی میں چینی قونصل جنرل اورتمام عملہ محفوظ رہا۔

  • شمالی وزیرستان : دہشت گردوں کا فورسز پر حملہ، افسر سمیت 3 اہلکار شہید، ایک زخمی

    شمالی وزیرستان : دہشت گردوں کا فورسز پر حملہ، افسر سمیت 3 اہلکار شہید، ایک زخمی

    شمالی وزیرستان : رزمک سب ڈویژن کے علاقے روغہ بدر میں دہشت گردوں نے فورسز پر حملہ کردیا، حملے میں ایک افسر سمیت 3 اہلکار شہید اور ایک زخمی ہوگیا۔

    تفصیلات کے مطابق شمالی وزیرستان میں نامعلوم دہشت گروں کے ایک گروپ نے ڈیوٹی پر موجود سکیورٹی فورسز اہلکاروں پر خود کار ہتھیاروں سے حملہ کردیا، یہ حلمہ رزمک سب ڈویژن کے علاقے روغہ بدر میں کیا گیا۔

    حملے کے نتیجے میں ایک افسر سمیت تین اہلکار موقع پر شہید ہوگئے جبکہ فائرنگ سے ایک اہلکار زخمی بھی ہوا، شہیدوں کی لاشوں اور زخمی اہلکار کو ہیلی کاپٹر کے ذریعے فوجی اسپتال منتقل کیا گیا، جہاں زخمی اہلکار کو طبی امداد فراہم کی جارہی ہے۔

    اس حوالے سے اے آر وائی نیوز کے نمائندے حاجی پذیر گل کے مطابق سکیورٹی فورسز نے علاقے کو فوری طور پر گھیرے میں لے کر سرچ آپریشن شروع کردیا ہے۔

  • ایران: فوجی پریڈ پر حملہ، 24 افراد جاں بحق، 30 زخمی

    ایران: فوجی پریڈ پر حملہ، 24 افراد جاں بحق، 30 زخمی

    تہران : ایران کے شہر احواز میں سیکیورٹی فورسز کی پریڈ کے دوران نامعلوم افراد نے حملہ کردیا، فائرنگ کے نتیجے میں خاتون اور بچے سمیت 30 افراد زخمی 24 جاں بحق ہوگئے۔

    تفصیلات کے مطابق ایران کے جنوب مغربی شہر احواز میں پریڈ کے دوران مسلح حملہ آوروں نے بے دریغ فائرنگ کردی جس کے نتیجے میں درجنوں شہری زخمی ہوگئے جنہیں طبی امداد دینے کے لیے اسپتال منتقل کیا جارہا ہے۔

    ایران کے سرکاری خبر رساں ادارے کا کہنا ہے کہ حملے کے نتیجے میں ایک خاتون اور بچے سمیت 30 افراد دہشت گردوں کی گولیوں کا نشانہ بنے ہیں، حملے کے نتیجے میں سپاہ پاسداران کے 8 اہلکاروں سمیت24  افراد کے جاں بحق ہوئے ہیں۔

    ایرانی نیوز ایجنسی کا کہنا ہے کہ حملہ موٹر سائیکل پر سوار خاکی وردی میں ملبوس 2 دہشت گردوں نے (ایرانی وقت کے مطابق) صبح 9 بجے پریڈ پر حملہ کیا تھا، حکام نے بتایا ہے کہ فائرنگ دونوں مسلح دہشت گردوں کو موقع پر ہی ہلاک کردیا جبکہ دو گرفتار کرلیے گئے۔

    ایرانی سیکیورٹی حکام کا کہنا ہے کہ حملہ آوروں پریڈ میں موجود عام شہریوں پر فائرنگ کی تھی اور اعلیٰ سیکیورٹی افسران کوگولیوں کا نشانہ بنانا چاہتے تھے۔

    غیر ملکی خبر رساں اداروں کا کہنا ہے کہ نامعلوم حملہ آور نے پریڈ کا معائنہ کرنے والے شہریوں پر عقب سے فائرنگ کی تھی جو 10 منٹ تک جاری رہی تاہم سیکیورٹی فورسز نے حالات پر قابو پالیا ہے۔

    ایران کے سرکاری نیوز ایجنسی کا کہناہے کہ حملہ عسکریت پسندوں کی جانب سے کیا گیا تھا۔

    ایرانی میڈیا کے مطابق سنہ 1980 میں عراقی آمر صدام حسین کی جانب سے ایران پرمسلط کی گئی جنگ کے 38 برس مکمل ہونے کے حوالے سے احواز سمیت ملک کے مختلف شہروں میں پریڈ جاری ہیں۔

