ARYNews.tv | Urdu – Har Lamha Bakhabar

Tag: دہشت گرد حملہ

  • افغانستان: جنازے میں خودکش حملہ، 25 افراد ہلاک، درجنوں زخمی

    افغانستان: جنازے میں خودکش حملہ، 25 افراد ہلاک، درجنوں زخمی

    کابل: افغان صوبہ ننگرہار ایک بار پھر خود کش دھماکے سے گونج اٹھا، جنازے میں خود کش حملے کے نتیجے میں 25 افراد ہلاک اور 55 سے زائد افراد شدید زخمی ہوگئے۔

    غیرملکی خبررساں ادارے کی رپورٹ کے مطابق ننگرہار حکومت کے ترجمان آیت اللہ خوگانی نے حملے کی تصدیق کرتے ہوئے کہا ہے کہ دھماکے کے نتیجے میں کئی زخمیوں کی حالت تشویش ناک ہے، ہلاکتوں میں اضافہ ہوسکتا ہے۔

    افغانستان میں ایک ہی دن دہشت گردانہ حملے کے دو واقعات پیش آئے۔ دوسری جانب کابل کے مغرب میں سرکاری میٹرنٹی ہوم پر دہشتگردوں نے فائرنگ کردی جس کے نتیجے میں خواتین اور بچوں سمیت 5 افراد ہلاک ہوئے۔

    حکام کا کہنا ہے کہ 3دہشت گردوں نے اسپتال پرحملہ کیا جبکہ سیکیورٹی فورسز کی جوابی کارروائی میں تینوں شدت پسند مارے گئے، سیکورٹی فورسز نے اسپتال کو کلیئر کردیا۔

    میٹرنٹی ہوم سے 80 بچوں اور خواتیں کو بحفاظت باہر نکال لیا گیا ہے۔

    غیرملکی میڈیا کے مطابق حملے کی ذمے داری تاحال کسی شدت پسند گروہ نے قبول نہیں کی البتہ یہ امکان ظاہر کیا جارہا ہے کہ حملہ طالبان کی جانب سے ہوسکتا ہے کیوں کہ اس سے قبل بھی متعدد ایسے حملے کیے جاچکے ہیں۔

  • موبائل فون کھوجانے کا خوف دہشت گرد حملے جتنا ہوسکتا ہے

    موبائل فون کھوجانے کا خوف دہشت گرد حملے جتنا ہوسکتا ہے

    اسمارٹ فون ہماری زندگیوں کا لازمی جز بن گیا ہے، اس کا چھن جانا یا کھو جانا ہمیں بے حد نقصان پہنچا سکتا ہے کیونکہ ہم اپنا بہت سا قیمتی ڈیٹا کھوسکتے ہیں جبکہ مالی طور پر نقصان سے بھی دو چار ہوتے ہیں۔

    لیکن کیا آپ جانتے ہیں موبائل فون کھونے کے بعد کا خوف اور تناؤ ایسا ہی ہوتا ہے جیسے کسی دہشت گرد حملے کا شکار ہونے کے بعد کا خوف؟

    ماہرین کا کہنا ہے کہ کسی انسان کی زندگی کا سب سے بدترین اور تناؤ زدہ وقت وہ ہوتا ہے جب وہ اچانک اپنے کسی پیارے کو کھودے، تاہم موبائل فون کھو دینے کا دکھ اور تناؤ اس سے کہیں زیادہ ہوتا ہے اور یہ ایسا ہی ہوتا ہے جیسے آپ نے اپنی آنکھوں کے سامنے کسی دہشت گرد حملے کو رونما ہوتے دیکھا ہو۔

    ماہرین کے مطابق انسان کی زندگی میں متوقع طور پر آنے والی 5 تناؤ زدہ اور سب سے زیادہ متاثرکرنے والی صورتیں ایسی ہیں جو رونما ہونے کے بعد کسی انسان کی پوری زندگی کو متاثر کر سکتی ہیں۔ ان میں قدرتی آفات، نوکری سے ہاتھ دھونا یا کسی جان لیوا بیماری کا شکار ہونا شامل ہے۔

