Tag: دہشت گرد

گوجرانوالہ: سی ٹی ڈی کی کارروائی‘ 2 دہشت گرد گرفتار

گوجرانوالہ : صوبہ پنجاب کے شہر گوجرانوالہ میں سی ٹی ڈی نے کارروائی کرتے ہوئے 2 دہشت گردوں کو گرفتار کرلیا۔

تفصیلات کے مطابق گوجرانوالہ میں خفیہ اطلاع ملنے پرسی ٹی ڈی نے کارروائی کرتے ہوئے دو دہشت گردوں کو گرفتار کرلیا۔

ترجمان سی ٹی ڈی کے مطابق دہشت گردوں کی شناخت آصف اور ولی محمد کے ناموں سے ہوئی ہے۔ دہشت گردوں نے حساس اداروں کو نشانہ بنانے کی منصوبہ بندی کر رکھی تھی۔

ترجمان نے مزید بتایا کہ دہشت گردوں سے بارودی مواد، دستی بم اور اسلحہ برآمد ہوا ہے، دونوں دہشت گردوں کا تعلق کالعدم تنظیم سے ہے۔

بھکر میں سی ٹی ڈی کی کارروائی‘ 2 دہشت گرد گرفتار

یاد رہے کہ گزشتہ ماہ صوبہ پنجاب کے علاقے بھکر میں سی ٹی ڈی نے کارروائی کرتے ہوئے دو دہشت گردوں کو گرفتار کرکے اسلحہ اور بارودی مواد برآمد کیا تھا۔

سی ٹی ڈی کی پنجاب میں کارروائی‘ 6 دہشت گرد ہلاک

واضح رہے کہ رواں سال 27 مئی کو محکمہ انسداد دہشت گردی (سی ٹی ڈی) نے پنجاب میں کارروائی کے دوران 6 دہشت گردوں کو ہلاک کردیا تھا۔

سی ٹی ڈی نے کارروائی کے دوران خودکش جیکٹس، بڑی تعداد میں اسلحہ اور دستی بم برآمد کیا گیا تھا ۔

ستمبر 7, 2018
کراچی میں سیکیورٹی اداروں کی کارروائی‘ 3 دہشت گرد ہلاک

کراچی : شہرقائد کے علاقے اتحاد ٹاؤن میں سیکیورٹی اداروں نے کارروائی کرتے ہوئے 3 دہشت گردوں کو ہلاک کردیا۔

تفصیلات کے مطابق کراچی میں اتحاد ٹاؤن کے علاقے رئیس آمروہی گوٹھ میں اے وی سی سی اورحساس اداروں نے مشترکہ کارروائی کرتے ہوئے تین دہشت گردوں کو ہلاک کردیا۔

پولیس اور حساس اداروں کی کارروائی میں ہلاک ہونے والے دہشت گردوں کے قبضے سے اسلحہ، خودکش جیکٹیں اورگولابارود برآمد کرلیا گیا۔

ایس ایس پی اے وی سی سی عرفان بہادرکے مطابق دہشت گرد فائرنگ کے تبادلے میں مارے جانے والے دہشت گردوں کا تعلق کالعدم جماعت سے ہے۔

کراچی میں پولیس مقابلے‘ 2 ملزمان گرفتار‘ اسلحہ برآمد

دوسری جانب کراچی کے مختلف علاقوں میں پولیس مقابلوں کے دوران دو ملزمان کو زخمی حالت میں گرفتارکرکے ان کے قبضے سے اسلحہ برآمد کرلیا گیا۔

کراچی: ناظم آباد میں ڈکیتی کی کوشش ناکام‘ 1 ڈاکو ہلاک

یاد رہے کہ گزشتہ روز کراچی کے علاقے ناظم آباد میں پولیس اہلکاروں اور ڈاکوؤں میں فائرنگ کا تبادلہ ہوا تھا جس کے نتیجے میں ایک ڈاکو ہلاک جبکہ دوسرے کو زخمی حالت میں گرفتار کرلیا گیا تھا۔

