Tag: دہشت گردی

اسلام آباد: اسپیکر قومی سمبلی اسد قیصر کا کہنا ہے کہ وزیراعظم پر جب بھی آزمائش آئی اللہ نے ان کو سرخرو کیا ہے، ہم جب دینے والے بن جائیں گے تو اللہ ہمیں بھی نوازے گا۔

تفصیلات کے مطابق زراعت کے جدید طریقوں پرغذائی تحفظ اور بلا سود قرضوں کی تقسیم کی تقریب سے خطاب کرتے ہوئے اسپیکر قومی اسمبلی اسد قیصر نے کہا کہ دہشت گردی کے خلاف جنگ کی وجہ سے ہماری معیشت کو نقصان پہنچا۔

اسد قیصر کا کہنا تھا کہ دہشت گردی کی جنگ میں سب سے زیادہ نقصان کے پی کو پہنچا، جنگ کی وجہ سے سوات اور بونیر کے عوام کو اپنے گھر چھوڑنے پڑے۔

اسپیکر قومی سمبلی کا کہنا تھا کہ وزیراعظم پر جب بھی آزمائش آئی اللہ نے ان کو سرخرو کیا ہے، ہم جب دینے والے بن جائیں گے تو اللہ ہمیں بھی نوازے گا۔

انہوں نے مزید کہا کہ حکومت اپنے منشور کے مطابق کام کر رہی ہے، نئے پاکستان کا وعدہ پورا ہوگا اور پاکستان ترقی کرے گا۔

وزیراعظم عمران خان کا مستحق افراد کے لئے ایک اور منصوبہ

وزیراعظم عمران خان 31 جنوری کو ‘احساس کفالت پروگرام’ کا آغاز کریں گے، پروگرام کے تحت بیوہ خواتین سمیت نادار افراد کی مالی امداد کی جائے گی اور انتہائی مستحق افراد کو 2 ہزار روپے ماہانہ رقم دی جائے گی۔

پشاور: وزیر اطلاعات خیبرپختونخوا شوکت یوسفزئی کا کہنا ہے کہ جب قوم متحد ہوتی ہے تو دہشت گرد خود بھاگ جاتے ہیں۔

تفصیلات کے مطابق وزیراطلاعات خیبرپختونخوا شوکت یوسفزئی نے اسلامیہ کالج میں گفتگو کرتے ہوئے کہا کہ پشاور دھماکے میں 11 افراد زخمی ہوئے، 10 زیرعلاج ہیں۔

شوکت یوسفزئی نے کہا کہ دہشت گردوں کے مقاصد کبھی پورے نہیں ہوسکتے ہیں، سیکیورٹی فورسز الرٹ ہیں، پہلے کی نسبت دہشت گردی میں نمایاں کمی آئی ہے۔

صوبائی وزیر اطلاعات نے کہا کہ سانحہ اے پی ایس کو 5 سال پورے ہوگئے، مگر زخم نہیں بھرے، دہشت گردوں نے معصوم بچوں پر جو ظلم ڈھایا اسے نہیں بھولے۔

وزیر اطلاعات شوکت یوسفزئی نے کہا کہ جب قوم متحد ہوتی ہے تو دہشت گرد خود بھاگ جاتے ہیں، دہشت گردی جہاں بھی ہو اس کا خاتمہ کر کے دم لیں گے۔

واضح رہے کہ آج صبح پشاور ہائی کورٹ کی پارکنگ میں دھماکے سے پولیس اہلکار سمیت 11 افراد زخمی ہوگئے۔ بم ڈسپوزل یونٹ کی ابتدائی رپورٹ کے مطابق رکشے میں 4 کلو گرام دیسی ساختہ بارودی مواد نصب کیا گیا تھا۔

پولیس حکام کے مطابق زخمیوں کو لیڈی ریڈنگ اسپتال منتقل کیا گیا، تمام زخمیوں کی حالت خطرے سے باہر ہے۔