ARYNews.tv | Urdu – Har Lamha Bakhabar

Tag: رابطہ کمیٹی

  • عمران فاروق کی شہادت کا دکھ ہمیشہ تازہ رہے گا، الطاف حسین

    عمران فاروق کی شہادت کا دکھ ہمیشہ تازہ رہے گا، الطاف حسین

    لندن: متحدہ قومی موومنٹ کے قائدالطاف حسین نے ایم کیوایم کے شہید انقلاب ڈاکٹر عمران فاروق کوان کی تنظیمی خدمات پر زبردست خراج عقیدت پیش کرتے ہوئے کہاہے کہ حق پرست شہداء کی قربانیاں رائیگاں نہیں جائیں گی۔

    ڈاکٹرعمران فاروق شہید کی چوتھی برسی کے موقع پرالطاف حسین نے اپنے خصوصی بیان میں کہا ہے کہ حق پرستی کی جدوجہد میں کسی بھی باطل قوت کے سامنے سرنہیں جھکایا۔

    انہوں نے کہا اس جدوجہد میں ڈاکٹرعمران فاروق کوبھی ہم سے جدا کردیاگیاجن کی شہادت کبھی نہ ختم ہونے والا دکھ ہے،ان کا کہنا تھا تمام تر ظلم اور جبرکے باوجود تحریک کے شہداء کی قربانیاں رنگ لائیں گی اور حق پرستی کی جدوجہد کامیابی سے ہمکنار ہوگی۔

  • ارکان اسمبلی و سینییٹرز نے اپنے استعفےالطاف حسین کوبھجوادیئے

    ارکان اسمبلی و سینییٹرز نے اپنے استعفےالطاف حسین کوبھجوادیئے

    کراچی: ایم کیوایم رابطہ کمیٹی،اراکین قومی وصوبائی اسمبلی اورسینیٹرز نے اپنے استعفےالطاف حسین کوبھجوادیے، الطاف حسین کی جانب سے قیادت سے دستبرداری کے اعلان کے بعد ایم کیوایم کےتمام شعبہ جات نےتنظیمی کام روک دیے ہیں ۔

    ایم کیوایم رابطہ کمیٹی نے اپنی نااہلی کا اعتراف کر تے ہوئے تمام تر ذمہ داریاں ایم کیو ایم کے قائد الطاف حسین کے سپرد کردیں اور اپنے استعفی الطاف حسین کو ارسال کر دیئے ہیں۔

    اس کے ساتھ ساتھ ایم کیو ایم کے سات سینیٹرز، چوبیس ارکان قومی اسمبلی اور صوبائی اسمبلیوں کے اکیاون اراکین نےالطاف حسین سے اظہار یکجہتی کرتے ہوئےاپنی نشستوں سے مستعفی ہونے کا اعلان کیا ہے۔تمام اراکین نے اپنے استعفے الطاف حسین کو بھجوادیئے ہیں۔

  • بابرانیس کی گرفتاری،رابطہ کمیٹی آج شام پریس کانفرنس کرے گی

    بابرانیس کی گرفتاری،رابطہ کمیٹی آج شام پریس کانفرنس کرے گی

    کراچی:متحدہ قومی موومنٹ لاپتہ کمیٹی کے انچارج بابر انیس کی گرفتاری پر رابطہ کمیٹی نے شدید احتجاج کیا اور خدشہ ظاہر کیا ہے کہ کہیں بابر انیس کو بھی لاپتہ نہ کردیا جائے، ایم کیو ایم رابطہ کمیٹی آج شام پریس کانفرنس کرے گی۔

    ایم کیوایم کا کہنا ہے کہ ان کی مسنگ پرسن کمیٹی کے انچارج بابر انیس کو انکے گھر پر سادہ لباس ملبوس اہلکاروں نے چھاپہ مارکر گرفتار کرکے نامعلوم مقام پرمنتقل کردیا ہے، ایم کیوایم کی رابطہ کمیٹی نے بابرانیس کی گرفتاری کی شدید الفاظ میں مذمت کرتے ہوئے خدشہ ظاہر کیا ہےکہ کہیں انہیں بھی لاپتہ نہ کردیا جائے۔

    رابطہ کمیٹی کا کہنا ہے کہ بابر انیس اور وصی احمد کو رینجرز نے فیڈرل بی ایریا میں انکے گھروں سے گرفتار کیا اوران کے بارے میں کچھ نہیں بتایا جارہا کہ انہیں کہاں رکھا گیا ہے، اس کے علاوہ فیڈرل بی ایریا، نارتھ ناظم آباد، کورنگی، لیاری اوراسکیم تینتیس کے علاقوں سے ایم کیوایم کے تیرہ کارکنوں کو گرفتار کیا جا چکا ہے۔

