ARYNews.tv | Urdu – Har Lamha Bakhabar

Tag: دیامر بھاشا ڈیم

  • وزیر اعظم شہباز شریف کا دیامر بھاشا ڈیم کا دورہ

    وزیر اعظم شہباز شریف کا دیامر بھاشا ڈیم کا دورہ

    اسلام آباد: وزیر اعظم شہباز شریف نے دیامر بھاشا ڈیم کے دورے کے موقع پر کہا کہ منصوبہ پاکستان کو توانائی فراہم کرنے کے لیے بہت اہم ہے۔

    تفصیلات کے مطابق وزیر اعظم شہباز شریف نے دیامر بھاشا ڈیم کا دورہ کیا، اس موقع پر تقریب سے خطاب کرتے ہوئے ان کا کہنا تھا کہ دیامر بھاشا ڈیم نواز شریف کے دور میں شروع کیا گیا، ڈیم بنانے سے ملکی معاشی ترقی میں اضافہ ہوگا۔

    وزیر اعظم کا کہنا تھا کہ منصوبے کی تکمیل سے آبپاشی اور زراعت کو فروغ ملے گا، چاہتے ہیں غیر ملکی سرمایہ کار آگے آئیں اور سرمایہ کاری کریں۔

    انہوں نے کہا کہ ہمیں توانائی کے بڑے منصوبوں کے بارے میں فوری سوچنا ہوگا، تمام عالمی سرمایہ کاروں کی حوصلہ افزائی کریں گے۔

    وزیر اعظم کا کہنا تھا کہ مشکلات اور آفات کے باوجود منصوبے کی جگہ پر زندگی نظر آتی ہے، اب ہم منصوبے کو بھرپور طریقے سے آگے لے کر چل سکیں گے۔ منصوبہ پاکستان کو توانائی فراہم کرنے کے لیے بہت اہم ہے۔

    انہوں نے کہا کہ ماضی سے سبق حاصل کرنے کے ساتھ ہمیں پانی کو ممکنہ حد تک ضائع ہونے سے بچانا ہے، ہمارے پاس وسائل نہیں ہیں۔ ہمیں قوم سے جھوٹ نہیں بولنا، اچھی باتیں بھی حقائق میں آئیں گی اور ناخوشگوار باتیں بھی۔

    وزیر اعظم کا مزید کہنا تھا کہ آبادی اور افرادی قوت کے اعتبار سے یہاں اسپتال ضروری ہے، ایک ایسا اسپتال ہو جسے ماہرین چلائیں، ایسا اسپتال بنائیں گے جہاں علاج سب کے لیے مفت ہوگا۔

  • دیامر بھاشا ڈیم: ہزاروں ملازمتوں کی خوش خبری

    دیامر بھاشا ڈیم: ہزاروں ملازمتوں کی خوش خبری

    اسلام آباد: واپڈا نے کہا ہے کہ دیامر بھاشا ڈیم کے لیے ہزاروں ملازمتوں کا آغاز کر دیا گیا ہے۔

    تفصیلات کے مطابق ترجمان واپڈا نے ایک بیان میں خوش خبری دی ہے کہ دیامر بھاشا ڈیم پر تعمیراتی کام کے ساتھ ساتھ واپڈا نے بھرتیوں کا سلسلہ بھی شروع کر دیا ہے۔

    ترجمان کا کہنا تھا کہ ڈیم کے لیے گریڈ 6 سے 16 تک 124 اسامیاں آج مشتہر کر دی گئی ہیں، مشتہر اسامیوں پر صرف دیامر، گلگت بلتستان کے لوگوں کو بھرتی کیا جائے گا۔

    واپڈا کا کہنا ہے کہ دیامر بھاشا ڈیم کے لیے گریڈ 14 سے 20 تک 179 اسامیاں بھی مشتہر کی جا چکی ہیں، سیکورٹی کے لیے بھی 317 اسامیوں کا اشتہار جاری ہو چکا ہے، ان اسامیوں پر بھی پراجیکٹ ایریا، گلگت بلتستان کے لوگوں کو ترجیح دی جائے گی۔

