ARYNews.tv | Urdu – Har Lamha Bakhabar

Tag: دیپیکا پڈوکون

  • ’دیپیکا پڈوکون میری چوتھی بیوی ہوتی اگر۔۔۔‘ سنجے دت نے کیا کہا؟

    ’دیپیکا پڈوکون میری چوتھی بیوی ہوتی اگر۔۔۔‘ سنجے دت نے کیا کہا؟

    بالی ووڈ کے سپر اسٹار اداکار سنجے دت نے اداکارہ دیپیکا پڈوکون سے چوتھی شادی کرنے کی خواہش ظاہر کی تھی۔

    بالی ووڈ کی معروف اداکارہ دیپیکا پڈوکون کا شمار بالی وڈ کی کامیاب اداکاراؤں میں ہوتا ہے، اداکارہ نے 19 سال کی عمر میں اپنے کیرئیر کا آغاز کیا اور آج اپنی اداکاری کے سبب مداحوں کے دلوں پر راج کرتی ہیں۔

    بھارتی میڈیا کی رپورٹ کے مطابق اداکار سنجے دت نے ایک بار اداکارہ دیپیکا پڈوکون کی خوبصورتی کی تعریف کی تھی اور کہا تھا کہ اگر کھل نائک فلم کو آج کے دور میں فلمایا جاتا تو دیپیکا، مادھوری ڈکشٹ کو بہت پیچھے چھوڑ سکتی تھیں۔

    بھارتی میڈیا کے مطابق ایک پرانے انٹرویو میں اداکار سنجے دت سے پوچھا گیا کہ وہچولی کے پیچھے میں مادھوری ڈکشٹ کی جگہ کس کو کاسٹ کرنا چاہیں گے؟ جس پر سنجے دت نے بے دھڑک کہا کہ دیپیکا پڈوکون، انہوں نے کہا کہ مجھے دیپیکا پڈوکون بہت خوبصورت لگیں۔

    اداکار سنجے دت نے مزید کہا کہ اگر میں تھوڑا چھوٹا ہوتا تو اداکارہ دیپیکا پڈوکون میری چوتھی بیوی ہوتی۔

     

    View this post on Instagram

     

    A post shared by Maanayata Dutt (@maanayata)

    خیال رہے کہ سنجے دت نے پہلی شادی 1996 میں ریچا شرما سے کی تھی جو کہ 1998 میں برین ٹیومر کے باعث انتقال کر گئی تھیں۔

    اداکار نے دوسری شادی 1998 میں ایئر ہوسٹس ریا پلائی سے کی تھی، جن سے 2008 میں ان کی طلاق ہوگئی تھی، ان کی دوسری شادی طلاق پر ختم ہونے کے بعد انہوں نے منایا دت سے تیسری شادی کی، جوڑے کے 2 جڑواں بچے ہیں۔

  • دیپیکا پڈوکون نے بیٹی کے لیے اداکاری چھوڑنے کا فیصلے کر لیا؟

    دیپیکا پڈوکون نے بیٹی کے لیے اداکاری چھوڑنے کا فیصلے کر لیا؟

    ممبئی: بالی ووڈ کی معروف اداکارہ و چند دن قبل ماں بننے والی دیپیکا پڈوکون نے اپنی بیٹی کی خاظر اپنے کیرئیر سے متعلق اہم فیصلہ کرلیا ہے۔

    دپیکا پڈوکون نے کے ہاں حال ہی میں پہلی بیٹی کی پیدائش ہوئی ہے جس کے بعد سے انہیں اپنی قریبی اور رشتےداروں کی جانب سے ماں بننے پر مبارکباد دینے کا سلسلہ جاری ہے، جبکہ گزشتہ روز کچھ دن اسپتال میں رہنے کے بعد اداکارہ اپنی بیٹی کے ہمراہ گھر پہنچ گئیں ہیں۔

