ARYNews.tv | Urdu – Har Lamha Bakhabar

Tag: دہشت گردی

  • الطاف حسین وطن آکر الزامات کا دفاع کریں،اراکین اسمبلی

    الطاف حسین وطن آکر الزامات کا دفاع کریں،اراکین اسمبلی

    اسلام آباد : ارکان پارلیمنٹ نے ایم کیو ایم کے قائد الطاف حسین کو مشورہ دیا ہے کہ وہ پاکستان آکر اپنے خلاف الزامات کا دفاع کریں۔

    تفصیلات کے مطابق  وزیر داخلہ چوہدری نثار علی خان کی طرف سے ایم کیو ایم کے قائد الطاف حسین کے خلاف بر طانوی ہائی کمشنر کو ثبوت فراہم کرنے اور حکومت پاکستان کی طرف سے تشویش کا اظہار کرنے کے عمل کامختلف سیاسی جماعتوں کے ارکان پارلیمنٹ نے خیر مقدم کیاہے ۔

    انہوں نے کہا کہ دہشت گردی میں جو بھی ملوث ہو اسے سزا ضرور ملنی چاہیے۔ جبکہ بعض ارکان پارلیمنٹ نے الطاف حسین کو مشورہ دیا کہ وہ پاکستان آکر اپنی بے گناہی ثابت کریں۔

    ارکان پارلیمنٹ کا کہنا ہے کہ الطاف حسین کے مقدمے کا فیصلہ پاکستانی سیاست پر دور رس اثرات مرتب کرے گا۔

    اس موقع پر پیپلز پارٹی کےرہنماء سعید غنی کا کہنا تھا کہ دہشت گردی یا کسی جرم میں الطاف حسین یا میں سعید غنی ہی کیوں نہ ملوث ہوں سب کیخلاف کارروائی ہونی چاہئیے۔

  • جامشورو : دہشت گردی کا منصوبہ ناکام، تین گرفتار، بارودی مواد برآمد

    جامشورو : دہشت گردی کا منصوبہ ناکام، تین گرفتار، بارودی مواد برآمد

    جامشورو : پولیس نے بارودی مواد برآمد کرتے ہوئے تین دہشت گردوں کو گرفتار کرلیا۔ تفصیلات کے مطابق جامشورومیں پولیس نے دہشت گردی کا منصوبہ ناکام بناتے ہوئے ساٹھ کلو بارودی مواد برآمد کرکے کراچی میں دہشت گردی کامنصوبہ ناکام بنا دیا۔

    پولیس کے مطابق ملزمان بارودی مواد کے ساتھ حیدرآبادسےکراچی جارہےتھے کہ سپرہائی وے کےقریب پولیس نے ملزمان کو رکنے کا اشارہ کیا، جس پر ملزمان نےفرار ہونے کی کوشش کی۔

    پولیس نے جوابی  کارروائی کرتے ہوئے تین ملزمان کوگرفتارکرکےبارودی مواد تحویل میں لے لیا۔

    ابتدائی تحقیقات کے مطابق گرفتارہونے والے تینوں افراد کاتعلق سوات کے علاقے شانگلہ سے ہےجبکہ ملزمان کےساتھ تین بچےبھی تھے جن کی تلاش کیلئےسرچ آپریشن جاری ہے۔

  • دہشتگرد قوم کوتقسیم کرنا چاہتے ہیں، ڈی جی آئی ایس پی آر

    دہشتگرد قوم کوتقسیم کرنا چاہتے ہیں، ڈی جی آئی ایس پی آر

    اسلام آباد: ڈی جی آئی ایس پی آر میجرعاصم باجوہ کا کہنا ہے کہ دہشتگرد فرقہ واریت کو فروغ دے کر قوم کوتقسیم کرنا چاہتے ہیں۔

    راولپنڈی دھماکے پر سماجی ویب سائٹ ٹوئٹر پر ایک پیغام پاک فوج کے ترجمان میجر جنرل عاصم باجوہ نے حالیہ دہشتگردی کے واقعات کی شدید مذمت کی ہے۔

     ان کا کہنا ہے کہ دہشتگرد فرقہ واریت کوفروغ دے کراور بے گناہ افراد کو نشانہ بناکر قوم کو تقسیم کرنا چاہتے ہیں ۔

     

