Tag: دہشت گرد گرفتار

کراچی : سی ٹی ڈی پولیس نے کراچی سے کالعدم تحریک طالبان پاکستان کے دہشت گرد ولی رحمان کو گرفتار کر کے دستی بم برآمد کرلیا۔

تفصیلات کے مطابق کراچی کے علاقے منگھوپیرکے قریب سی ٹی ڈی نے خفیہ اطلاع پرکارروائی کرتے ہوئے کالعدم تحریک طالبان پاکستان کے دہشت گرد ولی رحمان کو گرفتار کرلیا۔

سی ٹی ڈی حکام نے بتایا کہ گرفتار دہشت گرد ولی رحمان کے قبضے سے دستی بم برآمد ہوا، ولی رحمان متعدد دہشت گرد حملوں میں ملوث رہاہے۔

حکام کا کہنا تھا کہ گرفتاردہشت گردکاتعلق کمانڈرعظمت اللہ عرف طارق گروپ سےہے، دہشت گرد نے ساتھیوں کےہمراہ سنہ 2004 میں جنوبی وزیرستان میں فورسز پر اور سنہ 2006 میں ایف سی قلعہ سپلوئے پر حملہ کیا تھا۔

سی ٹی ڈی نے مزید بتایا کہ دہشت گرد نے ہلاک کمانڈرقاری حسین سے خودکش حملےکی ٹریننگ حاصل کی تھی۔

حکام کے مطابق دہشت گرد ولی رحمان گرفتاری کے خوف سے 2009 میں دبئی فرار ہوگیا تھا، اس کیخلاف تھانہ سی ٹی ڈی میں مقدمہ درج کرلیا ہے اور مزید تفتیش کی جارہی ہے۔

لاہور : محکمہ انسداد دہشت گردی (سی ٹی ڈی) نے انٹیلی جنس بیسڈ آپریشن میں 23 دہشت گردوں کو گرفتار کرلیا، :دہشت گردمختلف اداروں پر حملے کی منصوبہ بندی کر رہے تھے۔

تفصیلات کے مطابق محکمہ انسداد دہشت گردی (سی ٹی ڈی) نے پنجاب کے مختلف شہروں میں انٹیلی جنس بیسڈ آپریشن کیا اور آپریشن کے دوران 23 دہشت گردوں کو گرفتار کرلیا۔

ترجمان سی ٹی ڈی نے بتایا کہ لاہور، گوجرانوالہ،سیالکوٹ اوردیگرشہروں میں آپریشن کیا گیا، دہشت گردوں کاتعلق کالعدم تنظیموں سے ہے۔

ترجمان کا کہنا تھا کہ دہشت گردوں سےدھماکاخیرمواد،دستی بم،ڈیٹونیٹر،اسلحہ اورنقدی برآمد ہوا ، دہشت گردمختلف اداروں پر حملے کی منصوبہ بندی کر رہے تھے۔

ساہیوال: محکمہ انسداد دہشت گردی (سی ٹی ڈی) نے کارروائی کرتے ہوئے کالعدم تنظیم کے دہشت گرد کو گرفتار کرلیا۔

تفصیلات کے مطابق سی ٹی ڈی نے ساہیوال میں کارروائی کرتے ہوئے کالعدم تنظیم کے دہشت گرد کو گرفتار کرلیا، دہشتگرد سے بارودی مواد، پرائما کارڈ، ڈیٹونیٹر اور الیکٹرک سرکٹ برآمد ہوئی ہے۔

سی ٹی ڈی ذرائع نے ساہیوال میں ہونے والی کارروائی کے حوالے سے مزید بتایا کہ گرفتار دہشت گرد کا تعلق مہمند ایجنسی سے ہے، دہشتگردکیخلاف مقدمہ درج کرکے تفتیش کیلئے نامعلوم مقام پر منتقل کردیا گیا۔

دوسری جانب سی ٹی ڈی نے چیچہ وطنی میں کارروائی کرتے ہوئے کالعدم تنظیم کے دہشت گرد کو گرفتار کیا، ملزم وحید مہمند کا رہائشی ہے جس سے بارودی مواد اور دیگر سامان برآمد ہوا۔

لاہور :کاؤنٹر ٹیرر ازم ڈیپارٹمنٹ (سی ٹی ڈی ) نے انٹیلی جنس بیسڈ آپریشن کرتے ہوئے کالعدم ٹی ٹی پی کے اہم کمانڈر سلمان سمیت سات دہشت گردوں کو گرفتار کرلیا۔

