Tag: رابطہ کمیٹی

  • پارٹی گھروں سے نہیں چلتی ایم کیو ایم کا مرکز بہادر آباد میں ہے، رؤف صدیقی

    پارٹی گھروں سے نہیں چلتی ایم کیو ایم کا مرکز بہادر آباد میں ہے، رؤف صدیقی

    کراچی: ایم کیو ایم کے رہنماء اور رکن رابطہ کمیٹی رؤف صدیقی نے کہا ہے کہ اگر ہم پارٹی میں میرٹ کو پامال کریں گے تو کہیں کے نہیں رہیں گے، پارٹی گھروں سے نہیں چلتی، ایم کیو ایم کا مرکز بہادر آباد میں ہے۔

    ان خیالات کا اظہار انہوں نے اے آر وائی کے پروگرام ’سوال یہ ہے‘ میں انٹرویو دیتے ہوئے کیا، رؤف صدیقی کا کہنا تھا کہ ایم کیو ایم کی روایت میرٹ ہے اس پر کوئی سمجھوتا نہیں ہوسکتا، ہماری جماعت میں کوئی دیڈلاک نہیں ہے۔

    انہوں نے کہا کہ فاروق ستار بھائی رابطہ کمیٹی کے ساتھ بیٹھ کر اجلاس کریں، ان کے ساتھ کوئی مسئلہ ہے تو ہم سے شیئر کریں، ایم کیو ایم رابطہ کمیٹی دو تہائی اکثریت کے ساتھ فیصلے کرتی ہے۔

    سانحہ بلدیہ، رؤف صدیقی اور دیگر ملزمان پر فرد جرم عائد

    رؤف صدیقی کا کہنا تھا کہ پارٹی آئین میں کنوینئر کا ووٹ نہیں ہوتا، اگر ووٹنگ میں ٹائی ہوجائے تو کنوینئر ووٹ ڈال سکتا ہے، پڑھے لکھےلوگوں کی پارٹی ہے اس لیے اصولوں پر کوئی سمجھوتا نہیں کیا نہ کریں گے۔

    ان کا مزید کہنا تھا کہ تنظیمی ڈھانچے میں تبدیلیاں اس طریقے سے ہورہی تھیں جس کا کوئی سر تھا نہ پیر، ایم کیو ایم میں 7،8 ماہ سے یہ معاملات چل رہے تھے، پارٹی گھروں سے نہیں چلتی، ایم کیو ایم کا مرکز بہادر آباد میں ہے۔

    میں بھی دونوں جماعتوں کے مل کر بیٹھنے کے حق میں تھا، رؤف صدیقی

    خیال رہے متحدہ قومی موومنٹ میں اختالافات کی وجہ بننے والے کامران ٹیسوری نے آج بڑا فیصلہ لیتے ہوئے اپنا استعفیٰ پارٹی کے سربراہ ڈاکٹر فاروق ستار کو بھیج دیا ہے، میڈیا سے گفتگو کرتے ہوئے ان کا کہنا تھا کہ کافی دنوں سے یہ تاثر دیا جارہا تھا کہ میں فاروق ستار کے فیصلوں پر اثر انداز ہو رہا ہوں۔

    دوسری جانب ایم کیو ایم بہادر آباد گروپ کے گلشن اقبال میں جاری جلسے میں میڈیا سے بات چیت کرتے ہوئے رابطہ کمیٹی کے ارکان کا کہنا تھا کہ فاروق ستار آئیں اورکنوینرکی سیٹ سنبھالیں۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • فاروق ستار آئیں اورکنوینرکی سیٹ سنبھالیں: رابطہ کمیٹی کا ردعمل

    فاروق ستار آئیں اورکنوینرکی سیٹ سنبھالیں: رابطہ کمیٹی کا ردعمل

    کراچی: ایم کیو ایم پی آئی بی گروپ کے سربراہ فاروق ستار کی جانب سے اپنے سینیٹ کے امیدواروں سے دستبرداری کے بعد کراچی کی سیاست میں نیا موڑ آگیا.