    ترجمان نے بتایا کہ دیامر، جی بی کے لوگوں کی معاشی ترقی واپڈا کی ترجیحات میں شامل ہے۔

    دیامیر بھاشا ڈیم تعمیر کے مراحل میں داخل

    یاد رہے کہ جولائی 2020 میں دیامر بھاشا ڈیم تعمیر کے مراحل میں داخل ہوا تھا، یہ ملکی تاریخ کا ایک بڑا سنگ میل تھا، اس منصوبے سے بھارت کے آبی عزائم ناکام بنانے میں مدد ملے گی، یہ بلند ترین ڈیم پاک چین دوستی کا مظہر ہوگا، اس سے پیدا ہونے والی سستی بجلی سے قومی خزانے کو 270 ارب روپے کی اضافی بچت ہوگی۔

    ایف ڈبلیو او (فرنٹیئر ورکس آرگنائزیشن) اس پروجیکٹ میں 30 فی صد کی شراکت دار ہے، ڈیم کی تعمیر میں مقامی وسائل بروئے کار لائے جائیں گے، اس ڈیم کی بلندی 272 میٹر ہے۔ ڈیم کے لیے 14 اسپل وے بنائے جائیں گے، کوہستان اور گلگت بلتستان میں سیاحتی سرگرمیوں کو بھی اس ڈیم کی تعمیر سے فروغ ملے گا۔

  • دیامیر بھاشا ڈیم تعمیر کے مراحل میں داخل

    دیامیر بھاشا ڈیم تعمیر کے مراحل میں داخل

    اسلام آباد: ملکی تاریخ میں ایک اور سنگ میل عبور کر لیا گیا، دیامیر بھاشا ڈیم تعمیر کے مراحل میں داخل ہو گیا۔

    تفصیلات کے مطابق دیامیر بھاشا ڈیم کی تعمیر کا مرحلہ شروع ہو گیا ہے، یہ ملکی تاریخ میں ایک اہم سنگ میل ہے، اس منصوبے سے بھارت کے آبی عزائم ناکام بنانے میں مدد ملے گی۔

    یہ بلند ترین ڈیم پاک چین دوستی کا مظہر ہوگا، اس سے پیدا ہونے والی سستی بجلی سے قومی خزانے کو 270 ارب روپے کی اضافی بچت ہوگی۔

    ایف ڈبلیو او (فرنٹیئر ورکس آرگنائزیشن) اس پروجیکٹ میں 30 فی صد کی شراکت دار ہے، ڈیم کی تعمیر میں مقامی وسائل بروئے کار لائے جائیں گے، اس ڈیم کی بلندی 272 میٹر ہے۔ ڈیم کے لیے 14 اسپل وے بنائے جائیں گے، کوہستان اور گلگت بلتستان میں سیاحتی سرگرمیوں کو بھی اس ڈیم کی تعمیر سے فروغ ملے گا۔

    پاکستان نے بدھ کے روز گلگت بلتستان کے چلاس شہر میں بجلی پیدا کرنے کے لیے تیسرا سب سے بڑا پن بجلی ڈیم، دیامر بھاشا ڈیم منصوبے پر تعمیراتی کام کا آغاز کیا، وزیرا عظم عمران خان نے منصوبے کا جائزہ بھی لیا تھا۔

    ڈیم کی تعمیر: دیامیر میں پاک فوج کے 120 دستے تعینات کرنے کی منظوری

    یاد رہے کہ دو دن قبل دیامیر بھاشا ڈیم کی تعمیر کے سلسلے میں ضلع دیامیر میں دسمبر 2020 تک پاک فوج کے 120 دستے تعینات کرنے کی منظوری دی گئی ہے، محکمہ داخلہ گلگت بلتستان نے آرٹیکل 245 کے تحت فوج طلب کرنے کی درخواست کی تھی، ڈیم کی تعمیر کے لیے زمین کے حصول کے دوران تھریٹ الرٹ موصول ہوئے تھے۔

