Tag: رؤف حسن

اسلام آباد : اسلام آباد ہائیکورٹ نے علیمہ خان اور رؤف حسن کا نام سفری پابندیوں کی فہرست سے نکالنے کا حکم دے دیا۔

تفصیلات کے مطابق اسلام آباد ہائی کورٹ نے علیمہ خان کا نام سفری پابندی کی فہرست سے نکالنے کی سماعت ہوئی، وکیل علی بخاری ، خالدیوسف چوہدری اورنیاز اللہ نیازی عدالت پیش ہوئے۔

جسٹس خادم حسین سومرو نے علیمہ خان کی درخواست پر فیصلہ سنایا، جس میں ان کا نام پاسپورٹ کنٹرول لسٹ اور پی این آئی ایل سے نکالنے کا حکم دیتے ہوئے بیرون ملک جانے کے لیے ٹرائل کورٹ سے رجوع کرنے کا حکم دے دیا۔

دوسری جانب اسلام آباد ہائی کورٹ نے پی ٹی آئی کے سابق سیکرٹری اطلاعات رؤف حسن کا نام پاسپورٹ کنٹرول لسٹ سے نکالنے کا حکم دیا۔

عدالت نے رؤف حسن کا نام پی سی ایل میں شامل کرنے کا حکم غیر قانونی اور بدنیتی پر مبنی قرار دیا۔

جسٹس انعام امین منہاس نے رؤف حسن کا نام پی سی ایل سے نکالنے کی درخواست منظور کر لی اور بیرون ملک سفر کی اجازت کے لیے ٹرائل کورٹ سے رجوع کی ہدایت کی۔

عدالت نے کہا کہ ٹرائل کورٹ رؤف حسن کی درخواست پر قانون کے مطابق جلد فیصلہ کرے، عوکیل کے مطابق رؤف حسن کینسر surviver ہیں، جنہیں چیک اپ کے لیے یو کے جانا ہے اور پٹیشنر پر ایف آئی اے کا مقدمہ ہے جس میں وہ ضمانت پر ہیں۔

اسلام آباد ہائی کورٹ کے مطابق وکیل نے دلائل دیے کہ محض مقدمہ درج ہونے پر کسی کا نام پی سی ایل میں شامل کرنا بلا جواز ہے، ان کا ہر چھ ماہ بعد یو کے میں چیک اپ ہوتا ہے۔

فیصلے میں کہنا تھا کہ عدالت کو بتایا گیا کہ ایف آئی اے نے 24 جولائی 2024 کو پٹیشنر کا نام پی سی ایل میں شامل کرنے کی سفارش کی، ڈی جی امیگریشن اینڈ پاسپورٹس نے 26 اگست 2024 کو نام پی سی ایل میں شامل کر دیا۔

عدالت نے مزید کہا کہ کریمنل کیس زیر التوا یا تفتیش جاری ہونا پٹیشنر کا نام پی سی ایل میں شامل کرنے کا جواز نہیں، پٹیشنر اپنے خلاف درج مقدمہ میں ضمانت پر ہے اور ریاست نے ضمانت منسوخی دائر نہیں کی۔

فیصلے میں مزید کہا گیا کہ وفاقی حکومت سے رؤف حسن پر سفری پابندیاں عائد کرنے کی منظوری نہیں لی گئی، پاسپورٹ رولز کے مطابق ملک میں داخلے اور روانگی کو ریگولیٹ کرنے کی اتھارٹی وفاقی حکومت کے پاس ہے۔

اسلام آباد: پاکستان تحریک انصاف (پی ٹی آئی) کے رہنما رؤف حسن کا کہنا ہے کہ بانی پی ٹی آئی باہر آگئے اور الیکشن ہوگئے تو ان کا طرز سیاست ختم ہوجائے گا۔

پروگرام ’آف دی ریکارڈ‘ میں گفتگو کرتے ہوئے پی ٹی آئی رہنما رؤف حسن نے کہا کہ بانی پی ٹی آئی کو ڈیل کرنا ہوتی تو پہلے 10 دن میں ہی باہر آجاتے، سب سے بڑا مسئلہ یہ ہے کہ ان لوگوں کو عمران خان کے باہر آنے کا ڈر ہے، اگر وہ آج بھی باہر آنا چاہیں تو آسکتے ہیں اگر ڈیل کرلیں لیکن وہ ڈیل نہٰں کررہے اسی لیے باہر نہیں آرہے۔

