فرانس کے جوولفریڈ سونگا نے ریکارڈ گرینڈ سلم ونر سوئٹزرلینڈ کے راجر فیڈرر کو شکست دے کر راجرز کپ ٹینس ٹورنامنٹ جیت لیا۔
ٹورنٹو میں کھیلے جانے والے ٹائٹل معرکے میں سونگا نے فیڈرر کو اسٹریٹ سیٹس میں آؤٹ کلاس کیا، سونگا کی تیز سروس کا سوئس کھلاڑی کے پاس کوئی توڑ نہ تھا،فرانسیسی کھلاڑی نے پہلا سیٹ سات پانچ سے جیت کر برتری حاصل کی۔
دوسرے سیٹ میں دونوں کھلاڑیوں کے درمیان سنسنی خیز مقابلہ ہوا، فیڈرر کو میچ میں واپسی کے لئے ٹائی بریک پر کامیابی حاصل کرنا تھی لیکن سونگا نے کوئی غلطی کئے بغیر میچ سات چھ سے جیت کر اپنے نام کرلیا، یہ سونگا کے کیرئیر کا گیارواں اور رواں سیزن کا پہلا ٹائٹل ہے، ادھر ویمنز سنگلز کا ٹائٹل پولینڈ کے اگنیسکا رڈوانسکا نے جیت لیا، فائنل میں پولینڈ کی کھلاڑی نے امریکہ کی وینس ولیمز کو اسٹریٹ سیٹس میں زیر کیا،رڈوانسکا کی فتح کا اسکور چھ چار اور چھ دو رہا۔
