ARYNews.tv | Urdu – Har Lamha Bakhabar

Tag: دہشت گردی

  • ن لیگ کےدورحکومت میں دہشت گردی کےجن کوبوتل میں بند کیا گیا‘ شہبازشریف

    ن لیگ کےدورحکومت میں دہشت گردی کےجن کوبوتل میں بند کیا گیا‘ شہبازشریف

    لاہور : مسلم لیگ ن کے صدر شہبازشریف کا کہنا ہے کہ پنجاب میں 4 گیس پاور پلانٹ میں قوم کے اربوں روپے بچائے گئے۔

    تفصیلات کے مطابق سابق وزیراعلیٰ پنجاب شہبازشریف کا کہنا ہے کہ مسلم لیگ ن کے دورحکومت میں دہشت گردی کےجن کوبوتل میں بند کیا گیا۔

    شہبازشریف نے کہا کہ لوڈشیڈنگ کی بنا پر اندھیرے دور ہو چکے ہیں، شدیدگرمی اورپن بجلی کی پیداوار میں کمی کے باوجود بجلی مل رہی ہے، وفاق اور پنجاب حکومت نے ہزاروں میگاواٹ کے پاور پلانٹس لگائے۔

    انہوں نے کہا کہ پنجاب میں 4 گیس پاور پلانٹ میں قوم کے اربوں روپے بچائے گئے، 150 ارب روپے بچا کر پاکستان کی تاریخ میں نئی مثال قائم کی گئی۔

    مسلم لیگ ن کے صدر شہبازشریف نے کہا کہ دہشت گردی سے نمٹنے کے لیے سیاسی وعسکری قیادت نے مل کر فیصلے کیے۔

    عمران خان یوٹرن کےماسٹر ہیں‘ سیاست ان کےبس کی بات نہیں‘ شہبازشریف

    خیال رہے کہ دو روز قبل شہبازشریف کا کہنا تھا کہ ن لیگ کی حکومت نے 5 برس عوام کی بے لوث خدمت کی، ہماری کارکردگی عوام کے سامنے ہے۔

    انہوں نے کہا تھا کہ عوام جانتے ہیں کس نے وقت ضائع کیا اور کس نے خدمت کی جبکہ 25 جولائی کو دودھ کا دودھ اور پانی کا پانی ہوجائے گا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • کوئی ملک یہ نہیں کہہ سکتا پاکستان نے دہشت گردی کیخلاف کچھ نہیں کیا،اعزازچوہدری

    کوئی ملک یہ نہیں کہہ سکتا پاکستان نے دہشت گردی کیخلاف کچھ نہیں کیا،اعزازچوہدری

    واشنگٹن: امریکہ میں پاکستانی سفیراعزازچوہدری کا کہنا ہے کہ پاکستان نےدہشت گردوں کے خلاف بھرپور کارروائی کی ہے، کوئی ملک نہیں کہہ سکتا پاکستان نے دہشت گردی کیخلاف کچھ نہیں کیا۔

    تفصیلات کے مطابق پاکستانی سفیراعزازچوہدری نے امریکی چینل کو انٹرویو دیتے ہوئے کہا کہ کوئی نہیں کہہ سکتاپاکستان نےدہشت گردی کیخلاف کچھ نہیں کیا، آج القاعدہ کی خبر نہیں،پاکستان امریکی کوششوں کا نتیجہ ہے۔

    اعزازچوہدری کا کہنا تھا کہ پاکستان نےدہشت گردوں کےخلاف بھرپورکارروائی کی ہے، افغان طالبان قیادت کی پاکستان میں موجودگی کا الزام بے بنیاد ہے اور دہشت گردوں کے محفوظ ٹھکانے ہونے کا الزام بھی غط ہے۔

    پاکستانی سفیر نے کہا کہ پاکستان حقانی نیٹ ورک، طالبان کیلئے جگہ تنگ کررہا ہے، افغانستان میں ناکامی کیلئے پاکستان کو ذمےدارٹھہرانا مناسب نہیں، پاکستان کی مسلح افواج نے قبائلی علاقوں میں آپریشن کیا اورچپے چپے کومحفوظ بنایا۔