انہوں نے کہا کہ عمران خان کے پاس ڈیل موجود ہے وہ کیا ڈیل ہے نہیں بتاسکتا، جو حکومت عمران خان سے ملاقات نہیں کراسکی ان کے پاس کیا اختیار ہوگا۔

رؤف حسن نے اعتراف کیا کہ اقتدارمیں وہ کام نہیں کرسکے جو کرنا چاہتے تھے، بانی پی ٹی آئی حقیقی ریفارمز کے ساتھ اقتدار میں آنا چاہتے تھے۔

پی ٹی آئی رہنما نے کہا کہ نواز شریف جیل گئے تو بیماری کی آڑ میں بیرون ملک نکل گئے۔

ایک سوال کے جواب میں انہوں نے کہا کہ پشاور میں میٹنگ میں جو بھی باتیں ہوئی ہیں نہیں بتاسکتا، امریکی انتظامیہ نے انفرادی نہیں اپنے مفادات کے مطابق فیصلے کرنے ہیں۔

رؤف حسن نے کہا کہ 9 مئی اور 26 نومبر پر جوڈیشل کمیشن بنادیں مذاکرات ہوجائیں گے، ہاؤس کمیٹی کے پاس بھی اختیار نہیں ہوں گے تو پھر فائدہ ہی نہیں ہے، ہم نے مذاکرات سے انکار نہیں کیا لیکن حکومت کے پاس اختیار نہیں، شہباز شریف کی مذاکرات کی پیشکش کو مسترد کرتے ہیں۔

انہوں نے کہا کہ بانی پی ٹی آئی کی ہدایت پرنئی کمیٹی بنادی گئی ہے، اپوزیشن کی تمام جماعتوں سے رابطہ کیا جائے گا، گرینڈ الائنس بنانے کی کوشش کی جارہی ہے جس کے بعد آئین و قانون کی بالادستی کے لیے جدوجہد کی جائے گی۔

پاکستان تحریک انصاف کے رہنما رؤف حسن نے کہا ہے کہ اوورسیز کو ٹرمپ نے یقین دہانی کرائی ہے وہ ہمارے معاملے کو دیکھیں گے۔

اے آر وائی کے پروگرام آف دی ریکارڈ میں گفتگو کرتے ہوئے پی ٹی آئی کے مرکزی رہنما نے کہا کہ ہم نے ٹرمپ سے کوئی امید نہیں رکھی، اپنے معاملات خود حل کریں گے، موجودہ حکومت پر انسانی حقوق تنظیموں سمیت کئی اداروں کا دباؤ ہے۔

انھوں نے کہا کہ بانی پی ٹی آئی کیلئے خیبر پختونخوا سب سے زیادہ کردار ادا کرےگا، خیبر پختونخوا میں بانی پی ٹی آئی کی سپورٹ سب سے زیادہ ہے۔

رؤف حسن کہا کہنا تھا کہ یہ کہا جارہا ہے پی ٹی آئی اب احتجاج نہیں کرسکتی لیکن ایسا نہیں، بانی پی ٹی آئی احتجاج کی کال دیں گے تو احتجاج بھی ہوگا، مذاکرات شروع ہوجاتے ہیں تو ہوسکتا ہے سول نافرمانی کی کال مؤخر ہوجائے۔

پی ٹی آئی رہنما نے کہا کہ ذاکرات تو موجودہ حکومت کیساتھ ہی ہونگے، یہ دیکھنا ہوگا کہ موجودہ حکومت کے پاس فیصلے کا اختیار ہے یا نہیں، موجودہ حکومت کا کام مذاکرات کیلئے ماحول بنانے اور پلیٹ فارم کا ہے۔

انھوں نے کہا کہ علی امین گنڈاپور کی جانب سے گولی چلانے کا بیان پالیسی نہیں بن سکتی، سیاست میں کئی اقسام کی گفتگو ہوتی ہے جس کی ماضی میں مثالیں موجود ہیں، آج بھی علی امین گنڈاپور بانی پی ٹی آئی سےملنےگئےتھے نہیں ملنےدیاگیا۔

رؤف حسن نے کہا کہ فیصل واوڈا پارٹی میں واپس آنا چاہتے ہیں تو ان کا حق ہے، فیصلہ بانی کرینگے، فیصل واوڈا بات چیت کرانا چاہتے ہیں تو کرائیں انھیں کس نے روکا ہے،

انھوں نے کہا کہ بانی پی ٹی آئی نے محمود اچکزئی، اخترمینگل اور مولانا فضل الرحمان کو مدعو کیا ہے، حکومت پر انحصار ہے کہ بانی پی ٹی آئی سے ملاقات کرنے دیتے ہیں یا نہیں۔