    فوٹو اینڈ ویڈیو شیئرنگ پلیٹ فارم پر اداکارہ دیپیکا پڈوکون نے ماں بننے کے بعد اپنا نیا روٹین بھی شیئر کر دیا۔

    انسٹاگرام کے بائیو میں اداکارہ نے اپنا نیا روٹین شیئر کرتے ہوئے لکھا کہ ’فیڈ، بُرپ، سلیپ، رپیڈ‘ یعنی ’دودھ پیلانا، ڈکار دلانا، سُلانا اور دہرانا‘۔

     

    View this post on Instagram

     

    A post shared by Viral Bhayani (@viralbhayani)

    تاہم اب بھارتی میڈیا کا کہنا ہے کہ اداکارہ اپنی ننھی شہزادی کے لیے آیا نہیں رکھیں گی، رپورٹ کے مطابق دیپیکا اپنی بیٹی کی پرورش کے لیے ایشوریہ رائے بچن کے راستے پر چل سکتی ہیں۔

    بھارتی میڈیا کا کہنا ہے کہ اداکارہ دیپیکا ایشوریہ اور انوشکا شرما کی طرح آیا کی خدمات حاصل نہیں کریں گی بلکہ وہ خود اپنا سارا وقت بچی کی دیکھ بھال کے لیے وقف کریں گی۔

    اگرچہ اداکاری چھوڑنے کے بارے میں اداکارہ نے باضابطہ طور پر کچھ نہیں کہا لیکن یہ ممکن ہے کہ دپیکا بیٹی کی پرورش کے لیے اداکاری سے طویل وقفہ لیں گی۔

    دوسری جانب بھارتی میڈیا کا یہ بھی دعویٰ ہے کہ دیپیکا پڈوکون اور رنویر سنگھ بھی اپنی بیٹی کے لیے رنبیر کپور، عالیہ بھٹ اور انوشکا شرما، ویراٹ کوہلی کی نو فوٹو پالیسی پر عمل کر سکتے ہیں۔

    بھارتی میڈیا کا کہنا ہے کہ بالی ووڈ کا معروف جوڑا اپنی بیٹی کو فی الحال میڈیا سے دور رکھیں گے اور مناسب وقت آنے پر اسے سامنے لائیں گے۔

  • دیپیکا پڈوکون اور رنویر سنگھ کے ہاں بیٹی کی پیدائش

    دیپیکا پڈوکون اور رنویر سنگھ کے ہاں بیٹی کی پیدائش

    ممبئی: بالی ووڈ کی اسٹار جوڑی دیپیکا پڈوکون اور رنویر سنگھ کے ہاں بیٹی کی پیدائش ہوئی ہے۔

    بھارتی میڈیا  ‘نیوز 18‘ کے مطابق بالی ووڈ کے معروف اداکار رنویر سنگھ اور دیپیکا پڈوکون کے ہاں ننھی پری کی پیدائش ہوئی ہے، اداکارہ کی بیٹی کی پیدائش ممبئی کے اے ایچ این ریلائنس اسپتال میں ہوئی ہے۔

     

    View this post on Instagram

     

    A post shared by Manav Manglani (@manav.manglani)

    رپورٹ میں بتایا گیا کہ دیپیکا پڈوکون گزشتہ روز اپنے شوہر اور والدہ کے ہمراہ ممبئی کے اسپتال آئی تھیں جہاں اداکارہ کو داخل کرلیا گیا تھا، تاہم اب بھارتی میڈیا نے اسپتال ذرائع سے تصدیق کرتے ہوئے اعلان کیا ہے کہ اسٹار جوڑی کے ہاں بیٹی کی پیدائش ہوئی ہے۔

    دوسری جانب ابھی تک دیپیکا پڈوکون اور رنویر سنگھ نے بیٹی کی پیدائش سے متعلق سوشل میڈیا پر کوئی پوسٹ جاری نہیں کی ہے۔

