اسلام آباد : ملک بھر میں ذخیرہ اندوزوں کے خلاف کارروائی میں 5ہزار 112 میٹرک ٹن کھاد، 2 ہزار 366 میٹرک ٹن آٹا اور 6 ہزار 994 میٹرک ٹن چینی برآمد کرلی۔
تفصیلات کے مطابق ذخیرہ اندوزوں کے خلاف کاروائی کے نتائج منظر عام پر آگئے ، حکومتی ایماپریکم ستمبرسےذخیرہ اندوزوں کے خلاف کارروائیاں جاری ہے۔
یکم ستمبر سےپندرہ اکتوبر تک کےاعداد و شمار کےمطابق ملک بھر سےپانچ ہزارمیٹرک ٹن کھاد، دوہزار تین سو سڑسٹھ میٹرک ٹن آٹا اورچھ ہزار نوسو چورانوے میٹرک ٹن چینی برآمد کی گئی ۔
نگران حکومت اور عسکری قیادت ملک میں معاشی استحکام لانے تک ایسی کاروائیاں جاری رکھے گی۔
یاد رہے نگران وفاقی وزیر داخلہ سرفراز بگٹی نے واضح الفاظ میں کہا تھا کہ اب ملک میں اب اسمگلنگ اور ذخیرہ اندوزی نہیں ہوگی، چینی کی اسمگلنگ روکنے کے بعد اب ذخیرہ اندوزی شروع ہوگئی ہے، جس کیخلاف آپریشن کیا جائے گا، حکومت نے ان برائیوں کے خلاف انتہاتک جانے کا فیصلہ کرلیا ہے۔
ان کاکہنا تھا کہ اسمگلنگ اور ذخیرہ اندوزوں کیخلاف آپریشن کی ہفتہ وار تفصیلات جاری ہوں گی، آپریشن پر چیک اینڈ بیلنس رکھا جائے گا۔
