Tag: دہشت گردی

کراچی: پولیس نے سائٹ سپر ہائی وے پر ٹارگٹڈ آپریشن کرتے ہوئے 2 کلاشکوف، 4 دستی بم ، بھاری مقداد میں گولیاں ،ہینڈ گرنیڈ اسلحہ برآمد کرلیا۔

تفصیلات کے مطابق کراچی میں سپرہائی وے پر دہشت گردی کی مبینہ منصوبہ بندی ناکام بنادی گئی۔

پولیس نے سائٹ سپر ہائی وے دھنی بخش گوٹھ میں ٹارگٹڈ آپریشن کے دوران 2 کلاشکوف، 4 دستی بم برآمد کرلئے۔

آپریشن میں بھاری مقداد میں گولیاں ،ہینڈ گرنیڈ اسلحہ اور گولیاں خالی پلاٹ سے برآمد ہوئیں۔

ایس ایس پی ایسٹ زبیرنذیر شیخ نے بتایا کہ آپریشن کے دوران 8 مشتبہ افراد کو بھی حراست میں لے لیا گیا اور دستی بم کو ناکارہ بنانے کیلئے بم ڈسپوزل ٹیم طلب کرلی ہے۔

آپریشن ڈی ایس پی سہراب گوٹھ چوہدری سہیل فیض کی سربراہی میں کیا گیا، آپریشن میں ایس ایچ او سائٹ سپر ہائی وے بھی شریک تھی۔

ایس ایس پی ایسٹ زبیر شیخ کے مطابق کومبنگ آپریشن میں آرآر ایف کی نفری بھی شریک تھی ،اسلحہ کو تحویل میں لیکر فارنزک کیلئے بھیجا جارہا ہے۔

زبیر شیخ کا کہنا تھا کہ ممکنہ طور پر اسلحہ بارود کسی دہشت گردی کی نیت سے چھپایا گیا تھا، اسلحہ کہاں سے آیا، تفتیش جاری ہے۔

پشاور: سال 2022 میں پشاور میں ایک خودکش دھماکہ اور 32 دہشت گردی کے واقعات رپورٹ ہوئے ہیں۔

اے آر وائی نیوز کے مطابق بم ڈسپوزل یونٹ خیبرپختونخوا نے سالانہ رپورٹ جاری کی ہے جس کے مطابق کے پی میں رواں سال7 خودکش جیکٹ، 465 بم ناکارہ بنائے ہیں۔

بی ڈی یو کی رپورٹ میں بتایا گیا کہ 2022 میں پشاور میں ایک خودکش دھماکہ اور 32 دہشت گردی کے واقعات رپورٹ ہوئے ہیں۔

رپورٹ کے مطابق 134 بم دھماکوں کے بعد بارودی مواد کی ساخت کی تفتیش کی، رواں سال 249 دستی بم اور 180 راکٹ ناکارہ بنائے گئے۔

بم ڈسپوزل یونٹ نےصوبے میں 180 راکٹ ناکارہ بنائے جبکہ پشاور میں 36، دیگر اضلاع میں 122دستی بم ناکارہ بنا ئے۔

بم ڈسپوزل یونٹ خیبرپختونخوا نے سالانہ رپورٹ میں بتایا کہ دہشت گردی،تخریب کاری کےسب سےزیادہ واقعات کوہاٹ اورپشاور میں ہوئے ہیں۔

کراچی: متحدہ قومی موومنٹ (ایم کیو ایم) کے سینئر رہنما وسیم اختر نے صوبائی وزیر ٹرانسپورٹ شرجیل میمن کے بیان پر ردِعمل دیا ہے۔

تفصیلاے کے مطابق متحدہ قومی موومنٹ (ایم کیو ایم) کے سینئر رہنما وسیم اختر نے صوبائی وزیر ٹرانسپورٹ شرجیل میمن کے بیان پر اے آر وائی سے گفتگو کرتے ہوئے کہا کہ دنیا جانتی ہے کراچی میں دہشت گردی کا آغاز کس نے کیا تھا۔

وسیم اختر نے کہا کہ کراچی کے عوام کی باتوں کو سنجیدہ نہیں لیاجارہا، میں نے سیاسی پریس کانفرنس نہیں کی میں نے کراچی کے مسائل کو سامنے رکھا تھا۔

انہوں نے کہا کہ کراچی میں اسٹریٹ کرائم کی وجہ سےلوگ مررہے ہیں، پولیس کراچی میں امن قائم کرنے میں ناکام ہوچکی ہے،  ہمارے شہر میں لڑکے مارے جارہے ہیں اور یہ مذاق سمجھ رہے ہیں۔

کراچی سے بھتہ خوری پرچیاں ختم ہوگئی ہیں، شرجیل میمن

واضح رہے کہ شرجیل میمن نے میڈیا سے گفتگو کرتے ہوئے کہا تھا کہ میں وسیم اخترکی باتوں کو سنجیدہ نہیں لیتا، دنیاکےتمام میٹروپولیٹن سٹی میں اسٹریٹ کرائم ریشو زیادہ ہوتا ہے، لیکن کراچی کے حالات پہلے سے بہتر ہیں۔