Tag: ذکا اشرف

سابق چیئرمین پی سی بی ذکا اشرف نے ٹی ٹوئنٹی کپتان بابر اعظم اور شاہین آفریدی کے درمیان اختلافات کی افواہوں پر اپنے خیالات کا اظہار کیا ہے۔

پاکستان کرکٹ بورڈ مینجمنٹ کمیٹی کے سابق چیئرمین ذکا اشرف نے شاہین آفریدی اور بابر اعظم کے درمیان اختلافات کی افواہوں کو مسترد کردیا ہے، ان کا دعویٰ ہے کہ شاہین کی بحیثیت ٹی ٹوئنٹی کپتان تقرری کے بعد ٹیم کا اتحاد حقیقت میں بہتر ہوا۔

نجی چینل کو انٹرویو میں ذکا اشرف نے کہا کہ بابر اعظم کو کپتانی سے ہٹانے کے بعد اتحاد ختم نہیں ہوا بلکہ ٹیم کے اتحاد میں بہتری آئی، ہم نے بطور کھلاڑی بابر کو کھیلنے کے لیے کہا کیوں کہ بحیثیت کپتان ان کی کارکردگی اچھی نہیں تھی تو وہ راضی ہوگئے۔ ‘

ان کا کہنا تھا کہ پاکستان ٹیم میں کوئی گروپ بندی نہیں تھی، ٹیم اچھی تھی، ہم شان مسعود کو کپتان بنا کر لائے کیوں کہ وہ بہت اچھے کپتان تھے، وہ اب بھی بہت اچھا کھلاڑی ہے۔

ذکا اشرف نے کہا کہ ہم انتظامیہ محمد حفیظ کو لے کر آئے جو کہ ایک بہترین کرکٹر اورایماندار شخص ہیں جبکہ عمر گل، سعید اجمل اور ان کھلاڑیوں کو بھی ساتھ لائے تاکہ کوچنگ اسٹاف ٹیم کے ساتھ رہے۔

خیال رہے کہ آئی سی سی ون ڈے ورلڈ کپ 2023 میں پاکستان کے گروپ مرحلے سے باہر ہونے کے بعد پاکستان کرکٹ بورڈ نے بابر کی جگہ شاہین کو ٹی ٹوئنٹی ٹیم کا کپتان بنایا تھا جس کے بعد دونوں اسٹار پلیئرز کے درمیان دوری اور اختلافات کی افواہیں میڈیا میں گردش کررہی تھیں۔

پاکستان کرکٹ ٹیم کی خراب پرفارمنس اور ورلڈکپ سے اخراج کے بعد پاکستان کرکٹ بورڈ کے سربراہ ذکا اشرف نے سابق کرکٹرز سے اہم ملاقات کرنے کا فیصلہ کیا ہے۔

پاکستان کرکٹ ٹیم کی موجودہ کارکردگی کا جائزہ لینے کے حوالے سے پی سی بی ہیڈ کوارٹرز میں آئندہ ہفتے مشاورت کا آغاز کیا جائےگا۔ ذکا اشرف پاکستان کرکٹ ٹیم کے سابق کپتانوں اور سابق کرکٹرز سے ملاقات کے خواہشمند ہیں۔

ذرائع نے بتایا کہ بورڈ چاہتا ہے کہ سابق کپتان محمد حفیظ سے پھر سے رابطہ کیا جائے۔ اس کے علاوہ اظہر علی، مشتاق احمد، عاقب جاوید، عمر گل، سعید اجمل سمیت محسن خان سے بھی مشاورتی عمل ہوگا۔

پاکستان کرکٹ ٹیم کے سابق کپتان شاہد خان آفریدی سے بھی پی سی بی مینجمنٹ کمیٹی کے چیئرمین ذکا اشرف ملیں گے جب کہ معین خان سے بھی مشاورت کی جائے گی۔