    واضح رہے کہ رنویر سنگھ اور دیپیکا پڈوکون نے سال 2018 میں اٹلی میں ایک پُروقار تقریب کے دوران شادی کی تھی جبکہ رواں سال فروری میں جوڑی نے اعلان کیا تھا کہ اُن کے ہاں ستمبر میں پہلے بچے کی پیدائش متوقع ہے۔

  • عالیہ بھٹ نے دیپیکا پڈوکون سے اہم اعزاز چھین لیا

    عالیہ بھٹ نے دیپیکا پڈوکون سے اہم اعزاز چھین لیا

    بھارتی اداکارہ عالیہ بھٹ نے ’ڈمپل کوئین‘ دیپیکا پڈوکون کو برانڈ ویلیو کی دوڑ میں شکست دیتے ہوئے ان سے اہم اعزاز چھین لیا۔

    میڈیا رپورٹ کے مطابق دیپیکا پڈوکون ممکنہ طور پر بالی وڈ میں اس وقت سب سے زیادہ معاوضہ وصول کرنے والی اداکارہ ہیں لیکن فائنینشل اینڈ رسک ایڈورسری فرم ’کرول‘ کی نئی رپورٹ میں انکشاف کیا گیا ہے کہ عالیہ بھٹ کی برانڈ ویلیو دیپیکا پڈکون سے زیادہ ہے۔

     

    View this post on Instagram

     

    A post shared by Alia Bhatt (@aliaabhatt)

    فائنینشل اینڈ رسک ایڈورسری فرم ’کرول‘ کی نئی رپورٹ کے مطابق بھارت کے سب سے زیادہ مہنگے سیلیبریٹیز کی رینکنگز میں تبدیلی دیکھی گئی ہے، عالیہ بھٹ نے دیپیکا پڈوکون کو پیچھے چھوڑتے ہوئے فہرست میں 5واں نمبر حاصل کرلیا ہے۔

    سیلیبریٹی برانڈ ویلیوایشن رپورٹ 2023 کے مطابق عالیہ بھٹ کی برانڈ ویلیو 101 عشاریہ ایک ملین ڈالر ہے جبکہ دیپیکا پڈوکون اس فہرست میں چھٹے نمبر پر اب دیپیکا پڈوکون ہیں کی برانڈ ویلیو 96 ملین ڈالر ہے۔

    واضح رہے کہ عالیہ بھٹ اور دیپیکا پڈوکون کو اداکاری کی دنیا کے ساتھ کاروباری دنیا میں بھی کامیاب دیکھا گیا، عالیہ بھٹ کا کپڑوں کے برانڈ کا بزنس ہے جبکہ دیپیکا پڈوکون کاسمیٹکس کا کاروبار کرتی ہیں۔

  • دیپیکا پڈوکون نے رنویر کو سب سے زیادہ ہینڈسم مرد قرار دیدیا

    دیپیکا پڈوکون نے رنویر کو سب سے زیادہ ہینڈسم مرد قرار دیدیا

    بالی ووڈ کی معروف اداکارہ دیپیکا پڈوکون نے اپنے شوہر و اداکار رنویر سنگھ کو سب سے زیادہ ہینڈسم مرد قرار دیدیا۔

    بالی ووڈ کی معروف اداکارہ دیپیکا پڈوکون نے فوٹو اینڈ شیئرنگ ایپ انسٹاگرام اسٹوری پر اپنے شوہر رنویر سنگھ کے لیے ایک خوبصورت تعریفی پوسٹ کی۔

    اداکارہ کا کہنا ہے کہ وہ ہر پانچ سیکنڈ بعد اپنے شوہر کو دیکھتی ہیں جو کہ بہت ہی پیارے ہیں، انکے مطابق انہوں نے اب تک جتنے مرد دیکھے ان میں رنویر سب سے زیادہ ہینڈسم ہیں۔

    انھوں نے اپنی اسٹوری میں رنویر کو ٹیگ کرنے کے علاوہ اس میں پنک ہارٹ ایموجی بھی شامل کیا ہے۔

