Tag: رئیلیٹی شو

لندن : پاکستانی نژاد برطانوی باکسر عامر خان نے کہا ہے کہ مجھے کنگ آف دی رنگ بننا زیادہ اچھا لگے گا لیکن کنگ آف دی جنگل میں اپنا کردار ادا کرنے کو بھی پُر تجسس اور دلچسپ مقابلے کی طرح دیکھ رہا ہوں۔

ان خیالات کا اظہار انہوں نے ان خبروں کے ردعمل پر دیا جس میں کہا گیا ہے کہ عامر خان ’آئی ایم سلیبریٹی گیٹ می آؤٹ آف ہیر‘نامی رئیلیٹی شو کا حصہ بننے جا رہے ہیں جلد شروع ہونے والی اس سیریز میں شائقین عامر خان کو باکسنگ رنگ میں مکے بازی کرتے دیکھنے کے بجائے ٹیلی ویژن اسکرین پر اپنی اداکاری جوہر بکھیرتے دیکھ پائیں گے۔

میڈیا میں گردش کرنے والی خبروں کے مطابق وہ رئیلیٹی شو کے حوالے سے آسٹریلیا کے شہر برسبین بھی روانہ ہوئے جہاں ایئرپورٹ پر فوٹوگرافرز نے عامر خان کی تصاویر بھی لیں جہاں کچھ میڈیا نمائندگان کا کہنا ہے کہ عامر خان نے شو میں حصہ لینے کی تصدیق کردی ہے۔

یاد رہے ’آئم سلیبریٹی گیٹ می آؤٹ آف ہیر‘ ہندوستانی رئیلیٹی شو بگ باس کی طرز کا شو ہے تاہم اس شو میں حصہ لینے والی 12 مشہور شخصیات اپنے اپنے شعبے کی مشہور شخصیات ہوتی ہیں جو جنگل کے ماحول سے مشابہ جگہ پر 3 ہفتوں کے لیے زندگی گزارتی ہیں اور معمولات زندگی کو عکس بند کیا جاتا۔

اس شو میں شرکاء کو مختلف کام کرنے کو دیے جاتے ہیں اور ان ٹاسک کو جیتنے والے شخص کو جنکل کنگ یا جنگل کوئین کا خطاب دیا جاتا تھا چنانچہ اسی چیز کو مد نظر رکھتے ہوئے عامر خان نے کہا کہ میں ہمیشہ ٹریننگ کرتا ہوں اور جنگل میں بھی ٹریننگ کرتا رہوں گا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