    آپ کوجان کر حیرت ہوگی کہ اس فہرست میں سے ایک ٹرین یا بس کا چھوٹ جانا بھی شامل ہے۔ منزل پر پہنچنے سے قبل بس یا ٹرین کا چھوٹ جانا، اور منزل سے دور ہوجانے کا احساس، چاہے وہ سفر کتنا ہی غیر اہم اور معمولی کیوں نہ ہو، انسان کو بے حد صدمے سے دو چار کرسکتا ہے۔

    اس فہرست میں پہلے نمبر پر موبائل فون کھوجانے کے بعد ہونے والا تناؤ اور صدمہ ہے جو کسی انسان کو بری طرح متاثر کرسکتا ہے۔

    کیا آپ کا موبائل فون بھی آپ کے لیے ایسی ہی اہمیت رکھتا ہے؟

  • آسٹریلوی سینیٹر کو انڈا مارنے والے نوجوان کا ایک اور کارنامہ

    آسٹریلوی سینیٹر کو انڈا مارنے والے نوجوان کا ایک اور کارنامہ

    کرائسٹ چرچ: آسٹریلوی سینیٹر کو انڈا مارنے والے نوجوان نے مسلمانوں نے محبت کا اظہار کرتے ہوئے ایک لاکھ ڈالر کرائسٹ چرچ متاثرین کو دے دئیے۔

    تفصیلات کے مبطابق مسلم مخالف شر پسندانہ بیان دینے والے آسٹریلوی سینیٹر کو احتجاجاً انڈا مارنے والے نوجوان نے اپنے لیے جمع ہونے والی امدادی رقم ایک لاکھ ڈالر کرائسٹ چرچ حملے میں شہید ہونے والے نمازیوں کے لواحقین کو دے دیئے۔

    غیرملکی خبررساں ادارے کے مطابق آسٹریلوی نوجوان ول کونولے نے سماجی رابطے کی ویب سائٹ انسٹاگرام پر پوسٹ میں لکھا کہ 99 ہزار 922 ڈالر کرائسٹ چرچ میں مساجد حملوں میں شہید ہونے والے نمازیوں کے لواحقین کی بہبود کے لیے بنائے گئے اکاﺅنٹ میں جمع کرا دیئے ہیں۔

    رواں برس مارچ میں آسٹریلوی سینیٹر فریزر اینیگ کو مسلم مخالف بیان دینے پر انڈا مارنے والے نوجوان کو گرفتار کر لیا گیا تھا جس پر ان کے دوستوں نے قانونی معاونت کے لیے فیس بک پر فنڈ ریزنگ پیج بنایا تھا جس میں ایک لاکھ ڈالر رقم جمع ہوگئی تاہم کیس ختم ہونے پر یہ رقم بچ گئی۔

    یاد رہے کہ گذشتہ ماہ نیوزی لینڈ کے شہر کرائسٹ چرچ میں دو مساجد میں دہشت گردی کا واقعہ پیش آیا تھا جس میں آسٹریلوی شہری نے فائرنگ کر کے 9 پاکستانیوں سمیت 51 نمازیوں کو شہید کردیا تھا۔

    اسلام مخالف سینیٹر کو پارلیمنٹ سے نکالنے کی دستخطی مہم، 24 گھنٹوں میں 10 لاکھ افراد نے حصہ لیا

    آسٹریلوی سینیٹر نے سانحہ نیوزی لینڈ کا ذمہ دار مسلمانوں کو قرار دیتے ہوئے اسلام کے خلاف ہرزہ سرائی کی تھی جس کے بعد اُن کے خلاف مہم کا آغاز بھی ہوا۔ آسٹریلیا اور نیوزی لینڈ کے شہریوں نے فریزر کو آڑے ہاتھوں لیتے ہوئے خوب تنقید کی۔

