Tag: ذاکر نائیک

معروف مذہبی اسکالر ڈاکٹر ذاکر نائیک ایک بار پھر پاکستان پہنچ گئے، کراچی میں آج گورنر سندھ کے افطار ڈنر کے مہمان خصوصی بنے۔

اے آر وائی نیوز کے مطابق گورنر ہائوس میں ساتویں افطار ڈنر کا اہتمام کیا گیا، شہری، فیملیز سمیت اسکول اور جامعات کے طلبا شریک ہوئے، ساتویں افطار/ ڈنر میں شہرہ آفاق اسکالر ڈاکٹر ذاکر نائیک نےخصوصی شرکت کی۔

ڈاکٹر ذاکر نائیک نے شرکا سے خطاب میں کہا کہ رمضان المبارک میں زیادہ سے زیادہ عبادت کریں، رمضان المبارک میں ایک روپیہ کا 700 گنا ثواب ہوتا ہے۔

اے آر وائی نیوز سے خصوصی گفتگو کرتے ہوئے ڈاکٹر زاکر نائیک نے کہا کہ مجھے پاکستان سے بہت محبت ہے، چار ماہ بعد ہی دوبارہ پاکستان آیا ہوں، میرا جو استقبال ہوا اسکا تصور بھی نہیں کیا تھا۔

انھوں نے بتایا کہ کئی سال پہلے مجھے میری والدہ نے آخری عیدی دو ہزار انڈین روپے دی تھی، میں اس بار عید مکہ حرم شریف میں منائوں گا، میں رمضان کا آخری عشرہ ہر سال مکہ میں گزارتا ہوں۔

کراچی: عالمی شہرت یافتہ اسلامک اسکالر ڈاکٹر ذاکر نائیک نے قومی ایئر لائن (پی آئی اے) کے اسٹیشن منیجر سے متعلق اپنے بیان پر وضاحت کر دی۔

ذاکر نائیک نے ایک تقریب میں کہا کہ مجھے گورنر صاحب (گورنر سندھ کامران ٹیسوری) نے کہا کہ پی آئی اے کا واقعہ بھول جائیں، میں نے سوچا کہ کیا میں نے اس بارے میں کہا تھا؟ گورنر صاحب نے مجھے پھر سے واقعہ یاد دلایا۔

اسلامک اسکالر نے کہا کہ مجھے علم تھا کہ سوشل میڈیا پر اس متعلق کافی تناؤ تھا، مجھے احساس ہوا کہ کیا میں نے جو کہا وہ درست تھا یا نہیں تھا؟ لیکن بات تو اپنی جگہ پر حق کی تھی، جس طرح انگریز نے نفرت پیدا کی ہندوستان اور پاکستانی بھائیوں میں تناؤ نہیں چاہتا۔

انہوں نے کہا کہ میں امن پھیلاتا ہوں، میری بات سے پاکستانی بھائیوں کو تکلیف ہوئی ہے تو معذرت چاہتا ہوں، ایک داعی کا مشن یہی ہونا چاہیے کہ یکسانیت پر بات کرے لیکن اکثر لوگ اپنے فائدے کی بات نکال لیتے ہیں، میں چاہتا ہوں سب کو اللہ کی طرف لے کر آؤں۔

ان کا مزید کہنا تھا کہ ایک دن بارڈر اور دراڑیں ختم ہوں گی کیونکہ اسلام میں کوئی ملوکیت نہیں، ہمارا اصل مقصد جنت کا پاسپورٹ کا حصول ہے دنیاوی پاسپورٹ نہیں۔

قبل ازیں، چانسلر جامعہ کراچی کامران ٹیسوری کی جانب سے ذاکر نائیک کو فلاسفی میں ڈاکٹریٹ کی ڈگری دی گئی۔

اس موقع پر گورنر سندھ کا کہنا تھا کہ سوشل میڈیا پر پتا چلا ذاکر نائیک نے پی آئی اے اسٹیشن منیجر سے متعلق کچھ کہا، میں ان سے کہوں گا کہ آپ کی شخصیت بڑی ہے درگزر کریں دل میں نہ رکھیں، وہ جس مقصد کیلیے نکلے ہیں وہ بڑا ہے اور اس کا اجر اللہ دے گا۔

