ARYNews.tv | Urdu – Har Lamha Bakhabar

Tag: دہشت گرد

  • فیصل آباد میں کومبنگ آپریشن،6دہشت گرد گرفتار

    فیصل آباد میں کومبنگ آپریشن،6دہشت گرد گرفتار

    فیصل آباد: صوبہ پنجاب کےشہر فیصل آباد میں سیکورٹی فورسز نے کومبنگ آپریشن کے دوران 6 دہشت گرد گرفتار کرلیے.

    تفصیلات کے مطابق پاک فوج کے شعبہ ابلاغ عامہ ’’آئی ایس پی آر‘‘ کے جاری کردہ بیان کے مطابق قانون نافذ کرنے والے ادارے کے اہلکاروں نے فیصل آباد اور گرد و نواح کے مختلف علاقوں میں کومبنگ آپریشن کے دوران 6 دہشت گردوں کو گرفتار کرلیا.

    *کور کمانڈر کانفرنس، کومبنگ آپریشن کا جامع منصوبہ منظور

    آئی ایس پی آر کے مطابق گرفتار دہشت گردوں میں خودکش بمباروں کے ہینڈلر بھی شامل ہیں جبکہ ایک دہشت گرد خود کش حملہ آوروں کو بھرتی کرتا تھا،یہ تمام دہشت گرد 2014 سے واچ لسٹ پر تھے.

    *لاہور میں‌ کومبنگ آپریشن: دو اہم کمانڈر سمیت 11 گرفتار

    یاد رہے کہ گزشتہ ہفتے پنجاب کے دارالحکومت لاہور کے علاقے شاہدرہ میں‌ سیکورٹی فورسز کی جانب سے کومبنگ آپریشن کے بعد کالعدم تنظیم کے دو کمانڈروں سمیت گیارہ شدت پسندوں‌ کو گرفتار کیا گیا تھا.

    واضح رہے کہ سانحہ کوئٹہ کے بعد ملک بھر میں دہشت گردوں اور ان کے سہولت کاروں کے خلاف کارروائیوں میں شدت آئی ہے.

  • دہشت گرد صرف دہشت گرد ہوتا ہے، اچھا یا برا نہیں، جان کیری

    دہشت گرد صرف دہشت گرد ہوتا ہے، اچھا یا برا نہیں، جان کیری

    نئی دہلی : امریکہ کےخارجہ سیکریٹری جان کیری نے کہا ہے کہ ان کا ملک اچھے اور برے دہشت گردوں میں نہ فرق کرتا ہے اور نہ کر سکتا ہے اور وہ ممبئی اور پٹھان کوٹ پر حملہ کرنے والوں کو کیفر کردار تک پہنچانے کی تمام کوششوں کی حمایت کرتا ہے۔

    یہ بات انہوں نے بھارتی وزیر خارجہ سشما سوراج کے ہمراہ مشترکہ پریس کانفرنس سے خطاب کرتے ہوئے کیا۔

    جان کیری نے کہا کہ سشما سوراج کے ساتھ ملاقات کے دوران دہشت گردوں کیخلاف معلومات کے تبادلے پر اتفاق ہوا ہے، دونوں جمہوریتیں مل کر نہ صرف اپنے عوام بلکہ دنیا کو بھی فائدہ پہنچا سکتی ہیں۔

    اس موقع پر سشما سوراج نے گفتگو کرتے ہوئے کہا کہ دہشت گردی کے مسئلے پر امریکہ انڈیا کے موقف سے اتفاق کرتا ہے۔

    انہوں نے کہا کہ ’سرحد پار پاکستان سے دہشت گردی کی اعانت کا معاملہ بھی زیر غور آیا اور امریکہ انڈیا کے اس موقف سے اتفاق کرتا ہے کہ دہشت گردوں کو اچھے یا برے زمرے میں تقسیم کرکے ان میں فرق نہیں کیا جاسکتا۔

    انہوں نے کہا کہ نیوکلیئر سپلائر گروپ میں رکنیت پر امریکی حمایت کے شکر گزار ہیں ،پاکستان پٹھان کوٹ حملے کی تحقیقات سے جلد آگاہ کرے۔

     

  • فلپائن میں جیل پرحملہ،داعش کے آٹھ دہشت گرد فرار

    فلپائن میں جیل پرحملہ،داعش کے آٹھ دہشت گرد فرار

    منیلا : فلپائن کے جنوبی شہر مروائی میں جیل پر حملہ کرکے دولت اسلامیہ سے منسلک آٹھ دہشت گردوں کورہا کرولیاگیا.

