ARYNews.tv | Urdu – Har Lamha Bakhabar

Tag: دہشت گردی

  • بکنگھم پیلس کےباہر پولیس پرحملہ‘دو اہلکار زخمی

    بکنگھم پیلس کےباہر پولیس پرحملہ‘دو اہلکار زخمی

    لندن : برطانوی دارالحکومت لندن میں بکنگھم پیلس کے باہرچاقو بردار شخص کے حملے میں دو پولیس اہلکار زخمی ہوگئے جبکہ پولیس نے حملہ آور کوگرفتار کرلیا۔

    تفصیلات کے مطابق لندن کی میٹروپولیٹن پولیس کا کہنا ہے کہ بکنگھم پیلس کے باہر تعینات پولیس اہلکاروں پرچاقو برادر شخص کے حملے میں دو اہلکار زخمی ہوگئے۔ پولیس نے حملہ آور کو گرفتار کرلیا۔

    پولیس حکام کا کہنا ہے کہ حملے میں زخمی ہونے والے دونوں اہلکاروں کو اسپتال منتقل کردیا گیا ہے جہاں انہیں طبی امداد دی جارہی ہے۔

    پولیس کے مطابق ابھی یہ کہنا قبل ازوقت ہے کہ آیا یہ دہشت گردی کا واقعہ تھا تاہم اس حوالے سے تحقیقات کی جارہی ہیں۔

    لندن کی میٹروپولیٹن پولیس کا کہنا ہے کہ بکنگھم پیلس کے باہرجس وقت حملہ ہوا اس وقت ملکہ برطانیہ الزبتھ دوئم اسکاٹ لینڈ میں تھیں اور شاہی خاندان کے دیگر افراد چھٹیوں پر تھے۔

    پولیس نے حملے کے بعد علاقے کا محاصرہ کرکے شاہی محل دیکھنے کے لیے آنے والے سیاحوں کوبکنگھم پیلس کی جانب آنے سے روک دیا۔

    لندن : دہشت گرد حملوں میں‘7 افراد ہلاک‘متعدد زخمی

    واضح رہے کہ رواں سال جون میں لندن میں دہشت گرد حملوں میں7 افراد ہلاک جبکہ درجنوں زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کابل میں‌ مسجد پر خودکش حملہ،فائرنگ، 20 افراد جاں بحق، 40 زخمی

    کابل میں‌ مسجد پر خودکش حملہ،فائرنگ، 20 افراد جاں بحق، 40 زخمی

    کابل : افغان دارالحکومت کابل کی مسجد پر خود کش حملے اور فائرنگ میں 20 افراد جاں بحق ہوگئے، داعش نے واقعے کی ذمہ داری قبول کرلی۔

    افغان میڈیا کے مطابق افغان دارالحکومت کابل میں اہل تشیع افراد کی ایک مسجد پر تین مسلح افراد نے حملہ کردیا، ایک حملہ آور نے خود کو گیٹ پر دھماکے سے اڑا لیا جب کہ دو مسجد میں داخل ہوگئے جو بعدازاں چار گھنٹے طویل مقابلے کے بعد  سیکیورٹی فورسز کی فائرنگ سے مارے گئے۔

    افغان وزارت داخلہ کے ترجمان نجیب دانش نے بتایا کہ کابل میں واقع امام زماں مسجد پر حملہ دوپہر میں اس وقت ہوا جب لوگ نماز جمعہ پڑھ کر باہر نکل رہے تھے، ایک حملہ آور نے اسی وقت خود کو دھماکے سے اڑا لیا جب کہ بقیہ حملہ آور مسجد میں داخل ہوگئے اور انہوں نے سیکیورٹی فورسز پر فائرنگ شروع کردی۔

    کابل: مسجد میں دھماکا، 4 افراد جاں بحق، 8 زخمی

    ترجمان نے مزید بتایا کہ چار گھنٹے کے مقابلے کے بعد فورسز نے مسلح شخص کو مار ڈالا۔