  • سری لنکا کے بعد برکینافاسو میں چرچ پر حملہ، 6 افراد ہلاک

    سری لنکا کے بعد برکینافاسو میں چرچ پر حملہ، 6 افراد ہلاک

    اواگاڈوگو: سری لنکا کے بعد دہشت گردوں نے افریقی ملک برکینافاسو میں قائم چرچ پر حملہ کردیا جس کے باعث 6 افراد ہلاک ہوگئے۔

    تفصیلات کے مطابق یہ حملہ برکینافاسو کے شہر ڈابلو میں پیش آیا جہاں ایک کیتھولک چرچ پر مسلح حملہ آوروں نے فائرنگ کردی جس کے باعث 6 افراد ہلاک ہوگئے۔

    غیر ملکی خبر رساں ادارے کا کہنا ہے کہ اتوار کے روز مسیحی برادری اپنے مذہبی عبادات میں مصروف تھے کہ دہشت گردوں نے اچانک حملہ کردیا، ہلاک ہونے والوں میں ایک پادری بھی شامل ہے۔

    پولیس حکام کے مطابق حملہ آوروں کی تعداد تقریباً 20 سے 30 کے درمیان تھی، دہشت گردوں نے چرچ پر اندھا دھن فائرنگ کردی جس کے باعث چھ افراد زخمی بھی ہوئے جن میں سے کئی کی حالت تشویش ناک ہے۔

    برکینافاسو میں 4 مہینوں کے درمیان یہ تیسرا حملہ ہے، زخمیوں کو فوری طور پر اسپتال منتقل کیا گیا جہاں انہیں طبی امداد فراہم کی جارہی ہے البتہ علاقوں میں سیکیورٹی اہلکاروں کا مکمل کنٹرول ہے۔

    دوسری جانب سری لنکا میں ہونے والے دہشت گردانہ حملوں کے تین ہفتوں بعد آج ملکی دارالحکومت کولمبو کے گرجا گھروں میں اتوار کی دعائیہ عبادت منعقد کی گئی، دریں سیکیوٹی کے خصوصی انتظامات کیے گئے۔

    یاد رہے کہ سری لنکا میں ہونے والے دہشت گرد حملوں کے بعد حالات آہستہ آہستہ معمول پر آرہے ہیں، جبکہ ملک بھر میں گرجا گھروں کو بھی کھول دیا گیا ہے، البتہ سیکیورٹی ہائی الرٹ ہے۔

    سری لنکا دہشت گردی، جرمن مسلمانوں کا اظہار یکجہتی کے لیے ملکی دورہ

    سری لنکن آرمی چیف کا برطانوی خبررساں ادارے کو انٹرویو میں کہنا تھا کہ حملے میں ملوث ملزمان بھارت کا دورہ کرچکے تھے، وہ بھارت کے زیرتسلط کشمیر، بنگلور اور ریاست کیرالا بھی گئے تھے۔

  • وزیراعظم عمران خان کی گوادر میں دہشت گرد حملے کی مذمت

    وزیراعظم عمران خان کی گوادر میں دہشت گرد حملے کی مذمت

    اسلام آباد: وزیراعظم عمران خان نے کہا کہ پاکستانی قوم اور اس کی سیکیورٹی فورسز دہشت گردوں کو شکست سے دوچار کریں گی۔

    تفصیلات کے مطابق وزیراعظم عمران خان نے گوادر میں دہشت گرد حملے کی مذمت کرتے ہوئے سیکیورٹی فورسز کی بروقت کارروائی کو سراہا۔

    وزیراعظم عمران خان نے کہا کہ فورسز نے بروقت جوابی کارروائی سے قیمتی جانوں کونقصان سے بچایا۔ انہوں نے کارروائی میں شہید اور زخمی ہونے والے سیکیورٹی اہلکاروں کو شاندار خراج تحسین بھی پیش کیا۔