    تفصیلات کےمطابق پولیس کا کہنا ہے کہ موتے گروپ سے تعلق رکھنے والے کم از کم 20 جنگجوؤں نے جنوبی شہر مروائی میں لناؤ ڈیل سور جیل پر حملہ کیا اور داعش کے آٹھ دہشت کو رہا کروالیاتاہم اس موقع پر کوئی گولی نہیں چلی.

    پولیس حکام کا کہنا ہے کہ قتل اور منشیات کے الزام میں گرفتار دیگر 15 قیدی بھی فرار ہوگئے ہیں تاہم اس بارے میں واضح نہیں ہے انھیں بھی فرار کروایا گیا ہے.

    خیال رہے کہ فرار ہونے والے دہشت گردوں کو گذشتہ ہفتےمارٹر گولوں کے ساتھ گرفتار کیاگیا تھا.

    دولت اسلامیہ سے منسلک موتے گروپ جنوبی خطے منڈاناؤ میں گئی بم دھماکوں اور اغوا کی کارروائیوں میں ملوث رہا ہے.

    موتے گروپ نے رواں سال کے آغاز پر فوج پر حملہ کر کے ایک فوجی کا سر قلم اور دو مقامی مزدوروں کا قتل کیا تھا.

    مزدوروں کو اغوا کرنے کے بعد ہلاک کرنے سے قبل انھیں نارنجی رنگ کے کپڑے پہنائے گئے جیسے عموما دولت اسلامیہ کے شدت پسند کرتے ہیں.

    واضح رہے کہ فلپائن کا مسلمان اکثریتی علاقے منڈاناؤ میں کئی دہائیوں سے علیحدگی پسند تحریک جاری ہے جبکہ ملک کی بیشتر آبادی کیتھولک عیسائیوں پر مشتمل ہے.

  • گوادر: وزیراعلیٰ بلوچستان کی دہشت گردوں کے خلاف کامیاب آپریشن پر سیکورٹی اداروں کومبارکباد

    گوادر: وزیراعلیٰ بلوچستان کی دہشت گردوں کے خلاف کامیاب آپریشن پر سیکورٹی اداروں کومبارکباد

    کوئٹہ :وزیراعلیٰ بلوچستان نواب ثناء اللہ خان زہری نے قانون نافذ کرنے والے اداروں کی جانب سے دہشت گردوں کے خلاف کامیاب آپریشن پر اطمینان اور مسرت کا اظہار کرتے ہوئے سیکورٹی فورسز کو مبارکباد پیش کی.

    تفصیلات کے مطابق وزیر اعلیٰ بلوچستان نواب ثناء اللہ زہری کا کہنا تھا کہ بلوچستان کو پر امن صوبہ بنانے کےلیے سیکورٹی اداروں کی کارکردگی قابل تحسین ہے جو اپنی جانوں کی پرواہ کیے بغیر دن رات دہشت گردوں اور سماج دشمن عناصر کے خلاف بھرپور کارروائیا ں کررہے ہیں.

    انہوں نے کہا کہ عوام اپنی فورسز کی قربانیوں کو قدر کی نگاہ سے دیکھتے ہیں جس کی بدولت آج صوبے میں امن وامان قائم ہے.

    وزیراعلیٰ نے کہا ہے کہ ان کی حکومت عوام کے جان و مال کے تحفظ اور امن کی بحالی کےلیے پرعزم ہے،دہشت گرد چاہے کتنے بھی طاقتور کیوں نہ ہوں انہیں ہر صورت کیفر کردار تک پہنچایا جائے گا،اب بلوچستان میں دہشت گردوں کے لیے کوئی جائے پناہ نہیں،آخری دہشت گرد کے خاتمے تک ہماری جنگ جاری رہے گی.