    ان کا کہنا تھا کہ پاک فوج دکھ کی اس گھڑی میں دہشتگردی سے متاثر اپنے تمام بہن بھائیوں کے دکھ میں برابر کی شریک ہیں۔

    انہوں نے ملک سے دہشتگردی کو جڑھ سے خاتمے کے عزم کا اعادہ کیا اور قوم کو اپنی صفوں میں اتحاد برقرار رکھنے کا کہا ہے۔

     پاک فوج کے ترجمان کا کہنا تھا کہ دہشتگرد بزدلانہ کارروائیاں کرکے ملک کونقصان پہنچانے کے درپے ہیں لیکن پاک فوج ان کے ناپاک عزائم کو کامیاب نہیں ہونے دیگی۔

  • چارسدہ: دہشت گردی کا منصوبہ ناکام،اسکول سے بارودی مواد برآمد

    چارسدہ: دہشت گردی کا منصوبہ ناکام،اسکول سے بارودی مواد برآمد

    چارسدہ : دہشت گردی کا بڑا منصوبہ ناکام بنا دیا گیا،سیکیورٹی فورسز نےسرکاری اسکول سے ہینڈ گرنیڈ، راکٹ لانچرزاوربارود سے بھرے پریشر ککر برآمد کرلئے۔

    تفصیلات کے مطابق چارسدہ کے علاقے شب قدر کے سرکاری اسکول میں سیکیورٹی اداروں نے دہشت گردی کا بڑا منصوبہ ناکام بنا دیا۔

    پولیس حکام کے مطابق تخریب کاروں کی جانب سے اسکول میں بارودی مواد سے بھرے تین پریشر ککر ز رکھے گئے تھےجو ریموٹ کنٹرول ڈیوائس سے منسلک تھے۔

    سیکیورٹی اداروں نے جائے وقوعہ سے پانچ گرنیڈ، دس راکٹ لانچرز ،چار ڈیٹو نیٹرز اور پرائما کارڈ بھی قبضے میں لے لئے ۔

    سیکیورٹی ذرائع کے مطابق برآمد شدہ بارودی مواد بڑی تباہی کا باعث بن سکتا تھا۔پولیس نے تخریب کاری میں ملوث عناصر سے متعلق تفتیش شروع کردی ہے۔

  • سندھ سے64مقدمات فوجی عدالتوں کو بھیجنےکی منظوری

    سندھ سے64مقدمات فوجی عدالتوں کو بھیجنےکی منظوری

    کراچی: سندھ کی ایپیکس کمیٹی کے اجلاس میں 64 کیسز کو وفاقی حکومت کے ذریعے ملٹری کورٹس میں بھیجنے کی منظوری دے دی گئی ہے۔

    وزیر اعلی ہاوس میں ایپیکس کمیٹی کے اجلاس کے بعد وزیر اطلاعات و بلدیات سندھ شرجیل انعام میمن کے مطابق تمام مدارس کی ازسر نو رجسٹریشن کی جائے گی۔

     شرجیل انعام میمن نے کہا کہ پولیس کے ایک ہزار نوجوانوں کو فوجی جوانوں کے ذریعے تربیت دلوائی جائے گی۔

     شرجیل میمن نے کا کہنا تھا بلوچستان اور سندھ حکومت کی بین الصوبائی کمیٹی کے اجلاس میں دہشتگردوں کے خلاف جوائنٹ آپریشن کرنے کا فیصلہ کیا جائے گا۔

  • فوجی عدالتوں کودہشتگردی کے12کیسزموصول، آئی ایس پی آر

    فوجی عدالتوں کودہشتگردی کے12کیسزموصول، آئی ایس پی آر

    راولپنڈی: دہشتگردی کےبارہ مقدمات فوجی عدالتوں کوموصل ہوگئے، صوبائی حکومتوں نےفوجی عدالتوں کےلئےکیسزوزارت داخلہ کوبھجوائےتھے۔

    آئی ایس پی آرکےمطابق آئینی ترمیم کےبعدفوجی عدالتوں کووزارت داخلہ کی جانب سےبارہ مقدمات موصول ہوگئے، صوبائی ایپکس کمیٹیوں نےمقدمات وزارت داخلہ کوبھجوائےتھے،جن کی چھان بین کےبعدانہیں فوج کوبھجوایاگیا۔

