Tag: ذخیرہ اندوزی

کراچی : ڈریپ نے کراچی میڈیسن مارکیٹ میں چھاپہ مار کر ڈھائی لاکھ پیناڈول کی گولیاں برآمد کرلیں۔

تفصیلات کے مطابق ترجمان وزارت صحت کی جانب سے بیان میں کہا گیا ہے کہ پینا ڈول کی ذخیرہ اندوزی کیخلاف ڈریپ نے کارروائی کی۔

ترجمان کا کہنا تھا کہ ڈریپ نے کچی گلی میڈیسن مارکیٹ کراچی میں چھاپہ مارا اور کارروائی کےدوران ڈھائی لاکھ پیناڈول گولیاں پکڑی گئیں۔

وزارت صحت نے کہا ہے کہ ذخیرہ اندوزی سے مارکیٹ میں پیناڈول کی مصنوعی قلت پیدا کی گئی، فارمیسی سے ادویات کا مشکوک اسٹاک بھی برآمد ہوا۔

ڈریپ نے کچی گلی فارمیسی سے اسٹاک قبضے میں لے لیا اور برآمد ادویات کے نمونے ٹیسٹ کیلئے بھجوا دیئے ہیں۔

خیال رہے ڈریپ کا جعلی، غیر قانونی ادویات کا دھندہ کرنے والوں کے خلاف ملک گیر کریک ڈاون جاری ہے۔

ڈریپ نے اسلام آباد،لاہور اور پشاور میں مختلف مقامات پرچھاپے مارے اور کارروائی میں ساڑھے 3کروڑ مالیت کی غیر رجسٹرڈ ادویات برآمد کرلیں۔

ڈریپ نے اسلام آباد، پشاور اور لاہور میں غیر رجسٹرڈ ادویات بیچنے والے 25 اسٹورز،فارمیسز سیل کردیے۔

اسلام آباد: وزیراعظم عمران خان نے کہا ہے کہ ذخیرہ اندوزی سے متعلق زیرو ٹالرنس پالیسی کو یقینی بنایا جائے۔

تفصیلات کے مطابق وزیراعظم ک زیرصدارت گندم آٹے کی قیمتوں میں کمی سے متعلق اجلاس ہوا جس میں مشیرخزانہ نے آٹے کی قیمتوں میں کمی لانے سے متعلق فیصلوں سے آگاہ کیا۔

اس موقع پر وزیراعظم عمران خان کا کہنا تھا کہ حکومت کی ترجیح گندم کی وافر دستیابی کو یقینی بنانا ہے،حکومت کی ترجیح گندم اور آٹے کی قیمتوں کو قابو میں رکھنا ہے۔

انہوں نے کہا کہ اولین ترجیح غریب طبقے کا تحفظ ہے تاکہ ان پر اضافی بوجھ نہ پڑے،قیمتوں میں کمی سے متعلق فیصلوں پر جلد عملدرآمد کیا جائے۔

عمران خان کا کہنا تھا کہ ضروریات کے مدنظر طویل المدتی حکمت عملی تشکیل دیں،ایسی حکمت عملی بنائیں کہ مستقبل میں کسی دقت کا سامنا نہ ہو۔

وزیراعظم نے چیف سیکرٹریز کو گندم کی اسمگلنگ روکنے کی ہدایت کرتے ہوئے کہا کہ ذخیرہ اندوزی سے متعلق زیرو ٹالرنس پالیسی کو یقینی بنایا جائے۔

یاد رہے کہ رواں ماہ 7 جون کو وزیراعظم عمران خان کی زیر صدارت ملک میں گندم کی ضروریات پورا کرنے اور آٹے کی قیمتوں پر کنٹرول کو یقینی بنانے کے حوالے سے اعلیٰ سطح اجلاس میں گندم کی درآمد پر سے پابندی اور اس پر عائد ڈیوٹی ختم کرنے کی منظوری دی گئی تھی۔