    واضح رہے کہ دریائے سندھ پر تعمیر ہونے والا یہ ڈیم دنیا کا سب سے بڑا آر سی سی ہوگا، دیامیر بھاشا ڈیم 81 لاکھ ایکڑ فٹ پانی ذخیرہ کرنے کے کام آئے گا، ڈیم میں ذخیرہ پانی میں سے 64 لاکھ ایکڑ استعمال میں لایا جا سکے گا۔ ڈیم کی تعمیر سے پاکستان کے پانی ذخیرہ کی صلاحیت 30 سے بڑھ کر 48 دن ہو جائے گی، اس ڈیم سے سالانہ 18 ارب 10 کروڑ یونٹس سستی ترین بجلی بھی میسر آئے گی، دیامیر بھاشا ڈیم 30 لاکھ ایکڑ رقبے کو سیراب کرنے کے لیے پانی فراہم کرے گا۔

    ڈیم مجموعی طور پر 4500 میگا واٹ بجلی کی پیداواری صلاحیت کا حامل ہے، ڈیم سے بجلی پیدا کر کے تیل کی مد میں سالانہ 2.48 ارب ڈالرز کی بچت ہوگی۔

  • دیامیر بھاشا ڈیم، وزیر اعظم کا اہم فیصلہ

    دیامیر بھاشا ڈیم، وزیر اعظم کا اہم فیصلہ

    اسلام آباد: وزیر اعظم عمران خان نے پن بجلی کے منصوبے دیامیر بھاشا ڈیم کی تعمیر کا جائزہ لینے کا فیصلہ کر لیا ہے۔

    اے آر وائی نیوز کے مطابق ذخائر آب کی تعمیر کے ذریعے پانی اور توانائی میں خود کفالت کی جانب پیش قدمی کے سلسلے میں وزیر اعظم عمران خان آج دیامیر بھاشا ڈیم کے تعمیراتی مقام کا دورہ کریں گے۔

    وزیر اعظم دیامیر بھاشا ڈیم کی تعمیراتی کام کی رفتار اور اس کے معیار کا جائزہ لیں گے، آبی ذخائر کی ترقی سے ترقی یافتہ ممالک کی صف میں شمولیت وزیر اعظم کا ویژن ہے، وزیر اعظم کا خواب ہے کہ پاکستان خود 50 ہزار میگا واٹ تک بجلی پیدا کرے۔

    دریائے سندھ پر تعمیر ہونے والا یہ ڈیم دنیا کا سب سے بڑا آر سی سی ہوگا، دیامیر بھاشا ڈیم 81 لاکھ ایکڑ فٹ پانی ذخیرہ کرنے کے کام آئے گا، ڈیم میں ذخیرہ پانی میں سے 64 لاکھ ایکڑ استعمال میں لایا جا سکے گا۔

    دیامربھاشا ڈیم کی ری سیٹلمنٹ کیلئے 30ارب روپے خرچ کیے جاچکے ہیں،اسدعمر

    ڈیم کی تعمیر سے پاکستان کے پانی ذخیرہ کی صلاحیت 30 سے بڑھ کر 48 دن ہو جائے گی، اس ڈیم سے سالانہ 18 ارب 10 کروڑ یونٹس سستی ترین بجلی بھی میسر آئے گی، دیامیر بھاشا ڈیم 30 لاکھ ایکڑ رقبے کو سیراب کرنے کے لیے پانی فراہم کرے گا۔

    ڈیم مجموعی طور پر 4500 میگا واٹ بجلی کی پیداواری صلاحیت کا حامل ہے، ڈیم سے بجلی پیدا کر کے تیل کی مد میں سالانہ 2.48 ارب ڈالرز کی بچت ہوگی۔

  • دیامر بھاشا ڈیم پراجیکٹ کی تعمیر کیلیے کنٹریکٹ ایوارڈ، پاک چین دوستانہ تعلقات کا نیا باب شروع