امید کرتا ہوں غیرجمہوری لوگوں سے بات چیت غیرجمہوری طریقہ بن جائے، بات چیت ہونی چاہیے، گفتگو کے ذریعے ہی آگے بڑھا جاسکتا ہے، انتشار کے ماحول کو ختم کیا جائےگا اور بات چیت کے ذریعے آگے بڑھنا چاہیے۔

رہنما تحریک انصاف کا کہنا تھا کہ ہم نے مذاکرات کیلئے کمیٹی تشکیل دیدی ہے، بال حکومتی کورٹ میں ہے، موجودہ حکومت تو خود گرتی ہوئی نظرآرہی ہے، یہ لوگ پی پی اور جے یو آئی کیساتھ بات نہیں کرتے تو حکومت گرجائے گی، سسٹم نہیں ریاست کا مسئلہ بن گیا ہے، عوام پریشان ہیں۔

پاکستان تحریک انصاف کے رہنما رؤف حسن نے کہا ہے کہ دھرنے میں شرکت نہ کرنے والے رہنماؤں سے متعلق پارٹی فیصلہ کرے گی۔

اے آر وائی نیوز کے پروگرام میں گفتگو کرتے ہوئے پی ٹی آئی رہنما رؤف حسن نے کہا کہ انکوائری کی جائے گی کونسا رہنما دھرنے میں تھا اور کون نہیں تھا، میں سیاسی ریلیوں میں شرکت نہیں کرتا پارٹی کے دیگر کام کرتا ہوں، میں کل کے احتجاج میں شریک نہیں تھا پارٹی کے دیگر کام کرتا ہوں۔

رہنما تحریک انصاف نے بتایا کہ میرا جوکام ہے ریلیوں میں شرکت کرنے کا وقت نہیں ہوتا، میری اطلاع یہ ہے کہ بانی پی ٹی آئی سنگجانی میں جلسے کے لیے نہیں مانے تھے، بانی پی ٹی آئی سے دوسری ملاقات میں بھی وہ سنگجانی میں جلسے کے لیےقائل نہیں ہوئے تھے۔

رؤف حسن کا کہنا تھا کہ احتجاج کی وجہ سے پورے پنجاب میں لاک ڈاؤن کردیا گیا تھا، لاہور کی چھوٹی گلیوں پر بھی کنٹینر لگادیے گئے تھے اس کے باوجود لوگ نکلے۔

انھوں نے کہا کہ بہت سے لوگ راستوں میں تھے آپریشن کی وجہ سے واپس گئے، سنگجانی میں احتجاج کرنے سے احتجاج کےمقاصد پورے نہیں ہوسکتےتھے، ہم نے فیصلہ کیا تھا کہ اسلام آباد میں ہی کسی جگہ ریلی کو روکیں گے۔

رؤف حسن نے کہا کہ ہم نے فیصلہ کیا تھا کہ ڈی چوک پر بھی ابھی نہیں جائیں گے، علی امین گنڈاپور بشریٰ بی بی کے تحفظ کے لیے دھرنے کی جگہ سے نکلے۔

ہم نہیں چاہتے تھے کہ بشریٰ بی بی گرفتار ہوں اس لیے وہاں سے گئے، دھرنے کے خلاف ایکشن پر جوڈیشل انکوائری ہونی چاہیے، علیمہ خان کو بھی سوال پوچھنے کا پورا حق ہے جیسے دیگر کارکنان کو حق ہے۔

رؤف حسن نے کہا کہ اس وقت کارکن پارٹی قیادت سے ناراض ہیں اور ان کی ناراضی کو دورکریں گے، ہماری ورکنگ میں کوئی خامی ہے تو اسے بھی دور کریں گے۔

پی ٹی آئی کی تحریک ابھی ختم نہیں ہوئی جاری ہے آگے کا لائحہ عمل دیں گے، پی ٹی آئی پر پابندی کی باتیں سن رہے ہیں، ہماری عدالتیں موجود ہیں مقابلہ کریں گے۔

تحریک انصاف کے رہنما رؤف حسن نے دعویٰ کیا ہے کہ جے یو آئی کے ڈرافٹ میں آئینی بینچ کی تجویزہماری ہے، ہم سمجھتےہیں مولانافضل الرحمان نے پی پی کو آئینی بینچ پر منالیا ہے۔

