Tag: ذوالحج کا چاند

  • عید الاضحیٰ کب ہوگی؟ مرکزی رویت ہلال کمیٹی کا اجلاس آج ہوگا

    عید الاضحیٰ کب ہوگی؟ مرکزی رویت ہلال کمیٹی کا اجلاس آج ہوگا

    اسلام آباد : ذوالحج کا چاند دیکھنے کیلئے مرکزی رویت ہلال کمیٹی کا اجلاس آج ہوگا، آج چاند نظر آنے کے امکانات نہ ہونے کے برابر ہے۔

    تفصیلات کے مطابق ذوالحج کے چاند دیکھنے کے لئے رویت ہلال کمیٹی کا اجلاس آج طلب کیا گیا ہے۔

    مرکزی رویت ہلال کمیٹی کا اجلاس اسلام آباد میں ہوگا، جس کی صدارت چئیرمین عبدالخبیر آزاد کریں کریں گے، زونل کمیٹیوں کے اجلاس اپنے اپنے مقامات پر بیک وقت منعقد ہوں گے۔

    سپارکو کی جانب سے کہا گیا ہے کہ آج چاند نظر آنے کے امکانات نہ ہونے کے برابر ہیں کیونکہ 27 مئی کو غروب آفتاب کے وقت چاند کی عمر 11 گھنٹے ہوگی۔

    سپارکو کا کہنا ہے کہ یکم ذوالحج 29 مئی کو متوقع ہے، اس حساب سے ملک بھر میں عیدالاضحیٰ 7 جون کو ہونے کا امکان ہے۔

    مزید پڑھیں : سعودی عرب میں ذوالحج کے چاند سے متعلق ماہر فلکیات کی اہم پیش گوئی

    خیال رہے سعودی عرب میں بھی ذوالحج کا چاند دیکھنے کے لیے اجلاس آج منعقد کیا جائے گا، تاہم سعودی ماہر فلکیات کا کہنا ہے کہ آج چاند نظر آنے کا امکان ہے۔

    متحدہ عرب امارات کے فلکیاتی مرکز نے بھی اپنے بیان میں کہا ہے کہ آج ذوالحج کا چاند آج نظر آنے کا امکان ہے۔ متحدہ عرب امارات میں عیدالاضحیٰ 6 جون کو ہو سکتی ہے۔

    رپورٹس کے مطابق ابوظبی میں چاند دوربین کے ذریعے دیکھا جاسکے گا، عمان، فلسطین کے شہر القدس اور قاہرہ میں چاند آنکھ سے دیکھنا ممکن ہوگا۔

  • سعودی عرب میں ذوالحج کے چاند سے متعلق ماہر فلکیات کی اہم پیش گوئی

    سعودی عرب میں ذوالحج کے چاند سے متعلق ماہر فلکیات کی اہم پیش گوئی

    سعودی عرب میں ذوالحج کا چاند دیکھنے کے لیے اجلاس منعقد کیا جائے گا، تاہم سعودی ماہر فلکیات کا کہنا ہے کہ آج چاند نظر آنے کا امکان ہے۔

    عرب میڈیا کے مطابق متحدہ عرب امارات کے فلکیاتی مرکز نے بھی اپنے بیان میں کہا ہے کہ آج ذوالحج کا چاند آج نظر آنے کا امکان ہے۔ متحدہ عرب امارات میں عیدالاضحیٰ 6 جون کو ہو سکتی ہے۔

    رپورٹس کے مطابق ابوظبی میں چاند دوربین کے ذریعے دیکھا جاسکے گا، عمان، فلسطین کے شہر القدس اور قاہرہ میں چاند آنکھ سے دیکھنا ممکن ہوگا۔

    واضح رہے کہ گزشتہ روز سعودی عرب کی سپریم کورٹ نے عیدالاضحیٰ سے متعلق حکم جاری کرتے ہوئے شہریوں سے کہا تھا کہ وہ 27 مئی کو ذوالحج کا چاند دیکھنے کی کوشش کریں۔