    دیامر بھاشا ڈیم پراجیکٹ کی تعمیر کیلیے کنٹریکٹ ایوارڈ، پاک چین دوستانہ تعلقات کا نیا باب شروع

    اسلام آباد : واپڈا نے دیا مر بھاشا ڈیم پراجیکٹ کی تعمیر کے لیے کنٹریکٹ ایوارڈ کردیا ، وفاقی وزیر فیصل واوڈا نے کہا کہ ملکی تاریخی کا بڑا دن ہے 5دہائیوں بعد اتنا بڑا منصوبہ شروع ہوا ، معاہدے سے پاک چین دوستانہ تعلقات کا نیا باب شروع ہوگیا۔

    تفصیلات کے مطابق دیامر بھاشا ڈیم کے کنٹریکٹ ایوارڈ کی تقریب کا انعقاد کیا گیا ، جس میں واپڈا نے دیا مر بھاشا ڈیم پراجیکٹ کی تعمیر کے لیے کنٹریکٹ پاورچائنا اور ایف ڈبلیواو پر مشتمل جوائنٹ ونچر کو ایوارڈ کردیا، کنٹریکٹ کی مالیت442 ارب روپے ہے ، جس میں ڈائی ورشن سسٹم،مین ڈیم، پُل اورپن بجلی گھر کی تعمیر شامل ہیں۔

    وفاقی وزیر فیصل واوڈا نے دیامر بھاشا ڈیم کے کنٹریکٹ ایوارڈ کی تقریب سےخطاب کرتے ہوئے کہا ملکی تاریخی کا بڑا دن ہے 5دہائیوں بعد اتنا بڑا منصوبہ شروع ہوا ، معاہدے سے پاک چین دوستانہ تعلقات کا نیا باب شروع ہوگیا۔

    فیصل واوڈا کا کہنا تھا کہ وزیراعظم کےوژن کے مطابق آبی وسائل کو محفوظ کریں گے ، پراجیکٹ سے 4500 میگاواٹ سستی بجلی پیدا ہوگی اور منصوبے سے 6.1 ملین ایکڑ فٹ پانی کا ذخیرہ ہوگا۔

    وفاقی وزیر نے کہا کہ تربیلا ڈیم کی زندگی میں 35 سال کااضافہ ہوگا جبکہ دیامر بھاشا ڈیم سے 1.2 ملین ایکڑ زمین آباد ہوگی ، امید ہے وقت سے پہلے دیامر بھاشا ڈیم کی تکمیل کریں گے ، پراجیکٹ میں ہمارے اسٹاف کی بھی اتنی محنت ہے جتنی ہماری ، آبی وسائل کے منصوبوں کی تکمیل جلد یقینی بنائیں گے ۔

    ان کا کہنا تھا کہ دیامربھاشا ڈیم کی واٹر،فوڈاورانرجی سیکیورٹی کیلئے اہم منصوبہ ہے،ایک سال میں مہمنداوردیامربھاشاجیسے دو بڑے ڈیموں پر کام شروع کیا۔

  • دیامر بھاشا ڈیم: سی اے اے نے چلاس ایئر پورٹ فعال بنانے کے لیے بورڈ تشکیل دے دیا

    دیامر بھاشا ڈیم: سی اے اے نے چلاس ایئر پورٹ فعال بنانے کے لیے بورڈ تشکیل دے دیا

    کراچی: دیامر بھاشا ڈیم کی تعمیر کے سلسلے میں سِول ایوی ایشن اتھارٹی نے گلگت بلتستان کے قصبے چلاس میں ایئر پورٹ کو فعال بنانے کے لیے بورڈ تشکیل دے دیا۔

    تفصیلات کے مطابق دیامر بھاشا ڈیم کی تعمیر کے سلسلے میں چیئرمین واپڈا نے چلاس ایئر پورٹ کو فعال بنانے کے لیے ڈی جی سول ایوی ایشن اتھارٹی کو خط لکھ کر درخواست کی تھی۔