    ان کا کہنا تھا کہ پاکستان اورامریکا کے تعلقات مضبوط ہیں۔فی الحال یہ تعلقات برے حالات سے گزررہے ہیں لیکن توقع ہے کہ مستقبل میں تعلقات معمول پرآجائیں گے۔

    یاد رہے کہ اعزاز چوہدری کا امریکہ کی جانب سے پاکستانی سفارتکاروں پر پابندیوں پراظہار افسوس کرتے ہوئے کہنا تھا کہ امید ہے امریکا فیصلے پر نظر ثانی کریگا اور خواہش ہے کہ معاملات سلجھاؤ کی طرف آئیں گے۔

    ان کا کہنا تھا کہ پاکستان میں تعینات سفیروں کی عزت اورقدر کرتے ہیں اور چاہتے ہیں کہ پاکستان کے سفیروں کے ساتھ بھی اچھا برتاؤ کیا جائے۔

    اس سے قبل بھی پاکستانی سفیر نے کہا تھا کہ قلیل مدتی مفادات کی خاطر سترسال سے قائم دو طرفہ تعلقات کو پس پشت نہیں ڈالا جانا چاہیے، پاکستان امریکہ کے ساتھ اعتماد پر مبنی گہرے تعلقات چاہتا ہے اور وہ امریکہ سے اسی جذبے کی امید رکھتا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • وزیراعلیٰ پنجاب کا کوئٹہ میں دہشت گردی ناکام بنانے پرفورسزکوخراج تحسین

    وزیراعلیٰ پنجاب کا کوئٹہ میں دہشت گردی ناکام بنانے پرفورسزکوخراج تحسین

    لاہور : وزیراعلیٰ پنجاب شہبازشریف نے کوئٹہ میں دہشت گردی ناکام بنانے پرفورسز کو خراج تحسین پیش کرتے ہوئے کہا کہ بہادر سیکیورٹی فورسز نے ملک کو بڑے نقصان سے بچا لیا۔

    تفصیلات کے مطابق سماجی رابطے کی ویب سائٹ ٹویٹرپروزیراعلیٰ پنجاب شہبازشریف نے اپنے پیغام میں کہا کہ سیکیورٹی ادارے دہشت گردی کے خلاف جنگ میں قربانیاں دے رہے ہیں۔

    وزیراعلیٰ پنجاب نے کہا کہ قوم مسلح افواج، پولیس اورسیکیورٹی ایجنسیز کے شانہ بشانہ کھڑی ہے، سیکیورٹی اداروں کی مادروطن کے لیے قربانیوں پرفخرہے۔

    شہبازشریف نے کوئٹہ میں دہشت گردی ناکام بنانے پرفورسز کو خراج تحسین پیش کرتے ہوئے کہا کہ بہادر سیکیورٹی فورسز نے ملک کو بڑے نقصان سے بچا لیا۔

    کوئٹہ میں ایف سی سینٹر پر حملہ، جوابی کارروائی میں 5 دہشت گرد ہلاک

    خیال رہے کہ گزشتہ رات سیکیورٹی فورسز نے کوئٹہ کے علاقے چمن ہاؤسنگ اسکیم کے قریب فرنٹیئرکور مددگار سینٹرپردہشت گردوں کا حملہ ناکام بناتے ہوئے پانچوں حملہ آوروں کو ہلاک کردیا۔

    بلوچستان میں کارروائی: دو خودکش بمبار سمیت 3دہشت گرد ہلاک، ایک کرنل شہید

    یاد رہے کہ گذشتہ روز سیکیورٹی فورسز نے بلوچستان میں بڑی کارروائی کرتے ہوئے سو سے زائد افراد کے قتل میں ملوث دہشت گرد اور دو خود کش بمباروں کو ہلاک کردیا تھا جبکہ دہشت گردوں سے مقابلے میں ملٹری انٹیلی جنس کے کرنل سہیل عابد شہید ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ہمارے جوان دہشت گردی کے خلاف بہادری سے جنگ لڑ رہے ہیں: سرفراز بگٹی