    افغانستان، مسجد میں دھماکا، 20 افراد جاں بحق، 30 زخمی

    وزارت صحت کے ترجمان اسماعیل نے بتایا کہ اب تک کم ازکم 20 افراد جاں بحق ہوچکے ہیں اور 40 زخمی ہیں، قبل ازیں انہوں نے یہ بھی کہا تھا کہ مرنے والوں میں دو پولیس افسر بھی شامل ہیں۔

    دہشت گردی کابل مسجد حملہ: شہدا کی تعداد 32 ہوگئی

    سی این این کے مطابق داعش نے واقعے کی ذمہ داری قبول کرتے ہوئے اپنے بیان میں کہا ہے کہ خودکش حملہ آوروں کے گروپ نے حملہ کیا۔

    افغانستان میں رواں ماہ مسجد پر ہونے والا یہ دوسرا حملہ ہے جس کی ذمہ داری داعش نے قبول کی ہے۔

    واضح رہے کہ گزشتہ سال نومبر میں افغان دارالحکومت کابل میں واقع ایک مسجد میں دورانِ نماز خودکش حملے کے نتیجے میں 32 افراد جاں بحق جبکہ متعدد زخمی ہوگئے تھے،حملے کی ذمہ داری داعش نے قبول کی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاکستان کےلیےوہ وقت آگیا کہ امریکہ کوکہےاب کبھی نہیں‘ عمران خان

    پاکستان کےلیےوہ وقت آگیا کہ امریکہ کوکہےاب کبھی نہیں‘ عمران خان

    اسلام آباد : چیئرمین پاکستان تحریک انصاف نے کہا کہ امریکہ کی دہشت گردی کے خلاف جنگ میں پاکستان نے 70 ہزار افراد کی قربانی دی۔

    تفصیلات کے مطابق پاکستان تحریک انصاف کے سربراہ عمران خان نے امریکی صدر ڈونلڈ ٹرمپ کی نئی پالیسی پر ردعمل دیتے ہوئے سماجی رابطے کی ویب سائٹ ٹویٹر پراپنے پیغام میں کہا کہ ایک بار امریکہ نے اپنی ناکام افغان پالیسی کا ملبہ پاکستان ڈالا۔

    چیئرمین تحریک انصاف عمران خان نے کہا کہ امریکہ کی ایما پرافغانستان میں 2جنگیں لڑیں اور امریکہ کی دہشت گردی کےخلاف جنگ میں پاکستان نے70ہزارافرادکی قربانی دی۔

    عمران خان نے سماجی رابطے کی ویب سائٹ پر اپنے پیغام میں کہا کہ یہ پاکستان کےلیےایک سبق ہےچند ڈالرزکے لیےکسی اورکی جنگ نہ لڑے۔

    انہوں نے کہا کہ ہم نےخود کوامریکہ اوربھارت کی ناکام پالیسیوں پرقربانی کا بکرانہیں بننےدینا۔

    چیئرمین تحریک انصاف عمران خان نے کہا کہ دہشت گردی کےخلاف جنگ میں معیشت کو100بلین ڈالرکانقصان ہوا جبکہ جنگوں کا نتیجہ پاکستان کےلیےجانی ومالی نقصان کاباعث بنا۔ انہوں نے کہا کہ پاکستان کےلیےوہ وقت آگیا کہ امریکہ کوکہےاب کبھی نہیں۔

    عمران خان نے کہا کہ بھارت پاکستان پرکشمیرمیں آزادی کی تحریک کوہوا دینےکاالزام لگاتا ہے جبکہ مقبوضہ کشمیرمیں آزادی کی تحریک بھارتی مظالم اورپالیسی کی ناکامی ہے۔

    افغانستان اور جنوبی ایشیا سے متعلق امریکی پالیسی بیان کرتے ہوئے ڈونلڈ ٹرمپ کا کہنا تھا کہ پاکستان کو دہشت گردوں کےٹھکانوں کا صفایا کرنا ہوگا، امریکہ پاکستان کو اربوں ڈالر دیتا رہا ہے، پاکستان کو فوری اقدامات کرنا ہوں گے۔

    امریکہ نے پاکستان کو اربوں ڈالر دیئے ہیں، نتائج چاہئیں، ڈونلڈ ٹرمپ کا مطالبہ

    امریکی صدر نے الزام لگایا کہ پاکستان دہشت گردوں کو پناہ فراہم کرتارہاہے اور پاکستان میں دہشتگردوں کے محفوظ ٹھکانے ہیں۔

