ARYNews.tv | Urdu – Har Lamha Bakhabar

Tag: دی سمپسنز

  • مشہور زمانہ ’’دی سمپسنز‘‘ کارٹون کے خالق اسٹیو پیپون انتقال کر گئے

    مشہور زمانہ ’’دی سمپسنز‘‘ کارٹون کے خالق اسٹیو پیپون انتقال کر گئے

    دنیا بھر میں مقبول امریکی ٹی وی کی تاریخ کی مقبول ترین کارٹون سیریز دی سمپسنز کے خالق اسٹیو پیپون انتقال کر گئے ہیں۔

    غیر ملکی میڈیا کے مطابق گزشتہ 36 سال سے امریکی ٹیلی ویژن پر چھائی ہوئی دنیا کی مقبول ترین کارٹون سیریز ’’دی سمپسنز کے خالق اسٹیو پیپون انتقال کر گئے۔ انکی عمر 68 برس تھی۔

    اسٹیو پیپون کے انتقال کی خبر کی تصدیق ان کی اہلیہ میری اسٹیفنسن نے کی اور بتایا کہ وہ کافی عرصہ سے دل کے عارضے میں مبتلا تھے۔

    ایمی ایوارڈ یافتہ کارٹون تخلیق کار مصنف نے دی سمپسنز کے ذریعہ 1989 میں اپنے فنی کیریئر کا آغاز کیا تھا۔ تاہم جلد ہی یہ سیریز مقبول عام ہوگئی اور امریکی ٹی وی تاریخ کی طویل اور مقبول ترین سیریز بن گئی۔

    دی سمسپنز کی خاص بات یہ رہی کہ اس میں ماضی میں پیش کیے گئے کئی واقعات مستقبل میں حقیقت کا روپ دھار گئے۔ ان میں ڈونلڈ ٹرمپ کا صدر امریکا منتخب ہونا، کاملا ہیرس کی ناکامی، عالمی وبا، حالیہ لاس اینجلس آگ سمیت کئی واقعات شامل ہیں۔

    پیپون کو دی سمپسنز نے عالمی شہرت دلائی۔ تاہم وہ روزین اور دی وائلڈ تھورن بیریز شوز کے بھی لکھاری رہے ہیں۔

    https://urdu.arynews.tv/simpsons-cartoon-predicts-assassination-donald-trump/

  • کارٹون ’دی سمپسنز‘ میں ایلون مسک سے متعلق بڑی پیشگوئی

    کارٹون ’دی سمپسنز‘ میں ایلون مسک سے متعلق بڑی پیشگوئی

    واشنگٹن: دنیا بھر میں مقبول اور سب سے زیادہ پسندیدہ اینی میٹڈ شو دی سمپسنز  میں متعدد اہم حالات و واقعات کی پیش گوئیاں کی گئی ہیں۔

    اس اینی میٹڈ ٹی وی شو میں ٹرمپ کے برسر اقتدار  آنے اور نائن الیون سمیت دنیا میں رونما ہونے والے متعدد اہم واقعات کی پیش گوئی کی گئی ہے،  یہ کارٹون سیریز 1989 میں شروع کی گئی تھی جو کہ تقریباً 30 برسوں سے جاری ہے اور اس کے 35 سیزن نشر ہوچکے ہیں۔

    حال ہی میں اس کارٹون کی اتوار کو نشر ہونے والی قسط میں ایلون مسک کی کمپنیوں ایکس اور اسپیس ایکس کے حوالے بڑی پیش گوئی کی گئی ہے۔

    کارٹون سیریز کے 35ویں سیزن کی چوتھی قسط مسٹر برنز کے گرد گھومتی ہے جو اپنی محبوبہ کے لیے ٹوئٹر خرید لیتے ہیں، وہ اپنی محبوبہ کو بتاتے ہیں کہ کمپنی کے پچھلے مالک کو یہ پلیٹ فارم اپنے خود کار مارس راکٹ بین الاقوامی خلائی اسٹیشن سے ٹکرانے کی صورت میں پیچنا پڑا جو انہوں نے خرید لیا۔

    دی سمپسنز کی 2006 کی قسط کے مصنف کا ٹائٹن آبدوز کے حوالے سے دل دہلا دینے والا انکشاف