    واپڈا کے چیئرمین نے خط میں ڈی جی سی اے اے سے درخواست کی تھی کہ ڈیم کی تعمیر کے لیے انھیں چلاس ایئر پورٹ استعمال کرنے کی ضرورت ہے۔

    چیئرمین واپڈا لیفٹیننٹ جنرل (ر) مزمل حسین نے خط میں لکھا کہ چلاس ایئر پورٹ سے دیامر بھاشا ڈیم کے لیے لاجسٹک کی سہولت میسر آئے گی اور ڈیم کی بر وقت تکمیل ممکن ہوگی۔

    واپڈا کے چیئرمین کی درخواست پر ڈی جی سول ایوی ایشن نے چلاس ایئر پورٹ کو فعال بنانے کے لیے بورڈ تشکیل دے دیا، بورڈ میں سِول ایوی ایشن، واپڈ اور ایئر فورس کے افسران شامل ہیں۔

    یہ بھی پڑھیں:  دیامر بھاشا ڈیم کے لیے فنڈ کا نیا نام ’سپریم کورٹ / پی ایم ‘ ہوگا

    سی اے اے کا تشکیل کردہ بورڈ متعلقہ جگہ کا دورہ کر کے ایک ہفتے میں رپورٹ ارسال کرے گا۔ چیئرمین واپڈا نے کہا کہ چلاس ائیر پورٹ دیامر بھاشا ڈیم کی تعمیر میں اہم کردار ادا کر سکتا ہے۔

    ذرائع کا کہنا ہے کہ چلاس ائیر پورٹ سیاحت کے فروغ میں بھی اہم کردار ادا کر سکتا ہے۔

  • پاکستان فٹ بال فیڈریشن کا ڈیم فنڈ میں 12 لاکھ روپے کا عطیہ

    پاکستان فٹ بال فیڈریشن کا ڈیم فنڈ میں 12 لاکھ روپے کا عطیہ

    اسلام آباد: پاکستان فٹ بال فیڈریشن نے بھی چیف جسٹس میاں ثاقب نثار کے قائم کردہ ڈیم فنڈ میں 12 لاکھ رپے کا عطیہ دے دیا، چیف جسٹس نے یہ فنڈ پاکستان میں ڈیموں کی تعمیر کے لیے قائم کیا ہے۔

    تفصیلات کے مطابق چیف جسٹس کے قائم کردہ ڈیم فنڈ میں ملک بھر کے عوام اور اداروں کی جانب سے عطیات جمع کرنے کا سلسلہ زور و شور سے جاری ہے۔ فٹ بال فیڈریشن نے بھی اپنا حصہ شامل کر دیا۔

    پاکستان فٹ بال فیڈریشن کے وائس پریذیڈنٹ سردار نوید حیدر کی سربراہی میں ایک وفد نے میاں ثاقب نثار سے ملاقات کی، ملاقات میں فیڈریشن کی جانب سے چیف جسٹس کو چیک دیا گیا۔ اس موقع پر فٹ بال ٹیم بھی موجود تھی۔

    یہ بھی پڑھیں:  ڈیم فنڈز : پاک فوج عطیات دینے والوں میں سرِ فہرست

    وفد نے چیف جسٹس کو بتایا کہ فٹ بال ٹیم نے بنگلا دیش میں منعقدہ ساؤتھ ایشیا فٹ بال فیڈریشن کپ 2018 میں انعامی رقم جیتی، فیڈریشن اور کھلاڑیوں نے متفقہ طور پر یہ فیصلہ کیا ہے کہ یہ انعامی رقم سپریم کورٹ کے ڈیم فنڈ میں عطیہ کی جائے۔

    چیف جسٹس آف پاکستان میاں ثاقب نثار نے فٹ بال فیڈریشن کی جانب سے ڈیم فنڈ کے لیے چیک وصول کرتے ہوئے ان کا شکریہ ادا کیا۔