    تفصیلات کے مطابق فاروق ستار کی جانب سے سینیٹ امیدواروں کی سیلیکشن سے دستبرداری کے اعلان کا رابطہ کمیٹی کی جانب سے خیرمقدم کیا گیا ہے. ایم کیو ایم بہادر آباد گروپ کے گلشن اقبال میں جاری جلسے سے میڈیا سے بات چیت کرتے ہوئے رابطہ کمیٹی کے ارکان کا کہنا تھا کہ فاروق ستار آئیں اورکنوینرکی سیٹ سنبھالیں۔

    جلد زبردست بریک تھرو ہوگا: خواجہ اظہار الحسن

    ایم کیو ایم کے مرکزی رہنما خواجہ اظہار الحسن کا کہنا ہے کہ ہمارے دل میں فاروق ستارکی جوجگہ ہے، وہ ہمیشہ رہے گی، ہم ایک جسم کے دوبازو ہیں، جدا ہو ہی نہیں سکتے. انھوں نے امید ظاہر کی کہ 24 گھنٹے میں زبردست بریک تھروہوگا، برف پگھلے گی.

    خواجہ اظہار الحسن کا کہنا تھا کہ ہم پہلے دن سے فاروق بھائی سے کہہ رہے تھے، آپ نام فائنل کرلیں، آج انہوں نے کہہ دیا کہ ہم نام فائنل کرلیں. ان کا مزید کہنا تھا کہ فاروق بھائی کی ناراضی اب ختم ہونے والی ہے۔

    ہم سب فاروق ستارکی عزت کرتے ہیں، وہ آجائیں: کنور نوید جمیل

    میڈیا سے بات کرتے ہوئے کنور نوید جمیل نے کہا کہ فاروق ستار کا اقدام مثبت ہے، ہم فاروق ستار سے مسلسل کہہ رہے تھے، امیدوار فائنل کریں. فاروق ستارآئیں اور کنوینر کی سیٹ سنبھالیں.

    کنور نوید جمیل نے کہا کہ کامران ٹیسوری پرجو اعتراض تھا، وہ برقرار ہے، ہم سب فاروق ستارکی عزت کرتے ہیں، وہ آجائیں، الیکشن کمیشن میں جو 16 نام دیے ہیں، فاروق ستار کی مشاورت سے انھیں میں سے چار فائنل کریں گے. اجلاس کے بعد بیٹھ کر مشاورت کریں گے.

    فاروق ستار بہادرآباد آئیں اور رابطہ کمیٹی کا اجلاس بلائیں

    ایم کیو ایم کی سنیئر رہنما نسرین جیل کا کہنا تھا کہ سینیٹ ٹکٹ تو بہانہ بن گیا، اصل بات یہ ہے کہ پارٹی آئین، منشور اور اختیارات کیا ہیں، ابھی بہت سی باتیں طے نہیں، پارٹی کہاں ہے اور کیا ہے یہ الیکشن کمیشن کو بتانا ہے.

    ان کا مزید کہنا تھا کہ جو بھی غلطی پرہے، اسے تسلیم کرے، یہ سلسلہ اب ختم ہونا چاہیے. فاروق ستار بہادرآباد آئیں اوررابطہ کمیٹی کا اجلاس بلائیں.


    رابطہ کمیٹی چار سینیٹرز کے نام دے دے: فاروق ستار کا اپنے امیدواروں سے دستبرداری کا اعلان


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • رابطہ کمیٹی چار سینیٹرز کے نام دے دے: فاروق ستار کا اپنے امیدواروں سے دستبرداری کا اعلان

    رابطہ کمیٹی چار سینیٹرز کے نام دے دے: فاروق ستار کا اپنے امیدواروں سے دستبرداری کا اعلان

    کراچی : ایم کیو ایم کے رہنما ڈاکٹر فاروق ستار نے کہا ہے کہ رابطہ کمیٹی کے تحلیل شدہ اراکین سینیٹرز کے نام دے دیں ان کا اعلان میں خود باضابطہ طور پر کررہاہوں، ان کے دیئے گئے نام ہی میرے نام ہوں گے۔

    یہ بات انہوں نے پی آئی بی میں پریس کانفرنس سے خطاب کرتے ہوئے کہی، فاروق ستار کا کہنا تھا کہ تحریک کے شہداء کی قربانیوں، مہاجرقوم، تنظیم کو بچانے،40سال کی جدوجہد بچانےکیلئے بڑا فیصلہ کیا ہے۔