    واضح رہے کہ ڈونلڈٹرمپ نے دھمکی دی کہ افغانستان میں ہماراساتھ دینے پر پاکستان کوفائدہ ہوگا، دوسری صورت میں اسے نقصان کا سامنا کرنا پڑے گا

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعلیٰ پنجاب کی اتفاق اسپتال آمد‘ دھماکےکےزخمیوں کی عیادت

    وزیراعلیٰ پنجاب کی اتفاق اسپتال آمد‘ دھماکےکےزخمیوں کی عیادت

    لاہور: وزیراعلیٰ پنجاب شہبازشریف کا کہنا ہے کہ شہریوں کےخون سےہاتھ رنگنےوالےعبرت ناک انجام سےبچ نہیں سکتے۔

    تفصیلات کےمطابق وزیراعلیٰ شہبازشریف نےاتفاق اسپتال کے مختلف وارڈز میں جا کرلاہوردھماکے میں زخمی ہونے والے افراد کی عیادت کی اور زخمیوں کو بہترین طبی سہولیات فراہم کرنے کی ہدایت کی۔

    اس موقع پر وزیراعلیٰ پنجاب کا کہنا تھا کہ دہشت گردی کا بدترین واقعہ ہوا، دشمن نے سفاکانہ کارروائی کی،قوم دہشت گردوں سے بدلہ ضرور لے گی۔

    شہبازشریف کا کہنا تھا کہ شہریوں کےخون سےہاتھ رنگنےوالےعبرت ناک انجام سےبچ نہیں سکتے۔ انہوں نے کہا کہ بہادر قوم کے ارادوں کومتزلزل نہیں کیا جاسکتا۔

    وزیراعلیٰ پنجاب کا کہنا تھا کہ دہشت گردی کے خلاف جنگ میں بہنے والا خون رنگ لائے گا، دہشت گردی کی جنگ کے شہداکی قربانیاں رائیگاں نہیں جائیں گی۔

    ارفع کریم ٹاور دھماکا، ہلاکتوں کی تعداد 28 ہو گئی، 53 زخمی

    واضح رہےکہ گزشتہ روز فیروزپور روڈ پرارفع کریم ٹاور کے قریب خود کش دھماکے میں 28 افراد جاں بحق جبکہ 53 زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • دہشت گردی کےخلاف جنگ میں تمام صوبےمتحد ہیں‘ مریم اورنگزیب

    دہشت گردی کےخلاف جنگ میں تمام صوبےمتحد ہیں‘ مریم اورنگزیب

    اسلام آباد: وزیرمملکت اطلاعات ونشریات مریم اورنگزیب کا کہنا ہے کہ دہشت گردی کےخلاف جنگ میں تمام صوبوں اور ریاستی اداروں کے درمیان مکمل ہم آہنگی ہے۔

    تفصیلات کےمطابق وزیرمملکت اطلاعات ونشریات مریم اورنگزیب کا کہنا ہے کہ نیشنل ایکشن پلان ، آپریشن ضرب عضب ،رد الفساد اور خیبر فور سمیت دہشت گردی کے خلاف اہم اقدامات میں شاندار کامیابیاں حاصل ہوئی ہیں۔

    مریم اورنگزیب کا کہنا تھا کہ حکومت کا دہشت گردی سے نمٹنے کا عزم غیرمتزلزل ہے جس کے باعث دہشت گرد تنظیموں اور ان کے ہمدردوں کے خلاف حتمی کارروائی کی گئی۔

    وزیرمملکت اطلاعات ونشریات کا کہنا تھا کہ چوہدری نثار علی خان کےمستعفیٰ ہونے سےمتعلق قیارس آرائیوں کو مسترد کرتے ہوئے کہا کہ چوہدری نثار وزیرداخلہ کی حیثیت سے اپنی ذمہ داریاں نبھا رہے ہیں۔