کامران ٹیسوری نے کہا کہ میں پاکستانی ہونے کے ساتھ ساتھ مہاجر ہوں، میرے اجداد اسلام کے نام پر بنے پاکستان کی خاطر سب کچھ چھوڑ کر آئے، ذاکر نائیک نے کہا کہ نریندر مودی برا ہے لیکن بھارتی عوام اچھے اور پیار کرنے والے ہیں، لیکن جنہوں نے تیسری مرتبہ مودی کو وزیر اعظم بنوایا تو وہ کیسے اچھے ہو سکتے ہیں؟

انہوں نے کہا کہ مودی اور بھارت کے انتہا پسند ہندو ایک ہی ہیں، ہاں بھارت میں کچھ لوگ اچھے بھی ہیں وہاں رہنے والے مسلمان اچھے ہیں، پاکستانیوں کا دل دیکھیں جنھوں نے ذاکر نائیک کا دل کھول کر استقبال کیا اور عزت دی، سکیورٹی مسائل نہ ہوتے تو بھارت کے 10 لاکھ مجمع کے مقابلے میں 50 لاکھ کر کے دکھاتے۔

عالمی شہرت یافتہ اسلامک اسکالر ڈاکٹر ذاکر نائیک نے کہا ہے کہ پاکستان میں رہ کرجنت میں جانے کے امکانات امریکا میں رہنے سے کئی گناہ زیادہ ہیں۔

تفصیلات کے مطابق گورنر ہاؤس میں معروف اسکالر ڈاکٹر ذاکر نائیک نے تقریب سے خطاب میں کہا کہ انہوں نے آخری بار سنہ دو ہزار بارہ میں اردو میں تقریر کی تھی جس کے بعد اب پاکستان میں دو ہزار چوبیس مین اردو بولنے کا موقع ملا۔

انہوں نے کہا کہ مجھے خوشی ہورہی ہے میں پاکستان میں موجود ہوں اور میری تمنا تھی میں پاکستان میں تقریر کروں۔

ڈاکٹر ذاکر نائیک نے لیکچر میں کہا کہ ہماری زندگی کا مقصد کیا ہے آج کا موضوع ہے، ہم نے کبھی سوچا ہم دنیا میں کیا کررہے ہیں، کبھی بھی سوچا ہماری زندگی کا مقصد کیا ہے۔

’’دنیا میں کچھ لوگوں کے پاس زندگی جینے کا گول ہی نہیں ہے اور کچھ کے پاس گول ہے تو مقصد نہیں، ہماری زندگی کا مقصد کیا ہے اس کا جواب اللہ تعالیٰ دے سکتا ہے‘‘

ڈاکٹر ذاکر نائیک نے کہا کہ اللہ نے جن اور انسان کو پیدا کیا تاکہ وہ اللہ تعالیٰ کی عبادت کرے، اللہ کے احکامات پر عمل کرنا اللہ کی عبادت کرنا ہے، انسان کو کس طرح زندگی جینا ہے وہ قرآن مجید میں لکھا ہے۔

انکا کہنا تھاکہ لوگ مجھ سے پاکستان کے حالات کی شکایت کرتے ہیں، پاکستان امریکا سے کہیں زیادہ بہتر ہے، مسلم ملک چھوڑ کر غیر مسلم ملک میں بسنے کی کبھی حمایت نہیں کرتا، پاکستان میں رہ کر جنت میں جانے کے امکانات امریکا میں رہنے سے کئی گناہ زیادہ ہیں۔

یاد رہے کہ ڈاکٹر ذاکر نائیک حکومت پاکستان کی دعوت پر پاکستان آئے ہیں وہ کراچی، لاہور اور اسلام آباد میں مختلف تقاریب سے خطاب کریں گے اور اہم ملکی شخصیات سے ملاقاتیں بھی کریں گے۔

ان دنوں ڈاکٹر ذاکر نائیک 10 دن کے دورے پر کراچی میں موجود ہیں، ڈاکٹر ذاکر کی 7 سے 10 اکتوبر تک نجی ملاقاتیں طے ہیں اور 11 اکتوبر کی صبح وہ کراچی سے لاہور روانہ ہوجائیں گے۔

کراچی: 5 اکتوبر 2024 کو باغ جناح پولو گراؤنڈ میں ممتاز اسلامک اسکالر ڈاکٹر ذاکر نائیک کے عوامی اجتماع کے پیشِ نظر ٹریفک پولیس نے خصوصی پلان جاری کردیا۔

