Tag: ذخیرہ اندوزی

اسلام آباد: وفاقی وزیر قومی غذائی تحفظ وتحقیق خسرو بختیار کا کہنا ہے کہ حکومت گندم کی ذخیرہ اندوزی کو روکنے کے لیے اقدامات کر رہی ہے۔

تفصیلات کے مطابق وفاقی دارالحکومت اسلام آباد میں وفاقی وزیر قومی غذائی تحفظ وتحقیق خسرو بختیار کی زیرصدارت گندم کی جائزہ کمیٹی کا اجلاس ہوا۔

اجلاس میں گندم کی سپورٹ پرائس 1365روپے فی 40کلو کی سفارش کا فیصلہ کیا گیا۔ جائزہ کمیٹی نے ملک میں گندم کے ذخیرہ پر اطمینان کا اظہار کرتے ہوئے کہا کہ اس وقت ملک میں 2،235 ملین ٹن کا ذخیرہ موجود ہے۔

اجلاس میں بتایا گیا کہ سندھ 15 مارچ سے گندم کی خریداری کا عمل شروع کرےگا، پنجاب میں گندم کی اپریل میں خریداری شروع ہونے کا امکان ہے۔ اجلاس میں پنجاب سے ملحقہ اضلاع سے کے پی کو گندم خریداری کی اجازت دینے کی سفارش کی گئی۔

کمیٹی کا کہنا تھا کہ صوبے اور پاسکو 8.25 ملین ٹن گندم کی خریداری بروقت کریں، پولٹری سیکٹر کو فیڈ کے لیے گندم کی فراہمی پر پابندی عائد کرنے کی سفارش کی گئی۔ اجلاس میں محکمہ موسمیات نے بتایا کہ مارچ کے آخر میں خراب موسم سےگندم کی فصل کو نقصان پہنچ سکتا ہے۔

اس موقع پر خسرو بختیار کا کہنا تھا کہ موسم کی صورت حال سے متعلق آگاہی مہم چلائی جائے، موسم کے حوالے سے کاشت کار بروقت حفاظتی اقدامات کرسکیں۔

وفاقی وزیر کا مزید کہنا تھا کہ حکومت گندم کی ذخیرہ اندوزی کو روکنے کے لیے اقدامات کر رہی ہے ، معیاری گندم کے تھیلے کا استعمال ٹرانسپورٹ میں گندم بچانے میں مددگار ہوگا۔

میلسی: ذخیرہ اندوزوں کے خلاف کارروائیوں کا سلسلہ جاری ہے، پنجاب میں چینی ذخیرہ کرنے والے گودام کو سیل کردیا گیا۔

اے آر وائی نیوز کے مطابق پنجاب کے شہر میلسی میں کالونی چوک پر اسسٹنٹ کمشنر نے ذخیرہ اندوزوں کے خلاف کارروائی کی، اس دوران چینی کی ایک ہزار بوریاں اور 5ہزار گھی کے ڈبے ضبط کرلیے گئے۔

اسسٹنٹ کمشنر نے گوادم سیل کردیا جبکہ مالک کی تلاش جاری ہے۔

ادھر ذخیرہ اندوزوں کو بےنقاب کرنے کے لیے اے آر وائی نیوز کا بھی مشن جاری ہے، گزشتہ روز بلوچستان کے شہر حب سے ذخیرہ کردہ چینی نے 15 ہزار بوریاں برآمد کی گئی تھیں۔

ذخیرہ اندوز بے نقاب، چینی کی 15 ہزار بوریاں برآمد

اینکر اقرار الحسن اور ٹیم سرعام نے اسسٹنٹ کمشنرروحانہ کاکڑ کے ہمراہ بڑا ایکشن لیا تھا اور حب میں ویئرہاؤس اے ایس ایل میں ذخیرہ چینی کی 15ہزار بوریاں برآمد کی تھیں۔

خیال رہے کہ وزیراعظم عمران خان کی ہدایت پر ذخیرہ اندوزوں اور ملاوٹ کرنے والوں کیخلاف آپریشن تیز کردیا گیا ہے، ذخیرہ اندوز اور ملاوٹ کرنے والے خلاف کریک ڈاؤن جاری ہے۔