    خیال رہے کہ اب تک سپریم کورٹ کی جانب سے قائم ڈیم فنڈ میں پاک فوج عطیات دینے والوں میں سرِ فہرست ہے، پاک فوج کی جانب سے 58 کروڑ سے زائد رقم جمع کرائی جا چکی ہے۔

  • ڈیم کی تعمیر کے لیے ایک ارب روپے جمع ہوگئے، رکاوٹ برداشت نہیں کریں گے: چیف جسٹس

    ڈیم کی تعمیر کے لیے ایک ارب روپے جمع ہوگئے، رکاوٹ برداشت نہیں کریں گے: چیف جسٹس

    اسلام آباد: چیف جسٹس آف پاکستان جسٹس ثاقب نثار نے کہا ہے کہ ڈیم کے کام میں رکاوٹ برداشت نہیں کی جائے گی، مہند اور دیامر بھاشا ڈیم کے لیے ایک ارب روپے جمع ہوگئے۔

    تفصیلات کے مطابق چیف جسٹس میاں ثاقب نثار کی سربراہ میں ڈیمز عملدرآمد کمیٹی سے متعلق اجلاس ہوا، اس موقع پر چیف جسٹس کا کہنا تھا کہ واپڈا نادہندگان سے ریکوری شروع کرے، ڈیم کی تعمیر میں نگران جج بھی مقرر کیا جائے گا۔

    اجلاس میں چیئرمین واپڈا نے بریفنگ دیتے ہوئے کہا کہ ایشین ڈیولپمنٹ بینک نے ڈیم کے لیے فنڈز دینے سے انکار کر دیا ہے، مہمند اور دیامر بھاشا ڈیم کا پہلا مرحلہ اسی سال شروع ہوجائے گا۔

    ان کا مزید کہنا تھا کہ بھاشا ڈیم سے آٹھ سومیگا واٹ بجلی پیدا ہو گی، جبکہ تمام تر پہلوؤں کا جائزہ لے رہے ہیں، ڈیم کا پہلا مرحلہ اسی سال شروع ہوگا۔

    ڈیموں کی تعمیر کے خلاف سازشیں‌ اور کرپشن کا خاتمہ، چیف جسٹس نے اعلانِ جہاد کردیا

    گذشتہ روز ایک تقریب سے خطاب کرتے ہوئے ثاقب نثار نے کہا تھا کہ آپ سب کو مل کر ڈٰیموں کی تعمیر میں اپنا اپنا حصہ ڈالنا ہے اور پھر پہرہ بھی دینا ہے کہ اس کے خلاف کون سازشیں کررہا ہے، جو بھی سازش کرے ہمیں مل کر اُسے کچلنا ہے۔

    انہوں نے یہ بھی کہا تھا کہ ملک میں چالیس سال سے ڈیم نہیں بنے ہم نے ڈیمز کی تعمیر کا حکم دیا تو گلگت بلتستان میں سازشیں شروع ہوگئیں، ہمیں تمام سازشوں کو مل کر کچلنا اور معاشرے سے کرپشن کے ناسور کو ختم کرنا ہوگا۔

  • ڈیموں کی تعمیر، بحریہ ٹاؤن کراچی کا 5 کروڑ روپے عطیے کا اعلان

    ڈیموں کی تعمیر، بحریہ ٹاؤن کراچی کا 5 کروڑ روپے عطیے کا اعلان

    کراچی: بحریہ ٹاؤن کراچی کے کنٹریکٹرز  نے دیامر بھاشا اور مہمند ڈیم کے فنڈ میں پانچ کروڑ روپے عطیہ کرنے کا اعلان کردیا، سپریم کورٹ کے مطابق اب تک 96 کروڑ روپے عطیات کی مد میں وصول ہوئے۔

    تفصیلات کے مطابق بحریہ ٹاؤن کراچی کے چیف ایگزیکٹو آفیسر احمد علی ریاض نے ڈیموں کے تعمیر کے لیے کھولے جانے فنڈ اکاؤنٹ میں فنڈ جمع کرانے کا اعلان کیا۔