    ڈی جی آئی ایس پی آر میجر جنرل عاصم سلیم باجوہ کے ایک ٹوئٹ کے مطابق یہ تمام کیس ایپکس کمیٹی نے چھان بین کے بعد وزارت داخلہ کو بھجوائے ہیں جس نے ان مقدمات کو فوجی عدالتوں کو بھجوا دیا ہے۔ ابتدائی طور پر بارہ مقدمات فوجی عدالتوں کو ارسال کردیے گئے ہیں۔

     

    ذرائع کےمطابق پہلےمرحلےمیں39مقدمات فوجی عدالتوں کےلئےمنتخب ہوئےہیں، جن کیلئےقانونی عمل شروع کردیاگیاہے، فوجی عدالتوں کےقیام کافیصلہ اسلام آباد میں وزیراعظم کی زیرصدارت کل جماعتی کانفرنس میں سیاسی جماعتوں اورعسکری قیادت نےمتفقہ طور پر2جنوری کوآرمی ایکٹ میں ترمیم کرکےفوجی عدالتوں کےقیام کافیصلہ کیاتھا۔

     جس کےبعدپارلیمنٹ میں21ویں ترمیم کی منظوری متفقہ طور پردی گئی تھی، ملک میں 9فوجی عدالتیں قائم کی گئی ہیں جن میں پنجاب اور صوبہ خیبر پختونخوامیں تین تین، سندھ میں دوجبکہ بلوچستان میں ایک فوجی عدالت قائم کی گئی ہے۔

  • انسداد دہشت گردی کی عدالت نے مولا نا صوفی محمد پر فرد جرم عائد کردی

    انسداد دہشت گردی کی عدالت نے مولا نا صوفی محمد پر فرد جرم عائد کردی

    پشاور: انسداد دہشت گردی کی خصوصی عدالت نے کالعدم نفاذ شریعت محمدی کے امیر مولا نا صوفی محمد پر فرد جرم عائد کردی ہے۔

    تفصیلات کے مطابق پشاور سینٹرل جیل میں لگائی گئی انسداد دہشت گردی کی عدالت نے کالعدم تحریک نفاذ شریعت محمدی کے سربراہ مولانا صوفی محمد پر غیر قانونی جلسہ کیس میں فرد جرم عائد کردی ہے ۔

    صوفی محمد سمیت ان کے دو بیٹوں اور کمانڈر سفیر اللہ کو بھی اس مقدمے میں نامزدکیا گیا ہے۔ غیر قانونی جلسے، کار سرکار میں مداخلتاور دہشت گردی کے تین مقدمات پشاور سینٹرل جیل میں زیر سماعت ہیں۔

    واضح رہے کہ صوفی محمد کا تعلق کالعدم نفاذ شریعت محمدی سے ہے صوفی محمدکے دو بیٹے اور کمانڈر سفیر اللہ بھی مقدمے میں نامزد ہیں

  • موبائل سموں کی بائیو میٹرک تصدیق، عوام کو مشکلات کا سامنا

    موبائل سموں کی بائیو میٹرک تصدیق، عوام کو مشکلات کا سامنا

    اسلام آباد : ملک میں دہشت گردی کے واقعات سے بچنے کیلیے حکومت کی جانب سےبائیو میٹرک سسٹم کی مددسےموبائل فون سمز کی تصدیق کا عمل جاری ہے۔

    موبائل فون سموں کی تصدیق بائیو میٹرک سسٹم کے ذریعےکرانےکے لیے ملک بھر میں موبائل فون کمپنیز کے فرنچائز اور کسٹمر سروس سینٹرز پر شہریوں کی قطاریں لگ گئیں۔

    شہریوں کو سموں کی تصدیق کے مراحل میں دشواریوں کا بھی سامنا ہے۔ شہریوں نےتصدیق کےعمل پر عدم اطمینان ظاہر کرتےہوئےحکومت سے اس عمل کوآسان بنانےکامطالبہ کیاہے۔

    موبائل فون کمپنیز نے سموں کی تصدیق کے عمل کو سراہتےہوئے کہا کہ اس سے دہشت گردی کے واقعات پر قابو پانے میں مدد ملے گی۔ موبائل فون صعنت سے وابستہ ماہرین کے مطابق اس عمل سے پچاس فیصد سےزائد سمز بند ہو جانیکا اندیشہ ہے جن کی تعداد پچاس سےپچپن ملین تک جاسکتی ہے۔