حب: ذخیرہ اندوزوں کو بےنقاب کرنے کے لیے اے آر وائی نیوز کا مشن جاری ہے، بلوچستان کے شہر حب سے ذخیرہ کردہ چینی نے 15 ہزار بوریاں برآمد کرلی گئیں۔

اے آر وائی نیوز کے مطابق اینکر اقرار الحسن اور ٹیم سرعام نے اسسٹنٹ کمشنرروحانہ کاکڑ کے ہمراہ بڑا ایکشن لیا اور حب میں ویئرہاؤس اے ایس ایل میں ذخیرہ چینی کی 15ہزار بوریاں برآمد کرلیں۔

اے سی حب روحانہ کاکڑ کے حکم پر چینی کی بوریاں ضبط کرکے گودام سیل کردیا گیا۔ ذخیرہ کی گئی چینی کراچی بلدیہ میں مہنگے داموں فروخت کی جارہی تھی۔ اے ایس ایل ویئرہاؤس کے مالک کا نام شہریار باوانی بتایا جارہا ہے۔

پولیس نے بھی کارروائی کرکے سیکڑوں بوریاں قبضے میں لی تھیں۔

پنجاب فوڈ اتھارٹی کی ذخیرہ اندوزوں اور ملاوٹ کرنے والوں کیخلاف کارروائی متعدد گرفتار

خیال رہے کہ وزیراعظم عمران خان کی ہدایت پر ذخیرہ اندوزوں اور ملاوٹ کرنے والوں کیخلاف آپریشن تیز کردیا گیا ہے، ذخیرہ اندوز اور ملاوٹ کرنے والے خلاف کریک ڈاؤن جاری ہے۔

وزیراعظم عمران خان کی خصوصی ہدایت پر تابڑ توڑ کارروائیاں جاری ہیں، پنجاب فوڈ اتھارٹی نے لاہور میں کارروائی کرکے جعلی مشروبات بنانے والی فیکٹری سیل کردی، بوتلوں میں خطرناک، مضرصحت کیمیکل کا استعمال کیا جارہا تھا۔

اسلام آباد: وزیراعظم عمران خان کا کہنا ہے کہ گندم بنیادی ضرورت ہے کسی قسم کی قلت کا سامنا نہیں ہونا چاہیے، ذخیرہ اندوزی اور منافع خوری کی روک تھام پر توجہ دی جائے۔

تفصیلات کے مطابق وزیراعظم عمران خان کی زیرصدارت اجلاس ہوا جس میں گندم کی صورت حال، ضروریات، موجودہ اسٹاک سے متعلق تبادلہ خیال کیا گیا۔ اجلاس میں مستقبل کی ضروریات کو پورا کرنے کے لیے لائحہ عمل پر بھی گفتگو کی گئی۔

اجلاس میں گندم اور آٹے کے حالیہ حالات اور وجوہات پر وزیراعظم کو بریفنگ دی گئی۔ وزیراعظم کو بتایا گیا کہ اقتصادی رابطہ کمیٹی گندم کی درآمد کی اجازت دے چکی ہے، گندم کی درآمد پرکوئی ٹیکس نہیں ہوگا۔

اس موقع پر وزیراعظم عمران خان کا کہنا تھا کہ گندم بنیادی ضرورت ہے کسی قسم کی قلت کا سامنا نہیں ہونا چاہیے، ملکی ضروریات کے مطابق گندم کے لیے ہرممکنہ اقدام اٹھایا جائے۔

وزیراعظم پاکستان نے کہا کہ ملک میں گندم یا آٹے کی کمی کی شکایت نہ ہو، یقینی بنائیں، ذخیرہ اندوزی اور منافع خوری کی روک تھام پر توجہ دی جائے۔

وزیراعظم کو آٹا بحران سے متعلق رپورٹ بھجوا دی گئی

یاد رہے کہ گزشتہ ہفتے وزیراعظم عمران خان کو آٹا بحران سے متعلق رپورٹ بھجوائی گئی تھی جس میں بتایا گیا تھا کہ آٹا بحران باقاعدہ ایک منصوبہ بندی کے تحت پیدا کیا گیا۔