    ترجمان کے مطابق بحریہ ٹاؤن کے ملازمین اس سے قبل 4کروڑ26لاکھ روپے ڈیم فنڈمیں عطیہ کرچکے ہیں۔

    دوسری جانب سپریم کورٹ آف پاکستان کی ویب سائٹ پر 6 جولائی سے 2 اگست تک ڈیموں کی تعمیر کے لیے جمع ہونے والے فنڈ کے اعداد و شمار جاری کیے گئے جن کے مطابق اب تک متخلف اداروں اور پاکستانی شہریوں کی جانب سے (چھپن کروڑ اناسی لاکھ پینتیس ہزار چار سو آٹھ روپے) عطیات جمع کروائے گئے ہیں۔

    اس سے قبل  10 روز میں ساڑھے 3 کروڑ 42 لاکھ سے زائد عطیات جمع  ہوئے تھے بعد ازاں21 جولائی تک تقریباً 27کروڑ 67 لاکھ 49 ہزار چار سو 12 روپے کے فنڈز مختلف بینکوں کے ذریعے وصول ہوئے تھے۔

    مزید پڑھیں: ڈیموں کی تعمیر، پی این ایس سی کی جانب سے 2 کروڑ روپے عطیہ

    یاد رہے کہ اسٹیٹ بینک آف پاکستان عطیات جمع کرانے والے شہریوں کے نام اور رقم تاریخ کے ساتھ اپنی ویب سائٹ پر باقاعدگی کے ساتھ شیئر کررہا ہے۔

    ڈیمز اکاؤنٹ میں جمع کرائے گئے فنڈز کو بالحاظ ڈونر اور بینک ترتیب دیا گیا اور یہ قومی بینک کے ترجمان یہ شہریوں کو یہ بھی ہدایت کی گئی ہے کہ عطیہ کنندہ اپنی رقم اور تفصیل مذکورہ تاریخ پر جاکر دیکھ سکتا ہے۔

    یہ بھی یاد رہے کہ 6 جولائی کو کالا باغ ڈیم کی تعمیر سے متعلق ہونے والی سماعت میں چیف جسٹس آف پاکستان نے پانی کی قلت کو دور کرنے کے لیے فوری طور پر دیامر بھاشا اور مہمند ڈیموں کی تعمیر کے احکامات اور فنڈز قائم کرنے کا حکم بھی جاری کیا تھا۔

    فنانس ڈویژن نے دیامربھاشا ڈیم فنڈز قائم کرنے کے لیے مختلف اداروں کو خط ارسال کیا تھا جس میں آڈیٹر جنرل، کنٹرولرجنرل اکاؤنٹس، اکاؤنٹنٹ جنرل پاکستان اور دیگر اداروں کے حکام سے لوگوں کی رقوم اسٹیٹ بینک اورنیشنل بینک کی برانچزمیں جمع کرانے کے انتظامات اور اس ضمن میں اقدامات کرنے کی ہدایت کی گئی تھی۔

    بعد ازاں چیف جسٹس میاں ثاقب نثار نے سب سے پہلے ڈیموں کی تعمیر کے لئے دس لاکھ روپے کا عطیہ جمع کرایا پھر میئر کراچی اور پیر پگارا نے ہر قسم کے تعاون کی پیشکش کی تھی اور وسیم اختر  نے اپنی اور کے ایم سی افسران کی طرف سے ایک ایک لاکھ روپے فنڈ عطیہ کرنے کا اعلان کیا تھا۔

    یہ بھی پڑھیں: ڈیموں کی تعمیر، فراخ دل پاکستانیوں نے اب تک کتنے کروڑ روپے فنڈ دیا؟‌

    مسلح افواج نے ڈیموں کی تعمیر کے کار خیر میں بڑھ چڑھ کر حصہ لینے کا اعلان کرتے ہوئے کہا تھا کہ تینوں مسلح افواج کے افسران 2دن کی تنخواہ فنڈ میں جمع کرائی جبکہ گزشتہ ہفتے پاکستان نیشنل شپنگ کارپوریشن کے ملازمین نے بھی 2 کروڑ روپے عطیے کی رقم کا چیک چیف جسٹس کو دیا تھا۔