    وزیر دفاع اوروزیرداخلہ کےدرمیان بات چیت بند جب کہ دہشت گردآزاد ہیں‘ فواد چوہدری

    واضح رہےکہ گزشتہ روز ترجمان تحریک انصاف فواد چوہدری کا کہنا تھا کہ وزیردفاع خواجہ آصف اور وزیرداخلہ چوہدری نثارکی آپس میں بول چال ہی بند ہے تو دہشت گرد متحد بھی ہوں گے اور کارروائیاں بھی کریں گے تو ایسے میں ملک میں بدامنی نہیں ہو گی تو کیا ہو گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • امریکا اور قطر کے درمیان دہشت گردی کے خاتمے کا معاہدہ

    امریکا اور قطر کے درمیان دہشت گردی کے خاتمے کا معاہدہ

    امریکا اور قطر کے درمیان دہشت گردی کے خاتمے اور مالی معاونت روکنے کے لیے معاہدے پر دستخط کرلیے گئے۔ سعودی عرب سمیت خلیجی ممالک نے معاہدہ کو ناکافی قرار دے دیا۔

    امریکی وزیر خارجہ ریکس ٹیلرسن قطر اور خلیجی ممالک کے درمیان جاری تنازعہ کے حل کے لیے قطر کے دارالحکومت دوحہ پہنچے اور قطری وزیر خارجہ شیخ محمد بن عبدالرحمٰن سے ملاقات کی۔

    اس موقع پر امریکا اور قطر کے درمیان دہشت گردی سے نمٹنے اور اس کے لیے مالی وسائل کی روک تھام کے لیے معاہدے پر دستخط ہوئے۔

    معاہدے کو سعودی عرب، متحدہ عرب امارات، بحرین اور مصر نے ناکافی قرار دیتے ہوئے کہا ہے کہ جب تک قطر پیش کیے گئے مطالبات کو تسلیم نہیں کرلیتا اس پر عائد پابندیاں برقرار رہیں گی۔

    دونوں وزرائے خارجہ نے سعودی عرب سمیت عرب ممالک میں کشیدگی سے متعلق تبادلہ خیال کیا۔ اس موقع پر ریکس ٹلرسن کا کہنا تھا کہ دہشت گردی کا خاتمہ واحد مقصد ہے۔

    قطری وزیر خارجہ شیخ محمد نے عرب ممالک سے قطر کی معاشی و مالی ناکہ بندی ختم کرنے کی اپیل کی۔

  • عالمی برادری دہشت گردی کےخلاف پاکستان کی کاوشوں کا اعتراف کرے‘ چین

    عالمی برادری دہشت گردی کےخلاف پاکستان کی کاوشوں کا اعتراف کرے‘ چین

    بیجنگ : چینی وزارت خارجہ کے ترجمان کا کہناہےکہ پاکستان دہشت گردی کے خلاف عالمی جنگ میں فرنٹ لائن اسٹیٹ ہے۔

    تفصیلات کےمطابق چین نے بھارتی وزیراعظم نریندر مودی اور امریکی صدر ڈونلڈ ٹرمپ کے مشترکہ اعلامیہ میں دہشت گردی کے حوالے سے بیان پر رد عمل کا اظہار کرتے ہوئے کہا کہ پاکستان دہشت گردی کے خلاف عالمی جنگ میں فرنٹ لائن اسٹیٹ ہے اورعالمی برادری پاکستان کی دہشت گردی کے خلاف کاوشوں کا اعتراف کرے۔

    چینی وزارت خارجہ کے ترجمان لو کانگ نے صحافیوں سےبات کرتے ہوئے کہا کہ چین دہشت گردی کی ہر قسم کی مذمت کرتا ہے اور ہم یہ بھی واضح کرچکے ہیں کہ ہم دہشت گردی کو مخصوص ممالک سے جوڑنے کی بھی مخالفت کرتے ہیں۔

    چینی وزارت خارجہ کے ترجمان نےکہا کہ بیجنگ سمجھتا ہے کہ انسداد دہشت گردی کے حوالے سے عالمی تعاون کو بڑھانا چاہیے۔

