Tag: دہی بڑے

ماہ رمضان میں افطار میں پکوڑے، دہی بڑے بنانا تو عام سی بات ہے لیکن افطار کا اصل مزہ اس وقت آتا ہے جب کچھ نیا بنانے کا تجربہ کیا جائے جو نہ صرف لذیذ ہو بلکہ صحت بخش بھی ہو۔

آج ہم آپ کو ایسا ہی کچھ نیا تجربہ کرنے کے لیے گجراتی دہی بڑے بنانے کی ترکیب بتا رہے ہیں۔

ان دہی بڑوں کو گجراتی زبان میں کمودیا بھی کہا جاتا ہے۔

---

اجزا

ماش کی دال: ڈیڑھ کپ

نمک: حسب ذائقہ

تیل: فرائی کے لیے

دہی: 1 کلو

املی کی میٹھی چٹنی: حسب ضرورت

ناریل: پسا ہوا

ہرا دھنیہ: آدھی گڈی، باریک کٹا ہوا

نمک: 1 چائے کا چمچ

لال مرچ: 1 چائے کا چمچ

چاٹ مصالحہ: 1 کھانے کا چمچ

---

بگھار کے لیے

تیل: 2 کھانے کے چمچ

رائی: 1 کھانے کا چمچ

کڑی پتہ: 2 ڈنڈی

---

ترکیب

ماش کی دال کو 2 سے 3 گھنٹے کے لیے بھگو دیں۔ پھر اس کا پانی نکال کر پیس لیں۔ دال بالکل باریک نہ ہو، بھربھری رہنی چاہیئے۔

اب اس نمک ملا دیں۔

تیل کڑھائی میں گرم کریں اور بڑے بڑے پکوڑے بالکل ہلکے ہاتھ سے ڈال کر فرائی کریں۔

پکوڑے گولڈن ہوجائیں تو نکال کر ایک کھلے برتن میں پانی میں ڈالتے جائیں۔

اس کے بعد دہی میں صرف چینی ڈال کر پھینٹ لیں۔

ایک ڈش لیں، پکوڑوں میں سے دونوں ہاتھ سے ہلکا ہلکا دبا کر پانی نچوڑ لیں۔ ڈش میں یہ پکوڑے رکھیں اوپر دہی ڈالیں۔

اب اس پر املی کی چٹنی٬ ناریل٬ نمک٬ لال مرچ، چاٹ مصالحہ٬ بگھار اور ہرا دھنیہ ڈال دیں۔

مزیدار گجراتی دہی بڑے تیار ہیں، افطار میں پیش کر کے داد وصول کریں۔

---

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