    ہمارے جوان دہشت گردی کے خلاف بہادری سے جنگ لڑ رہے ہیں: سرفراز بگٹی

    کوئٹہ: وزیر داخلہ بلوچستان سرفراز بگٹی نے کہا ہے کہ ہمارے جوان دہشت گردی کے خلاف بہادری سے جنگ لڑ رہے ہیں، اپنی جانوں پر کھیل کر بلوچستان کے لوگوں کو آنچ نہیں آنے دیں گے، دہشت گردوں کے ناپاک عزائم خاک میں ملا دیں گے۔

    ان خیالات کا اظہار انہوں نے کوئٹہ میں پریس کانفرنس کرتے ہوئے کیا، کوئٹہ میں ہونے والے حملے سے متعلق سرفراز بگٹی کا کہنا تھا کہ 5 دہشت گردوں نے ایف سی مدد گار سینٹر پر حملہ کیا، پہلے دہشت گردوں نے بارود سے بھری گاڑی سینٹر کے گیٹ سے ٹکرائی، دہشتگرد دستی بم کے حملے اور فائرنگ کر کے اندر داخل ہوئے۔

    انہوں نے کہا کہ تمام دہشت گردوں کو سیکیورٹی فورسز نے ہلاک کیا، فائرنگ کے تبادلے میں 4 اہلکار زخمی بھی ہوئے اور ایک سیکیورٹی اہلکار کی حالت نازک ہے تاہم آپریشن مکمل کر لیا گیا ہے لیکن سرچنگ کا عمل اب بھی جاری ہے۔

    کوئٹہ میں ایف سی سینٹر پر حملہ، جوابی کارروائی میں 5 دہشت گرد ہلاک

    وزیر داخلہ بلوچستان کا مزید کہنا تھا کہ حملہ کس دہشت گرد تنظیم نے کیا یہ کہنا قبل از وقت ہے، تاہم ایف سی نے بہادری کے ساتھ برقت کارروائی کی اور ایک بڑے نقصان سے بچا لیا، دہشت گردوں نے جو گاڑی ایف سی مددگار سینٹر کے مرکزی دروازے سے ٹکرائی وہ مکمل طور پر تباہ ہوچکی ہے، فرانزک لیب حکام تحقیقات کررہے ہیں۔

    بلوچستان میں کارروائی: دو خودکش بمبار سمیت 3دہشت گرد ہلاک، ایک کرنل شہید

    خیال رہے کہ آج بلوچستان کے دارالحکومت کوئٹہ میں کوئلہ پھاٹک کے قریب پانچ خود کش حملہ آوروں نے ایف سی سینٹر پر حملے کی کوشش کی جسے سیکیورٹی فورسز نے بروقت کارروائی کرتے ہوئے ناکام بنا دیا تاہم فورسز کی جوابی فائرنگ سے پانچ دہشت گرد موقع پر ہی ہلاک ہوئے جبکہ 4 جوان مقابلے میں زخمی بھی ہوئے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

  • دہشت گردی سے امن وامان کوسنگین خطرات لاحق ہیں‘ ملیحہ لودھی

    دہشت گردی سے امن وامان کوسنگین خطرات لاحق ہیں‘ ملیحہ لودھی

    نیویارک : اقوام متحدہ میں پاکستانی سفیر ملیحہ لودھی کا کہنا ہے کہ عالمی برادری کی توجہ کے باوجود دہشت گردی ایک چیلنج ہے۔

    تفصیلات کے مطابق انسداد دہشت گردی کے لیے پاکستان اورناروے کی مشترکہ تقریب میں اقوام متحدہ کے سیکریٹری جنرل اورمختلف ممالک کے سفیروں نے شرکت کی۔