    واضح رہے کہ احواز ایران کے ان شہروں میں سے ایک ہے جہاں گذشتہ برس عوام کی جانب سے اشیاء مہنگی ہونے پر حکومت کے خلاف شدید احتجاج کیا گیا تھا۔

    ایسے حملوں کے ذمہ دار امریکی حکام ہیں، جواد ظریف

    ایرانی وزیر خارجہ جواد ظریف نے سماجی رابطے کی ویب سایٹ ٹویٹر پر جاری ایک بیان میں کہا ہے کہ غیر ملکی طاقتوں کے بھرتی دہشت گردوں نے حملہ کیا۔

    وزیر خارجہ جواد ظریف کا کہنا تھا کہ حملے کے زخمیوں میں خواتین اور بچے بھی شامل ہیں، امریکی حکام ایسے حملوں کے ذمہ دار ہیں۔

    ایرانی وزیر خارجہ جواد ظریف نے کہا ہے کہ عوام کی حفاظت کے لئے تیز رفتاری سے مؤثر جواب دیں گے۔

    مزید پڑھیں : پاکستان ایران میں ہونے والے دہشت گردانہ حملے کی مذمت کرتا ہے، دفتر خارجہ

    پاکستان ایران میں ہونے والے دہشت گردانہ حملے کی مذمت کرتا ہے، دفتر خارجہ

    پاکستانی دفتر خارجہ کی جانب سے ایرانی شہر احواز میں فوجی پریڈ کے دوران دہشت گردانہ حملے کی مذمت کرتے ہوئے کہا ہے کہ حملے میں جاں بحق افراد کے خاندانوں سے دلی تعزیت کرتے ہیں۔

    پاکستانی دفتر خارجہ کے ترجمان ڈاکٹر فیصل نے سماجی رابطے کی ویب سائٹ ٹویٹر پر جار ی بیان میں کہا ہے کہ پاکستان دہشت گردی کی ہر شکل میں مذمت کرتا ہے۔

  • یوگنڈا، اقوام متحدہ کی امن فوج کیمپ پر حملہ، 14 جاں بحق، 53 فوجی زخمی

    یوگنڈا، اقوام متحدہ کی امن فوج کیمپ پر حملہ، 14 جاں بحق، 53 فوجی زخمی

    برازویلا : افریقی ملک کانگو میں دہشت گردوں کی فائرنگ میں اقوام متحدہ کی امن فوج کے 14 اہلکار جاں بحق ہو گئے ہیں.

    تفصیلات کے مطابق افسوناک واقعہ اُس وقت پیش آیا جب نامعلوم مسلح افراد نے چاروں سے گھیر کر اقوام متحدہ کے فوجی کیمپ کو نشانہ بنایا، حملہ اتنا اچانک تھا کہ فوجیوں کو سنبھلنے کا موقع ہی نہیں ملا.

    غیرملکی خبررساں ادارے کے مطابق دہشت گردوں نے مشرقی کانگو کے شمالی کیوو میں واقع فوجی مرکز پر منظم حملہ کیا جس کے لیے انہوں نے کافی دنوں سے تیاری کر رکھی تھی.

    غیر ملکی خبررساں ایجنسی نے مقامی انتظامیہ کے حوالے سے بتایا ہے کہ حملے میں 14 فوجی اہلکار جاں بحق ہوئے ہیں جن کا اقوام متحدہ کی امن فوج سے تھا جب کہ اسی مشن سے تعلق رکھنے والے 53 فوجی اہلکار زخمی ہو ئے ہیں.

    کونگو کے وزارت صحت نے کہا ہے کہ فائرنگ کے نتیجے میں جاں بحق و زخمی ہونے فوجی اہلکاروں کو مرکزی اسپتال منتقل کردیا گیا ہے جہاں زخمیوں کو طبی امداد دی جا رہی ہے.

    یوگنڈا انتظامیہ کا کہنا ہے کہ تاحال ہلاک و زخمی ہونے والے اقوام متحدہ کی امن فوج کے اہلکاروں کی شناخت نہیں ہو سکی ہے جس کے لیے اقوام متحدہ کی امن فوج کے افسران سے مسلسل رابطہ ہے.

    یوگنڈا کے ترجمان کا کہنا ہے کہ پہلی ترجیح زخمیوں کو طبی امداد مہیا کرنا ہے جب کہ دہشت گردی کے واقعے کی تحقیقات کے لیے کمیٹی تشکیل دے دی ہے تاہم ابھی تک کسی شدت تنظیم نے حملے کی ذمہ داری قبول نہیں کی ہے.