    ہماری خواہش ہے کہ کھیل کے میدان آباد ہوں،وزیراعلیٰ بلوچستان*

    یاد رہے کہ اس سے قبل گزشتہ ماہ وزیر اعلیٰ بلوچستان نواب ثناء اللہ زہری کا کہنا تھاکہ دہشت گردی کے خاتمے کےلیے اربوں روپے خرچ کررہے ہیں ہماری خواہش ہے کہ کھیل کے میدان آباد ہو ں تاکہ دہشت گردی کا جلد از جلد خاتمہ ہوسکے.

  • آرمی چیف کی 12 دہشت گردوں کو پھانسی دینے کے فیصلے کی توثیق

    آرمی چیف کی 12 دہشت گردوں کو پھانسی دینے کے فیصلے کی توثیق

    راولپنڈی : آرمی چیف جنرل راحیل شریف نے 12 دہشت گردوں کی سزائے موت کے فیصلے کی توثیق کردی ہے، تمام ملزمان ملک بھر میں دہشت گردی سمیت سنگین جرائم میں ملوث تھے۔

    آئی ایس پی آر کے مطابق مذکورہ دہشت گرد ملک بھر میں دہشت گردی کی مختلف کارروائیوں میں ملوث تھے اور تمام افراد نے دوران سماعت دہشت گردی کی سنگین وارداتوں کا اعتراف کیا ہے، تمام افراد کے خلاف فوجی عدالت میں کیس چلایا گیا جہاں تمام گواہوں اور ثبوتوں کو مد نظر رکھتے ہوئے پھانسی کی سزا دینے کا فیصلہ کیا گیا۔

    پھانسی کی سزا پانے والے دہشت گردوں میں قیوم ولد سعید، حسن ڈار، بہرام شیر، اسحاق، عزیزالرحمان، آصف، طیب، اکبر، ایاز  سمیت دیگر افراد شامل ہیں، آئی ایس پی آر کے مطابق دہشت گردوں کا تعلق تحریک طالبان اور دیگر دہشت گرد تنظیموں سے ہے۔

    آئی ایس پی آر نے مزید کہا کہ دہشت گرد قیوم ولد سعید پاک فوج کے افسران اور جوانوں کے قتل میں ملوث رہا جبکہ دیگر دہشت گرد اغوا برائے تاوان، بم دھماکوں سمیت دیگر سنگین جرائم میں ملوث پائے گئے ہیں۔

    پاک فوج کے تعلقات عامہ نے مزید تصدیق کی ہے کہ دہشت گردوں کی کارروائیوں سے کئی شہری جاں بحق ہوئے ہیں اور انہیں آپریشن ضرب عضب کے دوران ملک کے مختلف علاقوں سے گرفتار کیا گیا۔

  • امریکا اور اس کے اتحادیوں کو نہیں چھوڑیں گے، حمزہ بن لادن

    امریکا اور اس کے اتحادیوں کو نہیں چھوڑیں گے، حمزہ بن لادن

    واشنگٹن : القاعدہ کے سابق سربراہ اسامہ بن لادن کے بیٹے حمزہ بن لادن نے اپنے والد کے قتل کا بدلہ لینے کا اعلان کردیا۔

    تفصیلات کے مطابق حمزہ بن لادن نے اپنے پہلے آڈیو پیغام میں امریکا کو پیغام دیا ہے کہ ’’وہ امریکا اور اُس کے اتحادی فوجیوں سے اپنے والد کی موت کا بدلہ ضرور لیں گے‘‘۔

    LADIN POST 2

    انہوں نے مزید کہاکہ ’’ہم سب اسامہ ہیں اور عالم اسلام کے خلاف ہونے والے مظالم کے خلاف ہم امریکا سے اُس وقت تک لڑتے رہیں گے جب تک وہ اور اس کے اتحادی نیست و نابود نہیں ہوجاتے‘‘۔