    پاکستانی سفیر ملیحہ لودھی نے تقریب سے خطاب کرتے ہوئے کہا کہ دہشت گردی سے نوجوان طبقہ شدید متاثر ہے، انتہا پسندوں کا نشانہ نوجوان طبقہ ہوتا ہے۔

    ملیحہ لودھی کا کہنا تھا کہ دہشت گردی سے امن وا مان کو سنگین خطرات لاحق ہیں، عالمی برادری کی توجہ کے باوجود دہشت گردی ایک چیلنج ہے۔

    دوسری جانب اقوام متحدہ کے سیکریٹری جنرل انتونیو گتریس کا انسداد دہشت گردی کی تقریب سے خطاب کرتے ہوئے کہنا تھا کہ دہشت گردی کے خاتمے کے لیے نوجوانوں پرتوجہ اہم قدم ہے۔

    انتونیو گتریس کا کہنا تھا کہ غیرملکی مداخلت دہشت گردی میں اضافے کا باعث ہوتی ہے، قانون کی حکمرانی سے نوجوانوں میں احساس ذمہ داری پیدا ہوتا ہے۔

    پاکستانی مشن اقوام متحدہ میں کشمیریوں کی آواز ہے‘ ملیحہ لودھی

    خیال رہے کہ گزشتہ ہفتے اقوام متحدہ میں پاکستانی سفیر ملیحہ لودھی کا کہنا تھا کہ پاکستانی مشن اقوام متحدہ میں کشمیریوں کی آواز ہے، پاکستان اقوام متحدہ میں کشمیریوں کا مقدمہ اخلاقی اور قانونی بنیاد پرلڑرہا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • دنیا کا کوئی ایسا ملک نہیں جس نےدہشت گردی کےخلاف جنگ اکیلےلڑی ہو‘ وزیراعظم

    دنیا کا کوئی ایسا ملک نہیں جس نےدہشت گردی کےخلاف جنگ اکیلےلڑی ہو‘ وزیراعظم

    اسلام آباد: وزیراعظم شاہد خاقان عباسی کا کہنا ہے کہ ہم دہشت گردی کے خلاف جنگ کاحصہ بنے، ہم نے اس جنگ کاحصہ بننےکی قیمت ادا کی۔

    تفصیلات کے مطابق وفاقی دارالحکومت اسلام آباد میں وزیراعظم شاہد خاقان عباسی نے تقریب سے خطاب کرتے ہوئے کہا کہ ہم نے دہشت گردی کے خلاف جنگ میں فوجی افسر اورسیاست دانوں سمیت دیگر افراد کھوئے، اس جنگ میں ہم نے محترمہ بینظیربھٹو کو کھویا۔

    شاہد خاقان عباسی کا کہنا تھا کہ آرمی پبلک اسکول میں بہت سے بچے دہشت گردی کا شکارہوئے، ہم نے دہشت گردی کے خلاف سیاسی اور معاشی نقصانات برداشت کیے۔

    وزیراعظم کا کہنا تھا کہ ہم نے دہشت گردی کے خلاف نیشنل ایکشن پلان مرتب کیا، آپریشن ضرب عضب اورردا لفساد سمیت دیگرآپریشن شروع کیےگئے۔

    شاہد خاقان عباسی کا کہنا تھا کہ ہم نے دہشت گردوں کا مقابلہ کیا اورکامیاب رہے، پاکستان اورچین نے مل کرسی پیک کا منصوبہ شروع کیا۔

    وزیراعظم پاکستان کا کہنا تھا کہ دنیا کا کوئی ایساملک نہیں جس نے دہشت گردی کے خلاف جنگ اکیلے لڑی ہو، فوج، پولیس اورعوام نے مل کردہشت گردی کے خلاف جنگ میں حصہ لیا۔

    شاہد خاقان عباسی کا کہنا تھا کہ پاکستان سرمایہ کاری کے لیے محفوظ ملک بن چکا ہے، سی پیک سے پاکستان عالمی رابطوں کا ذریعہ بن رہا ہے۔