    انہوں نے کہا کہ سینیٹ کی چارسیٹوں کیلئے بہادرآباد اپنی مرضی کے نام دے دے، میں سینیٹ کیلئے ناموں سے دستبردار ہوگیا ہوں، باقی لوگوں کے نام میں کل میں خارج کردوں گا۔

    بہادرآباد میں تحلیل شدہ رابطہ کمیٹی ارکان چار نام دیں، میری طرف سے بھی وہی چار نام بطور امیدوار ہوں گے، ان میں کامران ٹیسوری ہو یا کوئی بھی ہو، یہ میرا مسئلہ نہیں۔

    ان کا کہنا تھا کہ میں ان ناموں کا اعلان کردوں گا، میرامقصد تنظیم کو تقسیم ہونے سے بچانا ہے، یہ مسئلہ نہیں تھا، بنا دیا گیا،اس لئے میں نے پہل کرکے اعلان کردیا۔

    انہوں نے واضح کیا کہ سینیٹ الیکشن کیلئے اب میرا کوئی نام یا کوئی امیدوار نہیں، تنظیم کی بڑی تعداد میرے ساتھ ہے، کارکنان میں بدگمانی نہ پھیلائی جائے کہ فاروق ستار بھائی ضد پراڑے ہوئے ہیں۔

    انہوں نے کہا کہ میں 3 مرتبہ بہادرآباد جارہا تھا، وہیں سے کوئی نہ کوئی رکاوٹ آئی، شرط رکھی گئی کہ جنرل ورکرز اجلاس ملتوی کروں، عامر خان بھائی پی آئی بی جنرل ورکرزاجلاس میں آجاتے تو معاملہ حل ہوجاتا۔

    فاروق ستار کا مزید کہنا تھا کہ میرا یہ مسئلہ ہے کہ کچھ معاملات میں آخری فیصلے کا اختیارسربراہ کا ہونا چاہئے، سربراہ کی عزت ہونی چاہئے، بااختیار سربراہ بننے میں میری مدد کریں۔

    انہوں نے کہا کہ گلشن اقبال میں کالعدم، نہیں تحلیل شدہ رابطہ کمیٹی ارکان اجلاس کررہے ہیں، وہاں کااجلاس غیر آئینی وغیر قانونی ہے۔

    میرا بھی دل دکھا ہوا ہے، بہت افسوس ہے، پپوسارے پرچوں میں فیل ہے، آج وہ بھی فیصلہ آجائے گا، الیکشن کمیشن نے ہمارے انٹرا پارٹی الیکشن کو روکنےسے منع کیا ہے۔

  • مشرف کا ایم کیو ایم کی صدارت سنبھالنا ممکن نہیں، فروغ نسیم

    مشرف کا ایم کیو ایم کی صدارت سنبھالنا ممکن نہیں، فروغ نسیم

    کراچی: ایم کیو ایم رابطہ کمیٹی کے رکن بیرسٹر فروغ نسیم نے کہا ہے کہ جمہوری لوگوں سے موازنہ کریں تو فوجی میرٹ پر فیصلہ کرتے ہیں، پرویز مشرف کا ایم کیو ایم کی صدارت سنبھالنا ممکن نہیں۔

    ان خیالات کا اظہار انہوں نے اے آر وائی نیوز کے پروگرام ’الیونتھ آوور‘ میں انٹرویو دیتے ہوئے کیا، فروغ نسیم کا کہنا تھا کہ مجھے پرویز مشرف کا فون آیا انہوں نے کہا کہ فاروق ستار پارٹی کی صدارت کا کہہ رہے ہیں، مشرف خودحیران تھےکہ یہ کیا بات کر رہے ہیں۔

    فاروق ستار پارٹی کا نام اور انتخابی نشان استعمال نہیں کرسکتے، فروغ نسیم

    انہوں نے کہا کہ مشرف دور میں تقرریاں میرٹ پر ہوئیں، فون کے دوران میں نے اُن کے دور کی تعریف کی، فاروق ستار سے میری ملاقاتیں ہوئیں جس میں انہوں نے کامران ٹیسوری سے متعلق بات چیت کی، میں نے جو کہا فاروق ستار کو کچھ لوگوں نے اور بتایا۔