    انٹیلی جنس گروپ کے مطابق اسامہ بن لادن کے بیٹے نے 21 منٹ سے زائد اپنے پیغام میں کہا ہے کہ ’’القاعدہ امریکا کے خلاف اپنی کارروائیاں جاری رکھے گی اور اب یہ مزید تیز کردی جائیں گی۔

    laden 3حمزہ بن لادن نے مزید کہا کہ ’’ان کارروائیوں کا مقصد محض اسامہ بن لادن کی موت کا بدلہ لینا نہیں ہے بلکہ فلسطین، افغانستان، شام، عراق، یمن سمیت دیگر اسلامی ممالک میں ہونے والے مظالم کے خلاف آواز بلند کرنا ہے‘‘۔

    واضح رہے  اسامہ بن لادن کو 2011 میں پاکستان کے علاقے ایبٹ آباد میں امریکی کمانڈوز نے کارروائی کرکے ہلاک کرنے اور اُس کی نعش کو سمندر برد کرنے کا دعویٰ کیا تھا، القاعدہ کا سربراہ امریکا میں 11 ستمبر کو ہونے والی دہشت گردی میں مطلوب تھا۔

    امریکی حکام کی جانب سے شائع ہونے والے پیپرز میں ایران پر الزام عائد کیا گیا ہے کہ حمزہ بن لادن ایران میں نظر بند تھا تاہم اب اُس نے عسکریت پسندوں سے رابطے کرنے شروع کردیئے ہیں۔

    laden mainایمن الظواہری کے آیڈیو پیغام کے بعد اسامہ بن لادن کے بیٹے کا پیغام سامنے آنے کے بعد خدشہ ظاہر کیا جارہا ہے کہ ’’اس کی آمد سے دنیا بھر کے عسکریت پسند پھر سے متحد ہوجائیں گےا ور دنیا بھر میں قائم ہونے والی امن و امان کی صورتحال کو خراب کریں گے‘‘۔

  • کراچی: ناظم آباد سے 3 مبینہ دہشت گردگرفتار

    کراچی: ناظم آباد سے 3 مبینہ دہشت گردگرفتار

    کراچی: شہر قائد کے علاقے ناظم آباد سے پولیس نے تین مبینہ دہشت گردوں کو گرفتار کرنے کا دعویٰ کیا ہے۔

    پولیس حکام کے مطابق خفیہ اطلاع پر ناظم آباد نمبر چارکے علاقے سے تین ملزمان ہارون ، انجم اور عامر کو گرفتار کیا گیا ہے ۔

    پولیس کا دعویٰ ہے کہ ملزمان دہشت گردی کا منصوبہ بنا رہے تھے جو بروقت کارروائی کرکے ناکام بنا دیا گیا۔ملزمان کے قبضے سے اسلحہ اور دھماکا خیز مواد برآمد ہوا ہے، ملزمان سے مزید پوچھ گچھ کی جارہی ہے۔

  • کراچی میں مبینہ پولیس مقابلہ،12دہشت گرد ہلاک

    کراچی میں مبینہ پولیس مقابلہ،12دہشت گرد ہلاک

    کراچی: دہشت گردوں پر پولیس کاکاری وار، پپری کے علاقے میں پولیس نے سرچ آپریشن کیا مبینہ مقابلے میں12دہشت گرد ہلاک کر دیئے گئے۔

    کراچی کے علاقے پپری میں بڑا پولیس مقابلہ ہوا، نیشنل ہائی وے پر پپری کے مقام پر ایس ایس پی ملیر راؤ انوار کی سربراہی میں پولیس نے بھرپورکارروائی کی۔

    سرچ آپریشن کے دوران دہشت گردوں نے پولیس پر فائرنگ کردی جس سے دو اہلکار زخمی ہوگئے،جس کے بعد فائرنگ کے تبادلے میں آٹھ دہشت گرد مارے گئے۔

    ایس ایس پی راؤ انوار کا کہنا ہے کہ دہشت گردوں کے بعض ساتھی فرار ہوگئے تھے۔جن کو پولیس پارٹی نے گڈاپ کے مقام پر گھیر لیا۔ جہاں مبینہ مقابلے میں مزید چار دہشت گرد ہلاک ہو گئے۔