    عالمی امن کے لیے پاکستانی قوم نے اپنی جان و مال قربان کیا: وزیر داخلہ

    خیال رہے کہ اسلام آباد میں انسداد دہشت گردی فورم سے خطاب کرتے ہوئے وزیر داخلہ احسن اقبال کا کہنا تھا کہ عالمی امن کے لیے پاکستانی قوم نے اپنی جان و مال سب قربان کیا۔ سیکیورٹی فورسز، سیاست دان اور میڈیا سمیت ہرشعبے نے دہشت گردی کے خلاف کردار ادا کیا۔

    امریکی امداد نہ ملنےسےکوئی فرق نہیں پڑے گا‘ وزیراعظم

    یاد رہے کہ رواں سال 7 جنوری کو برطانوی اخبار کو دیے گئے انٹرویو میں وزیراعظم شاہد خاقان عباسی کا کہنا تھا کہ پاکستان دہشت گردی کے خلاف جنگ میں ہراول دستے کا کردار ادا کررہا ہے، اور اپنی سرزمین پریہ جنگ جیت چکا ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستان ہرقسم کی دہشت گردی اورمذموم عزائم کے خلاف ہے‘ اعزازچوہدری

    پاکستان ہرقسم کی دہشت گردی اورمذموم عزائم کے خلاف ہے‘ اعزازچوہدری

    واشنگٹن : امریکہ میں پاکستان کے سفیر اعزاز چوہدری کا کہنا ہے کہ پاکستان اپنی زمین کسی ملک کے خلاف استعمال کرنے کی اجازت نہیں دیتا۔

    تفصیلات کے مطابق واشنگٹن میں پاکستانی سفیراعزاز چوہدری سے امریکی صحافیوں کے 8 رکنی وفد نے ملاقات کی اور بتایا کہ 8 رکنی امریکی صحافیوں کا وفد ایک ہفتےکے دورے پر پاکستان آ رہا ہے۔

    اعزاز چوہدری نے امریکی صحافیوں کو پاکستان سے متعلق بریفنگ دیتے ہوئے کہا کہ پاکستان کے بارےمیں غلط تصویروں کو رد کرکے نئے اندازسے دیکھنا ہوگا، بدلتے حالات میں پاکستان کا مثبت تشخص سامنے آیا ہے۔

    پاکستانی سفیر نے کہا کہ پاکستان نے دہشت گردی کے خلاف ناقابل یقین کامیابیاں حاصل کیں جس کے باعث اب پاکستان میں سیکورٹی کی صورت حال بہترین اورشاندارہوگئی ہے۔

    انہوں نے کہا کہ کامیاب فوجی آپریشن سے متاثرہ علاقے دہشت گردی سے پاک کردیے جبکہ دہشت گردی سے پاک علاقوں میں معاشی اور ترقیاتی کام جاری ہے۔

    اعزاز چوہدری نے کہا کہ پاکستان ہر قسم کی دہشت گردی اور مذموم عزائم کے خلاف ہے اور اپنی زمین کسی ملک کے خلاف استعمال کرنے کی اجازت نہیں دیتا۔

    انہوں نے امریکی صحافیوں کو بتایا کہ مختلف ملکوں سے پاکستان میں سرمایہ کاری ہورہی ہے، سی پیک میں امریکہ سمیت مختلف ممالک سرمایہ کاری کررہے ہیں۔

    پاکستانی سفیرنے کہا کہ جب بھی امریکہ نے پاکستان کا ساتھ دیا دونوں ملکوں کو فائدہ ہوا۔ انہوں نے کہا کہ جنوبی ایشیا میں امن کے لیے افغانستان میں استحکام ضروری ہے، افغانستان میں عدم استحکام کا اثرخطے میں خصوصاً پاکستان پرہوا۔