    فروغ نسیم کا کہنا تھا کہ کل فاروق ستار کا فون آیا انہیں کہا اکیلے آکر رابطہ کمیٹی کے ساتھ بیٹھ جائیں، جس پر انہوں نے کہا کہ فون پر بتاؤں گا لیکن ابھی تک کوئی فون نہیں آیا، فاروق ستار سے درخواست ہے تنازعات کو جلد سے جلد حل کریں۔

    رابطہ کمیٹی دوتہائی اکثریت سے کنوینرتبدیل کرسکتی ہے: فروغ نسیم

    انہوں نے کہا کہ بانی ایم کیو ایم کے زمانے میں بھی رابطہ کمیٹی ایک ہوجائے تو بانی ضد نہیں کرتے تھے، عشرت العباد سے پوچھ لیں جن معاملات پر رابطہ کمیٹی ایک ہوجائے تو کسی کی نہیں چلتی تھی، پارٹی میں عہدہ لینے کی آفر کی گئی لیکن مجھے نہیں لینا۔

    ان کا مزید کہنا تھا کہ فاروق ستار کے لیے ڈرافٹنگ 10 سال سے کر رہا ہوں، ڈرافٹنگ کروانے والوں میں صرف فاروق بھائی نہیں اور بھی لوگ موجود تھے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • دو سے چار دن میں فاروق ستار سے بات چیت کی راہ نکل جائے گی، کنور نوید

    دو سے چار دن میں فاروق ستار سے بات چیت کی راہ نکل جائے گی، کنور نوید

    کراچی: متحدہ قومی مومنٹ کے رہنما اور رابطہ کمیٹی کے رکن کنور نوید جمیل نے کہا ہے کہ امید ہے فاروق ستار اس خلیج کو ختم کردیں گے، دو سے چار دن میں بات چیت کی راہ نکلے گی۔

    ان خیالات کا اظہار انہوں نے اے آر وائی نیوز کےپروگرام الیونتھ آوور میں انٹرویو دیتے ہوئے کیا، کنور نوید جمیل کا کہنا تھا کہ فاروق ستار ہم سے ناراض ہیں، وہ آئیں تو بات جیت کے زریعے معاملے کو حل کرنے کی کوشش کریں گے۔

    انہوں نے کہا کہ فاروق ستار کے قریبی لوگوں نے انہیں کہا آپ کو نواز شریف، آصف زرداری، بانی ایم کیو ایم جیسا لیڈر ہونا چاہیے انہوں نے باتوں میں آکر آئین میں ترمیم کی، فاروق ستار نے آئین میں ترمیم سے پہلے رابطہ کمیٹی کو اعتماد میں نہیں لیا تھا۔

    آئین کا آرٹیکل 248 شریعت کے منافی ہے، ختم کیا جائے، کنور نوید جمیل

    کنور نوید کا کہنا تھا کہ پارٹی آئین میں ارکان کے دستخط کہاں سے آئیں ہمیں نہیں پتہ، آئین ہماری ٹیبل پر آتا تو ہم دستخط کرتے، ہو سکتا ہے ہمارے پرانے دستخط استعمال کر لیے گئے ہوں، میرا فاروق ستار سےآخری رابطہ 11 فروری کو ہوا بعد میں ساتھیوں کی بات ہوتی رہی۔

    رکن رابطہ کمیٹی کنور نوید جمیل نے کہا کہ ٹکٹ دینے کا اختیار خالد مقبول صدیقی کے پاس ہے، ہمارے 16 امیدوارن کے ٹکٹ پر خالد مقبول نے دستخط کر کے فاروق ستار کو بھجوائے اور انہیں کہا گیا کہ 16 میں سے 4 نام فائنل کرلیں، ان میں کامران ٹیسوری کا بھی نام شامل تھا۔

    سوشل میڈیا پر چلنے والاوسیم اختر کا اعترافی بیان جھوٹ کا پلندہ ہے.کنور نوید جمیل

    ان کا کہنا تھا کہ رابطہ کمیٹی کسی بھی پارٹی عہدیدار کو ہٹا سکتی ہے، پارٹی آئین کے مطابق فاروق ستار کنوینئر نہیں، ہمیں جب آئین میں تبدیلی کا پتا چلا تو ہم نے اعتراض کیا۔