تفصیلات کے مطابق پاکستان تحریک انصاف کے رہنما رؤف حسن نے اے آر وائی نیوز کے پروگرام الیونتھ آورز میں گفتگو کرتے ہوئے کہا کہ کل جے یو آئی ف قیادت کیساتھ ہماری ملاقات طے ہوچکی ہے، جے یو آئی ف کےڈرافٹ پراتفاق ہوتاہے تو اچھی بات ہے۔

رہنما پی ٹی آئی کا کہنا تھا کہ جے یو آئی کے ڈرافٹ میں آئینی بینچ کی تجویز ہماری جانب سےدی گئی، ہم سمجھتے ہیں کہ مولانافضل الرحمان نے پی پی کو آئینی بینچ پر منالیا ہے۔

انھوں نے بتایا کہ مولانا فضل الرحمان سے کل ملاقات میں تمام نکات پربات چیت ہوگی، جے یو آئی ف کا مسودہ ہمارے پاس موجود ہے، جس پرہمارا اتفاق ہے، یقین ہے مولانا آئین کے قتل میں شامل نہیں ہوں گے بلکہ تاریخی کردار ادا کریں گے۔

پاکستان تحریک انصاف کے رہنما نے مزید کہا کہ موجودہ پارٹیوں کیساتھ ہمارا تجربہ اچھا نہیں رہا، موجودہ پارٹیاں بعض اوقات کہتی کچھ ہیں اورکرتی کچھ اورہیں۔

انھوں نے مزید بتایا کہ کل بھی مولانا فضل الرحمان نے کہا تھا کہ ہمارامسودہ ہی آگے چلے گا اور جو مسودہ ن لیگ نے پیش کیا تھا وہ مستردکرچکے ہیں، تجویز تھی کہ نئی عدالت نہیں بنے گی سپریم کورٹ کو تابع نہیں کیا جائے گا، آئینی بینچ بنے گا اور سپریم کورٹ کےسینئرترین ججز ہوں گے۔

رہنما کا کہنا تھا کہ آئینی بینچ بنے گا تو وہ صدر یا وزیراعظم کے تابع نہیں ہوگا، آئینی بینچ بننے کے بعد سپریم کورٹ اور مضبوط ہوگی، سپریم کورٹ میں 65 ہزار کیسز التوا میں ہیں، جس میں 152 آئینی کیسز ہیں، 152 آئینی کیسز کیلئے الگ سےعدالت نہیں بنائی جاسکتی۔

پاکستان تحریک انصاف کے ترجمان رؤف حسن نے کہا ہے کہ ہمارا جلسہ ہرحال میں ہوگا، انتظامیہ روڑے اٹکاتی ہے پھر بھی نہیں رکیں گے۔

رہنماپی ٹی آئی رؤف حسن نے زور دیتے ہوئے کہا کہ جلسے کی تحریک کو حامد رضا لیڈ کریں گے، جلسہ ہرحال میں ہوکر رہے گا، آل پارٹیز کانفرنس میں بلوچستان سے متعلق بات چیت کی گئی، مسائل کے حل کیلئے آل پارٹیز کانفرنس بلائی جاری ہے۔

انھوں نے کہا کہ اختر مینگل کا مدعا بہت الارمنگ ہے، اسمبلی سے استعفیٰ مایوس کن ہے، ہم نے کوشش کی تھی کہ اختر مینگل اپنا استعفیٰ واپس لےلیں۔

رؤف حسن نے مزید کہا کہ ہمارا ایک اور وفد اختر مینگل کے پاس جارہا ہے، چاہتے ہیں پارلیمنٹ کے تمام مسائل پارلیمنٹ کے اندر ہی حل کریں۔

دریں اثنا پی ٹی آئی کے مرکزی رہنما اسد قیصر نے کہا ہے کہ حکومت کو کہنا چاہتے ہیں اس ملک پر رحم کریں اپنی انا سے باہر نکلیں ، ہم نے پورے ملک میں نکلنے کا فیصلہ کیا ہے، جلسے کریں گے۔

انھوں نے کہا کہ جلسے ہونگے اور بار ایسوسی ایشنز سے خطاب ہونگے، لاقانونیت اور مہنگائی بڑھ رہی ہے اب ضرورت ہے عوام سے رابطہ کیاجائے۔

لطیف کھوسہ نے گفتگو کرتے ہوئے کہا کہ حکومت نے فسطائت اور بربریت قائم کررکھی ہے، حکومتی اقدامات سےعوام میں مایوسی پھیل رہی ہے، حکومت کے پاس اکثریت نہیں، آئینی ترمیم نہیں کرسکتی۔