    رابطہ کمیٹٰی کا کہنا ہے کہ مسلح دہشت گرد متحدہ کے کارکنوں کو سرعام قتل کر رہے ہیں لیکن قاتلوں کو گرفتار نہیں کیا جارہا، رابطہ کمیٹی نے حکومت سے مطالبہ کیا کہ ایم کیوایم کے گرفتار کارکنوں کوفی الفور رہا اور چھاپوں کا سلسلہ بند کیا جائے۔

    ایم کیو ایم رابطہ کمیٹی کارکنان کی گرفتاری کے خلاف سہ پہر ساڑھے چار بجے اہم پریس کانفرنس کرے گی۔

  • سیاسی بحران کا حل، ایم کیو ایم کی 3رکنی کمیٹی تشکیل

    سیاسی بحران کا حل، ایم کیو ایم کی 3رکنی کمیٹی تشکیل

    کراچی: متحدہ قومی مومنٹ نے قائد الطاف حسین کی ہدایت پر حالیہ سیاسی بحران کے حل کیلئے تین اراکین پر مشتمل کمیٹی تشکیل دیدی۔

    ایم کیو ایم کی جانب سے سیاسی بحران کے حل کیلئے تین اراکین پر مشتمل کمیٹی تشکیل دیدی گئی، سیاسی بحران کا حل تلاش کریں گے کمیٹی کے اراکین ڈاکٹر خالد مقبول صدیقی ، ڈاکٹر فاروق ستار، اور بابر خان غوری ، کمیٹی آج اسلام آباد میں سیاسی اور مذہبی جماعتوں سے ملاقات کرکے سیاسی بحران کے حل میں کردار ادا کرے گی جبکہ آج اراکین علامہ طاہر القادری ، چوہدری برادران، شیخ رشید، اور حکومتی نمائندوں سے بھی ملاقات کریں گے، واضح رہے کہ ماضی میں بھی ڈاکٹر طاہر القادری سے مذاکرات میں کمیٹی کے ارکان بابر غوری اور فاروق ستار نے اہم کردار ادا کیا تھا۔

  • ایم کیو ایم کی جانب سے دھرنے کے شرکاء میں غذائی اجناس تقسیم

    ایم کیو ایم کی جانب سے دھرنے کے شرکاء میں غذائی اجناس تقسیم

    اسلام آباد : متحد ہ قومی موومنٹ کی رابطہ کمیٹی کے اراکین حیدر عباس رضوی ، رشید گوڈیل اور اسلم آفریدی نے اسلام آباد میں پاکستان عوامی تحریک اور پاکستان تحریک انصاف کے جلسہ گاہ کا دورہ کیا اور قائد تحریک الطاف حسین کی ہدایت پر سیونتھ ایونیو چوک پر دونوں جماعتوں کے کارکنان میں غذائی اشیاء ، جوس ، بسکٹ اور ہزاروں کی تعداد میں پانی کی بوتلیں تقسیم کیں ۔

    اس موقع پر سینٹرل ایگزیکٹو کمیٹی کے رکن زاہد ملک ،ایم کیوا یم خیبر پختونخوا اورایم کیوایم پنجاب کمیٹی کے ذمہ داران بھی انکے ہمراہ تھے۔ ایم کیوایم کی جانب سے انقلاب اورآزادی مارچ کے شرکاء میں کھانے پینے کی اشیاء کی فراہمی پر شرکاء کی جانب سے خیر مقدم کیا گیااور قائدتحریک الطاف حسین سے دلی تشکر کااظہار کیا ۔

    ایم کیوایم کی رابطہ کمیٹی کے اراکین آزادی مارچ اورانقلاب مارچ اور آزادی مارچ میں شرکاء سے ملے اوران کی خیریت دریافت کی ۔جلسہ گاہ میں میڈیا کے نمائندگان سے گفتگو کرتے ہوئے رابطہ کمیٹی کے اراکین نے کہاکہ ایم کیوایم کا ہمیشہ سے یہی موٴقف رہا ہے کہ سیاسی معاملات کو افہام و تفہیم اوربات چیت سے حل کیا جائے ۔