  • چارسدہ میں اسکول وین پر فائرنگ قابل مذمت ہے،الطاف حسین

    چارسدہ میں اسکول وین پر فائرنگ قابل مذمت ہے،الطاف حسین

    لندن : متحدہ قومی موومنٹ کے قائد الطاف حسین نے چارسدہ میں اسکول وین پر مسلح دہشت گردوں کی فائرنگ کے واقعہ کی سخت ترین الفاظ میں مذمت کی ہے۔

    ایک بیان میں انہوں نے کہاکہ چارسدہ میں اسکول وین پر فائرنگ کے واقعے نے ثابت کردیا ہے کہ خیبرپختونخوا کی حکومت دہشت گردی کے خلاف موثر اقدامات کرنے میں ناکام رہی ہے ۔

    انہوں نے کہا کہ یہ ہی وجہ ہے کہ گزشتہ روز بھی دہشت گرد پشاور میں ایک اسکول کے باہر بم پھینک کر فرار ہونے میں کامیاب ہوگئے تھے۔صوبائی حکومت ذمہ داران کو جلد از جلد گرفتار کرے۔

    انہوں نے اسکول وین پر فائرنگ کے نتیجے میں جاں بحق ہونے والے ڈرائیور کے سوگوار لواحقین سے دلی تعزیت وہمدردی کااظہار کیا اور زخمی بچوں کی جلد ومکمل صحت یابی کیلئے دعا بھی کی۔

  • دہشت گردی کو عام جرائم سے الگ کیا جائے، چوہدری نثار

    دہشت گردی کو عام جرائم سے الگ کیا جائے، چوہدری نثار

    اسلام آباد:وزیر داخلہ چوہدری نثارعلی نے کہا ہے کہ سیکیورٹی کے ایشو پر سیاست نہیں ہونی چاہیئے،دہشت گردی کو عام جرائم سے الگ کیا جائے۔

    ان خیالات کا اظہار انہوں نے قومی اسمبلی میں خطاب کرتے ہوئے کیا، چوہدری نثار نے مزید کہا کہ ہم نے پہلے ہی صوبائی حکومتوں کو دہشت گردی کی وارداتوں کے بارے میں آگاہ کر دیاتھا۔

    وفاقی اور صوبائی حکومتوں کو مل جل کر کام کرنا چاہیئے،ان کا کہنا تھا کہ ہم نے کبھی دہشت گردی کا ذمہ دار صوبوں کو نہیں ٹھہرایا، کیونکہ دہشت گرد بھی یہ ہی چاہتے ہیں کہ ہم صوبوں کو قصوروار ٹھہرائیں اور وہ مستعفی ہوں، یہ مسئلہ کا حل نہیں۔ہمیں دہشت گردی کیخلاف مل کر لڑنا ہوگا۔

    انہوں نے کہا کہ سیکیورٹی ایجنسیز وزراء اعلیٰ کے ماتحت کام کر رہی ہیں اور وفاقی حکومت سولڈ اور آرمڈ فورسز کو ان کی مدد کیلئے بھیجتی ہے۔

    انہوں نے کہا کہ دہشت گرد معصوم اور بے گناہ لوگوں کا خون بہا کر قوم کو خوف میں مبتلا کرنا چاہتے ہیں، اور وہ یہ چاہتے ہیں کہ قوم آپس میں اختلافات کا شکار ہو۔لیکن اس  کے بر عکس قوم کو دہشت گردی کیخلاف متحد ہونا پڑے گا ۔

    انہوں نے سوال کیا کہ کیا ہم دہشت گردی کے خوف سے اپنے اسکول یا اپنی عبادت گاہیں بند کردیں۔ہمیں اب اس ناسور کو ختم کرنا ہوگا۔اپنے خطاب میں ان کا کہنا تھا کہ دہشت گردی کیخلاف جنگ آسان نہیں۔

    گزشتہ دنوں انٹیلی جینس ایجینسیز نے متعدد خود کش بمبار اور دہشت گردوں کو گرفتار کیاہے۔ انہوں نے دعویٰ کیا کہ خود کش بمبار اور دہشت گرد شکار پور کے راستے سے کراچی میں داخل ہوتے ہیں اور وہ راستہ اب ایک حب کی صورت اختیار کر گیا ہے۔