    یاد رہے کہ اداکارہ دیپیکا پڈوکون اور اداکار رنویر سنگھ نے 29 فروری 2024 کو مداحوں کو اپنے ہاں جَلد ننھے مہمان کی آمد سے متعلق خوشخبری سنائی تھی۔

    اس پوسٹ میں دیپیکا اور رنویر نے انکشاف کیا تھا کہ اُن کے ہاں ستمبر 2024ء میں پہلے بچے کی پیدائش متوقع ہے۔

  • رنویر سنگھ نے شادی کی تصاویر ڈیلیٹ کرنے کے بعد طلاق کی افواہوں پر خاموشی توڑ دی

    رنویر سنگھ نے شادی کی تصاویر ڈیلیٹ کرنے کے بعد طلاق کی افواہوں پر خاموشی توڑ دی

    بالی ووڈ اداکار رنویر سنگھ نے اپنی شادی کی تصاویر ڈیلیٹ کرنے کے چند دنوں بعد طلاق کی افواہوں پر خاموشی توڑ دی۔

    بالی ووڈ کی آئیڈیل جوڑی رنویر سنگھ اور دیپیکا پڈوکون کی ازدواجی زندگی سے متعلق آئے دن کوئی نہ کوئی خبر سوشل میڈیا پر زیر گردش کرتی ہیں تاہم اب رنویر سنگھ کی ایک حرکت نے ان تمام تر افواہوں کو مسترد کردیا۔

    دپیکا پڈوکون نے رنویر سنگھ سے علیحدگی کی خبروں پر خاموشی توڑ دی

    رنویر سنگھ نے ممبئی میں ایک تقریب میں شرکت کی جہاں انہوں نے اپنی شادی اور منگنی کی انگوٹھیاں دکھائیں، یہی نہیں، رنویر سنگھ نے کہا کہ یہ انگوٹھیاں ان کے پسندیدہ ترین پیس میں سے ایک ہیں۔

     

    View this post on Instagram

     

    A post shared by VOGUE India (@vogueindia)

    ووگ انڈیا کے ساتھ گفتگو کے دوران رنویر سنگھ نے کہا ’جو انگوٹھی مجھے بہت پیاری ہے ان میں سے ایک میری شادی کی انگوٹھی ہے، جو مجھے میری بیوی نے دی ہے، دوسری ایک پلاٹینم کی منگنی کی انگوٹھی ہے۔

    اسی کے ساتھ ڈیپیکا پدوکون اور رنویر سنگھ کے تعلق کے حوالے سے شدت پکڑتی ہوئی افواہ کسی حد تک بے معنی ثابت ہوتی معلوم ہوئی۔

    یاد رہے حال ہی میں ایک خبر وائرل ہوئی جس میں یہ دعویٰ سامنے کیا گیا کہ اداکار رنویر سنگھ نے اپنے انسٹاگرام اکاؤنٹ سے دیپیکا کے ساتھ شادی کی تمام تصاویر ڈیلیٹ کردی ہیں اور اندیشہ ہے کہ یہ جوڑا علیحدگی اختیار کرلے گا۔

  • دیپیکا پڈوکون نے اپنا غصہ فوٹوگرافر پر نکال دیا: ویڈیو دیکھیں

    دیپیکا پڈوکون نے اپنا غصہ فوٹوگرافر پر نکال دیا: ویڈیو دیکھیں

    بالی ووڈ اداکارہ دیپیکا پڈوکون نے موڈ خراب ہونے کا غصہ فوٹوگرافرز پر نکال دیا جس کی ویڈیو سوشل میڈیا پر وائرل ہوگئی۔

    بھارتی میڈیا کے مطابق اداکارہ دیپیکا پڈوکون اور رنویر سنگھ کو ایک ساتھ ممبئی میں دیکھا گیا، اس دوران جب دونوں اپنی گاڑی کی طرف جارہے تھے تو پاپارازی نے ان کی تصاویر لینے کی کوشش کی۔

