Tag: دہشت گرد ہلاک

سوات : کاؤنٹر ٹیررازم ڈپارٹمنٹ ( سی ٹی ڈی) سوات نے کامیاب آپریشن میں فتنہ الخوارج کے 3 دہشت گرد ہلاک کردیے۔

تفصیلات کے مطابق کاؤنٹر ٹیررازم ڈپارٹمنٹ ( سی ٹی ڈی) سوات نے انٹیلی جنس بیسڈ سوئفٹ آپریشن کیا ، آپریشن میں فتنہ الخوارج کے3 دہشت گرد ہلاک ہوگئے۔

ترجمان نے بتایا کہ پررئی اور بری کوٹ کےعلاقےمیں انٹیلی جنس بنیادوں پرکارروائی کی گئی، ہلاک دہشت گرد اجمل عرف وقاص 9 مقدمات میں مطلوب تھا جبکہ مارے گئے دہشت گرد اجمل پر 20 لاکھ روپے انعام مقررتھا۔

سی ٹی ڈی کا کہنا تھا کہ دیگر 2 دہشت گرد مطیع اللہ اور رحیم اللہ ٹارگٹ کلنگ ،سہولت کاری میں ملوث تھے۔

ترجمان نے مزید بتایا کہ ہلاک دہشت گرد پولیس پر حملوں،بم دھماکوں میں ملوث تھے جبکہ دہشت گرد گروہ غیر ملکی سرپرستی میں ریاست مخالف سرگرمیوں میں ملوث تھا۔

ان کا کہنا تھا کہ مقامی پولیس کی مدد سے کامیاب آپریشن کیا گیا، سی ٹی ڈی سوات دہشت گردی کے خاتمے کیلئے پُرعزم ہے۔

اس حوالے سے ڈی پی اوسوات نے بتایا کہ گزشتہ شام 7 بجے دہشت گردوں کی موجودگی کی اطلاع ملی تھی،جس پر سی ٹی ڈی نےدہشت گردوں کیخلاف انٹیلی جنس بیسڈ آپریشن کیا، دہشت گردوں نےپولیس پرفائرنگ کی جوابی فائرنگ میں تینوں ہلاک ہوئے، ایک ہلاک دہشت گردکیخلاف دہشت گردی کے9مقدمات جبکہ دیگر دو ہلاک دہشت گرد 2،2 مقدمات میں ملوث تھے۔

مچھ : سیکیورٹی فورسز نے مچھ میں مزید بارہ دہشت گرد ہلاک کردیے، کلیئرنس آپریشن میں اب تک اکیس دہشت گرد ہلاک ہوچکے ہیں۔

تفصیلات کے مطابق بلوچستان کےعلاقے مچھ میں سیکیورٹی فورسز کاکلیئرنس آپریشن جاری ہے ، کلیئرنس آپریشن میں مزید 12 دہشت گردوں کو جہنم واصل کردیا گیا۔

کلیئرنس آپریشن کے دوران اب تک مجموعی 21دہشت گرد ہلاک ہوچکے ہیں، فورسز کے بروقت رسپانس نے حملوں کو ناکام بنایا، دہشت گرد بھاگنے پر مجبور ہوگئے۔

دہشت گردوں کیخلاف 30 جنوری کو آپریشن میں 9 دہشت گرد مارے گئے تھے، آخری دہشت گرد کے خاتمےتک سیکیورٹی فورسز کا کلیئرنس آپریشن جاری رہے گا۔

یاد رہے بولان کے شہر مچھ میں یکے بعد دیگرے پندرہ راکٹ فائر کئے گئے تھے، پولیس نے بتایا پہاڑوں سے فائر راکٹ مچھ شہر کے مختلف علاقوں میں گرے، راکٹ گرنے سے متعدد گھروں کے شیشے ٹوٹ گئے۔

شہر کے پہاڑی علاقے سے فائرنگ بھی کی گئی، راکٹ گرنے سے مچھ شہر کی بجلی منقطع ہوگئی، انٹرنیٹ سروس بھی متاثر رہی۔

بعد ازاں مچھ میں دہشت گردی کے ناکام حملے میں ’’را‘‘سے جڑے اکاؤنٹس سے متعلق انکشافات سامنے آئے، حملے کی ذمہ داری بھارتی اسپانسرڈ کالعدم تنظیم بی ایل اے نے فوری قبول کی تھی۔

بنوں : پولیس اور سی ٹی ڈی نے انٹیلی جنس بیسڈ آپریشن کرتے ہوئے ایک دہشت گرد کو ہلاک کردیا جبکہ ایک گرفتار ہوا، دونوں کا تعلق حافظ گل بہادر گروپ سے ہے۔

تفصیلات کے مطابق بنوں کے علاقے ڈومیل میں پولیس اور سی ٹی ڈی نے مشترکہ انٹیلی جنس بیسڈ آپریشن کیا ، فائرنگ کے تبادلے میں ایک دہشت گرد ہلاک، ایک گرفتار جبکہ دوسرا زخمی حالت میں فرار ہوگیا۔

