Tag: ذی الحج کا چاند

کراچی : ذی الحج کا چاند دیکھنے کیلئے رویت ہلال کمیٹی کا اجلاس 7 جون کو طلب کرلیا گیا، محکمہ موسمیات نے 7 جون کو چاند نظر آنے کا امکان ظاہر کیا ہے۔

تفصیلات کے مطابق ذی الحج کا چاند دیکھنے کیلئے رویت ہلال کمیٹی کا اجلاس7جون کو ہوگا، چیئرمین رویت ہلال کمیٹی مولانا عبدالخبیرآزاد اجلاس کی صدارت کریں گے۔

مرکزی رویت ہلال کمیٹی کا اجلاس محکمہ موسمیات کراچی آفس میں ہوگا، اجلاس میں سپارکو، وزارت مذہبی امور، محکمہ موسمیات و دیگر نمائندگان شرکت کریں گے۔

محکمہ موسمیات نے ملک میں ذوالحج کا چاند 7 جون کو نظر آنے کی پیش گوئی کی ہے، جس کے تحت عید الضحیٰ 17 جون بروز پیر کو ہونے کا امکان ہے۔

محکمہ موسمیات کا کہنا ہے کہ چاند کی پیدائش 6 جون کی شب 5 بج کر 38 منٹ پر ہوگی جبکہ غروب آفتاب 7 بج کر 20 منٹ پر ہونے کا امکان ہے، چاند نظر آنے کا دورانیہ غروب آفتاب کے بعد 72 منٹ تک رہے گا۔

محکمہ موسمیات کے مطابق چاند دکھائی دینے کیلئےاسکی عمر 19 گھنٹے ہونا ضروری ہے۔

کراچی : پاکستان میں ذی الحج کا چاند دیکھنے کے لیے مرکزی رویت ہلال کمیٹی کا اجلاس آج کراچی میں ہوگا، محکمہ موسمیات نے آج چاند نظر آنے کے قوی امکان ظاہر کردیا ہے۔

تفصیلات کے مطابق پاکستان میں ذی الحجہ کا چاند دیکھنے کے لیے مرکزی رویت ہلال کمیٹی کا اجلاس آج کراچی میں ہوگا، اجلاس کی صدارت چیئرمین رویت ہلال کمیٹی مولانا عبدالخبیر آزاد کریں گے۔

محکمہ موسمیات کا کہنا ہے کہ آج چاند نظر آنے کے قوی امکانات ہیں۔

خیال رہے سعودی عرب میں ذی الحجہ کا چاند نظر آگیا ہے، عرب میڈیا نے بتایا ہے یکم ذی الحجہ آج بروز پیر اور حج کا رکنِ اعظم یعنی وقوفِ عرفہ ستائیس جون منگل کو ادا کیا جائے گا جبکہ سعودی عرب میں عیدالاضحیٰ بدھ اٹھائیس جون کو منائی جائے گی۔

متحدہ عرب امارات میں بھی عید الضحی اٹھائیس جون کو منائی جائے گی جبکہ دنیا کا سب بڑا مسلم آبادی والا ملک انڈونیشیا میں ذی الحج کا چاند نظر نہیں آ یا۔۔ وہاں عید الاضحی انتیس جون بروز جمعرات کو ہوگی۔

برطانیہ میں مسلم کمیونٹی پھر تقسیم کا شکار ہے، وہاں عیدالاضحیٰ بھی دو منائی جائے گی، لندن سینٹرل مسجد نے ذی الحج کا چاند نظرآنے کا اعلان کردیا۔۔ جبکہ جماعت اہلسنت کے بڑے گروپوں نے عید الاضحی انتیس جون کو منانے کااعلان کیا ہے۔

امریکا اورکینیڈا میں طے شدہ کیلنڈرپرعمل کرنے والی مسلم کمیونٹی اٹھائیس جون کو عیدالاضحیٰ منائے گی جبکہ دیگر آج چاند دیکھ کر فیصلہ کریں گے۔۔۔

خیال رہے ذی الحج کا شمار اسلام کے آخری اور اہم ترین مہینے میں ہوتا ہے، اس ماہ دنیا بھر سے لاکھوں مسلمان حج کی سعادت کے لیے سعودی عرب پہنچتے ہیں، میدان عرفان میں جمع ہوتے ہیں، جہاں نبی کریم نے تاریخی خطبہ دیا تھا، جسے خطبہ حجۃ الوداع کے نام سے بھی جانا جاتا ہے۔

ارکان حج کی ادائیگی کے بعد مسلمان حضرت ابراہیم اور ان کے بیٹے حضرت اسماعیل کی روایات کی پیروی کرتے ہوئے جانوروں کی قربانی کرتے ہیں۔

اسلام آباد : ذی الحج کا چاند دیکھنے کے لیے پاکستان میں مرکزی رویت ہلال کمیٹی کا اجلاس 19 جون کو ہوگا،جس میں چاند کی رویت کا اعلان کیا جائے گا۔

تفصیلات کے مطابق پاکستان میں ذی الحج کا چاند دیکھنے کے لیے مرکزی رویت ہلال کمیٹی پاکستان کا اجلاس 19 جون کو کراچی میں طلب کرلیا گیا۔

نمازعصرکے بعدمحکمہ موسمیات کراچی کےدفترمیں اجلاس ہوگا، وزارت مذہبی امور نے کہا ہے کہ چیئرمین رویت ہلال کمیٹی سیدعبدالخبیرآزادصدارت کریں گے۔

کراچی میں رویت ہلال کمیٹی کے مرکزی اجلاس کے علاوہ اسلام آباد،لاہور، پشاوراورکوئٹہ میں زونل کمیٹیوں کے اجلاس اپنے اپنے مقامات پر بیک وقت ہوں گے۔

پاکستان میں یکم ذی الحج منگل 20 جون یا بدھ 21 جون کو ہو، اس طرح پاکستان میں عید الاضحیٰ جمعرات 29 جون یا جمعہ 30 جون کو ہونے کا امکان ہے۔

کراچی میں رویت ہلال کمیٹی کے مرکزی اجلاس کے علاوہ اسلام آباد،لاہور، پشاوراورکوئٹہ میں زونل کمیٹیوں کےاجلاس ہوں گے۔

خیال رہے کلائیمٹ ڈیٹا پروسیسنگ سینٹر کے مطابق پاکستان میں ذی الحج کا چاند 19 جون کو نظر آنے کا قوی امکان ہے، جس کے نتیجے میں عيد الاضحیٰ 29 جون بروز جمعرات کو ہوسکتی ہے۔

سی ڈی پی سی رپورٹ میں کہا گہا تھا کہ چاند کی پیدائش 18 جون کی شب9 بج کر 37 منٹ پر ہوگی، پاکستان میں 20 جون کو یکم ذی الحج ہونے کا امکان ہے تاہم چاند نظر آنے یا نہ آنے کا حتمی اعلان مرکزی رویت ہلال کمیٹی کرے گی۔