    اس دوران دیپیکا پڈوکون تھوڑی خفا دکھائی دیں اور انہوں نے ایک فوٹوگرافر کے کیمرے کو ہاتھ سے مارنے کی کوشش کی۔

     

    View this post on Instagram

     

    A post shared by Manav Manglani (@manav.manglani)

    واضح رہے کہ دیپیکا پڈوکون ہمیشہ ہی فوٹوگرافرز کے ساتھ اچھا رویہ اپناتی ہیں اور تصاویر کے لیے ان کا کہا بھی مانتی ہیں لیکن اس مرتبہ ان کا موڈ خراب تھا اسی لیے انہوں نے وہ غصہ فوٹو گرافر پر نکال دیا۔

    یاد رہے کہ اداکارہ دیپیکا پڈوکون اور اداکار رنویر سنگھ نے 29 فروری 2024ء کو مداحوں کو اپنے ہاں جَلد ننھے مہمان کی آمد سے متعلق خوش خبری سنائی تھی۔

    اس پوسٹ میں دیپیکا اور رنویر نے انکشاف کیا تھا کہ اُن کے ہاں ستمبر 2024ء میں پہلے بچے کی پیدائش متوقع ہے۔

  • ’لیڈی سنگھم‘ دیپیکا کی پولیس وردی میں اجے دیوگن کے مشہور پوز میں تصویر وائرل

    ’لیڈی سنگھم‘ دیپیکا کی پولیس وردی میں اجے دیوگن کے مشہور پوز میں تصویر وائرل

    بالی ووڈ کی صفِ اوّل کی اداکارہ و سپر ماڈل دیپیکا پڈوکون کی پولیس وردی میں اجے دیوگن کے مشہور پوز میں تصویر وائرل ہوگئی۔

    بالی ووڈ کے ہدایت کار روہت شیٹی نے فوٹو اینڈ شیئرنگ ایپ انسٹاگرام پر اداکارہ دیپیکا پڈوکون کی پولیس وردی میں ایک تصویر شیئر کی ہے، جس میں اداکارہ کو اجے دیوگن کے مشہور پوز دیکھا جاسکتا ہے۔

    ہدایت کار روہت شیٹی نے تصویر شیئر کرتے ہوئے لکھا کہ ’’ میری ہیرو، ریل میں بھی اور حقیقت میں بھی، لیڈی سنگھم‘‘۔

     

    View this post on Instagram

     

    A post shared by Rohit Shetty (@itsrohitshetty)

    واضح رہے کہ دیپیکا پڈوکون ہدایت کار روہت شیٹی کی سنگھم 3 میں شکتی شیٹی کا کردار ادا کریں گی، اس فلم کا نام ’سنگھم اگین ‘ ہے، روہت نے ماں بننے والی دیپیکا کو ’لیڈی سنگھم‘ کے طور پر پیش کیا۔

    فلم ’سنگھم اگین‘ کی مرکزی کاسٹ میں دیپیکا پڈوکون کے علاوہ اجے دیوگن، رنویر سنگھ، اکشے کمار اور کرینہ کپور شامل ہیں۔

    یاد رہے کہ اداکارہ دیپیکا پڈوکون اور اداکار رنویر سنگھ نے 29 فروری 2024ء کو مداحوں کو اپنے ہاں جَلد ننھے مہمان کی آمد سے متعلق خوش خبری سنائی تھی۔

    اس پوسٹ میں دیپیکا اور رنویر نے انکشاف کیا تھا کہ اُن کے ہاں ستمبر 2024ء میں پہلے بچے کی پیدائش متوقع ہے۔

  • دیپیکا اور رنویر سنگھ نے مداحوں کو خوشخبری سنادی

    دیپیکا اور رنویر سنگھ نے مداحوں کو خوشخبری سنادی

    بالی ووڈ فلم انڈسٹری کی معروف جوڑی دیپیکا پڈوکون اور رنویر سنگھ کے ہاں رواں برس پہلے بچے کی آمد متوقع ہے جس کی تصدیق جوڑے نے کی ہے۔