رپورٹ میں آٹا بحران کے ذمہ دار بیوروکریٹس، سیاسی شخصیات کی نشاندہی کی گئی تھی،رپورٹ میں بتایا گیا تھا کہ محکمہ خوراک پر سیاسی دباؤ اور انتظامی نااہلی سے آٹا بحران پیدا ہوا، 1550 فی من فروخت ہونے والی گندم 1950 تک منصوبہ بندی سے پہنچایا گیا۔

اسلام آباد: معاون خصوصی برائے اطلاعات فردوس عاشق اعوان نے کہا ہے کہ وزیر اعظم نے ذخیرہ اندوزوں سے آہنی ہاتھوں سے نمٹنے کی ہدایت کی ہے، اشیائے ضروریہ کی قیمتوں میں استحکام دینا حکومت کی ذمہ داری ہے۔

تفصیلات کے مطابق وفاقی کابینہ اجلاس کے بعد فردوس عاشق اعوان نے نیوز بریفنگ میں کہا کہ وزیر اعظم عمران خان نے اشیائے ضروریہ کی قیمتوں کے لیے پلاننگ منسٹر کو ہدایت کر دی ہے، اس سلسلے میں جمعے کو اجلاس بھی طلب کر لیا ہے۔

انھوں نے کہا وزیر اعظم نے اجلاس میں ناجائز منافع خوروں اور ذخیرہ اندوزوں کے خلاف کارروائی کی ہدایت کر دی ہے، نیب کو کہا ہے بزنس کمیونٹی اور بیورکریٹس سے متعلق ترجیحات طے کریں، نہیں چاہتے کہ کوئی کرپشن میں ملوث ہو تو اسے فائدہ ملے۔

فردوس عاشق کا کہنا تھا کابینہ نے اقتصادی رابطہ کمیٹی اور کابینہ کمیٹی برائے قانون سازی کے فیصلوں کی توثیق کی، جان بچانے والی ادویات کی قیمتوں پر نظر رکھنے کی ہدایت کی گئی، رئیل اسٹیٹ ریگولیٹری اتھارٹی کے قیام کی بھی منظوری دی گئی۔

انھوں نے کہا سی ڈی اے کا ماسٹر پلان نہ بننے سے غیر منظم آبادیاں ہوئیں، کابینہ نے سی ڈی اے کی ری اسٹرکچرنگ کی منظوری دی، سیکٹر جی 6 میں پائلٹ پروجیکٹ کے طور پر کام کی بھی منظوری دی گئی، کابینہ نے لنگر خانوں کے قیام کی پالیسی کی بھی منظوری دے دی، لنگر خانے پبلک پرائیویٹ پارٹنر شپ کے تحت چلائے جائیں گے۔

معاون خصوصی کا کہنا تھا کہ وزیر اعظم نے کابینہ کو چین اور ایران کے دوروں پر اعتماد میں لیا، پاک چین تعلقات بہت تیزی سے آگے بڑھ رہے ہیں، کابینہ نے چین کے ساتھ تعلقات پر اطمینان کا اظہار کیا، اجلاس میں ایران اور سعودی عرب میں تعلقات میں بہتری کی کوششوں سے بھی آگاہ کیا گیا۔

دریں اثنا، اپوزیشن پر تنقید کرتے ہوئے فردوس عاشق اعوان نے کہا کہ بات چیت سے ہی غلط فہمیاں دور ہوتی ہیں لیکن مال بچاؤ پارٹیوں نے اپنا مال بچانے کا ٹھیکا مولانا کو دے دیا ہے، ہماری نظروں میں ملک کا مفاد سب سے پہلے ہے، مولانا کا اسمبلی سے باہر ہونا ثبوت ہے عوام نے انھیں مسترد کر دیا ہے۔

انھوں نے مزید کہا کہ نواز شریف اور شہباز شریف میں خط و کتابت چل رہی ہے، پہلے بھائیوں اس کے بعد ن لیگ میں تو اتفاق ہو جائے، پارٹی رہنماؤں سے موبائل تک جمع کر لیے جاتے ہیں، مسلم لیگ ن اپنے ہی رہنماؤں پر اعتبار نہیں کر رہی۔