    عرب خبر رساں ادارے کی رپورٹ کے مطابق سعودی سپریم کورٹ کا شہریوں کو کہنا تھا کہ وہ منگل 29 ذوالقعد کو چاند دیکھیں۔

    رپورٹس کے مطابق اگر 27 مئی کو چاند نظر آیا تو ذوالحج کا آغاز 28 مئی سے ہوجائے گا اور اس صورت میں عیدالاضحیٰ جمعہ 6 جون کو ہوگی۔

    اگر منگل کو چاند نظر نہیں آیا تو یکم ذوالحج جمعرات کو ہوگا اورعیدالاضحیٰ کا پہلا دن ہفتہ 7 جون کو ہوگا۔

    سعودی عرب: 9 لاکھ 61 ہزار عازمین حج مقدس سرزمین پہنچ گئے

    سعودی سپریم کورٹ نے درخواست کی ہے کہ اگر کسی کو براہ راست یا دوربین سے چاند نظر آئے تو قریبی عدالت سے رجوع کریں اور اپنی گواہی دے دیں یا قریبی مرکز سے رابطہ کریں تاکہ وہاں سے عدالت پہنچنے کے لیے مدد فراہم کی جائے گی۔

  • پاکستان میں عید الاضحیٰ کب ہوگی؟ اعلان آج ہوگا

    پاکستان میں عید الاضحیٰ کب ہوگی؟ اعلان آج ہوگا

    کراچی : ذوالحج کا چاند دیکھنے کے لیے مرکزی رویت ہلال کمیٹی کا اجلاس آج ہوگا، چاند نظر آنے کی صورت میں عید الاضحیٰ 9 جولائی 2022 بروز ہفتہ ہوگی۔

    تفصیلات کے مطابق ذوالحج کا چاند دیکھنے کیلئے مرکزی رویت ہلال کمیٹی کا اجلاس آج کراچی میں ہوگا ، مولانا سید محمد عبدالخبیر اجلاس کی صدارت کریں گے۔

    اجلاس میں مرکزی رویت ہلال کمیٹی اور زونل رویت ہلال کمیٹی کراچی کے ممبران، وزارت مذہبی امور، محکمہ سپارکو،محکمہ موسمیات، اور وزارت سائنس وٹیکنالوجی کے نمائندے بھی شریک ہوں گے۔

    زونل کمیٹیوں کے اجلاس ان کے متعلقہ ہیڈ کوارٹرز اسلام آباد،لاہور،کوئٹہ،پشاور میں منعقد کئے جائیں گے ،مولانا سید محمد عبدالخبیر موصول ہونے والی شہادتوں کو مد نظر رکھتے ہوئے چاند کے حوالے سے اعلان کریں گے۔

    چاند نظر آنے کی صورت میں عید الاضحیٰ 9 جولائی 2022 بروز ہفتہ ہوگی۔

    دوسری جانب ماہرین فلکیات نے عیدالاضحیٰ 10 جولائی کو ہونے کی پیش گوئی کرتے ہوئے کہا ہے کہ 29 جونکو ذوالحج کا چاند نظر آنے کے امکانات کم ہیں۔

    خیال رہے سعودی عرب اور متحدہ عرب امارات میں عیدالاضحیٰ 9 جولائی بروز ہفتہ ہونے کا امکان ہے، ہجری قمری کیلنڈر میں اسلامی مہینے کے آغاز کا تعین چاند کی شرعی رویت سے ہوتا ہے تاہم فلکیاتی حسابات کی بنیاد پر ممکنہ تاریخوں کی پیش گوئی کی جا سکتی ہے۔

    چنانچہ 30 جون بروز جمعرات ذی الحجہ کا پہلا دن ہوگا، 9 جولائی بروز ہفتہ عید الاضحیٰ کا پہلا دن ہونے کا امکان ہے۔

    اس لحاظ سے جمعہ 8 جولائی کو اسلامی کلینڈر کا سب سے اہم اور مقدس دن یومِ عرفہ منایا جائے گا۔ یہ حج ایام کے اہم ترین تین دنوں میں سے دوسرا دن ہوگا اور اس کے اگلے روز عیدالاضحیٰ منائی جائے گی۔

