بشکیک : وزیر اعظم عمران خان اور چینی صدر کی ملاقات میں مشکل وقت میں تعاون فراہم کرنے پر اظہار تشکر کیا جبکہ چینی صدرنے دہشت گردی کیخلاف پاکستان کی کوششوں کی تعریف کی۔
تفصیلات کے مطابق شنگھائی تعاون تنظیم کے سربراہی اجلاس میں وزیر اعظم عمران خان اور چینی صدر شی جن پنگ کی ملاقات کا اعلامیہ جاری کردیا۔
جس میں کہا گیا وزیراعظم عمران خان نے کرغزستان کے شہر بشکک میں شنگھائی تعاون تنظیم کے سربراہ اجلاس کے موقع پر چینی صدر شی جن پنگ سے ملاقات کی، ملاقات میں دو طرفہ تعلقات سمیت سی پیک منصوبےمیں پیشرفت پرتبادلہ خیال کیا گیا، دونوں رہنماؤں کےدرمیان خطےکی مجموعی صورتحال پربھی بات چیت ہوئی۔
چینی صدر نے خطےمیں قیام امن کےلئےپاکستان کی کوششوں کی تعریف کی اور ترقی کےنئےسفرمیں پاک چین کمیونٹی میں رابطوں کےفروغ کافیصلہ کیا گیا اور مضبوط برادرہمسایہ ممالک اسٹریٹجک کوآپریٹوشراکت داری بڑھانے پراتفاق کیا۔
وزیراعظم نے کہا چینی وزیراعظم وانگ کیشان کادورہ پاکستان انتہائی اہمیت کاحامل رہا، مشکل وقت میں تعاون فراہم کرنےپرچینی صدر سے اظہارتشکر کیا۔
دونوں رہنماؤں نے دو طرفہ تعلقات کی موجودہ صورتحال پر اطمینان کا اظہار کیا اور ساتھ ہی وزیراعظم عمران خان نے چینی صدرکوپاکستان کی بھرپورحمایت کی یقین دہانی کراتے ہوئے کہا پاکستان چین کیساتھ ہرشعبےمیں تعاون جاری رکھےگا، سی پیک منصوبہ کی تکمیل حکومت کی ترجیحات میں شامل ہے۔
دونوں ممالک نے عالمی چیلنجز سے نمٹنے کے لئے مشترکہ کوششیں کرنے پراتفاق کیا گیا۔
اس سے قبل ترجمان دفترخارجہ نے اپنے بیان میں کہا تھا وزیراعظم عمران خان کی چینی صدر سےگرمجوش ملاقات ہوئی ، ملاقات ایس سی اورکونسل کےسربراہ اجلاس کی سائیڈلائن پر ہوئی، جس میں دوطرفہ تعلقات،علاقائی اورعالمی امورپرتبادلہ خیال کیا گیا۔
President Xi expressed appreciation for Pakistan’s measures against terrorism & acknowledged efforts for regional peace and stability
Both sides decided to enhance depth & breadth of cooperation at all levels to build Pakistan China Community of Shared Destiny in the New Era
3/3— Dr Mohammad Faisal (@ForeignOfficePk) June 14, 2019