    سمپسنز کی جانب سے پیش گوئی کے بعد سوشل میڈیا پر صارفین نے چہ مگویاں شروع کرتے ہوئے کارٹون اور ایلون مسک کے ذاتی منصوبوں میں مماثلت ڈھونڈنا شروع کردی ہے۔

    ایک ایکس صارف نے لکھا کہ سمپسنز نے پیش گوئی کردی کہ بین الاقوامی خلائی اسٹیشن ایلون مسک کے ایک راکٹ سے تباہ ہوجائے گا۔

    اس کے حوالے سے کچھ لوگ امید کر رہے ہیں کہ ایلون مسک کے خرچے پر کیا جانے والا مذاق خود کو حقیقت میں ظاہر کر سکتا ہے۔

    واضح رہے کہ اس سے قبل فاکس ٹیلی ویژن سے نشر ہونے والے اس کارٹون کی ایک قسط میں ایلون مسک کے ٹوئٹر خریدنے کے متعلق  پیش گوئی کی گئی تھی بعد ازاں مسک نے 2022 میں 44 ارب ڈالرز کے عوض خرید لیا تھا۔

  • دی سمپسنز کی 2006 کی قسط کے مصنف کا ٹائٹن آبدوز کے حوالے سے دل دہلا دینے والا انکشاف

    دی سمپسنز کی 2006 کی قسط کے مصنف کا ٹائٹن آبدوز کے حوالے سے دل دہلا دینے والا انکشاف

    دنیا کی مشہور کارٹون سیریز دی سمپسنز کی 2006 کی قسط کے مصنف مائیک رِیز نے ٹائٹن آبدوز کے حوالے سے دل دہلا دینے والا انکشاف کیا ہے کہ وہ خود بھی ٹائٹینک دیکھنے کے لیے اس آبدوز پر تین بار سفر کر چکے ہیں۔

    دی سمپسنز کی 2006 کی اُس ایپی سوڈ، جس میں آبدوز حادثے کی پیش گوئی کی تھی، کے مصنف نے امریکی میڈیا کو بتایا کہ انھوں نے اپنی بیوی کے ساتھ تین بار ٹائٹن پر سفر کیا، نائیک ریز نے انکشاف کیا کہ پانی کے اندر سفر کے دوران آبدوز کو مواصلاتی مسائل کا سامنا کرنا پڑا تھا۔

    سیزن 17 کی دسویں قسط ’ہومرز پریٹرنیٹی کُوٹ‘ میں مرکزی کردار ہومر سمپسن اور اس کے والد میسن فیئربینکس آبدوز پر پانی کے اندر سفر کرنے نکلے ہیں، واقعے کے دوران وہ خزانے سے بھرے ہوئے بحری جہاز کا ملبہ دریافت کرتے ہیں، بعد ازاں ہومر کی آبدوز ایک مرجان کی چٹان میں پھنس جاتی ہے، آبدوز میں آکسیجن کم ہو جاتا ہے، تاہم اس واقعے کا اختتام خوش گوار ہوتا ہے کیوں کہ وہ بچ جاتے ہیں۔

    سوشل میڈیا پر صارفین اس قسط کی تصاویر اور ویڈیو کلپس ٹویٹ کر رہے ہیں، بہت سے لوگ ہومر اور اس کے والد فیئربینکس اور پاکستانی کاروباری شخصیت شہزادہ داؤد اور ان کے 19 سالہ بیٹے سلیمان کے درمیان مماثلت دکھا رہے ہیں، جو اوشین گیٹ آبدوز پر سوار تھے لیکن انھیں نہ بچایا جا سکا۔

    دوسری طرف دی سمپسنز کی اس قسط کے حوالے سے رائٹر مائیک ریز نے بتایا کہ 2006 کی یہ قسط دراصل امریکی ایکشن تھرلر فلم کرمسن ٹائیڈ سے متاثر تھی، جس میں امریکی ایٹمی آبدوز کا واقعہ دکھایا گیا ہے۔

    کیا سمپسنز نے 2006 میں ٹائٹن آبدوز واقعے کی پیش گوئی کی تھی؟