ایس ایس پی سینٹرل کے مطابق 4 ڈاکو گھر میں واردات کی نیت سے داخل ہوئے تھے، 15 پراطلاع ملنے پر پولیس بروقت موقع پر پہنچی۔

ایس ایس پی عرفان بلوچ کا کہنا تھا پولیس اہلکاروں اورڈاکوؤں میں فائرنگ کا تبادلہ ہوا جس میں ایک ڈاکو ہلاک ہوگیا تھا۔

ستمبر 4, 2018
5 سال میں دہشت گردی کے الزامات میں 16 ہزار سے زائد افراد گرفتار

اسلام آباد: سینیٹ اجلاس میں وزارت داخلہ نے اپنے تحریری جواب میں بتایا گیا کہ 5 سال میں دہشت گردی کے الزامات پر 16 ہزار 6 سو 22 افراد کو گرفتار کیا گیا جن میں سے 3 سو 76 کو سزائے موت دی گئی۔

تفصیلات کے مطابق قائم مقام چیئرمین سینیٹ سلیم مانڈوی والا کی زیر صدارت سینیٹ کا اجلاس منعقد ہوا۔ اجلاس میں وزارت داخلہ نے اپنا تحریری جواب جمع کروایا۔

جواب میں پانچ سال کے دوران اسلام آباد میں زیادتی کا شکار بچوں کی تفصیلات پیش کی گئیں۔

رپورٹ کے مطابق 79 بچوں اور بچیوں سے زیادتی کے مقدمات درج ہوئے۔ کل 100 ملزمان گرفتار کیے گئے جن میں سے صرف 4 کو سزا سنائی گئی۔

وزارت داخلہ کی جانب سے جمع کروائے گئے ایک اور تحریری جواب میں بتایا گیا کہ 5 سال میں دہشت گردی کے الزامات پر 16 ہزار 6 سو 22 افراد کو گرفتار کیا گیا۔

پنجاب سے 10 ہزار 993، سندھ سے 2 ہزار 728، پختونخواہ سے1967، بلوچستان سے 147، گلگت بلتستان سے 126 اور اسلام آباد سے 61 افراد کو گرفتار کیا گیا۔

وزارت داخلہ کے مطابق فاٹا اور آزاد کشمیر سے گرفتار افراد کی رپورٹ تا حال موصول نہیں ہوئی۔ 5 سال میں دہشت گردی پر 376 مجرمان کو سزائے موت سنائی گئی۔

پنجاب میں 330، سندھ میں 19، بلوچستان میں 15، پختونخواہ میں 7 اور گلگت بلتستان میں 5 دہشت گردوں کو سزائے موت سنائی گئی۔

رپورٹ کے مطابق پانچ سال میں 2 ہزار 525 افراد کو دہشت گردی ثابت ہونے پر سزا سنائی گئی۔ اسلام آباد میں بھی 2 افراد کو دہشت گردی کے مقدمات میں سزا ہوئی۔

وزارت داخلہ کا کہنا تھا کہ سنہ 2015 میں دہشت گردی کے الزام میں 4 ہزار 439 افراد کو گرفتار کیا گیا تھا۔

اگست 29, 2018
بھکر میں سی ٹی ڈی کی کارروائی‘ 2 دہشت گرد گرفتار

لاہور: صوبہ پنجاب کے علاقے بھکر میں سی ٹی ڈی نے کارروائی کرتے ہوئے دو دہشت گردوں کو گرفتار کرکے اسلحہ اور بارودی مواد برآمد کرلیا۔

تفصیلات کے مطابق پنجاب میں بھکر کےعلاقے بہل روڈ پر سی ٹی ڈی نے کارروائی کرکے دو دہشت گردوں کو گرفتارکرلیا۔

ترجمان سی ٹی ڈی کے مطابق دہشت گردوں کی شناخت محمد شہزاد اکمل اور انس بن مالک سے ہوئی ہے، دہشت گردوں کا تعلق کالعدم تنظیم سے ہے۔