    بالی ووڈ کے معروف اداکارہ دیپیکا پڈوکون اور رنویر سنگھ کے ہاں جلد ہی پہلے بچے کی پیدائش متوقع ہے، جوڑے نے فوٹو اینڈ ویڈیو شیئرنگ ایپ انسٹاگرام پر اپنے مداحوں کو یہ خوشخبری دی ہے۔

     جوڑے نے انسٹاگرام پر ایک مشترکہ پوسٹ میں بتایا کہ دونوں کے ہاں رواں سال ستمبر میں بچے کی آمد متوقع ہے۔

    بالی ووڈ کی معروف جوڑے نے ایک کارڈ شیئر کی، جس میں نیلا اور گلابی رنگوں سے بنے غبارے، بیبی شوز دیکھا جاسکتا ہے، پوسٹ میں بچے کی صنف تو شیئر نہیں کی گئی لیکن دونوں رنگ اس پوسٹ میں موجود ہیں۔

     

    View this post on Instagram

     

    A post shared by Ranveer Singh (@ranveersingh)

    اداکارہ دیپیکا اور رنویر کی اس پوسٹ پر بالی ووڈ نگری کے اسٹارز نے خوشی کا اظہار کیا ہے اور ساتھ ہی مبارکباد بھی پیش کررہے ہیں۔

    واضح رہے کہ اس جوڑے کے ہاں پہلے بچے کی آمد سے متعلق خبریں کئی دنوں سے زیرِ گردش تھیں جس کی اب خود دیپیکا اور رنویر نے تصدیق کر دی ہے۔

    معروف اداکارہ دیپیکا پڈوکون اور رنویر سنگھ کی شادی نومبر 2018ء میں اٹلی میں ایک نجی تقریب کے دوران ہوئی تھی۔

  • ہریتھک روشن، دیپیکا پڈوکون کی ایکشن فلم ’فائٹر‘ کا ٹیزر جاری

    ہریتھک روشن، دیپیکا پڈوکون کی ایکشن فلم ’فائٹر‘ کا ٹیزر جاری

    ممبئی: بالی وڈ سپر اسٹار ہریتھک روشن اور دیپیکا کی نئی آنے والی ایکشن فلم ’فائٹر‘ کا ٹیزر جاری کردیا گیا۔

    ٹیزر ہائی آکٹین ایریل ایکشن سیکوئنس سے بھرا ہوا ہے، جس میں اسکواڈرن لیڈر شمشیر پٹھانیا (ہریتھک روشن)، اسکواڈرن لیڈر مینل راٹھور (دیپیکا پڈوکون) اور گروپ کیپٹن راکیش جئے سنگھ (انیل کپور) کی کہانیاں دکھائیں گئی ہے، جو ملک کے لیے اپنا سب کچھ دینے کو تیار ہیں۔

    یش راج پروڈکشن کے تحت ایکشن فلم کو بلاک بسٹر ’پٹھان‘ کے ڈائریکٹر سدھارتھ آنند بنارہے ہیں اور اسے بھارت کے 75 یوم جمہوریہ پر ریلیز کیا جائے گا۔

    فائٹر کے ساتھ ہریتھک روشن اور دیپیکا پڈوکون پہلی مرتبہ اسکرین شیئر کررہے ہیں جب کہ وہ دونوں سدھارتھ آنند کے پروجیکٹ میں الگ الگ کام کرچکے ہیں۔

    واضح رہے کہ ’فائٹر‘ بنانے کا اعلان جنوری 2021 میں کیا گیا تھا ور اسے ستمبر 2022 کو ریلیز ہونا تھا لیکن کرونا وبا کے باعث اس میں تاخیر ہوگئی اور اب 25 جنوری 2024 میں اسے سینما گھروں کی زینت بنایا جائے گا۔