ڈاکٹر ذاکر نائیک کے عوامی اجتماع کے شرکا کیلیے 2 مقامات پر پارکنگ کا انتظام کیا ہے۔ تقریب کا انعقاد شام 7 بجے بارہ دری نذد باغ جناح المعروف پولو گراؤنڈ میں ہوگا۔

ٹریفک پولیس کے ترجمان نے بتایا کہ وائی ایم سی اے گراؤنڈ اور ڈی جے کالج کے گراؤنڈ میں پارکنگ کا انتظام کیا گیا ہے، شرکا پارکنگ گراؤنڈ میں گاڑی کھڑی کر کے پیدل پولو گراؤنڈ پہنچیں گے۔

تقریب کے دوران ایوان صدر روڈ اور فوارہ چوک سے کھجور چوک تک بند رہے گی لہٰذا عوام متبادل راستے کا انتخاب کریں تاکہ اپنی منزل پر باآسانی پہنچ سکیں۔

ترجمان نے بتایا کہ آئی آئی چندریگر روڈ اور شاہین چوک سے ٹریفک کو ضیا الدین روڈ اور کھجور چوک سے پی آئی ڈی سی موڑا جائے گا، ٹریفک کو پی آئی ڈی سی سے بائیں جانب کلب روڈ اور میٹروپول سے کلفٹن یا شارع فیصل موڑا جائے گا۔

پولیس کے مطابق شاہین سگنل سے ٹریفک کو ایم آر کیانی چوک سے زینب مارکیٹ موڑ دیا جائے گا جبکہ زینب مارکیٹ سے ٹریفک کو ایٹریم مال، فوارہ چوک آواری سگنل سے شارع فیصل اور تین تلوار موڑا جائے گا۔

سندھ کلب چوک میٹروپول سے فوارہ چوک تک دونوں اطراف نو پارکنگ زون ہوگا۔

اسلام آباد: وزیر اعظم سے ممتاز اسکالر ڈاکٹر ذاکر نائیک نے ملاقات کی۔ اس موقع پر شہباز شریف نے ان کی پاکستان آمد کا خیر مقدم کیا۔

ذاکر نائیک سے ملاقات کے دوران وزیر اعظم شہباز شریف نے کہا کہ آپ کو پاکستان آمد پر خوش آمدید کہتے ہیں، میں ہمیشہ آپ کی ویڈیوز شوق سے دیکھتا اور سنتا رہتا ہوں، دنیا کے سامنے آپ اسلام کا مثبت چہرہ اُجاگر کر رہے ہیں۔

شہباز شریف نے کہا کہ دنیا بھر کے مسلمانوں کے دلوں میں آپ کیلیے احترام ہے۔

اس موقع پر ذاکر نائیک نے کہا کہ میری وزیر اعظم شہباز شریف سے ملاقات کے دوران اسلام کے مختلف پہلوؤں پر تفصیلی گفتگو ہوئی جبکہ حضور ﷺ کی سیرت مبارکہ کے حوالے سے بھی بات چیت ہوئی۔

ذاکر نائیک نے کہا کہ پاکستان دین اسلام کی بنیاد پر قائم ہوا، پاکستان واحد ملک ہے جو اسلام کے نام پر معرض وجود میں آیا، قرآن و سنت پر عمل پیرا ہونے میں ہی دنیا اور آخرت کی کامیابی ہے۔

ممتاز اسکالر نے کہا کہ پاکستان آ کر برسوں کا خواب پورا ہوا، پاکستان کا یہ میرا پہلا باقاعدہ دورہ ہے، یہاں کے عوام کا اسلام کے حوالے سے جذبہ بہت گہرا ہے۔

انہوں نے کہا کہ پاکستان میں قیام کے دوران مختلف شہروں کے دورے کروں گا، پاکستان کے دورے کے دوران علمائے کرام سے ملاقات ہوگی۔

ملاقات کے بعد ممتاز اسکالر نجی ایئرلائن کی پرواز کے ذریعے کراچی پہنچ گئے جہاں ایئرپورٹ پر سول ایوی ایشن (سی اے اے) کے حکام اور جامعہ بنوریہ کے نائب مہتمم مولانا فرحان نعیم نے ان کا استقبال کیا۔