ترجمان نے بتایا کہ گرفتار دہشت گردوں نے پولیس کو نشانہ بنانے کی منصوبہ بندی کر رکھی تھی۔دہشت گردوں کے قبضے سے بارودی مواد دو ہینڈ گرنیڈ برآمد کر کے ان کے خلاف مقدمہ درج کرلیا ہے۔

یاد رہے کہ رواں ماہ 10 اگست کو سی ٹی ڈی نے گوجرانوالہ میں سیٹلائٹ ٹاؤن کے قریب کارروائی کرتے ہوئے کالعدم تنظیم کے 2 مبینہ دہشت گرد شکیل احمد اور فرازسلطان کو گرفتار کیا تھا۔

سی ٹی ڈی کی گوجرانوالہ میں کارروائی‘ 2 دہشت گرد گرفتار

ترجمان سی ٹی ڈی کے مطابق گرفتار ملزمان سے اسلحہ اور بارودی مواد برآمد ہوا تھا، مبینہ دہشت گردوں نے عوام کو نشانہ بنانے کی منصوبہ بندی کر رکھی تھی۔

تیرامیل: سی ٹی ڈی کی کارروائی، خاتون سمیت 4 دہشت گرد ہلاک

واضح رہے کہ گزشتہ ماہ 20 جون کو دشت کے علاقے تیرامیل میں سی ٹی ڈی کی کارروائی کے دوران 4 دہشت گرد نے خود کو دھماکے سے اڑا لیا تھا، دھماکے میں ایک بچہ جاں بحق جبکہ فائرنگ کے تبادلے میں 6 اہلکار زخمی ہوگئے تھے۔

اگست 25, 2018
پاکستان دہشت گردوں کو علاج کی سہولت فراہم نہیں کرتا، دفتر خارجہ

اسلام آباد : دفتر خارجہ نے افغان حکام کے غزنی دھماکے سے متعلق الزامات مسترد کرتے ہوئے کہا ہے کہ پاکستان نے دہشت گردوں کو معالجے کی سہولت فراہم نہیں کی، ایسے بیانات سے دونوں ممالک کے تعلقات متاثر ہوں گے۔

تفصیلات کے مطابق پاکستان کے دفتر خارجہ کے جاری بیان میں افغانستان کے حکام کی جانب سے دہشت گردوں کو پاکستان میں علاج کی سہولیات فراہم کرنے کے الزامات کی تردید کردی ہے۔

ترجمان دفتر خارجہ کا کہنا ہے کہ شدت پسندی میں ملوث دہشت گردوں کے پاکستان میں علاج کے الزامات مسترد کرتے ہوئے، زخمی جنگجوؤں کو پاکستان میں علاج معالجے کی سہولیات نہیں دی گئیں۔

ترجمان دفتر نے بتایا کہ افغانستان نے دہشت گردوں کو علاج معالجے کی سہولیات فراہم کرنے کے حوالے سے تاحال کوئی معلومات یا شواہد پاکستان کو فراہم نہیں کیے۔

دفتر خارجہ کی جانب سے جاری بیان میں کہا ہے کہ سرکاری سطح پر منقطع رابطوں کے باعث اطلاعات کو اہمیت نہیں دی جا سکتی، افغانستان کی جانب سے ایسے بیانات محض من گھڑت اور پروپیگنڈا ہیں۔

ترجمان دفتر خارجہ نے افغان حکام کو متبنہ کرتے ہوئے کہا ہے کہ افغانستان کی جانب سے ایسے الزامات و بیانات کے باعث دونوں پڑوسی ممالک کے تعلقات متاثر ہوں گے۔

مزید پڑھیں : افغانستان میں دہشت گردوں کو پاکستان سے کوئی مدد نہیں مل رہی، آرمی چیف قمرباجوہ

یاد رہے کہ گذشتہ روز جنرل قمر جاوید باجوہ نے کہا تھا کہ افغانستان میں دہشت گردوں کو پاکستان سے کوئی مدد نہیں مل رہی۔