    کنور نوید جمیل کا مزید کہنا تھا کہ سردار احمد آج ایک اور کوشش کرنے پی آئی بی گئے تھے، مجھے پتا چلا کہ بزنس کمیونٹی نے فاروق ستار سے آج ملاقات کی ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سازش کے تحت ایم کیوایم حقیقی ٹوکے قیام کی بنیاد رکھ دی گئی، فاروق ستار

    سازش کے تحت ایم کیوایم حقیقی ٹوکے قیام کی بنیاد رکھ دی گئی، فاروق ستار

    کراچی : ایم کیو ایم پاکستان کے رہنما ڈاکٹر فاروق ستار نے کہا ہے کہ رابطہ کمیٹی کا فیصلہ اس بات کا ثبوت ہے کہ مسئلہ ایک فرد کا نہیں بلکہ پارٹی پرقبضےکاہے، آج ایم کیوایم حقیقی ٹو کےقیام کی بنیاد رکھی گئی ہے، مجھے نہیں وفادار اور محنتی کارکنان کو ایم کیوایم سے نکالا گیا۔

    ان خیالات کا اظہار انہوں نے پی آئی بی کالونی میں میڈیا سے گفتگو کرتے ہوئے کیا، فاروق ستار کا کہنا تھا کہ سازش بے نقاب ہوگئی، میرے نادان، ناسمجھ ساتھیوں، بھائیوں نے ثابت کردیا کہ مسئلہ ایک فرد کا یا سینیٹ کی سیٹوں کا نہیں ہے پارٹی سربراہی اور پارٹی پر قبضے کا ہے، میرے ساتھیوں نے بردارانِ یوسف کا کردار ادا کرتے ہوئے آج ایم کیوایم حقیقی ٹو کےقیام کی بنیاد رکھی۔

    فاروق ستار نے کہا کہ میں نے اتنی غلطیاں کی تھیں تو سینیٹ الیکشن کا انتظار ہی نہیں کرنا چاہیے تھا، مسئلہ ساری سیٹوں پر اپنے من پسند لوگوں کو نامزد کرنے کا تھا، نیک نیتی تھی تو یہ قرارداد7فروری کو کیوں منظور کی گئی؟

    انہوں نے ازراہ مذاق کہا کہ میں پھر بھی یہ نہیں کہوں گا کہ مجھے کیوں نکالا؟ انہوں نے مجھے نہیں نکالا بلکہ ایک ایک کارکن کو نکالا گیا ہے، میرے اسیروں اور لاپتہ ساتھیوں کےخون کا سودا کیا گیاہے، معاملہ سیٹ پر قبضہ دینے کےاختیار کا تھا۔

    کنورنوید جواب دیں منصوبہ ہوتا ہے تو تیاری کی جاتی ہے، ایک طرف منصوبہ بندی اور دوسری طرف ثالثی کی پیش کش کی جارہی تھی، کل یہ کہاگیا ہم میں سے کسی کو کنوینر نہیں بننا، جوکنوینر ہےاسی کو فارغ کردیا گیا، اب کنوینر کی کرسی پر کوئی نہ کوئی تو بیٹھے گا؟

    انہوں نے کہا کہ میں نے کل بھی کہا تھا کہ پارٹی کو تقسیم سے بچاؤ، سینیٹ نشستوں کو لات مارو، لیکن یہ کہتے ہیں میری ساری باتیں مان لیں گئیں لیکن میری کوئی تجویز نہیں تھی، تمام تجاویز رابطہ کمیٹی کی اپنی تھیں، یہ لوگ اپنے مفادات کو ایک ٹکٹ دینے کی آڑ میں چھپا رہےہیں، قبضہ گروپ بالکل سفیدجھوٹ بول رہاہے۔

    انہوں نے کہا کہ اس بات کرارار جواب کے ایم سی اسٹیڈیم میں دیا جائےگا، اس میں فیصلہ ہوگا کہ کارکن رابطہ کمیٹی کے ساتھ ہیں یا وہ میرا ساتھ دے رہے ہیں؟ کارکنوں کااجلاس اور کارکنوں کی اسمبلی جمع ہوگی پھرجواب دیاجائیگا۔

