Tag: دہشت گرد

پشاور: ایس ایس پی آپریشنز سجاد خان کا کہنا ہے کہ خیبرپختونخواپولیس پاکستان کی ہی نہیں دنیا کی بہادرترین فورس ہے۔

تفصیلات کے مطابق ایس ایس پی آپریشنز سجادخان نے اے آروائی نیوز سے گفتگو کرتے ہوئے بتایا کہ زرعی ڈائریکٹوریٹ میں دہشت گردوں کے داخلے کی اطلاع کنٹرول روم سے ملی۔

ایس ایس پی آپریشنز کا کہنا تھا کہ دہشت گردوں کی اطلاع ملنے پرکیوآرایف، آرآرایف کوالرٹ جاری کیا اوراسکواڈ کےساتھ آپریشن کے لیے روانہ ہوگیا۔

انہوں نے اے آروائی نیوز سے بات چیت کرتے ہوئے بتایا کہ جذبات میں تھا، اے پی ایس اور باچاخان یونیورسٹی کے واقعات تازہ ہیں۔

پشاور: زرعی ڈائریکٹوریٹ پردہشت گرد حملےکا مقدمہ درج

سجاد خان کا کہنا تھا کہ وردی پہنتا توتاخیرہوجاتی، دہشت گردوں کوسنبھلنےکا موقع نہیں دینا چاہتا تھا۔ ان کا کہنا تھا کہ مقصد تھا جانی نقصان کم سے کم ہواوردہشت گردوں کوجلد انجام تک پہنچا دوں۔

ایس ایس پی آپریشنز کا کہنا تھا کہ شہادت کی خواہش ہے لیکن پہلے دہشت گردوں کوبڑا نقصان پہنچاناچاہتا ہوں۔

ایس ایس پی سجاد خان کا کہنا تھا کہ خیبرپختونخواپولیس پاکستان کی ہی نہیں دنیا کی بہادرترین فورس ہے، گولی سے نہیں ڈرتا،دہشت گردوں پرجھپٹنا فورس نے سکھا دیا۔

پشاور: زرعی ڈائریکٹوریٹ پردہشت گرد حملہ

یاد رہے کہ گزشتہ روز پشاور میں زرعی ڈائریکٹوریٹ پردہشت گردوں کے حملے میں 9 افراد شہید اور 35 زخمی ہوئے تھے جبکہ تینوں دہشت گرد مارے گئے تھے۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

اٹک : صوبہ پنجاب کے شہر اٹک میں پولیس نے کارروائی کرکے دھماکہ خیز مواد سے بھری گاڑی کو تحویل میں لے کر ایک دہشت گرد کو گرفتار کرلیا۔

تفصیلات کے مطابق اٹک میں پولیس نے دہشت گردی کا بڑا منصوبہ نا کام بناتے ہوئے پشاور جی ٹی روڈ سے دھماکہ خیزمواد سے بھری گاڑی کو تحویل میں لے کر دہشت گرد کو گرفتار کرلیا۔

پولیس حکام کےمطابق گرفتار دہشت گرد کی شناخت عادل کےنام سے ہوئی ہے، جس کا تعلق خیبرپختونخوا سے ہے۔

پولیس کا کہنا ہے دہشت گرد کے قبضے 23 کلوبارود، 500 ڈیٹونیٹرز برآمد،ایک ہزارمیٹرسیفٹی تار، بال بیرنگ برآمد ہوئی ہیں۔

ایف سی نےبلوچستان میں دہشت گردی کا بڑا منصوبہ ناکام بنادیا

خیال رہے کہ رواں ماہ 7 اکتوبر کو صوبہ بلوچستان کے مختلف علاقوں میں ایف سی نے کارروائیوں کے دوران 1300 کلو گرام دھماکہ خیز مواد اوربھاری مقدار میں اسلحہ برآمد کیا تھا۔

یاد رہے کہ گزشتہ ماہ 9 ستمبر کو سیکورٹی فورسز نےآتوخیل مہمند ایجنسی اور اپردیر میں کارروائیوں کے دوران بھاری مقدار میں اسلحہ، راکٹ لانچر، دستی بم برآمد کیے تھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