    بھارت امریکہ تعلقات کے حوالے سے لو کانگ نے کہا کہ چین ممالک کے درمیان دوستانہ تعلقات کے فروغ کو سراہتا ہے اور سمجھتا ہے کہ ایسے تعلقات خطے کے امن واستحکام کو برقرار رکھنے میں مثبت اور تعمیری کردارادا کرتے ہیں۔

    پاکستان اپنی سرزمین دیگر ممالک پر حملوں کے لیے استعمال نہ ہونے دے، امریکہ

    واضح رہے کہ بھارتی وزیراعظم نریندر مودی اور امریکی صدر ڈونلڈ ٹرمپ کے درمیان ہونے والی ملاقات کے بعد جاری ہونے والے اعلامیے میں پاکستان سے مطالبہ کیا گیا تھا کہ وہ اپنی سرزمین دہشت گردی کے لیے استعمال ہونے سے روکے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قطر دہشت گردوں کی مالی معاونت چھوڑ دے‘ ڈونلڈ ٹرمپ

    قطر دہشت گردوں کی مالی معاونت چھوڑ دے‘ ڈونلڈ ٹرمپ

    واشنگٹن : امریکی صدر ڈونلڈ ٹرمپ نے قطر پر الزام عائد کرتے ہوئےکہاکہ قطر تاریخی طور پر بڑے پیمانے پر دہشت گردی کی مالی معاونت کرتا آ رہا ہے۔

    تفصیلات کےمطابق وائٹ ہاؤس میں امریکی صدر ڈونلڈ ٹرمپ نے رومانیہ کے صدر سے ملاقات کے بعد کہاکہ قطرکے لیے یہ وقت ہے کہ وہ دہشت گردوں کی مالی معاونت کو فوری طور پر روک دے۔

    ڈونلڈ ٹرمپ نےخطے کے دوسرے ممالک پر زور دیا کہ وہ نفرت کے درس کو روکیں اور دہشت گردی کے حمایتی نظریات کو ختم کریں اور ایسا جلدی کریں۔

    میرےسعودی عرب کےدورے کی وجہ سےقطرپردباؤ ڈالا جا رہا ہے‘ ڈونلڈ ٹرمپ

    خیال رہےکہ گزشتہ دنوں امریکی صدر ڈونلڈ ٹرمپ نے دعویٰ کیا تھا کہ ان کی وجہ سے ہی خطے میں دہشت گردی کو فروغ دینے کے الزام میں قطر پر اس کے ہمسایہ ممالک نے دباؤ ڈالنا شروع کیا ہے۔

    دوسری جانب امریکی صدر کے اس بیان سے پہلے امریکی وزیرِ خارجہ ریکس ٹلرسن نے سعودی عرب اور دوسرے خلیجی ممالک پر زور دیا تھا کہ وہ قطر کے ناکہ بندی میں نرمی کریں۔

    سعودی عرب سمیت 7 عرب ممالک نےقطرسےسفارتی تعلقات منقطع کردیے

    واضح رہےکہ رواں ہفتے 5جون کوقطر کے ساتھ سعودی عرب سمیت 7 عرب ممالک نے سفارتی تعلقات ختم کردیئے تھے اور قطر پر دہشت گردوں کی حمایت کا الزام عائد کرتے ہوئے قطر پر اپنی زمینی، فضائی اور سمندری سرحدوں کو بند کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • لندن دہشت گردی : پاکستان سمیت عالمی رہنماؤں کی مذمت

    لندن دہشت گردی : پاکستان سمیت عالمی رہنماؤں کی مذمت

    اسلام آباد : وزیراعظم پاکستان میاں محمد نوازشریف نے لندن حملوں کی مذمت کرتے ہوئے کہاکہ دکھ کی اس گھڑی میں برطانوی عوام کے ساتھ ہیں۔

    تفصیلات کےمطابق وزیراعظم نوازشریف نے لندن میں ہونے والی دہشت گردی کے واقعات پر مذمت کرتے ہوئے کہاکہ دکھ کی اس گھڑی میں برطانوی حکومت اور عوام کے ساتھ کھڑے ہیں۔

    لندن حملوں میں انسانی جانوں کے ضیاع پر اظہار افسوس کرتے ہوئےوزیراعلیٰ پنجاب شہبازشریف نے کہاکہ ہماری ہمدردیاں برطانوی حکومت اورعوام کے ساتھ ہیں۔