    انہوں نے کہاکہ قائد تحریک الطاف حسین انقلاب مارچ اور آزادی مارچ کے شرکاء کیلئے بہت زیادہ فکر مند تھے اوران کی جانب سے انسانی ہمدردی کی بنیاد پر انقلاب اورآزادی مارچ کے شرکاء کو درپیش مسائل کے حل کرنے کی ہدایت کی گئی ہے ۔

    رابطہ کمیٹی کے اراکین نے کہاکہ قائد تحریک الطاف حسین نے اہلیان اسلام آباد اور راولپنڈی سے اپیل کی کہ ہزاروں کی تعداد میں آئے ہوئے انقلاب اور آزادی مارچ کے شرکاء آپ کے مہمان ہیں اور ان کی ہرممکن مدد کرنا ہم سب کا فرض ہے ۔رابطہ کمیٹی کے اراکین نے حکومت اورا پوزیشن کے رہنماوٴں سے اپیل کی کہ وہ ملک کی موجودہ نازک صورتحال کے پیش نظر کسی بھی قسم کی محاذآرائی اورتصادم سے گریز کریں اور سیاسی معاملات کو بات چیت اورافہام وتفہیم سے حل کریں

  • ایف آئی آر کا اندراج انقلاب کی پہلی کامیابی ہے، ڈاکٹرطاہرالقادری

    ایف آئی آر کا اندراج انقلاب کی پہلی کامیابی ہے، ڈاکٹرطاہرالقادری

    لاہور: طاہر القادری نے اپنے خلاف مقدمے کے اندراج کو انقلاب کی جدوجہد کی کامیابی کا پہلا قطرہ قرار دیتے ہوئے عوام کو مبارکباد دی ہے۔

    طاہر القادری کا کہنا تھا کہ مقدمے کے اندراج پر پاکستان کے عوام کو مبارکباد پیش کرتا ہوں انقلاب کی جدوجہد کیلئے کامیابی کا پہلا قطرہ ہے، حکمراں جب ایسے اقدامات پر اتر آئیں تو خوشخبریاں شروع ہوجاتی ہیں اس کا مطلب ہے اب وہ ٹھہر نہیں سکتے ایسے اقدامات بوکھلاہٹ،گھبراہٹ اور شکست خوردگی کا ثبوت ہیں نواز شریف نے بھی مارچ میں پولیس کو احکامات ماننے سے انکار کا کہاتھا کسی نے پیٹی اتاری تو اسے سینے سے لگاکر شاباش دی تھی ان کی تقریر کو بھی نکال کر ساتھ رکھ لیں اچھی بات ہے شہباز شریف نے الیکشن میں اسوقت کے صدر زرداری کوگردن سے پکڑ کر گھسیٹنے کی بات کی تھی تو یہ عوام کو مشتعل کرنے والی باتیں تھیں۔

  • طاہرالقادری پرمقدمہ قابل مذمت ہے، ایم کیوایم رابطہ کمیٹی

    طاہرالقادری پرمقدمہ قابل مذمت ہے، ایم کیوایم رابطہ کمیٹی

    ایم کیوایم رابطہ کمیٹی کے سینئر ڈپٹی کنویئنر ندیم نصرت نے ڈاکٹر طاہرالقادری پر مقدمے کی مذمت کرتے ہوئے کہا کہ پنجاب حکومت کا فیصلہ غیر دانشمندانہ ہے۔ایم کیوایم رابطہ کمیٹی کے سینئر ڈپٹی کنوینر ندیم نصرت نے طاہر القادری پر مقدمے کی مذمت کرتے ہوئے کہا کہ حکومت پنجاب پر امن عوام کو مشتعل کرنے کا سبب بن سکتی ہے۔

    ان کا کہنا تھا کہ سیاسی معاملات کو طاقت کی پالیسی سے حل کرنے کے بجائے بات چیت اور افہام و تفہیم سے حل کیا جائے۔ندیم نصرت نے کہا کہ پاکستان عوامی تحریک کے یوم شہداء کے اجتماع کو سبوتاژ کرنے کیلئے ریاستی ہتھکنڈے استعمال کرنے کا عمل کسی بھی طرح ملک وقوم کیلئے سود مند قرارنہیں دیاجاسکتا.