شیخوپورہ: صوبہ پنجاب میں ذخیرہ اندوزوں کے خلاف بڑی کارروائی کی گئی جس کے نتیجے میں 22 ہزار سے زائد گندم کی بوریاں برآمد ہوئیں۔

تفصیلات کے مطابق ذخیرہ اندوزی کے خلاف یہ اہم کارروائی پنجاب کے شہر شیخوپورہ کے علاقے خانقاہ ڈوگراں میں کی گئی، اس دوران 22 ہزار سے زائد گندم کی بوریاں برآمد ہوئیں۔

ضلعی انتظامیہ کا کہنا ہے کہ گودام مالکان کے خلاف کاروائی کی جارہی ہے۔

صوبہ پنجاب میں ذخیرہ اندوروں کے خلاف کارروائیوں کا سلسلہ جاری ہے، حالیہ دنوں 610 مقامات پر ایکشن لیا گیا جہاں سے 44 ہزارٹن گندم برآمد ہوئی اور 498گاڑیاں بھی ضبط کی گئیں۔

پنجاب میں ذخیرہ اندوزوں کے خلاف کارروائیاں تیز کردی گئیں

گندم، چاول یا دیگر اجناس ذخیرہ کرنے والوں کے خلاف ملک بھر میں کارروائیاں کی جارہی ہیں۔

خیال رہے کہ وزیراعظم کی ہدایت پر ذخیرہ اندوزی کے خلاف کارروائیاں تیز کردی گئی ہیں۔ گزشتہ ماہ معاون خصوصی فردوس عاشق اعوان کا کہنا تھا کہ آرڈیننس کے ذریعے ذخیرہ اندوزی سے نفع کمانے والوں کو سزا دی جائے گی، ذخیرہ اندوزی پر 3 سال قید ار ضبط شدہ مال کی مالیت کا 50 فی صد جرمانہ ادا کرنا ہوگا۔

مظفر گڑھ: پنجاب میں ذخیرہ اندوزوں کے خلاف بڑی کارروائی کی گئی جس کے نتیجے میں 25 ہزار سے زائد گندم کی بوریاں برآمد ہوئیں۔

تفصیلات کے مطابق اسسٹنٹ کشمنر کوٹ ادو کی جانب سے یہ اہم کارروائی پنجاب کے شہر مظفر گڑھ کے علاقے چوک سرور شہید میں کی گئی، اس دوران 25 ہزار سے زائد گندم کی بوریاں برآمد ہوئیں۔

اسسٹنٹ کمشنر کا کہنا ہے کہ گندم کی بوریوں کو سرکاری گوداموں میں منتقل کردیا گیا ہے، جبکہ ذخیرہ اندوزوں کے خلاف مقدمات بھی درج ہوں گے جس کے تحت سزا بھی دی جائے گی۔

خیال رہے کہ صوبہ پنجاب میں ذخیرہ اندوروں کے خلاف کارروائیوں کا سلسلہ جاری ہے، حالیہ دنوں 610 مقامات پر ایکشن لیا گیا جہاں سے 44 ہزارٹن گندم برآمد ہوئی اور 498گاڑیاں بھی ضبط کی گئیں۔

پنجاب میں ذخیرہ اندوزوں کے خلاف کارروائیاں تیز کردی گئیں

گندم، چاول یا دیگر اجناس ذخیرہ کرنے والوں کے خلاف ملک بھر میں کارروائیاں کی جارہی ہیں۔

واضح رہے کہ وزیراعظم کی ہدایت پر ذخیرہ اندوزی کے خلاف کارروائیاں تیز کردی گئی ہیں۔ گزشتہ ماہ معاون خصوصی فردوس عاشق اعوان کا کہنا تھا کہ آرڈیننس کے ذریعے ذخیرہ اندوزی سے نفع کمانے والوں کو سزا دی جائے گی، ذخیرہ اندوزی پر 3 سال قید ار ضبط شدہ مال کی مالیت کا 50 فی صد جرمانہ ادا کرنا ہوگا۔