    چیئرمین سینیٹ صادق سنجرانی نے 15 لاکھ جبکہ قومی کرکٹ ٹیم کے سابق کپتان اور اداکار حمزہ علی عباسی سمیت ملک میں بسنے والے دیگر لوگوں نے بھی ڈیمز کی تعمیر میں حصہ ڈالا، شاہد آفریدی نے اپنی اور فاؤنڈیشن کی جانب سے 15 لاکھ روپے دینے کا اعلان کیا بعدازاں پاکستانی نژاد برطانوی باکسر نے بھی 10 لاکھ روپے عطیہ کیے۔

    سیکیورٹی ایکسچینج آف پاکستان نے ڈیمز کی تعمیر کے حوالے سے 14 جولائی کو اہم فیصلہ کرتے ہوئے سرکلر جاری کیا تھا جس میں تمام رجسٹرڈ کمپنیوں کو کمرشل سماجی ذمہ داری کے تحت ڈیموں کی تعمیر میں عطیات دینے کی ہدایت کی گئی تھی۔

    سپریم کورٹ آف پاکستان کے حکم پر بنائے جانے والے دیامربھاشا اورمہمند کی تعمیر کے لیے فنڈقائم کیا جس میں اب اسٹیٹ بینک و دیگر نجی بینکوں ، سرکاری و پرائیوٹ اداروں کے ملازمین اور عوام کی جانب سے عطیات دینے کا سلسلہ زور و شور سے جاری ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ڈیموں کی تعمیر، شاہد آفریدی کا 15 اور حمزہ عباسی کا 3 لاکھ عطیہ دینے کا اعلان

    ڈیموں کی تعمیر، شاہد آفریدی کا 15 اور حمزہ عباسی کا 3 لاکھ عطیہ دینے کا اعلان

    کراچی: قومی کرکٹ ٹیم کے سابق کپتان شاہد خان آفریدی کا کہنا ہے کہ پانی کا مسئلہ حل کرنے کے لیے چیف جسٹس اور پاک فوج کے اقدامات قابل تحسین ہیں، ملک میں ڈیمرز  وقت کی عین ضرورت ہے۔

    سماجی رابطے کی ویب سائٹ پر شاہد آفریدی نے دیامر بھاشا اور مہمند ڈیموں کی تعمیر کے لیے اپنی جیب سے 5 لاکھ روپے عطیہ کرنے کا اعلان کیا جبکہ شاہد آفریدی فاؤنڈیشن کی طرف سے انہوں نے 10 لاکھ روپے عطیہ دینے کا اعلان کیا۔

    سابق کپتان کا کہنا تھا کہ ’سب مل کر آنے والی نسلوں کے لیے اپنا حصہ ڈالیں، عطیے کی رقم وطن واپسی پر جمع کرادوں گا‘۔

    دوسری جانب معروف اداکار حمزہ علی عباسی نے بھی سماجی رابطے کی ویب سائٹ پر بینک میں جمع کرائے گئے عطیے کی رسید شیئر کی جس میں دیکھا جاسکتا ہے کہ انہوں نے 3 لاکھ روپے جمع کرائے۔

    سماجی رابطے کی ویب سائٹ پر انہوں نے لکھا کہ ’میں نے اس مہم میں اپنا حصہ ڈال دیا اب باقی لوگ بھی کردار ادا کریں، ڈیموں کی تعمیر کے مسئلے پر چیف جسٹس پر میں مکمل اعتماد کا اظہار کرتا ہوں‘۔

    اداکار  نے اپنے مداحوں اور دیگر پاکستانیوں سے بھی اپیل کی کہ وہ دیامر بھاشا اور مہمند ڈیم کی تعمیر میں بڑھ چڑ کر حصہ لیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