    اعزاز چوہدری نے کہا کہ پاکستان شراکت داروں سے مل کر افغان مسئلےکا سیاسی حل تلاش کرنے میں مدد دے گا،افغانستان کے مسئلے کا حل صرف افغان اسٹیک ہولڈرزکے پاس ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پاکستان اپنی سرزمین سےدہشت گردی کےخاتمے کے لیے پرعزم ہے‘ تہمینہ جنجوعہ

    پاکستان اپنی سرزمین سےدہشت گردی کےخاتمے کے لیے پرعزم ہے‘ تہمینہ جنجوعہ

    واشنگٹن: سیکریٹری خارجہ تہمینہ جنجوعہ کا کہنا ہے کہ پاکستان اورامریکہ دہشت گردی کے خلاف کامیاب اتحادی ہیں، دونوں ملکوں نے مشترکہ کوششوں سے القاعدہ کا خاتمہ کیا۔

    تفصیلات کے مطابق واشنگٹن میں امریکی صحافیوں سے گفتگو کرتے ہوئے سیکریٹری خارجہ تہمینہ جنجوعہ نے کہا کہ پاکستان اپنی سرزمین سے دہشت گردی کے خاتمے کے لیے پرعزم ہے جبکہ دہشت گردی کے خلاف خطے کا مشترکہ اقدام پاکستان کی بنیادی حکمت عملی ہے۔

    سیکریٹری خارجہ تہمینہ جنجوعہ نے کہا کہ پاکستان اورامریکہ دہشت گردی کے خلاف کامیاب اتحادی ہیں، دونوں ملکوں نے مشترکہ کوششوں سے القاعدہ کا خاتمہ کیا۔

    سی پیک کے حوالے سے تہمینہ جنجوعہ نے کہا کہ پاک چین اقتصادی راہداری منصوبہ خطے کے ممالک کو جوڑنے کے لیے نہایت ضروری ہے۔

    ذرائع کے مطابق واشنگٹن میں سیکریٹری خارجہ تہمینہ جنجوعہ کی اسٹیٹ ڈپارٹمنٹ میں اعلیٰ امریکی حکام سے ملاقاتیں طے ہیں اس بات کا بھی امکان ہے وہ امریکی نائب صدارتی معاون اور امریکی قومی سلامتی کونسل کی ڈائریکٹر لیزا کرٹس سے بھی ملاقات کریں گے۔

    سیکریٹری خارجہ تہمینہ جنجوعہ امن کے لیے بنائے گئے امریکی ادارے کے ماہرین سے بھی خطاب کریں گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • حیدرآباد : نمازجمعہ کےاجتماع میں دہشت گردی کا منصوبہ ناکام

    حیدرآباد : نمازجمعہ کےاجتماع میں دہشت گردی کا منصوبہ ناکام

    حیدرآباد: صوبہ سندھ کے شہر حیدرآباد میں قانون نافذ کرنے والے ادارے نے کارروائی کرتے ہوئے 8 دہشت گردوں کو گرفتار کرکے اسلحہ اور بارودی مواد برآمد کرلیا۔

    تفصیلات کے مطابق قانون نافذ کرنے والے ادارے نے خفیہ اطلاع پرحیدرآباد میں ہٹری بائی کے پاس کارروائی کرتے ہوئے 10 کلوبارودی مواد، کلاشنکوف، 4 پستول، بم بنانے کا سامان برآمد کرکےشہرکو بڑی تباہی سے بچالیا۔

    ذرائع کے مطابق قانون نافذ کرنے والے ادارے نے 8 افراد کو حراست میں لے کر نامعلوم مقام پر منتقل کردیا ہے، گرفتار افراد کا تعلق کالعدم تنظیم سے بتایا گیا ہے۔

    ذرائع کے مطابق گرفتار افراد نے نمازجمعہ کے اجتماع میں تخریب کاری کا منصوبہ بنا رکھا تھا جس میں بم بنانے کا سامان اور 10 کلو بارودی مواد استعمال ہونا تھا۔

