ARYNews.tv | Urdu – Har Lamha Bakhabar

Tag: ذوالفقارمرزا

  • کارکن بلاول کی جھلک دیکھنےکیلئےجان قربان کرسکتےہیں،ذوالفقارمرزا

    کارکن بلاول کی جھلک دیکھنےکیلئےجان قربان کرسکتےہیں،ذوالفقارمرزا

    بدین : سندھ کے سابق وزیرداخلہ ڈاکٹرذوالفقارمرزا نے کہا ہے کہ پی پی کارکنان بلاول بھٹو کی ایک جھلک دیکھنے کیلئے جان قربان کرسکتے ہیں،انہوں نے کہا کہ  فوجی آپریشن ضرب عضب کے بعد طالبان کےحملوں میں کمی آئی ہے۔ تفصیلات کے مطابق سیاسی منظر نامے سے غائب ہوجانے والے ڈاکٹرذوالفقار مرزا ایک بار پھر منظر عام پر آگئے۔

    ذوالفقار مرزا کراچی میں پیپلزپارٹی کے جلسے میں شرکت کیلئے بدین سے ساڑھے تین ہزار گاڑیوں کےقافلےکی قیادت کر کے کراچی آرہے ہیں۔ ڈاکٹر ذوالفقار مرزا نے بدین میں اے آروائی سے خصوصی بات کرتے ہوئے کہا کہ کارکنوں کا جوش دیدنی ہے۔

    ڈاکٹر ذوالفقار مرزا کا کہنا تھا کہ ملک بھر کے تمام اجتماعات میں دہشت گردی کا خطرہ ہوتا ہے لیکن فوجی آپریشن کے بعد اب حملوں میں کمی آئی ہے۔

    سندھ کےسابق صوبائی وزیرداخلہ ڈاکٹر ذوالفقارمرزا اورایم کیوایم کے درمیان کشیدگی کے بعد اُس وقت کے صدر آصف زرداری نے معاملے کو سلجھایا اور ڈاکٹر ذوالفقار مرزا سیاسی منظر سے اوجھل ہوگئے تھے۔

  • لندن والے پاکستان توڑنا چاہتے ہیں، ذوالفقارمرزا

    لندن والے پاکستان توڑنا چاہتے ہیں، ذوالفقارمرزا

    بدین: پیپلزپارٹی کے رہنماء ڈاکٹرذوالفقارمرزا کہتے ہیں کہ’’مرسوں مرسوں سندھ نہ ڈٰیسوں‘‘ہرسندھی کانعرہ ہے، یہ نعرہ لگانے پردوست دشمن بن گئے تھے۔

    ان کا کہنا تھا کہ انہوں نے دوہزار گیارہ میں پہلی باربدین والوں کی طاقت سے سندھ اسمبلی کے فلورپریہ نعرہ لگایاتھا، یہ کریڈٹ بھی بدین کی طاقت کوجاتاہے، جس نے سندھ والوں کو دوبارہ یہ نعرہ یاد دلایا، اُس زمانے میں میرے کچھ دوست ساتھ تھے کچھ نہیں، آپکو خبر ہے میں کس کی بات کررہاہوں۔

    انہوں نے الطاف حسین کو تنقید کا نشانہ بناتے ہوئے کہا کہ مجھ پرطنز کیا، تمہیں یہ بات کرنے کی کیاضرورت تھی، تم کوایم کیوایم اور الطاف حسین کوچھیڑنے کی کیا ضرورت تھی، جبکہ میں دوہزار دس سے کہتا آرہا ہوں کہ’’لندن والا پاکستان توڑناچاہتا ہے سندھ توڑنا چاہتا ہے تب بھی میرا مذاق اڑایاگیا تھا‘‘۔