ڈی جی آئی ایس پی آر میجر جنرل آصف غفور کا کہنا ہے کہ غزنی سے زخمی اور ہلاک دہشت گردوں کی واپسی کے الزامات بےبنیاد ہیں، افغانستان میں کئی پاکستانی روزگار کیلئے کام کررہے ہیں، افغانستان میں کام کرنے والے پاکستانی بھی دہشت گردی کا شکار ہوتے ہیں۔

آئی ایس پی آر نے واضح کیا کہ دہشت گردی کے شکار کسی پاکستانی کو دہشت گرد کہنا افسوسناک ہے، افغانستان میں کالعدم ٹی ٹی پی کے دھڑوں کی محفوظ پناہ گاہیں ہیں۔

اگست 18, 2018
رینجرز کی کارروائی کے دوران دہشت گرد نے چھت سے چھلانگ لگادی

کراچی: صوبہ سندھ کے دارالحکومت کراچی میں قانون نافذ کرنے والے اداروں کی کارروائی کے دوران دہشت گرد نے چھت سے چھلانگ لگادی جو بعد ازاں اسپتال منتقل کرنے کے دوران ہلاک ہوگیا۔

تفصیلات کے مطابق رینجرز اور اینٹی وائلنٹ کرائم سیل (اے وی سی سی) نے کراچی کے علاقے گلشن معمار میں کارروائی کی۔

کارروائی کالعدم تحریک طالبان پاکستان کے دہشت گرد کی موجودگی کی اطلاع پر کی گئی۔

ترجمان رینجرز کا کہنا ہے کہ دہشت گرد سیف اللہ نے 2 منزلہ عمارت میں پناہ لے رکھی تھی۔ فرار کی کوشش میں دہشت گرد نے عمارت کی چھت سے چھلانگ لگا دی تھی۔

چھت سے چھلانگ لگانے کے دوران دہشت گرد زخمی ہو گیا تھا، اسپتال منتقل کرنے کے دوران دہشت گرد سیف اللہ ہلاک ہوگیا۔

ترجمان کے مطابق دوران ہلاک دہشت گرد مشرف محسود عرف سیف اللہ متعدد مقدمات میں مطلوب تھا جس میں میجر (ر) نوخیز کا اغوا بھی شامل ہے۔

کارروائی میں دہشت گرد کے 4 ساتھیوں کو بھی حراست میں لیا گیا۔ گرفتار دہشت گردوں میں احمد نواز، محمد عزیز، محمد زعفران اور محمد نور شامل ہیں۔

ترجمان کا کہنا ہے کہ ملزمان سے 3 کلو بارودی مواد، 2 ہینڈ گرینیڈ، پریما، 2 رول ڈیٹونیٹنگ تار جبکہ تلاشی کے دوران دہشت گرد سے ایک عدد پستول اور گولیاں برآمد ہوئیں۔

ملزمان قانونی کارروائی کے لیے پولیس کے حوالے کردیے گئے ہیں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جولائی 13, 2018
کالعدم تحریک طالبان کے ٹارگٹ کلر سمیت 5 ملزمان گرفتار

کراچی: صوبہ سندھ کے دارالحکومت کراچی میں قانون نافذ کرنے والے ادارے کی کارروائی میں کالعدم تحریک طالبان اور سیاسی جماعت کے ٹارگٹ کلر سمیت 5 ملزمان کو گرفتار کرلیا گیا۔

محکمہ انسداد دہشت گردی کے ترجمان کے مطابق ملزمان کو کراچی کے مختلف علاقوں سے چھاپہ مار کارروائیوں میں گرفتار کیا گیا۔ ملزمان میں عبد الرحمٰن، ملک رضوان، حمید اللہ، انعام داد اور شفیق الدین شامل ہیں۔

ترجمان کا کہنا ہے کہ گرفتار ملزم شفیق الدین کراچی کے علاقے کورنگی 6 میں رینجرز پر حملے میں ملوث تھا۔ حملے میں ایک حوالدار شہید اور 2 جوان زخمی ہوگئے تھے۔

ترجمان کے مطابق گرفتار ملزم کا تعلق ایم کیو ایم حقیقی سے ہے اور ملزم اس سے پہلے 23 مقدمات میں ملوث رہا ہے۔