  • سینیٹ کے لیے چار نئے لوگوں کے ناموں کے انتخاب پراتفاق ہوگیا ہے، فاروق ستار

    سینیٹ کے لیے چار نئے لوگوں کے ناموں کے انتخاب پراتفاق ہوگیا ہے، فاروق ستار

    کراچی : سربراہ ایم کیوایم پاکستان ڈاکٹر فاروق ستار نے کہا ہے کہ سینیٹ کے لیے دونوں جانب سے جمع کرائے گئے امیدواروں میں سے چار نئے ناموں کا انتخاب کیا جائے گا.

    ان خیالات کا اظہار انہوں اپنے گھر واقع پی آئی بی میں اراکین رابطہ کمیٹی سے ملاقات کے بعد میڈیا سے گفتگو کر رہے تھے، فاروق ستار کا کہنا تھا کہ آج کنورنوید، عامرخان، خالدمقبول اور وسیم اختر آئے تھے جن سے گفتگو کے دوران 7 فروری کے فیصلے پر اتفاق ہو گیا ہے جس کے تحت پچھلے امیدواروں کے بجائے چار نئے امیدواروں کا انتخاب ہوگا.

    انہوں نے مزید کہا کہ 7 فروری کے فیصلے کے تحت نسرین جلیل، فروغ نسیم، امین الحق، شبیر قائم خانی، عامر خان اور کامران ٹیسوری کے بجائے چار نئے نام سامنے لانے کے لیے مل کر بیٹھیں گے اور مل جل کر کوئی نہ کوئی فیصلہ کرلیں گے وگرنہ اتحاد کو برقرار رکھنے کے لیے اگر سینیٹ کے نشست سے دستبردار بھی ہونا پڑجائے تو کوئی بات نہیں.

    سربراہ ایم کیو ایم پاکستان نے کہا کہ اختلاف کا پہلو 5 فروری کو سامنے آیا لیکن تکلیف کی بات یہ ہے کہ یہ بات میڈیا میں آ گئی حالانکہ اسی دن کامران ٹیسوری نے مجھے سینیٹ کے الیکشن میں حصہ لینے یا نہ لینے کا بلینک چیک دے دیا اور فیصلہ میری صوابدید پر چھوڑ دیا تھا یعنی مسئلہ ٹیسوری کا نہ تھا.

    انہوں نے اعلان کیا کہ کل پی آئی بی میں کے ایم سی اسٹیڈیم میں کارکنان کے جنرل اسمبلی کا اجلاس 3 بجے ہوگا جہاں اس حوالے سے مزید مشاورت کی جائے گی اور ساتھ ہی الیکشن سیل کے ذمہ داران دونوں جانب سے جمع کرائے گئے 17 امیدواروں میں سے چار نئے نام منتخب کرلیں گے.


    ساری زندگی کنوینرنہیں بنوں گا: عامرخان آبدیدہ ہوگئے


    ڈاکٹر فاروق ستار نے کہا کہ کل اسکروٹنی کا دن بھی ہے چنانچہ اس سے قبل ہم چار نئے نام منتخب کرلیں گے اور بقیہ لوگ اپنے فارم واپس لے لیں گے لیکن یہ چاروں نام نئے نام ہوں گے جب کہ رابطہ کمیٹی کی اس بات سے بھی متفق ہوں کہ ایسا اجلاس ہونا چاہئے جس کی سربراہی رابطہ کمیٹی کے سربراہ کو کرنی چاہئے.