    وزیراعظم پاکستان نے کہا کہ ایسی کارروائیاں پاکستان کی خوشحالی کو سبوتاژ کرنے کی کوشش ہیں، کارروائی سے اقتصادی منصوبوں کونقصان پہنچانے کی کوشش کی گئی۔

    انہوں نے کہا کہ کسی صورت ایسے ایجنڈے کو کامیاب نہیں ہونے دیں گے، پاکستانی عوام اور سیکیورٹی فورسز ایسے عناصر کو شکست دیں گے۔

    گوادر حملہ، تمام افراد کو ہوٹل سے بہ حفاظت نکال لیا گیا

    واضح رہے کہ آئی ایس پی آر کے مطابق دہشت گردوں نے گوادر کے ہوٹل میں داخل ہونے کی کوشش کی، انٹری پر موجود گارڈ نے دہشت گردوں کو روکا، دہشت گردوں کی فائرنگ سے ہوٹل کا سیکیورٹی گارڈ شہید ہوا۔

  • دہشت گردی کا کوئی مذہب نہیں ہوتا‘شہریارآفریدی

    دہشت گردی کا کوئی مذہب نہیں ہوتا‘شہریارآفریدی

    اسلام آباد: وزیرمملکت برائے داخلہ شہریار خان آفریدی کا کہنا ہے کہ نیوزی لینڈ میں شہید پاکستانیوں کے خاندان کےغم میں برابرشریک ہیں۔

    تفصیلات کے مطابق وزیرمملکت برائے داخلہ شہریار خان آفریدی نے سماجی رابطے کی ویب سائٹ ٹویٹر پراپنے پیغام میں نیوزی لینڈ حملے میں شہید ہونے والے پاکستانیوں کے لواحقین سے ہمدردی کا اظہار کیا۔

    شہریارخان آفریدی نے کہا کہ شہید پاکستانیوں کے خاندان کےغم میں برابرشریک ہیں، انہوں نے کہا کہ دکھ کی اس گھڑی میں پاکستانی عوام نیوزی لینڈ کے ساتھ ہے۔

    وزیرمملکت برائے داخلہ نے اپنے پیغام میں مزید کہا کہ دہشت گردی کا کوئی مذہب نہیں ہوتا۔

    نیوزی لینڈ کی 2 مساجد میں فائرنگ‘ 49 افراد جاں بحق

    یاد رہے کہ گزشتہ روز نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔

  • نیوزی لینڈ حملے میں زخمی ایک اور پاکستانی کی شناخت ہوگئی

    نیوزی لینڈ حملے میں زخمی ایک اور پاکستانی کی شناخت ہوگئی

    اسلام آباد: نیوزی لینڈ کے شہرکرائسٹ چرچ میں مساجد میں ہونے والے حملوں میں زخمی ہونے والے ایک اور پاکستانی کی شناخت محمد امین ناصر کے نام سے ہوگئی۔

    تفصیلات کے مطابق ترجمان دفترخارجہ نے سماجی رابطے کی ویب سائٹ ٹویٹر پر بتایا کہ نیوزی لینڈ میں مساجد پرہونے والے حملوں میں زخمی ہونے والے ایک اور پاکستانی کی شناخت ہوگئی۔

    ڈاکٹرمحمد فیصل نے بتایا کہ زخمی محمد امین ناصر کا تعلق صوبہ پنجاب کے شہرحافظ آباد سے ہے، محمد امین ناصر آئی سی یو میں تشویش ناک حالت میں ہے۔


    پاکستان میں موجود محمد امین کے اہل خانہ کے مطابق وہ اپنے بیٹے کے ہمراہ جمعہ کی نماز ادا کرنے مسجد گئے تھے۔

    ترجمان ڈاکٹر محمد فیصل نے کہا کہ حملوں کے بعد سے 9 پاکستانی لاپتہ ہیں جن کی تلاش کے لیے پاکستانی ہائی کمیشن کام کررہا ہے۔