یہ بات قابل ذکر ہے کہ آئی سی سی ورلڈ کپ کے دوران بھی چیئرمین مینجمنٹ کمیٹی سابق کرکٹرز سے ملاقاتیں کر چکے ہیں۔ ذرائع نے بتایا کہ ملاقاتوں اور مشاورت میں اب تیزی آنے کا امکان ہے۔ ٹیکنیکل کمیٹی کے سربراہ مصباح الحق سے بھی فیڈ بیک لیا جائے گا۔

کرکٹ بورڈ کے سربراہ کوچنگ اسٹاف میں تبدیلیوں کے سلسلے میں صلاح مشورہ کریں گے، کوچنگ اسٹاف کے معاہدوں پر قانونی مشاورت کی جائے گی۔

اہم بات یہ ہے کہ ٹیسٹ اور ون ڈے ٹیموں کے لیے الگ الگ کپتان بھی مشاورتی ایجنڈے میں شامل ہیں جبکہ کوچنگ کے لیے جسٹن لینگر کا نام بھی لیا جارہا ہے۔ کچھ اعلیٰ عہدیدار کا یہ بھی مشورہ ہے کہ دورہ آسٹریلیا کے سبب تبدیلیاں نہ کی جائیں۔

پاکستان کرکٹ ٹیم کے چیف سلیکٹر انضمام الحق کی جانب سے مستعفی ہونے پر پی سی بی مینجمنٹ کمیٹی کے چیئرمین ذکا اشرف کا اہم بیان سامنے آگیا۔

اے آر وائی نیوز کے مطابق پاکستان کرکٹ بورڈ مینجمنٹ کمیٹی کے سربراہ ذکا اشرف کا کہنا ہے کہ انضمام الحق کی قدر کرتا ہوں جب ملاقات کرنا چاہتے ہیں دستیاب ہوں۔

ملاقات نہ کرنے کی بات پر ذکا اشرف نے وضاحت دیتے ہوئے کہا کہ دفترمیں موجود ہی نہیں تھا تو انضمام الحق سے کیسے ملاقات کرسکتا تھا۔

انھوں نے کہا کہ انضمام الحق جب ملاقات کرنا چاہتے ہیں تو ملاقات ہو سکتی ہے۔ کمیٹی بنائی گئی ہے جو مفاد کے ٹکراؤ سے متعلق انکوائری کرے گی۔

واضح رہے کہ قومی ٹیم کے چیف سلیکٹر انضمام الحق نے عہدے سے استعفیٰ دے دیا۔ اے آر وائی نیوز کے مطابق قومی ٹیم کے چیف سلیکٹر انضمام الحق چیئرمین پی سی بی ذکا اشرف سے ملاقات کے لیے آئے تھے لیکن ان کی ملاقات نہ ہوسکی۔

ذرائع کا کہنا ہے کہ انضمام الحق نے دلبرداشتہ ہوکر اپنا استعفیٰ ذکا اشرف کو بھجوا دیا ہے۔انضمام الحق نے کہا کہ مجھ پر سوال اٹھے گا تو بہتر ہے ایک طرف ہوجاؤں، پی سی بی انکوائری کرنا چاہتا ہے تو میں دستیاب ہوں۔

انھوں نے کہا کہ لوگ بغیر انکوائری کے باتیں کررہے ہوتے ہیں، پی سی بی سے بھی کہا ہے کہ انکوائری کریں۔

پاکستان کرکٹ بورڈ کے چیئرمین ذکا اشرف نے کہا ہے کہ پاکستان میں مجھ پر کیسز کردیے ہیں اور کیسز کرنے والے ہمارے سابق چیئرمین ہے۔

اے آر وائی نیوز پر پاکستان کرکٹ بورڈ کی منیجمنٹ کمیٹی کے چیئرمین ذکا اشرف نے خصوصی انٹرویو میں ہوسٹ نے سوال کیا کہ 5 تاریخ کو نئے چیئرمین کا فیصلہ آنے والا ہے اور آپ کی اتنی پلاننگ ہے آپ سمجھتے ہیں کہ آگے بھی آپ چیئرمین رہیں گے؟