    خیال رہے کہ اس سے قبل ایم کیوایم رابطہ کمیٹی نے بہادر آباد میں واقع عارضی دفتر کے باہر پریس کانفرنس سے خطاب کرتے ہوئے الیکشن کمیشن کو بھیجے گئے خط کو واپس لینے کا بھی اعلان کیا جس کے بعد اراکین رابطہ کمیٹی فاروق ستار کے پاس پی آئی بی پہنطے تھے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • رابطہ کمیٹی کا ایکشن، کامران ٹیسوری کی رکنیت 6 ماہ کے لئے معطل

    رابطہ کمیٹی کا ایکشن، کامران ٹیسوری کی رکنیت 6 ماہ کے لئے معطل

    کراچی: فاروق ستار اور بہادر آباد گروپ میں‌ اختلافات شدید ہوگئے، رابطہ کمیٹی نے تنظیمی نظم وضبط کی خلاف ورزی پرکامران ٹیسوری کی 6ماہ کیلئےرکنیت معطل کر دی ہے۔

    تفصیلات کے مطابق آج بہادر آباد میں‌ ہونے والے اجلاس میں‌ کامران ٹیسوری کو ڈپٹی کنوینر کی ذمہ داریوں سے سبکدوش کردیا گیا۔

    سرکلر کے مطابق کامران ٹیسوری کو رابطہ کمیٹی کی تمام ذمے داریوں سے ہٹا دیا گیا۔

    رابطہ کمیٹی نے کامران ٹیسوری کی رکنیت 6 ماہ کے لئے معطل کرتے ہوئے کہا ہے کہ کارکن کامران ٹیسوری سے کسی قسم کارابطہ نہ رکھیں۔

    واضح رہے تنظیمی نظم و ضبط کی خلاف ورزی پر کامران ٹیسوری کی 6 ماہ کے لیے رکنیت معطل کی گئی ہے، سرکلر میں‌ موقف اختیار کیا گیا ہے کہ کامران ٹیسوری کو ڈپٹی کنوینرکےعہدے سے ہٹا دیا گیا۔

    رابطہ کمیٹی نے بہادرآباد میں آج 2 بجےاجلاس طلب کرلیا

    یاد رہے کہ رابطہ کمیٹی نے بہادرآباد میں آج 2 بجےاجلاس طلب کیا تھا. فیصل سبزواری نے کہا تھا کہ رابطہ کمیٹی نے بہادرآباد میں آج 2 بجے اجلاس طلب کیا ہے، اجلاس میں فاروق ستارکودعوت دیں گے، وہ نہ آئے تو بھی اجلاس ہوگا۔

    میں نے23 اگست کوپارٹی کوبچایا تھا، کارکن 11فروری کوپارٹی بچائیں‘ فاروق ستار

    قبل ازیں کراچی کے علاقے پی آئی بی میں پریس کانفرنس کرتے ہوئے ایم کیو ایم کے سربراہ فاروق ستار نے کہا تھا کہ پارٹی نظم وضبط کی خلاف ورزی کرنے والے ارکان کوشوکازنوٹس بھجواؤں گا۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔

  • رابطہ کمیٹی نے بہادرآباد میں آج 2 بجےاجلاس طلب کرلیا

    رابطہ کمیٹی نے بہادرآباد میں آج 2 بجےاجلاس طلب کرلیا

    کراچی: ایم کیو ایم پاکستان کے رہنما فیصل سبزواری کا کہنا ہے کہ رابطہ کمیٹی نے بہادرآباد میں آج 2 بجےاجلاس طلب کرلیا۔

    تفصیلات کے مطابق متحدہ قومی موومنٹ پاکستان کے رہنما فیصل سبزواری کا کہنا ہے کہ ایم کیو ایم پاکستان کے سربراہ فاروق ستار کی جانب سے شوکازنوٹس آئے گا توطے کریں گے کہ جواب دینا ہے یا نہیں۔

    فیصل سبزواری نے کہا کہ رابطہ کمیٹی نے بہادرآباد میں آج 2 بجے اجلاس طلب کرلیا، اجلاس میں فاروق ستارکودعوت دیں گے وہ نہ آئے تو بھی اجلاس ہوگا۔

    ایم کیو ایم پاکستان کے رہنما نے کہا کہ ہمارے 2 ساتھی فاروق ستار کی گفتگو سننے گئےتھے، فاروق ستارکے رویے نے مایوس کیا۔

    فیصل سبزواری نے کہا کہ رابطہ کمیٹی نے خالد مقبول صدیقی کوٹکٹ دینےکا اختیاردیا۔

    انہوں نے کہا کہ کاغذات نامزدگی جمع کرانے کی تاریخ گزرچکی ہے، سینیٹ امیدوارپرمشاورت کے لیے فاروق ستار کو دعوت دی تھی۔