ایک اور ملزم عبد الرحمٰن تحریک طالبان کے لیے گلشن اقبال سے چندہ جمع کر رہا تھا، ملزم پیشے سے ڈاکٹر ہے اور جہادی ٹریننگ افغانستان سے حاصل کی۔

ترجمان کا کہنا ہے کہ ملزم زخمی دہشت گردوں کے خفیہ علاج معالجے میں بھی ملوث تھا۔ گرفتار کیے گئے دیگر ملزمان کا تعلق تحریک طالبان ولی محمد گروپ سے ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جون 27, 2018
اسرائیلی وزیراعظم قابض اوردہشت گرد ہے، رجب طیب اردوان

انقرہ : ترکی کے صدر رجب طیب اردوان نے اسرائیلی وزیر اعظم بینجمن نیتن یاہو کو دہشت گرد قرار دیتے ہوئے کہا ہے کہ نیتن یاہو تم اس سرزمین پر بطور قابض موجود ہو۔

یہ بات انہوں نے جنوبی ترکی کے دورے کے موقع پر اپنے بیان میں کہی، ان کا یہ بیان ٹیلی ویژن پر براہ راست نشر کیا گیا، انہوں نے یہ بیان غزہ میں ہونے والے ہلاکت خیز واقعات کے تناظر میں دیا ہے۔

ٹی وی چینل سے گفتگو میں انہوں نے اسرائیلی وزیر اعظم کو مخاطب کرتے ہوئے کہا کہ ’’نیتن یاہو تم ایک قابض ہو اور تم اس سرزمین پر بطور قابض موجود ہو۔ساتھ ہی تم ایک دہشت گرد بھی ہو۔‘‘

ترک صدرکا کہنا تھا کہ ’’تم فلسطینیوں کو دبانے کے لیے جو کچھ کر رہے ہو وہ تاریخ کا حصہ بن جائے گا اور ہم اسے بھولیں گے نہیں۔‘‘ انہوں نے مزید کہا کہ بینجمن نیتن یاہو کے اقدامات سے اسرائیلی عوام اس سے مطمئن نہیں، ’’ہم قبضے کے کسی بھی جرم میں شریک نہیں۔‘‘ رجب طیب اردوان نے نیتن یاہو کو کمزور اور عجیب بھی کہا۔

اس سے دو روز قبل غزہ پٹی ميں فلسطينوں کی ہلاکت کا سبب بننے والی اسرائيلی فوج کی کارروائی کو طیب اردوان نے ’غير انسانی‘ فعل قرار ديا تھا۔

ترک صدر رجب طيب اردوان کی تنقيد کا اسرائيلی وزير اعظم بينجمن نيتن ياہو نے بھی سخت جواب ديا تھا، نيتن ياہو نے ٹوئٹر پر لکھا کہ ’دنيا کی سب سے با اخلاق فوج ايک ايسے شخص سے ليکچر نہيں لے گی، جو سالہا سال سے شہريوں پر بمباری کرتا آيا ہے‘۔

دوسری جانب اسرائیل نے غزہ کی سرحد پر ہونے والے ہلاکت خیز واقعات کی غیر جانبدارانہ تحقیقات کے مطالبے کو مسترد کر دیا ہے، اسرائیلی وزیر دفاع کا کہنا ہے کہ اسرائیلی فوجیوں نے وہی کیا ہے، جو ضروری تھا۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اپریل 2, 2018
سیالکوٹ میں سی ٹی ڈی کی کارروائی‘ دہشت گرد گرفتار

سیالکوٹ: صوبہ پنجاب کے شہر سیالکوٹ میں سی ٹی ڈی نے کارروائی کرتے ہوئے کالعدم ٹی ٹی پی کا دہشت گرد گرفتار کرلیا۔

تفصیلات کے مطابق سیالکورٹ میں پسرور روڈ پرسی ٹی ڈی نے کارروائی کے دوران کالعدم تحریک طالبان کا دہشت گرد گرفتار کرکے دھماکہ خیز مواد برآمد کرلیا۔