تفصیلات کے مطابق کاؤنٹر ٹیرر ازم ڈیپارٹمنٹ (سی ٹی ڈی ) نے پنجاب کے مختلف شہروں میں آپریشن کیا ، انٹیلی جنس بیسڈ آپریشن کے دوران 7 دہشت گردوں کو گرفتار کرلیا گیا۔

ترجمان سی ٹی ڈی نے بتایا کہ کارروائی راولپنڈی ، سرگودھا،بہاولپور،پاکپتن،ساہیوال میں کی گئی ، گرفتار دہشت گردوں میں بہاولپورسے کالعدم ٹی ٹی پی کا اہم کمانڈر سلمان بھی شامل ہیں۔

ترجمان کا کہنا تھا کہ دہشت گردوں سےبارودی مواد،2دستی بم ،2بارودی سرنگیں اورنقدی برآمد کرلی ہے ، دہشت گرد اہم تنصیبات پر حملے کی منصوبہ بندی کر رے تھے۔

حکام سی ٹی ڈی نے کہا کہ رواں ہفتے 1136 کومبنگ آپریشنز کے دوران 132 مشتبہ افراد گرفتار کئے، کومبنگ آپریشنز میں 46467 افراد سے پوچھ گچھ کی گئی۔

لاہور : محکمۂ انسدادِ دہشت گردی (سی ٹی ڈی) نے انٹیلی جنس بیسڈ آپریشن کے دوران 5 دہشت گردوں کو گرفتار کرلیا ، دہشت گرد اہم تنصیبات پر حملے کی منصوبہ بندی کررہے تھے۔

تفصیلات کے مطابق پنجاب میں دہشت گردی خدشات کےپیش نظرمختلف شہروں میں 179 آپریشنز کئے گئے ، ترجمان سی ٹی ڈی نے بتایا کہ انٹیلی جنس بیسڈ آپریشن کے دوران 5 دہشت گرد گرفتار کرلئے۔

ترجمان سی ٹی ڈی پنجاب کا کہنا تھا کہ کارروائی پاکپتن ،راولپنڈی،بہاولپوراورساہیوال میں کی گئی، جس میں پاکپتن سےکالعدم ٹی ٹی پی کااہم کمانڈر ندیم گرفتار کیا۔

ترجمان نے کہا کہ دہشت گردوں سےبارودی مواد ،5ڈیٹونیٹر،پرائما کارڈ،2دستی بم،2آئی ای ڈی بم،اسلحہ،نقدی برآمد بھی ہوا، دہشت گرد اہم تنصیبات پر حملے کی منصوبہ بندی کررہے تھے۔

ترجمان کے مطابق دہشت گردوں کی شناحت ندیم،شہباز،خالد،مدنی اورسلمان سعید کے نام سےہوئی تاہم رواں ہفتے769 کومبنگ آپریشنز کےدوران 82مشتبہ افراد گرفتار کیے اور 31 ہزار 250 افرادسےپوچھ گچھ کی گئی۔

لاہور: سی ٹی ڈی نے انٹیلی جنس بیسڈ آپریشن کے دوران کالعدم ٹی ٹی پی کمانڈر سمیت 10 دہشت گرد گرفتار کرلیا۔

محکمہ انسداد دہشتگردی ( سی ٹی ڈی) کے ترجمان کے مطابق سی ٹی ڈی نے پنجاب کے مختلف شہروں میں117 آپریشن کیے، اس انٹیلی جنس بیسڈ آپریشن کے دوران 10 دہشت گردکو گرفتار کیا گیا۔

ترجمان  کا بتانا ہے کہ کارروائی لاہور، رحیم یار خان، بہاولپور اور سرگودھا میں کی گئی، لاہور سے کالعدم ٹی ٹی پی کے کمانڈر قاسم افغانی سمیت 5 دہشت  گرد کو گرفتار کرلیا ہے۔

سی ٹی ڈی ترجمان نے بتایا کہ بارودی مواد، آئی ای ڈی بم، 3 ڈیٹونیٹر، دستی بم، موبائل فون، اسلحہ اور نقدی برآمد ہوئی جبکہ دہشت گردوں کی شناخت آغا، نعمان، عطاالرحمان اور اسامہ کے ناموں سے ہوئی۔

ترجمان نے مزید بتایا کہ دیگر دہشت گردوں کی شناخت صدیق، شاہنواز، سفیان، صفدر، عبدالحق اور قاسم افغانی کے نام سے ہوئی، دہشت گرد اہم تنصیبات پر حملے کی منصوبہ بندی کر رہے تھے۔