جس پر پاکستان کرکٹ بورڈ کی منیجمنٹ کمیٹی کے چیئرمین ذکا اشرف نے کہا کہ یہ ہمارے ہاتھ میں نہیں، یہ فیصلہ وزیر اعظم نے کرنا ہے کہ بورڈ کا چیئرمین کون ہوگا۔

ذکا اشرف نے کہا کہ اگر میں ہی چیئرمین رہا تو بورڈ میں سارے گند صارف کروں گا اور ایک اچھی ٹیم سامنے آئے گی، میری سابقہ پرفارمنس بہت اچھی رہی ہے، میرے دور میں پاکستان ٹیم نے بڑی عزت کمائی ہے۔

ان کا کہنا تھا کہ 5 اکتوبر کے بعد کوئی بھی نیا چیئرمین آتا ہے تو ان کے ساتھ ہماری نیک خواہشات ہوگی، چیئرمین نامزد ہونے کے بعد میں نجم سیٹھی کو الوداعی دعوت دینا چاہتا تھا تاکہ درمیان کی خلش ختم ہو لیکن انہوں نے پورے پاکستان میں میرے اوپر کیسز کردیے۔

دکا اشرف کا کہنا تھا کہ ایک بندا ہر ایک کو کیسے جواب دے، میں نے پہلے بھی کہا تھا لڑائی جھگڑا چھوڑتے ہیں ساتھ بیٹھ کر مجھے سپورٹ کریں ٹیم کے مفاد کا سوچتے ہیں۔

پی سی بی کرکٹ کمیٹی کے چیئرمین ذکا اشرف نے میڈیا پر خبریں سامنے آنے کے بعد کرکٹرز، چیف سلیکٹرز کے بزنس معاہدوں سے متعلق پوچھ گوچھ کرنے کا عندیہ دیدیا۔

تفصلات کے مطابق پاکستان کرکٹ ٹیم میں مینجمنٹ کمپنی کی من مانیاں سامنے آنے کے بعد ذکا اشرف نے کرکٹرز اور چیف سلیکٹرز کے بزنس معاہدوں سے متعلق پوچھ گوچھ کرنے کا عندیہ دیتے ہوئے کہا ہے کہ اس سلسلے میں قانون سازی کی جائےگی۔

ذکا اشرف کا کہنا تھا کہ اس طرح کے بزنس معاہدے ٹیم میں مفادات کا ٹکراؤ بن سکتے ہیں۔ چیف سلیکٹرز سے اس متعلق پوچھا جائےگا، قانون سازی کی جائےگی۔

انھوں نے کہا کہ پلئیرز کے ایجنٹوں سے متعلق بھی قانون سازی کی جائے۔ ایک ایجنٹ کے پاس زیادہ پلیئرز ہوں گے تو اجارہ داری قائم ہوگی۔ بزنس معاہدے اور ایجنٹوں کا سنجیدہ مسئلہ ہے اس پر غور کریں گے،

ذکااشرف کا کہنا تھا کہ سب سے درخواست ہے جب تک ورلڈکپ چل رہا ہے ٹیم کو سپورٹ کریں۔ کچھ لوگ ٹی وی پر بیٹھ کر دکان سجالیتے ہیں اور تنقید کرتے ہیں۔

پی سی بی کرکٹ کمیٹی کے سربراہ نے کہا کہ میڈیا اور سوشل میڈیا پر تنقید سے ٹیم کا مورال نیچے جاتا ہے۔

ذکااشرف نے کہا کہ ٹی وی پرتنقید کی کھلاڑیوں نے بہت بار شکایت کی ہے۔ ورلڈ کپ ختم ہونے کے بعدغلطیوں پر ضرور تبصرہ کریں۔