ذرائع کے مطابق دہشت گردکی شناخت عثمان صابرعرف طیب پہلوان کے نام سے ہوئی ہے جبکہ اسے تفتیش کے لیے نامعلوم مقام پر منتقل کردیا گیا ہے۔

خیال رہے کہ 6 مارچ کو پاک افغان سرحدی علاقے چمن میں سی ٹی ڈی اور حساس ادارے نے مشترکہ کارروائی کرتے ہوئے 4 دہشت گردوں کو ہلاک کرکے اسلحہ اور دھماکہ خیز مواد برآمد کیا تھا۔

سیکیورٹی ذرائع کے مطابق ہلاک دہشت گردوں کے قبضے سے خودکش جیکٹس، دھماکہ خیز مواد اور اسلحہ برآمد کرلیا، ہلاک دہشت گردوں کا تعلق کالعدم تنظیم سے تھا۔

سی ٹی ڈی کی ڈیرہ اسماعیل خان میں کارروائی‘ 2 دہشت گرد گرفتار

یاد رہے کہ 18 فروری کو خیبرپختونخواہ کے شہر ڈیرہ اسماعیل خان میں سی ٹی ڈی نے خفیہ اطلاع پر کارروائی کرتے ہوئے 2 دہشت گردوں کو گرفتار کرکے اسلحہ برآمد کیا تھا۔

واضح رہے کہ رواں سال 6 جنوری کو ملتان میں انسداد دہشت گردی فورس نے خفیہ اطلاع پر کارروائی کرکے کالعدم تنظیم کے دو دہشت گرد گرفتار کرکے ان کے قبضے سے دستی بم اور بارودی مواد برآمد کیا تھا۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 17, 2018
دہشت گردوں کے خلاف کارروائیاں جاری رکھیں گے

واشنگٹن: سیکریٹری خارجہ تہمینہ جنجوعہ کا کہنا ہے کہ امریکہ نے یقین دلایا ہے کہ افغانستان کی سرزمین پاکستان کے خلاف استعمال نہیں ہونے دیں گے۔

تفصیلات کے مطابق واشنگٹن میں پریس کانفرنس کرتے ہوئے سیکریٹری خارجہ تہمینہ جنجوعہ نے کہا کہ حکومت پاکستان نے اعزاز چوہدری سے نئے سفیر کے آنے تک ذمہ داریاں انجام دینے کی درخواست کی ہے۔

تہمینہ جنجوعہ نے کہا کہ امریکہ میں سفیر کی تعیناتی حکومت کا فیصلہ ہے، اس اہم وقت میں واشنگٹن کی پوسٹ کو خالی نہیں چھوڑا جاسکتا۔

سیکریٹری خارجہ نے کہا کہ افغان بارڈرزسمیت بھارتی سرحدوں پربھی چیلنج کا سامنا ہے، دہشت گردوں کے خلاف کارروائیاں جاری رکھیں گے، امریکہ سمیت کسی کے دباؤمیں آکرکوئی فیصلہ نہیں کریں گے۔

تہمینہ جنجوعہ نے کہا کہ افغانستان میں پاکستان دشمن عناصر کو بھارت مدد فراہم کر رہا ہے، افغانستان میں پاکستان مخالف خفیہ پناہ گاہوں کوختم کرنے کی ضرورت ہے، امریکہ نے یقین دلایا ہے کہ افغانستان کی سرزمین پاکستان کے خلاف استعمال نہیں ہونے دیں گے۔

خیال رہے کہ گزشتہ روز واشنگٹن میں امریکی صحافیوں سے گفتگو کرتے ہوئے سیکریٹری خارجہ تہمینہ جنجوعہ کا کہنا تھا کہ پاکستان اپنی سرزمین سے دہشت گردی کے خاتمے کے لیے پرعزم ہے۔

سیکریٹری خارجہ تہمینہ جنجوعہ کا کہنا تھا کہ پاکستان اورامریکہ دہشت گردی کے خلاف کامیاب اتحادی ہیں، دونوں ملکوں نے مشترکہ کوششوں سے القاعدہ کا خاتمہ کیا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

مارچ 9, 2018