    انہوں نے کہاکہ دہشت گردی ایک بین الاقوامی ناسور بن چکا ہے اور دہشت گردی کے خاتمے کے لیےمل کر مربوط اقدامات کرنا ہوں گے۔

    دوسری جانب پاکستان تحریک انصاف کےسربراہ عمران خان نے سماجی رابطے کی ویب سائٹ ٹویٹر پراپنے پیغام میں لندن حملوں کی مذمت کرتےہوئے کہاکہ متاثرہ افراد اور خاندانوں کے لیے دعاگو ہوں۔

    ادھر دفترخارجہ نے لندن میں دہشت گردی کی شدید مذمت کرتے ہوئے پاکستان کی جانب سے حملے میں قیمتی جانوں کے ضیاع پرتعزیت کی ہے۔

    لندن میں دہشت گردی کےواقعات پرامریکی صدرڈونلڈٹرمپ نے ردعمل کا اظہارکرتے ہوئے کہاکہ وہ برطانیہ کی ہرقسم کی مدد کرنے کے لیےتیار ہیں۔

    میئر لندن صادق خان نے دہشت گردحملوں کی مذمت کرتےہوئے اسے بزدلانہ کارروائی قراردیا ہے۔انہوں نےکہاکہ ایسی بربریت کا کوئی جواز نہیں ہوسکتا۔

    لندن : دہشت گرد حملوں میں‘7افراد ہلاک‘متعدد زخمی

    واضح رہےکہ برطانوی دارالحکومت میں لندن برج اوربارو مارکیٹ میں دہشت گردی کےواقعات میں7 افراد ہلاک جبکہ متعدد زخمی ہوگئے ہیں۔

  • آپریشن رد الفساد، وزیرستان سے زیر زمین چھپایا گیا اسلحہ بارود برآمد

    آپریشن رد الفساد، وزیرستان سے زیر زمین چھپایا گیا اسلحہ بارود برآمد

    راولپنڈی : ترجمان آئی ایس پی آر نے کہا ہے کہ وزیرستان میں کیے گئے آپریشن رد الفساد میں اینٹی ایئر کرافٹ گن سمیت بھاری مقدار میں اسلحہ بارود برآمد ہوا ہے۔

    تفصیلات کے مطابق ملک بھر میں آپریشن رد الفساد بھر پور طریقے سے جاری ہے جس میں پاک فوج کو ئی کامیابیاں حاصل ہوئی ہیں اور بھاری مقداد اسلحہ برآمد ہوا اور متعدد دہشت گردوں کو حراست میں لیا گیا ہے۔

    آئی ایس پی آر کے مطابق سیکیورٹی فورسز کی جانب سے شمالی اورجنوبی وزیرستان میں انٹیلی جنس کی بنیاد پر آپریشن ردالفساد کیا گیا جس میں بھاری مقدار میں گولہ بارود، اسلحہ اور دھماکاخیز مواد برآمد کیا گیا ہے۔

    ترجمان آئی ایس پی آر کا کہنا تھا کہ آپریشن وزیرستان کےعلاقوں متری،دتہ خیل،پانگی پری خیل میں کیےگئے اور زیر زمین چھپایا گیا اسلحہ بارود برآمد کر کے تحویل میں لے گیا ہے۔

    انٹیلی جنس بنیادوں پر کیئے گئے سرچ آپریشن کے درمیان اینٹی ایئرکرافٹ گن، راکٹ، چھوٹی مشین گنیں اور دیگر گولہ بارود برآمد
    کیا گیا ہے جسے دہشت گردی کی وارداتوں میں استعمال کیا جانا تھا۔

    واضح رہے کہ پاک فوج کی جانب سے جاری آپریشن رد الفساد نے نمایاں کامیابیاں حاصل کر لی ہیں جس کی وجہ سے دہشت گردوں کا نیٹ ورک ٹوٹ گیا ہے اور وہ اسلحہ بارود چھوڑ کر فرار ہو رہے ہیں جن کا پیچھا کر کے حراست میں لیا جا رہا ہے۔