  • کل ذوالحج کا چاند نظر آنے کے قوی امکانات

    کل ذوالحج کا چاند نظر آنے کے قوی امکانات

    کراچی : محکمہ موسمیات نے کل ذوالحج کا چاند نظر آنے کی پیشگوئی کردی ، جس کے بعد عیدالضحیٰ 12اگست کوہوگی، غروب آفتاب کے بعد چاند 53 منٹ تک افق پر دیکھا جاسکےگا۔

    تفصیلات کے مطابق محکمہ موسمیات نے ذوالحج کے چاندکی پیشگوئی کرتے ہوئے کہا کل ذوالحج کا چاند نظر آنے کے قوی امکانات ہیں ، چاند نظر آنے کی صورت میں عیدالضحیٰ12اگست کوہوگی۔

    محکمہ موسمیات کا کہنا ہے کہ چاند آج 8:12 پر پیدا ہونا شروع ہوجائےگا،7 : 17منٹ پر سورج طلوع ہو جائےگا، غروب آفتاب کے بعد چاند 53 منٹ تک افق پر دیکھا جاسکےگا، چاند کی عمر35 گھنٹے 29 منٹ ہوگی۔

    محکمہ موسمیات کے مطابق کل ملک کے بیشتر حصوں میں مطلع جزوی طور پر ابر الود رہنے کا امکان ہے۔

    دوسری جانب چیئرمین مفتی منیب الرحمان نے  ذوالحج کا چاند دیکھنے کے لیے مرکزی رویت ہلال کمیٹی کا اجلاس کل طلب کرلیا ہے ، اجلاس بعد نماز عصر میٹ کمپلیکس کراچی میں منعقد ہوگا، جس میں چاند نظر آنے یا نہ آنے کا اعلان کیا جائے گا۔

    حکومت پاکستان کی جانب سے  عید الضحیٰ پر سرکاری تعطیلات کااعلان کردیا ہے ، جس کے مطابق چھٹیاں 12 سے 15 اگست تک ہوں گی۔

    خیال  رہے کہ ذوالحج اسلامی سال کا آخری مہینہ ہے جس میں استطاعت رکھنے والے فرزندان اسلام فریضہ حج ادا کرتے جبکہ سنتِ ابراہیمی کو زندہ رکھتے ہوئے حکم خداوندی کے مطابق اپنے جانور بھی قربان کرتے ہیں۔

  • ذوالحج کا چاند نظر آگیا، عیدالاضحیٰ22اگست بروز بدھ کو ہوگی، مفتی منیب الرحمان

    ذوالحج کا چاند نظر آگیا، عیدالاضحیٰ22اگست بروز بدھ کو ہوگی، مفتی منیب الرحمان

    کراچی : ملک بھر میں ذوالحجہ کا چاند نظر آگیا، عیدالاضحیٰ22اگست بروز بدھ کو ہوگی۔

    تفصیلات کے مطابق ذوالحج کا چاند دیکھنے کیلئے مرکزی رویت ہلال کمیٹی کا اجلاس مفتی منیب الرحمان کی سربراہی میں کراچی میں منعقد ہوا۔

    اجلاس کے اختتام پر چیئرمین مفتی منیب الرحمٰن نے اعلان کیا کہ تمام شواہد کے حاصل ہونے کے بعد تصدیق کی جاتی ہے کہ ذوالحج کا چاند نظر آگیا ہے، لہٰذا یکم ذوالحج مورخہ 13اگست2018کو جبکہ عیدالاضحیٰ22اگست بروز بدھ کو ہوگی۔گزشتہ روز محکمہ موسمیات کا بھی یہی کہنا تھا کہ چاند نظر آنے کے امکانات زیادہ ہیں۔

    یاد رہے کہ اسلامی مہینوں میں 29 یا 30 دن ہوتے ہیں، تیس دن مکمل ہونے کے بعد نیا اسلامی مہینہ شروع ہوجاتا ہے، اس طرح ذی القعد کے29روز پورے ہونے کے بعد آج ذوالحجہ کا چاند نظر آگیا اور اب عید قرباں 22اگست کو ہوگی۔