    نیوزی لینڈ کی 2 مساجد میں فائرنگ‘ 49 افراد جاں بحق

    یاد رہے کہ گزشتہ روز نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔

  • حملہ جمعہ کے خطبے کے فوراََ بعد ہوا‘امام مسجد

    حملہ جمعہ کے خطبے کے فوراََ بعد ہوا‘امام مسجد

    کرائسٹ چرچ: امام لن ووڈ مسجد مولانا عبدالطیف کا کہنا ہے کہ ایک نمازی نےحملہ آورپرچھلانگ لگائی اوراس سے گن چھین لی، اس کے بعد حملہ آوربھاگ گیا۔

    تفصیلات کے مطابق نیوزی لینڈ میں حملے کا نشانہ بننے والی مسجد کے امام نے اپنے بیان میں کہا کہ نیوزی لینڈ پُرامن ملک ہے۔

    امام لن ووڈ مسجد مولانا عبدالطیف نے کہا کہ حملہ جمعہ کے خطبے کے فوراََ بعد ہوا، سمجھ میں نہیں آیا کیوں ہوا۔

    انہوں نے اپنے بیان میں کہا کہ ایک نمازی نےحملہ آورپرچھلانگ لگائی اوراس سے گن چھین لی، اس کے بعد حملہ آوربھاگ گیا۔

    دوسری جانب نیوزی لینڈ کی وزیراعظم جیسنڈا ایرڈن نے میڈیا سے گفتگو کرتے ہوئے کہا کہ حکومت متاثرہ خاندانوں کو مالی مدد فراہم کرے گی، متاثرہ خاندانوں کو ہرطرح کا تعاون فراہم کیا جائے گا۔

    جیسنڈا ایرڈن نے کہا کہ مساجد کی سیکیورٹی کے لیے سہولیات مہیا کررہے ہیں، مقامی آبادی کی سیکیورٹی ہماری اولین ترجیح ہے۔

    نیوزی لینڈ کی 2 مساجد میں فائرنگ‘ 49 افراد جاں بحق

    یاد رہے کہ گزشتہ روز نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔

  • نیوزی لینڈ دہشت گردی: برطانیہ میں شاہی محل، وزیراعظم ہاؤس کی عمارت پر قومی پرچم سرنگوں

    نیوزی لینڈ دہشت گردی: برطانیہ میں شاہی محل، وزیراعظم ہاؤس کی عمارت پر قومی پرچم سرنگوں

    لندن: برطانیہ کا کرائسٹ چرچ میں دہشت گردی کے متاثرین سے اظہار یکجہتی کے لیے شاہی محل، وزیراعظم ہاؤس اور وزارت داخلہ کی عمارتوں پر پرچم سرنگوں کر دیا گیا۔

    تفصیلات کے مطابق نیوزی لینڈ میں مسجد پر حملے کی برطانیہ نے شدید مذمت کرتے ہوئے شہید ہونے والوں کے لواحقین سے اظہار یکجہتی کیا۔

    وزیراعظم تھریسامے کا کہنا ہے کہ مرنے والوں کے خاندانوں اور زخموں کے دکھ میں برابر کے شریک ہیں، نیوزی لینڈ کی ہرممکن مدد کے لیے تیار ہیں۔

    متاثرین سے اظہار یکجہتی کے لیے بکنگھم پیلس، وزیراعظم ہاؤس اور وزارت داخلہ کی عمارتوں پر برطانوی پرچم سرنگوں کردیا گیا لندن، مانچسٹر، گلاسگو اور دیگر شہروں میں سکیورٹی بڑھا دی گئی، مساجد کے اطراف اضافی نفری تعینات ہیں۔

    وزیراعظم تھریسا مے کا کہنا ہے کہ برطانیہ نیوزی لینڈ سے ہر ممکن تعاون کے لیے تیار ہے۔ گلاسگو کی سینٹرل مسجد میں اسکاٹ لینڈ کی فرسٹ منسٹر نکولا اسٹریجن کا کہنا تھا برطانیہ میں اسلامو فوبیا یا نسلی تعصب کی کوئی جگہ نہیں ہے۔