    یہ عمل بنیادی انسانی حقوق کی سنگین خلاف ورزی ہے جس کی جتنی بھی مذمت کی جائے کم ہے۔ ندیم نصرت نے وزیراعظم پاکستان نوازشریف سے مطالبہ کیا کہ طاہر القادری کے خلاف قائم مقدمہ فی الفور واپس لیا جائے

  • کراچی آپریشن کے خاطر خواہ نتائج برآمد نہیں ہورہے، رابطہ کمیٹی

    کراچی آپریشن کے خاطر خواہ نتائج برآمد نہیں ہورہے، رابطہ کمیٹی

    ایم کیو ایم رابطہ کمیٹی کا کہنا ہےبے گناہ کارکنوں کی گرفتاریاں جاری ہیں جس کی وجہ سے کراچی آپریشن کے خاطر خواہ نتائج برآمد نہیں ہورہے۔

    متحدہ قومی موومنٹ کی رابطہ کمیٹی کا کہنا ہے ایم کیو ایم کے کارکنوں کی گرفتاریوں کا سلسلہ جاری ہے، رابطہ کمیٹی کاکہنا ہے زیرحراست کارکنوں کوتشددکانشانہ بنایاجارہاہے اورجھوٹے مقدمات میں ملوث کیا جارہا ہے، بے گناہ کارکنوں کی گرفتاریوں اورجانبدارانہ کارروائیوں کے باعث کراچی آپریشن کے خاطرخواہ نتائج برآمدنہیں ہورہے، رابطہ کمیٹی نے مطالبہ کیا کہ گرفتار کارکنوں کوعدالتوں میں پیش کیاجائے اوربے گناہوں کی گرفتاریاں بندکی جائیں۔

  • بچےکے بازوکاٹنے کا واقعہ: رابطہ کمیٹی کی جانب سے واقعے کی شدید مذمت

    بچےکے بازوکاٹنے کا واقعہ: رابطہ کمیٹی کی جانب سے واقعے کی شدید مذمت

    کراچی : متحدہ قومی موومنٹ کی رابطہ کمیٹی نے گجرات کے چک بھولا میں چوہدری مصطفی کی جانب سے معمولی تنازع پر دس سالہ معصوم تبسم کے دونوں بازوکاٹنے کے واقع کی سخت ترین الفاظ میں مذمت کی ہے۔

    رابطہ کمیٹی کا کہنا ہے سفاکانہ واقعات پنجاب میں روز مرہ کا معمول بن چکے ہیں اور پنجاب حکومت ان واقعات پر خاموش تماشائی کا کردار ادا کررہی ہے، جس کے باعث اس طرح کے واقعات میں اضافہ ہوتا چلا جارہا ہے ، رابطہ کمیٹی نے گورنر پنجاب چوہدری سرور اور وزیراعلیٰ پنجاب شہباز شریف سے مطالبہ کیا ہے معصوم تبسم پر ظلم کرنے والے چوہدری کو قانون کے مطابق سزا دی جائے۔

  • ایم کیو ایم رابطہ کمیٹی کے معطل 19 ارکان کو بحال کردیا گیا

    ایم کیو ایم رابطہ کمیٹی کے معطل 19 ارکان کو بحال کردیا گیا

    کراچی : غیر ذمہ دارانہ طرز عمل پر ایم کیو ایم رابطہ کمیٹی کے معطل انیس ارکان کو بحال کردیا گیا ہے، ایم کیوایم کے قائد الطاف حسین نے فیصلے کی توثیق کردی ہے۔

    غیر ذمہ دارانہ طرز عمل پر ایم کیو ایم رابطہ کمیٹی کے معطل کردہ انیس ارکان کو بحال کردیا، معطل ارکان نے غیر ذمہ دارانہ عمل پر اپنے معافی نامے بذریعہ فیکس الطاف حسین کو ارسال کئے تھے، جس کے بعد ان کی بحالی عمل میں آئی، پارٹی قائد الطاف حسین نےفیصلے کی توثیق کردی ہے۔

    جن ارکان کو معطل کیا گیا تھا ان میں حیدرعباس رضوی، کنورنوید جمیل، ڈاکٹرصغیراحمد،نسرین جلیل،عبدالرشید گوڈیل،یوسف شاہوانی،عادل صدیقی،اشفاق منگی،عادل خان،نثار پنہور،ممتازانور، سیف یار خان ،اسلم آفریدی شامل تھے، اس سے پہلے ایم کیو ایم کے الطاف حسین نے صبح گیارہ بجے نائن زیروفون کرکےحاضری لی، تو نائٹ شفٹ کے ذمہ داران سورہے تھے، صبح کی شفٹ سے بھی کوئی موجود نہ تھا، جس بنا پراراکین کو معطل کیاگیا۔