    میں نے23 اگست کوپارٹی کوبچایا تھا، کارکن 11فروری کوپارٹی بچائیں‘ فاروق ستار


    خیال رہے کہ اس سے قبل کراچی کے علاقے پی آئی بی میں پریس کانفرنس کرتے ہوئے ایم کیو ایم کے سربراہ فاروق ستار کا کہنا تھا کہ پارٹی نظم وضبط کی خلاف ورزی کرنے والے ارکان کوشوکازنوٹس بھجواؤں گا۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔

  • رابطہ کمیٹی نےکڑوی باتیں کیں‘ مجھےانتہائی صدمہ ہوا‘ فاروق ستار

    رابطہ کمیٹی نےکڑوی باتیں کیں‘ مجھےانتہائی صدمہ ہوا‘ فاروق ستار

    کراچی: ایم کیوایم پاکستان کے سربراہ فاروق ستار نے کہا کہ کئی روز سے کارکنان ذہنی اضطراب سے دوچار ہیں، عقلمندی کا تقاضا تھا کہ گھر کی لڑائی اور اختلافات کو گھر میں ہی رکھتے۔

    تفصیلات کے مطابق سربراہ ایم کیو ایم پاکستان فاروق ستارنے پی آئی بی میں جوابی پریس کانفرنس کرتے ہوئے کہا کہ رابطہ کمیٹی کے رویے سے افسوس ہوا۔

    فاروق ستار نے کہا کہ فیصل سبزواری کی باتوں سے مجھے صدمہ پہنچا، انہوں نے کہا کہ فیصل سبزواری کے لہجے میں غصہ اور میرے لہجے میں صدمہ ہے۔

    سربراہ ایم کیو ایم پاکستان نے کہا کہ صرف فارق بھائی کہنا عزت نہیں ہے جب میں بہادرآباد جا رہا تھا پھرکیوں اتنی جلدی کی گئی۔

    فاروق ستار نے کہا کہ یہ مسئلہ پریس کانفرنس اور پبلک میں جائے بغیرحل ہوسکتا تھا۔

    انہوں نے خواجہ اظہارالحسن، رؤف صدیقی اور جاوید حنیف کی جانب سے معاملات حل کرنے کے لیے کی جانے والی مخلصانہ کوششوں پر تینوں رہنماؤں کو خراج تحسین پیش کیا۔

    ایم کیو ایم پاکستان کے سربراہ نے کہا کہ کامران ٹیسوری سینیٹ نشست سے دستبردارہونے کے لیے تیار ہیں، رابطہ کمیٹی کو آج نہیں تو کل غلطی کا احساس ہوگا۔

    فاروق ستار نے کہا کہ کامران ٹیسوری اورشبیرقائمخانی سے متعلق رائے برابرتھی، کامران ٹیسوری گزشتہ رات پی آئی بی میں برے رویے پرروئے۔

    انہوں نے کہا کہ دوتہائی اکثریت بہادرآباد میں ہے توایک تہائی ادھرہے، ایم پی ایزآج بھی پی آئی بی میں ہمارے ساتھ موجود ہیں۔

    ایم کیو ایم پاکستان کے سربراہ کو پریس کانفرنس کے درمیان کینیڈا سے حیدرعباس رضوی کا فون آیا۔

    فاروق ستار نے حیدرعباس رضوی سے کہا کہ آپ نے سپورٹ بہادرآباد کا نعرہ لگایا، کینیڈا میں بیٹھ کرپارٹی بن رہے ہیں تو یہ غلط ہے۔

    ایم کیو ایم پاکستان کے سربراہ فاروق ستا ر نے پریس کانفرنس کے آخر میں حیدرعباس رضوی کو فون پرجھڑکنے پر معافی مانگ لی۔


    ایم کیوایم بکاؤ مال نہیں ہے‘ فیصل سبزواری


    خیال رہے کہ اس سے قبل ایم کیو ایم پاکستان کے رہنما فیصل سبزواری نے کہا تھا کہ فاروق ستار پارٹی کنوینرہیں، ہم ساری باتیں نہیں مان سکتے، پارٹی آئین میں فرد واحد کو صوابدیدی اختیار حاصل نہیں ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