    لندن کے میئر صادق خان نے بھی متاثرین کے ساتھ دلی ہمدردی کا اظہار کیا، برطانوی حکام نے مسلمانوں سمیت تمام شہریوں کو یقین دہائی کرائی ہے کہ ان کے تحفظ میں کوئی کسر نہیں چھوڑی جائے گی۔

    برطانوی حکومت نے لندن و مانچسٹر میں مساجد کی سیکیورٹی بڑھا دی

    یاد رہے کہ جمعے کی نماز کے دوران نیوزی لینڈ کے شہر کرائسٹ چرچ میں مسلح افراد نے مساجد میں موجود نمازیوں پر فائرنگ کردی جس کے نتیجے میں 49 افراد جاں بحق جبکہ 20 سے زائد زخمی ہیں۔

    غیر ملکی خبر رساں ادارے کا کہنا ہے کہ کرائسٹ چرچ میں واقع مساجد پر حملہ کرنے والے ایک دہشتگرد کا تعلق آسٹریلیا سے ہے جس کی شناخت برینٹن ٹیرنٹ کے نام سے ہوئی ہے، مذکورہ دہشت گرد خوفناک حملے کی برائے راست ویڈیو سوشل میڈیا پر بھی نشر کررہا تھا۔

  • افغانستان میں دھماکا، 6 افراد ہلاک، کئی زخمی

    افغانستان میں دھماکا، 6 افراد ہلاک، کئی زخمی

    کابل: افغانستان میں بم دھماکے کے نتیجے میں چھ افراد ہلاک اور متعدد زخمی ہوگئے۔

    تفصیلات کے مطابق افغانستان میں ایک بار پھر دہشت گردی کا واقعہ پیش آیا، صوبہ لغمان میں دھماکے کے نتیجے میں 6 افراد ہلاک اور کئی زخمی ہوگئے۔

    غیر ملکی خبر رساں ادارے کا کہنا ہے کہ بم سڑک کنارے نصب تھا جو ایک گاڑی سے ٹکرایا اور دھماکا ہوگیا، سیکیورٹی اہلکاروں نے کارروائی کے بعد علاقے کو کلیئر قرار دے دیا۔

    حکام کا کہنا ہے کہ دہشت گرد حملے کی ذمہ داری کسی عسکریت پسند گروہ کی جانب سے قبول نہیں کی گئی البتہ اس قسم کے حملے طالبان کی جانب سے کیے جاتے رہے ہیں۔

    اقوام متحدہ کے اعداد وشمار کے مطابق گذشتہ سال جنوری سے ستمبر کے دوران افغانستان میں دہشت گرد حملوں میں 2 ہزار 8 سو عام شہری مارے گئے جبکہ پانچ ہزار کے قریب افراد زخمی بھی ہوئے۔

    خیال رے کہ رواں سال جنوربی میں افغانستان کے صوبے وردک میں فوجی اڈے کے قریب خودکش دھماکے کے نتیجے میں 12 افراد ہلاک جبکہ 27 زخمی ہوگئے تھے۔

    افغانستان میں فوجی اڈے کے قریب خودکش حملہ، 12 افراد ہلاک

    جنوری میں ہی افغانستان کے صوبے لوگر کے گورنر اور این ڈی ایف کے صوبائی چیف کے قافلے پر خودکش حملہ ہوا تھا جس کے نتیجے میں گورنر کی حفاظت پر تعینات 8 سیکیورٹی اہلکار ہلاک جبکہ 10 زخمی ہوئے تھے۔

    واضح رہے کہ دوسری جانب طالبان اور امریکا کے درمیان مذاکراتی دور کا سلسلہ بھی جاری ہے، جبکہ طالبان کا وفد افغان اپوزیشن رہنماؤں سے بھی ملاقات کرچکا ہے۔