    کارروائی میں پولیس نے بڑی تعداد میں دہشت گردی میں استعمال ہونے والا گولا بارود اور اسلحہ بھی برآمد کر لیا۔

  • آن لائن روپیہ منتقلی سروسزدہشت گردوں کی معاونت کا ذریعہ بن گئیں ،تحقیقات کا حکم

    آن لائن روپیہ منتقلی سروسزدہشت گردوں کی معاونت کا ذریعہ بن گئیں ،تحقیقات کا حکم

    اسلام آباد : حکومت نے آن لائن روپیہ منتقلی سروسزکے ذریعے دہشت گردوں کو رقوم منتقلی کی خبروں کا سختی سے نوٹس لے کر تحقیقات کا حکم دے دیا۔

    دہشت گردوں کےسہولت کاروں نےدہشت گردوں کی مالی معاونت کے لیے نیا طریقہ ڈھونڈ نکالا یعنی ای پیسے کے ذریعے مالی مدد دینا۔

    تفصیلات کے مطابق حکومت نے ای پیسہ کے ذریعے دہشت گردوں کی مالی معاونت کےلئےرقوم کی منتقلی کا سختی سے نوٹس لیا ہے اور رقوم کی منتقلی روکنے کیلئے حکمت عملی طے کرلی ہے،۔

    ذرائع کے مطابق سہولت کاروں کی جانب سے مبینہ طور پر کے پی کے سے ای پیسہ کے ذریعے رقوم قبائلی علاقوں میں دہشت گردوں کو منتقل کی جارہی ہیں۔

    حساس اداروں کی اطلاع پر حکومت نے قانون نافذ کرنے والے اداروں کو تحقیقات کا حکم دیدیا ہے۔

    اس ضمن میں تاجروں، کسٹمر سروس سینٹر اور چھوٹی دکانوں کو رقم بھیجنے اور وصول کرنے والوں کے کوائف مکمل کرنے اور مطلوب دہشت گردوں کے نام اور قومی شناختی کارڈ کا ڈیٹا ریکارڈ میں رکھنےکی بھی ہدایت کی گئی ہے۔

    حکومتی احکامات کے بعد ایسے تمام کسٹمر سروس سینٹروں کی تحقیقات کی جارہی ہیں جو مقامی تھانوں میں رجسٹرڈ ہیں۔

  • کراچی: پرانا گولیمارمیں رینجرزکا ایکشن، 4 دہشت گرد ہلاک

    کراچی: پرانا گولیمارمیں رینجرزکا ایکشن، 4 دہشت گرد ہلاک

    کراچی: شہر قائد کے علاقے پرانہ گولیمار میں رینجرز کا جرائم پیشہ افراد اور ملک دشمن عناصر کیخلاف ٹارگٹڈ آپریشن آپریشن کے دوران چار دہشتگرد مارے گئے جبکہ چھ کو گرفتار کرلیا گیا۔

    ترجمان رینجرز کے مطابق رینجرز نے پرانہ گولیما رکے علاقے میں خفیہ اطلاع پر ٹارگیٹڈ آپریشن کیا آپریشن کے دوران ملزمان نے رینجرز پر فائرنگ شروع کردی جوابی فائرنگ کے نتیجے میں چار دہشتگرد مارے گئے جبکہ چھ کو گرفتار کرلیا گیا، مارے جانے والے دہشتگردوں کی شناخت بابل بلوچ،چھوٹا ساجد،رفیق اور خالد مانڈی کے ناموں سے کی گئی ہے۔

    ترجمان کے مطابق مارے جانے والے اور گرفتار دہشتگرد وں کا تعلق لیاری گینگ وار اور بی ایل اے سے ہے ملزمان ملک دشمن عناصر کی معاونت سمیت ٹارگٹ کلنگ ، بھتہ خوری اور اغواء برائے تاوان کی بھی وارداتوں میں ملوث ہیں آپریشن کے دوران گرفتار ملزمان کے قبضے سے بھاری تعداد میں منشیات اور اسلحہ برآمد ہوا ہے۔