    کوئٹہ، خود کش دھماکے میں 4 ایف سی اہلکار شہید، 8 زخمی

    خیال رہے کہ تین روز قبل صوبہ بلوچستان کے دارالحکومت کوئٹہ کے نواحی علاقے نوحصار میں خود کش بم دھماکے کے نتیجے میں 4 ایف سی اہلکار شہید اور 8 زخمی ہو گئے تھے۔

    یاد رہے کہ 28 فروری 2018 کو آپریشن رد الفساد کے تحت بلوچستان کے مختلف علاقوں میں فرنٹیئر کورپس (ایف سی) بلوچستان نے خفیہ اطلاع پر کارروائیاں کرتے ہوئے بھاری اسلحہ برآمد کیا تھا۔

    آئی ایس پی آر کا کہنا تھا کہ کارروائیوں میں بھاری مقدار میں اسلحہ برآمد کیا گیا جن میں خودکش جیکٹس، آر پی جی راکٹس، چھوٹی مشین گنیں اور مواصلاتی آلات بھی برآمد کیے گئے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پاکستان دہشت گردی کےخلاف مزید اقدامات کرسکتا ہے‘ ترجمان پینٹاگون

    پاکستان دہشت گردی کےخلاف مزید اقدامات کرسکتا ہے‘ ترجمان پینٹاگون

    واشنگٹن : امریکہ نے ایک بار پھر ڈومور کا مطالبہ کرتے ہوئے کہا ہے کہ پاکستان کے پاس دہشت گردوں کے خلاف کارروائیوں کا موقع موجود ہے۔

    تفصیلات کے مطابق واشنگٹن میں پریس بریفنگ کے دوران ترجمان پینٹاگون ڈانا وائٹ نے کہا کہ پاکستان خود دہشت گردی کا شکار رہا ہے، پاکستان کے ساتھ بات چیت کاعمل جاری رکھنا چاہتے ہیں۔

    ترجمان پینٹاگون نے کہا کہ دہشت گردی کے خلاف پاکستان مزید اقدامات کرسکتا ہے، پاکستان کے پاس دہشت گردوں کے خلاف کارروائیاں کرنے کا موقع موجود ہے، دہشت گردی کے خلاف کامیابی سب کے حق میں ہے۔

    صحافیوں کو پریس بریفنگ دیتے ہوئے ڈانا وائٹ نے کہا کہ پاکستان علاقائی سلامتی کے لیے پاکستان کی کوششوں کا خیرمقدم کریں گے جبکہ جنوبی ایشیا پالیسی کے تحت پاکستان سے رابطے میں ہیں اور رہیں گے۔

    علاوہ ازیں ترجمان پینٹاگون ڈانا وائٹ نے کہا کہ افغانستان میں امن کے لیے طالبان کو ہتھیارپھینکنا ہوں گے، طالبان کو افغانستان کے آئین کی حمایت کرنا ہوگی، امن کے لیے افغان طالبان مذاکرات کی طرف آئیں کیوں کہ افغانستان کا مسئلہ سیاسی طور پرحل کیا جاسکتا ہے

    پاکستان سے تعلقات منتقطع نہیں کر رہے‘ ایلس ویلز

    خیال رہے کہ گزشتہ روز امریکی میڈیا کو انٹرویو دیتے ہوئے امریکہ کی معاون نائب وزیرخارجہ ایلس ویلز کا کہنا تھا کہ موجودہ صورت حال میں یہ نہ سمجھا جائے کہ پاکستان سے تعلقات ختم کرنے کا سوچ رہے ہیں، انتہا پسند تنظیموں کے خلاف پاکستان کے ساتھ مل کر کام کرنا چاہتے ہیں۔

    یاد رہے کہ دو روز قبل کمانڈر امریکی سینٹرل کمانڈ جنرل جوزف کا کہنا تھا کہ افغانستان میں قیام امن کے لیے پاکستان کا کردار اہم ہے۔ جنوبی ایشیا میں امن کے لیے پاکستان کے مضبوط تعاون کی ضرورت ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