Tag: دہشت گرد

راولپنڈی : ملک کے مختلف شہروں میں سیکورٹی فورسزکے کومبنگ آپریشن کے دوران دوسوسے زائدافراد کوگرفتارکرکےاسلحلہ برآمدکرلیا۔

تفصیلات کےمطابق سکھر کے بس ٹرمینل کے قریب سی ٹی ڈی نے کارروائی کرکے کالعدم تنظیم کےدہشت گرد خلیل عرف جلیل کو اسلحےسمیت گرفتار کرلیا۔سی ٹی ڈی حکام کےمطابق دہشت گرد کا تعلق لشکر جھنگوی سے ہےجوبلوچستان میں دہشت گردی کی کارروائیوں میں ملوث تھا۔

دوسری جانب لاہور میں سی ٹی ڈی نے کارروائی کےدوران تین ملزمان کو گرفتار کرکےملزمان کےقبضے سے بارودی مواد ،ڈیٹو نیٹراور دیگر سامان برآمد ہوا۔اٹک کےمختلف علاقوں میں کارروائیوں کےدوران پولیس نےسات مشکوک افراد کوگرفتار کرلیا۔

ادھر پنجاب کے شہر حافظ آباد اور لودھراں میں سیکورٹی فورسز کی جانب سے کیے جانے والے کومبنگ آپریشن کے دوران 137افراد کوگرفتار کرکے اسلحہ برآمد کرلیاگیا۔

خیال رہےکہ سندھ کے شہرسانگھڑ اور خیرپورکے مختلف علاقوں سے22افغان باشندوں کو حراست میں لےکر ملزمان کے قبضےسےغیرملکی کرنسی برآمدکرلی گئی۔

مزید پڑھیں: پنجاب کے مختلف شہروں میں سرچ آپریشنز ، متعدد افراد گرفتار، اسحلہ برآمد

واضح رہےکہ گزشتہ روزپنجاب میں پولیس اور سیکورٹی اداروں نےآپریشن کے دوران بھاری مقدار میں اسلحہ برآمد کیا اور4افغان باشندوں کو بھی گرفتارکرلیا۔

لاہور: پیپلزپارٹی کےسینیئررہنما قمرزمان کائرہ کاکہنا ہےکہ کالعدم تنظیموں پر پابندی کاغذی ہے،انہوں نےکہاکہ افراد اور سوچ وہی ہےنام بدل لیتے ہیں۔

تفصیلات کےمطابق پیپلزپارٹی پنجاب کے صدر قمرزمان کائرہ نےلاہور میں میڈیا سےبات کرتے ہوئے کہاکہ ملک دہشت گردی کا شکار ہے،لیکن وزیر داخلہ کہیں نظر نہیں آرہے۔

فوجی عدالتوں سےمتعلق پیپلزپارٹی پنجاب کے صدرقمر زمان کائرہ نے کہاکہ پارٹی کو فوجی عدالتوں پر تحفظات ہیں،انہوں نے کہا کہ جب بھی خصوصی قوانین بنے،شکار پیپلز پارٹی ہی بنی،اب بھی پیپلز پارٹی کےلیے راستے بند کیے جا رہے ہیں۔

قمرزمان کائرہ کاکہناتھاکہ حکومت کوفوجی عدالتوں کےقانون کےختم ہونے کےبارے میں معلو م تھا،تو پہلے سیاسی جماعتوں کواعتماد میں کیوں نہیں لیا۔

انہوں نےدرگاہوں اور مذہبی مقامات پرحملوں کوخطرناک قرار دیتے ہوئےکہا کہ حکومت دہشت گردوں کےسہولت کار اسمبلیوں اوروزارتوں میں تلاش کرے۔

واضح رہےکہ پیپلزپارٹی پنجاب کے صدر قمرزمان کائرہ کاکہناتھاکہ جب بھی پیپلزپارٹی متحرک ہوتی ہے،دھماکے شروع ہوجاتے ہیں۔