سی ٹی ڈی نے بتایا کہ پولیس جیسے ہی مذکورہ علاقے میں پہنچی تو دہشت گردوں نے فائرنگ شروع کردی، پولیس اور سی ٹی ڈی جوانوں نے دہشت گردوں کیخلاف جوابی فائرنگ اورمقابلہ کافی دیر تک جاری رہا۔

فائرنگ سے ایک دہشت گرد ہلاک ہوا اور ایک کوگرفتارکرلیا گیا جبکہ دہشت گرد ارشاد عرف حمتی زخمی حالت میں رات کی تاریکی میں فرار ہوگیا۔

ہلاک اور فرار ہونے والے دہشتگردوں کا تعلق خافظ گل بہادر گروپ سے ہےاور فرار دہشت گرد ارشاد کی تلاش جاری ہے۔

دہشت گردوں کے قبضے سے اسلحہ کارتوس اور موبائل فون بھی برآمد ہوا، پولیس کے مطابق دہشت گردوں کی سہولت کاروں کی پہچان کرلی گئی ہے اور جلد ہی ان پر ہاتھ ڈالا جائے گا۔

دہشت گردوں نے گزشتہ روز پولیو ٹیم کیساتھ ڈیوٹی پر مامور پولیس موبائل پر فائرنگ کی تھی جبکہ کچھ دن قبل تھانہ خرم کرک اور پولیس چوکی سپینہ تنگی حملے میں بھی ملوث تھے۔

راولپنڈی : سیکیورٹی فورسز نے ضلع ژوب سمبازا میں کامیاب انٹیلی جنس بیسڈ آپریشن کیا، فائرنگ کے تبادلے میں6دہشت گرد مارے گئے۔

پاک فوج کے شعبہ تعلقات عامہ آئی ایس پی آر کے مطابق ژوب کے علاقےسمبازہ میں انٹیلی جنس بیسڈ آپریشن کے دوران سیکیورٹی فورسز اور دہشت گردوں کے درمیان فائرنگ کا تبادلہ ہوا۔

آپریشن کے دوران فائرنگ کے تبادلے میں6دہشت گرد ہلاک ہوگئے جن کے قبضے سے اسلحہ اور دھماکا خیزمواد برآمد ہوا ہے۔

آئی ایس پی آر کے مطابق ہلاک ہونے والے دہشت گرد شہریوں کی ٹارگٹ کلنگ کی وارداتوں میں ملوث تھے، علاقے میں ممکنہ دہشت گردوں کے خاتمےکیلئے آپریشن جاری رہے گا۔

ترجمان آئی ایس پی آر کا کہنا ہے کہ پاک فوج اس عزم کا اعادہ کرتی ہے کہ بلوچستان کے امن کو سبوتاژ کرنے کی تمام کوششوں کو ناکام بنا دیا جائے گا۔

پشاور : صوبہ خیبرپختونخوا کے علاقوں میں سیکیورٹی فورسز کے آپریشن میں خطرناک دہشت گرد مارا گیا، فائرنگ سے ایک جوان جام شہادت نوش کرگیا۔

پاک فوج کے شعبہ تعلقات عامہ (آئی ایس پی آر) کے مطابق فورسز اور دہشت گردوں میں دو جھڑپیں ہوئیں، خیبرپختونخوا کے ضلع مردان کے علاقے کاٹلنگ میں سیکیورٹی فورسز کے آپریشن میں دہشتگرد گروہ کا سرغنہ مارا گیا۔

کاٹلنگ میں کیے گئے انٹیلی جنس بیسڈ آپریشن میں انتہائی مطلوب دہشت گرد فیصل مارا گیا، ہلاک دہشت گرد تخریب کاری کی کئی وارداتوں میں ملوث تھا۔

آئی ایس پی آر کے مطابق دہشت گرد ونگ لیڈر فیصل سیکیورٹی فورسز کو مطلوب ترین ملزمان میں شامل تھا، جس کے قبضے سے اسلحہ اور گولہ بارود برآمد کر لیا گیا۔

دوسرے آپریشن میں کرم کے علاقے پارا چنار میں فورسز اوردہشت گردوں میں جھڑپ ہوئی، جس میں 33سال کے لانس نائیک غیرت خان شہید ہوگئے۔

آئی ایس پی آر نے اپنے بیان میں کہا ہے کہ پاک افواج ملک میں امن اور خوشحالی کے دشمنوں کی کوششوں کو ناکام بناتے رہیں گے۔

سیکیورٹی فورسز وطن سے دہشت گردی کی لعنت کے مکمل خاتمے کے لئے پرعزم ہیں، بہادر سپوتوں کی قربانیاں ہمارے عزم کو مزید مضبوط کرتی ہیں۔